Nogironligi bo'lgan shaxslarning bandligi ta'minlanmoqda

Vobkent tumanda yashovchi nogironligi bo'lgan Gulbahor Ibodullayeva yaqindagina tuman Favqulodda vaziyatlar boʻlimida ishga qabul qilindi.
- O'zim II guruh nogironiman, - deydi biz bilan suhbatda Gulbahor. Ishlash, oilamga daromad olib kirish, qolaversa, jamiyat hayotida faol ishtirok etishni xohlayman. Ish joyimda esa boshqalarga ham foydam tegyapti. Qiyin vaziyatda qolgan, zudlik bilan yordam berilishi kerak bo'lgan xonadonlarga ko'mak guruhining borishida, ofatning o'z vaqtida bartaraf etilishida mening ham hissam borligini bilish juda quvonchlidir. Men kabi yoshlarga, umid bilan murojaat qilib borganlarga qilinayotgan samimiy muomala, ko'rsatilayotgan beminnat yordam uchun markaz xodimlaridan minnatdorman.➕ Operator lavozimida ish olib borayotgan qahramonimiz ayni damda malakali xodimlardan ish faoliyatini chuqurroq o'rganyapti.