النصب عن طريق الفيزا كارد 💳| 💳 كيف تحافظ على الفيزا من السرقة
Вставка
- Опубліковано 23 сер 2021
- انتشرت طرق النصب من خلال الفيزا كارت هذه الايام حيث يوجد العديد من الاشخاص هذه الايام من الغير متعلمين وللاسف ايضا من المتعلمين بيتعرضوا لعمليات نصب كثيرة جدا عن طريق الفيزا كارت التى بحوزتهم
لذلك احببت ان اتكلم عن هذا الموضوع من اجل ان يستفيد الجميع ونحاول ان نقضى بقدر الامكان على عمليات النصب وسنحاول اخبارك كيف تتجنب عمليات النصب ولا تقع فيها ..
اشهر طرق النصب من خلال الفيزا كارت
اللى بيحصل بالضبط ان حضرتك بتستقبل تليفون من احد الاشخاص ....
سيقولك معك خدمة عملاء شركة فودافون او بنك س او ص او شركة س للادوات المنزلية .... اى حاجة ....
ويقول لك نتشرف باسم حضرتك ...
او ممكن يقول لك معايا استاذ فلان ؟؟ .. ( عن طريق التروكولر ) .. او عن طريق انه بيعمل فى مكان معين وبيستغل مكانه فى انه بيحصل على ارقام تليفونات العملاء .
هيقولك ... مبروووووك حضرتك كسبت معانا هدية بمبلغ 3000 جنيه كاش نتيجة السحب العشوائى اللى عملناه يوم كذا !! 💰💰💰
حضرتك طبعا مستنى حتى 30 جنيه ،، هتفرح ... هتقول 3000 جنيه كاش وانا قاعد ماكانى 🤑🤑
النصاب : تمام يا فندم عايزين ناخد بعض البيانات عشان ناكد الهدية ،، ممكن ؟
حضرتك : ممكن طبعا خالص جداااا 3000 جنيه 💰💰🤑🤑
النصاب : هيسالك عن اسمك ، سنك ، عنوانك ، بتشتغل ايه ؟؟؟
حضرت : هتجاوب
النصاب : مثلا لو انت قلت له انك من الاسكندرية هيقول لك تحب تستلم الهدية كاش من فرع الشركة فى القاهرة ولا نبعتلك المبلغ على الفيزا اللى مع حضرتك ... ؟؟
حضرتك : فى عقل بالك ... هو انا عبيط اروح لغاية القاهرة وممكن فى الاخر يطلعو نصابين .... ؟؟!!
هتقول له : لااااا حطهالى على الفيزا
النصاب : تمام يا فندم براحتك ... حضرتك معاك فيزا تابعة للبريد ولا للبنك
حضرتك ستقول له تابعة للبريد او للبنك ايا كان نوعها
هيسالك طيب نوعها ايه يا فندم ( فيزا ولا ماستر كارد ولا ميزة ) ؟؟
حضرتك : هتنظر فى الفيزا و ستقول له نوعها
النصاب : طبعا من خلال نوع الفيزا ونوع البنك هيعرف اول اربع ارقام على الفيزا من الشمال ودول بيكونو ثابتين وهيقوللك عشان ارسل الفلوس يا فندم هنعوز شوية بيانات عن الفيزا ... ولا تيجي تاخدها كااااااش ؟؟؟ :::::
حضرتك ::: لاااااا هو انا عبيط ؟؟ 😀😀
النصاب: سيقول لك عايز ال 16 رقم على وجه الفيزا اللى اولهم من على الشمال الاربع ارقام كذا .. اللى هو لسة عارفهم .
حضرتك : ستقول بس هو كدة فاااهم وتقوم تعطى له ال 16 رقم وانت مطمئن .
النصاب : هتلاقى بقى يا فندم فى الفيزا من تحت كدة تاريخ يا ريت تعطيه لى
حضرتك : ستقول له اتفضل وتعطيه تاريخ انتهاء الفيزا كارت
النصاب : بص بقى يا فندم فيه فى الفيزا من الظهر كدة اربع ارقام ( كذا ) وهما طبعا اول اربع ارقام من اليمين التى اعطيتهم له من قبل .... فيه رقم كدة مكون من 3 ارقام بجواره هل من الممكن ان تعطيه لى ؟؟
حضرتك : ستقول اه انا قلت ان هو فاهم وتقوم تعطى له الرقم .
