مثلثات التسخين في استعدال وتني قطاعات الاستيل ستراكشر

#كل_يوم_زتونة
مثلثات التسخين في استعدال وتني قطاعات الاستيل سواء كان plates او beams،لا غني عنها اطلاقا في مجال صناعة الاستيل ستراكشر
ومثلثات التسخين دي تعتبر واحدة من انماط التسخين الحراري الاكثر فاعلية من بين كل انماط التسخين المعروفة واللي كنا اتكلمنا عنها في الفيديوهات السابقة.
وتعرف مثلثات التسخين دي بإسم ال V Heat او ال Heat Wedge
ومن الاسم بتاعها بتكون واخده شكل مثلث له راس وقاعدة وتبدأ عملية التسخين اولا من جهة الراس مرورا بالاضلاع ثم الي القاعدة.
وعشان تعمل الاستعدال او التني باستخدام النمط ده من التسخين فيه شوية حاجات لازم تاخد بالك منها وتعمل حسابها:
١)بداية او موضع وجود المثلث (Apex) بالنسبة لعرض القطاع او ل ال plate وده بيكون تقريبا من تلت الي ربع عرض الفلانشة.
واتجاه ال Apex بيكون في اتجاه الجزء اللي هيطول.
٢)اتجاه قاعدة المثلث وده دايما بيبقي موجود في الجانب اللي هيتم انكماشه او الجانبي اللي هيقصر.
٣)عرض قاعدة المثلث وده بيبقي ليه معادلات هنستعرضها مع مثال عملي يوضح الامور في الفيديو أسفله.
٤)درجة الحرارة اللي هيتم التسخين عندها وهي حوالي ٦٥٠ درجة مئوية ولما بتوصل الي ٣١٥ درجة مئوية بنستخدم هواء عشان نسرع عملية التني او الاستعدال.
يالا بينا 👇

[@Scarecrow.0_o]

جزاكم الله خيرا يا هندسة

[@ibrahim-elged]

واياكم يارب

[@magedseleem1616]

شكرا جدا يا هندسه

[@ibrahim-elged]

الشكر لله
اتمني الفيديو يكون عجبك

[@salehhamdan5595]

الله يكرمك يا هندسه

[@ibrahim-elged]

تسلم حبيبي