Book Room #2 [Арьсан хүрэмтэй Мадонна] Би бүр эхнээс нь ярьмаар байна.

Энэ удаад “Арьсан хүрэмтэй Мадонна” зохиолтой хамт 1920-иод оны үеийн Берлин, Туркээр тэр дундаа хайрлаж дурласан “харь” хүмүүсийн дотоод ертөнцөөр аялацгаая.
Зохиол доторх зохиол хэлбэрээр бичигдсэн уг бүтээлээрээ Сабаххатин Али тухайн үеийн нийгэм дэхь хүмүүс хоорондын ялгааг тун даруухан боловч маш хурц тод илэрхийлж чаджээ. Магад цаг хугацааны явцад айхтар хувирч өөрчлөгдөөгүй хүний дотоод мөн чанарыг дэлгэн харуулснаараа мөн хайр дурлалын эмгэнэлтэй мэт боловч жир биш сайхан түүхийн өгүүлж чадсанаараа дэлхийн номонд хайртай уншигч залуусийн зүрх сэтгэл ой тойноос арчигдаж мартагдалгүй хоногшин үлдэж буй нь энэ биз ээ. Эл бүтээл 1943 онд анх Туркд хэвлэгдсэн боловч хэвлэн нийтлэлч болон шүүмжлэгчдэд айхтар тоогдоогүй. Харин эсрэгээрээ турк залуусийн дунд гараас гар дамжин уншигдсаар 2013 оноос хойш төрөлх турк улсдаа дахин хэвлэгдсэн цагаасаа хойш уншигчдын ярианы сэдэв болж хамгийн хайртай бүтээлийн нэгд зүй ёсоор тооцогдох болжээ. Цаашлаад 2016 онд Англи, Монгол хэл дээр зэрэг шахуу орчуулагдаж дэлхий даяар маш хурдан түгэж Орхан Памукын бүтээлүүтэй энэ зэрэгцэн хамгийн өндөр борлуулалттай номын тоонд орох болжээ. (Сабаххатин Алигийн гучин дөрөв таван настай байхдаа бичсэн энэхүү бүтээлээс өмнөх романууд түүнийг аль хэдийнэ Туркийн 20-р зууны аугаа сод туурвигчдын нэг болгож Турк сурах бичгийн заавал уншигдах номын тоонд ордог. Тэгэхээр энэ бүтээлд шүүмжлэгч хэвлэн нийтлэгчид хэсэг хугацаанд ч болов алдаатай хандаж ирсэнийг уншигчид батлах мэт санагднам)
Host: Banzragchgarav Ariya