IKINAMICO NAYOBOTSE UBUYOBE/IKINAMICO NSHYASHYA 2022

[@carolineuwanyuze9786]

Iyaba abantu bemeraga kuyoborwa n'ibyanditswe byera nkuko byanditse mu gitabo cy'Imana Bibiiya ntibakaguye muri uyu mutego wo gucucurwa utwabo n'ibyo bisambo byihishe inyuma y'ijambo ry'Imana barivugira ibyo ritavuze. ahari basinduka bakava muri uwo mutego wa satani. Bakamenya yuko ibyo Imana yashimye ko tuyimenyaho yabyandikishije mu ijambo ryayo aho kuyobywa n'umuntu runaka wiyita umuhanuzi cg intumwa.
(Abaheburayo 1:1-2 Kera Imana yavuganiye na ba sogokuruza mu kanwa k'abahanuzi mu bihe byinshi no mu buryo bwinshi, naho muri iyi minsi y'imperuka yavuganiye natwe mu kanwa k'Umwana wayo, uwo yashyiriyeho kuba umuragwa wa byose ari we yaremesheje isi).
kuko ibyo intumwa n'abahanuzi bavuze biragaragara neza mu byanditswe byera ndetse n'icyo bivuga aricyo Yesu Kristo wenyine wabambwe kugira ngo umwizera atsindishirizwe nawe urubanza rw'iteka rwari rumuriho kubera ubunyabyaha bwe. ntabwo Kristo yazanywe no gutanga amanota mu ishuri, visa, abagore beza, abagabo se, gukingurirwa imiryango, gukurwaho imivumo na karande n'ibindi rubanda babeshywa, Nujya mu idini cg mu byumba by'amasengesho aribyo bikujyanye, utajyanwe no kumva Yesu Kristo gusa uwo waje gushaka no gukiza icyazimiye, Uwo Abahanuzi bahanuye n'intumwa zera za Kristo zikamuhamya nyuma yo guhabwa imbaraga z'Umwuka wera ubwo Yesu Kristo yamaraga kuzamurwa mu ijuru zikamuhamisha imirimo n'ibitangaza Imana yazihaye atari izo bihangishaho cyane ko batabaga banazi igihe cg isaha ibyo bitangaza byazira.
Hanyuma wowe usoma ibi, wibaze uti, ese niba Ibyanditswe byera bihagije kumenyesha umuntu ko ari umunyabyaha kuva akivuka kandi ko akwiriye kurimbuka by'iteka ryose, ko icyamwunga n'Imana kikamuhesha ubugingo buhoraho bubonerwa muri Kristo Yesu bizana amahoro hagati ye n'Imana yari ikwiye kumurimbura ariko Ikaba yaramuhaye ingurane igahana Yesu Kristo mu cyimbo cye ngo atahe abohowe ndetse ababariwe ibyaha kubw'ubuntu bw'imana gusa, umaze kwibaza ibyo, Ese ukeneye umuhanuzi wo kuguhanurira iki? Ukeneye Apostle wo kukubwira iki? Niba ibyo ari kukubwira biri mu ijambo ry'imana ntabwo ari umuhanuzi kuko arakubwira ibyanditse, niba kandi ari kukubwira ibidahura n'ijambo ry'Imana ni umunyabinyoma.
Urugero rwiza mu byanitswe byera rwo gukurikiza ku banyedini biyita abakristo: (Ibyakozwe n'Intumwa 17:10-11 Uwo mwanya muri iryo joro bene Data bohereza Pawulo na Sila i Beroya. Basohoyeyo binjira mu isinagogi y'Abayuda. Ariko abo bo bari beza kuruta ab'i Tesalonike, kuko bakiranye ijambo ry'Imana umutima ukunze, bashaka mu byanditswe iminsi yose kugira ngo bamenye yuko ibyo bababwiye ari iby'ukuri koko.)
Hanyuma nkubaze nti Ese iyo wumvise ibi wihutira gushakashaka mu byanditwe byera ko ibyo wabwiwe ari ukuri cg uhita ubimira bunguri kuko bikubwira ibihuye n'irari ryawe ukagenda ufite ibyiringiro bipfuye? Ngo utavugwa nk'ufite umwuka wo gupinga abakozi b'Imana, Iyihe mana? iyo biremeye mu mitwe yabo bakoresha icyo bashatse?