النصاب : سيقول تمام كدة يا فندم حضرتك كدة جاهز تستلم الهدية .... سارسل المبلغ لحضرتك دلوقتى بس عشان المبلغ يوصل لحضرتك فيه كود تفعيل سيصل على رقم التليفون الخاص بك لكى نتاكد ان حضرتك صاحب الفيزا .. وساقوم بالاتصال عليك مرة ثانية من اجل ان تعطيني هذا الرقم
وطبعا سيدخل فى ساعتها يعمل مشتريات من على الانترنت من على الفيزا الخاصة بك والبيانات التى اعطيتها له بنفسك
ولكي يشترى من على الانترنت لن يستطيع الشرء الا من خلال كود otp
ما هو كود OTP ؟؟
One Time Password (OTP) هو عبارة عن كود مكون من 6 ارقام بيتم ارساله على رقم المحمول الخاص بك عندما تقوم بالشراء من على الانترنت وبيكون لازم لاتمام عملية الشراء للتاكد من انك صاحب الفيزا
واللى هو كان قال لك عليه من شوية عندما قال لك فيه كود تاكيد سيصل على تليفونك وعايزين نعرفه عشان نتاكد ان انت صاحب الفيزا ...
وبعد اتمام عملية الشراء من الانترنت ستكون العملية متوقفة على الكود
سيعاود الاتصال بك مرة اخرى وسيقول لك انه فيه رسالة وصلت لك فيها رقم مكون من ستة ارقام وبيطلب منك ان تعطيه الرقم
وبمجرد ما ياخد الرقم بيكون قد اتم عملية الشراء بنجاح ..
ايضا يوجد بعض المواقع الاجنبيه بتقوم بالسحب من الفيزا من غير ما تطلب منك كود ال otp ودة حصل معايا انا شخصيا .
الغريب جداااا انه فيه ناس النصاب بيكرر عليهم عملية النصب دى مرتين وثلاثة على نفس الشخص وبيتصل به العديد من المرات من اجل الحصول على كود otp وكل مرة من المرات هذه بيقوم فيها بعملية سحب من على الفيزا
طبعا ممكن الموضوع دة يتم بسيناريوهات اخرى كثيرة ... ولكن العامل المشترك فيها انك انت اللذى تساعد النصاب على ان ينصب عليك
حضرتك اللى بتعطى له رقم الفيزا وتاريخ الانتهاء وكمان الرقم السري
كيف تحافظ على الفيزا كارت
لا بد ان تخاف على الفيزا التى بحوزتك ، لابد ان تكون حريص ولا تعطي بياناتك لاي شخص ولا تأمن لاى احد ...
حاول ان تغطى الرقم السري المكون من 3 ارقام اللى فى ظهر الفيزا بلصق او اى شيئ عندما تتعامل بها سواء فى بريد او بنك او سوبر ماركت ... كدة كدة لن تحتاج هذا الرقم الا فى التعاملات الاونلاين من خلال الانترنت
وصدق القائل ::
كل نصاب يلزمه طماع
وكل دجال يلزمه جاهل
وكل طاغية يلزمه جبان
ما عليك سوى الانتساب إلى هذه القناة للاستفادة من المزايا :
/ @bahareez
تابعونى على موقعى الالكترونى
www.bahareeznet.com/
رابط صفحة الفيسبوك
/ tamer-masoud-106024777...
#bahareez
#تامر_مسعود
اعداد / تامر مسعود tamer masoud
bahareez - Наука та технологія
اللهم صل وسلم وبارك على سيدنا محمد وعلى آله وصحبه أجمعين
جزاكم الله خيراً
بارك الله فيك
تسلم على المعلومة بجد شرحك ممتاز 👍👍👍
شكرا جزيلا لحضرتك ❤️❤️❤️
بارك الله لك
و بارك فيك
و نفع بك
اللهم امين واياكم
جزاك الله خيرا ياريس ربنا يوفقك يارب
تسلمى يا ام محمد
حمدالله ع السلامه اخيرا رجعت
حبيبي أستاذ هانى.. الله يسلمك ❤️❤️
جزاك الله خيراً
وإياكم ❤️❤️
جزاك الله خيرا
حبيبي.. وإياكم ❤️❤️
شكرا لك
الشكر لله
حمد لله على السلامه يا تامر بيه فينك يا راجل من زمان
حبيبي.. الله يسلمك ❤️❤️
منتظرين من حضرتك فيديو توضيحي لتطبيق وفيزا يالا .. والمميزات والعيوب
جزاكم الله خيرا
ان شاء الله قريبا جدااااا
انت رائع
ماشاء الله عليك
وبدأوا للاسف يشتغلوها عن طريق الرسايل دلوقتى
تسلم لى يا معلم ❤️❤️
هل ممكن النصاب استخدام الكارت والسحب بالبيانات الامامية للكارت بدون الارقام الخلفية الثلاث
حمدالله ع سلامه فينك من فتره مش باين ...فيه اخبار حضرتك عن فيزا yalla pay الجديده من البريد
حبيبيى الله يسلمك.. ان شاء الله قريبا
ممكن موظفى البريد يسرقنى لان هوا عارف البيانات بتعتى وممكن يتفق مع نصاب ويعطي. البيانات ارجو الرد
فيديوهاتك مفيده جدا . ربنا يجعله في ميزان حساناتك . لو سمحت هي رسوم ال(0.001) عند السحب من بايبال و بحد اقصي 20 جنيه دي ثابته سواء جنيه مصري او دولار ؟ شكرا
هيا ثابتة والفيزا بتتعامل معاك انت بالجنيه مش بالدولار
يعني ال ١٦ رقم والتلاته اللي ورا المفروض محدش يعرفهم يعني مبينهومش لحد ولا عادي لو شافهم مش هيقدر يعمل حاجه ؟
حضرتك مره دخلت علي لينك اللي منزله قال بيكسب فلوس وادخلت عليه وبعتلي رساله فيها ٦ ارقام وانا دخلتهم علي اللينك بس مش عارف كدا دا ايه ممكن افاده
حصلي كده وللاسف سحب ١٥٠٠٠ اعمل ايه وممكن الفلوس دي ترجع
ماذا افعل لو ده حصل معايا
تسلم علي الشرح وجزاك الله خيرا
هو حصل معايا فعلا بس الفيزا كان فيها مبلغ صغير جدا هو كدة يقدر يستخدم الفيزا من غيري ولا لازم ابعتلو الرقم الي هيجيلي في رسالة ولا كدة مش هيجيلي رسايل تاني
ارجو الافادة لو سمحت
حصلت معايا من اسبوع والحمد لله معرفش ياخد مني بيانات صحيحه وبلغت برقم الفون بتاعه البنك بمذكره للحصل ومحولتو للسرقه
بارك الله فيك يا أخي
سؤالي عن طريقة سحب ارباحي من التطبيقات هل بامكاني السحب على محفظة فون كاش البنك الأهلي؟؟؟
اغلبها بيتعامل مع الباي بال والبنوك الالكترونية
السلام علكو انا النهارده روحت البريد عشان اعمل فيزا ايزي باي الموظف قالي خلصانه انا اعمل دلوقتي عشان اعمله
ممكن تلاقيها في فرع تاني
لو سمحت ممكن اعرف اسم البطاقه الائتمانيه اللي تحت ال 20 الف جنيه من البنك الاهلي المصري مع العلم عايزها نوع Visa 🥰❤❤❤❤❤
خدمة العملاء هتفيدك آكتر فى الحتة دى
لو سمحت انا حد كلمني و كان عايز بيانات الفيزا و عايز ابلغ عنة اية الارقام اللي مخصصها الداخلية للابلاغ
مباحث الاموا ل العامة (27921396 02)
لو سمحت هي فيزا ايزي باي لسه بتشتغل على البنوك الالكترونيه ولا بطلت ؟؟
شغالة
حضرتك طمني انا روحت جيبت الرقم السري اللي بيبقي في ظرف ورق صغير طلع بعد الفيزا باسبوع وموظف البريد فتح الظرف واعاد كتابه الرقم علي الظرف بحجه ان الرقم ممكن يكون ممسوح انا خايفه لان ال١٦ رقم مطبوعين علي الظرف ده لو حصل وكان اخد ال١٦ دول مع الرقم السري يكون فيه خطر واعمل ايه
نفس الي حصل معايا
استاذ محتاجه ردك بسرعه هل فيزا بنك اسكندريه تقدر اربط بيها حساب بايبال
ممكن تتربط
الطمع والجهل
عمري ماحد يسألني عن الحاجات دي وأديلوا حاجة أبدا
تمآم بالضبط الله ينور عليك 👍👍
بقول لحضرتك انا حصل معايا الموضوع ده واديته كل البيانات معادا الرقم الي جالي في رساله خوت.. هو قعد يقولي هتندم وكدا بس انا مرضتش المفروض اعمل ايه حضترك بالله عليك رد عليا ضروري
حاول تصفى الفيزا وتطلع غيرها بسرعة
انا حصلي كده النهارده وللاسف خد كل البيانات وسحب ١٥٠٠٠ جنيه اعمل ايه علشان ارجعم
سلام عليكم كنت عايزه اسال حضرتك على حاجه هو انا تحولى مبلغ مالى على حسابي فى البريد والتحويل كان من حساب بريدى برضو بس لما الايصال اتطبع لاقيت المبلغ المحول مكتوب جمبه رصيد محجوز ومش فاهمه يعنى ايه محجوز دى هو مش مفروض التحويل بيدخل لحسابي عالطول فى ساعتها