Ati mugitera haleluya Imana yambwiye ngo abafite ibi bibazo birakemutse, koko se? Ibyo wabisanga mu ijambo ry'Imana? Ibyo avuze ko imubwiye tubyizere ko ari ukuri tubyandike muri bibiliya? ngo Apotle cg umuhanuzi runaka yavuze ibi? si n'ibyo gusa hari n'ubundi buyobe bwinshi Nko kuyoboka idini runaka kubera iyerekwa ry'uwarishinze, Ese koko niba wemeza yuko uri umukristo usomye ibyanditwe byera nko mu Rwandiko Pawulo yandikiye Timoteyo (1 Timoteyo 3:1-16) na Tito (Tito 1:1-16) wasanga ibyo tubona uyu munsi mu madini cg twemera bujiji ku bayobozi bayo ariko biri mu byanditwe byera? Mu byanditwe ni hehe tubona umuhanuzi cg intumwa iyobora umukumbi cg yishyiraho ngo Imana yayibonekeye ngo ishinge idini? cg izo titles bazikurahe ngo prophet, apostle, Bishop, Archbishop, pope n'ibindi ntarondoye? Mu byanditwe byera babikura hehe? ko ahubwo tubonamo ijambo Pastor gusa bikaba byahinduka bitewe n'ururimi rw'ahantu aho usanga hamwe yakwitwa umu episikopi, cg bishop ariko byose bikaba bisobanuye ijambo rimwe ariryo pastor (Umushumba).
Ese ibirenze ibyo si byabindi byo kwishyira hejuru aho birangira umuntu asigaye ashaka ko bamwita umukuru kubera ubwibone, ugasanga umuntu ngo ni Daddy, abana , abakecuru, abasaza bakuze bose bamuhamagara daddy, ibyo biri he mu byanditswe byera ko ahubwo tubona Yesu Kristo abwira abigishwa be ati: (Matayo 23:8-11Ariko mwebweho ntimuzitwe Rabi, kuko umwigisha wanyu ari umwe, namwe mwese muri abavandimwe. Kandi ntimukagire umuntu wo mu isi mwita Data, kuko So ari umwe, ari uwo mu ijuru. Kandi ntimuzitwe abakuru, kuko umukuru wanyu ari umwe, ari Kristo. Ahubwo uruta abandi muri mwe ajye aba umugaragu wanyu.)
None ibyo bindi biva hehe? Mu byanditswe byera ni he babona intumwa cg abahanuzi baturisha abantu amafaranga cg babacuza utwabo cg se babatumira mu biterane by'ibitangaza? Ariko abanyabinyoma b'ubu ngo hari igiterane cy'imbaraga ngo ibimuga birakira impumyi zirahumuka, ukajyanwa n'ibyo gusa? Dore icyo Kristo yavuze kuri bene abo bantu: (Matayo 7:22-23 Benshi bazambaza kuri uwo munsi bati 'Mwami, Mwami, ntitwahanuraga mu izina ryawe, ntitwirukanaga abadayimoni mu izina ryawe, ntitwakoraga ibitangaza byinshi mu izina ryawe?' Ni bwo nzaberurira nti 'Sinigeze kubamenya, nimumve imbere mwa nkozi z'ibibi mwe)
Ese ye, Mwebwe abiyita ko muri abakristo murabona bikwiriye ko mwizera abantu kurusha ibyanditswe byera? Niba mwizera iby'abantu kuruta ibyanditswe byera rero, ubwo ntimuri n'abakristo ahubwo mwakurikiye abantu. Nimukanguke rwose muve mu kinya, kuko yaba uyobya n'uyobywa bose imbere y'Imana urubanza rubategereje ni rumwe, gucirwaho iteka kubera ubunyabyaha bubarimo.
umuti ni uko mwahindukirira ukuri kuri mu byanditswe byera mukihana mukakwizera mugakizwa nako, kuko uko kuri ni kumwe ni uguhishurira abanyabyaha Yesu Kristo gusa, Imana yashimye kwiyunga natwe binyuze mu rupfu rwe ku musaraba ubwo yabambwaga azira ibyaha atakoze ahubwo akaba incungu y'abanyabyaha, ibi birareba umuntu wese uvukira mu isi kuko buri wese avuka ari umunyabyaha. (2 Abakorinto 5:21 kuko Utigeze kumenya icyaha Imana yamuhinduye kuba icyaha ku bwacu, kugira ngo muri we duhinduke gukiranuka kw'Imana.).
Icyampa benewacu b'abanyarwanda bagakanguka! bakava mu kinyoma bakizera Yesu Kristo utsindishiriza abanyabyaha bagaca ukubiri n'ibibashuka n'ababacuza utwabo. Ahari n'impaka n'amahane n'abatukisha izina rya Yesu Kristo byashira.