غالبا على اخر اليوم بيكون اتحول
اخي انا واحد صور الفيزا من الطرفين هذا يكشل خطر ام عادي مابيحصل شي
اتمنى الرد
واحد قالى هات رقم حسابك المهم عطيته رقم الحساب بعت كود وقالى ابعته😂
😀
قريبتي انسحب منها ١٨ الف على ١٣ مره لاكن المبلغ لازال محجوز
محجوز بقاله قد ايه
انا اعرف واحد منهم شخصيه ومعاايه تسجلات ليه وعرف كل البيانات عنو العنوان بالتفصيل من يهموا الأمر ياكلمني خاص وعرفو كل بياناتو وعنوان بظبط والاسم بلاكامل ومعاايه تسجلات ليه ورقمو الخاص كمان
طيب ازاي اشترك في ps4 plas
الله اعلم
البلايستيشن بلس
حمد الله على السلامه يااستاذنا وحشتنا والله ...كنت عايز استفسر على حاجه أنا عندى حساب توفير فى البريد وكان دفتر وتحول لفيزا وبعد جده كان رقم تليفونى موظف البريد كتبه غلط لما عملت ورق للفيزا واكتشفت الموضوع ده بعد جده لما اسحب من مكتب البريد ومفيش رساله بتجيلى على تليفونى ان أنا سحبت فلوس من حسابى ..وطلب موظف البريد تحديث بياناتى وطلب صورة بطاقه وطلب صورة للفيزا وبعتهم للفرع الرئيسي عشان بياناتى تتحدث ورقم تليفونى يتحدث وفعلا أتحدث .وكمان لما اسحب من مكتب بريد غير اللى فاتح فيه الحساب بتاعى بيطلبوا منى صورة للفيزا ...سؤالى لحضرتك هل لما صورت للفيزا للتحديث وكمان اسحب من مكتب تانى يبقى جده بياناتى اللى على الفيزا ورقمها ممكن يتسربوا ويبقى فيه حالة سرقه من حسابى والعمل ايه ارجوك طمنى وهل ده صح ان أنا اصور الفيزا لمكتب البريد ولا لا وشكرا
تصوير وجه الفيزا بس مافيهوش مشكلة
المشكلة لو صورت الظهر بتاع الفيزا
ارجوك محتاج رقمك ضروري عندي مشكله في الفيز عندي ارجوك
ممكن التواصل على صفحة الفيسبوك
سوال بخصوص لو موظف البريد نصاب مش هو المفروض لو موظف البريد معاه ال16 رقم بتوع الفيزا ومعاه ال3 أرقام ال في خلف البطاقه البيانات دي كلها ظهرا عنده هلي الكمبيوتر ولا ايه
الرقم السري مش بيظهر على الكمبيوتر
@@bahareez انا قصدي ال3 أرقام الي في الخلف بيظهرو علي الكمبيوتر
@@bahareez طب بالله عليك رد عليا لما جبت الفيزا طلعلي الرقم في ظرف كدا ولقيته مكتوب بقلم جاف رقم مكون من اربعه أرقام بس من ٧ شهور
سألت حضرتك قبل كده عن الفيديو الخاص بتحويل الفيديو لنص مكتوب ومترجم واخبرتني بأنك سوف تنزل فيديو مخصوص لذلك ولم تفعل.ارجو الافادة.
ارجو المعذرة لظروف خاصة ❤❤
@@bahareez ربنا ييسرلك الأمور يارب.وألف شكر
لو سمحت ياريت الرد
هوا. طبعا مش. حيقدر. يعمل اي حاجا لو معاهوش اي بينات صح ???
علشان واحد اتكلم معايه بس. انا مديتهوش اي بينات. خالص.
غير بس حاجا واحده. اني اديتو رقم المبلغ الموجود في الحساب هل حيقدر يعمل حاجا ???
لا لا خالص مش هيعرف يعمل اي حاجة
@@bahareez شكرا 💝
وربنا يسترها معانا ومع الجميع
السلام عليكم عندى مشكلة ممكن حل كنت ربط باى بال بفيزا qnb وجايت اول الشهر كان فى مبلغ المفروض يتحول اتوماتيك لكن جالى رسالة ديه
لم نتمكن من تحويل رصيدك المتاح من حسابك على PayPal إلى بطاقتك الائتمان أو السحب فقولت طب اعمل تحويل وخلاص يجى رسالة تعذر تحويل المبلغ الان ارجو حل وشكراا.
للاسف فيزات البنك الاهلي حاليا مش بتتعامل مع الباي بال
طيب انا لما رحت جبت الفيزا الرجل بتع البريد اداني الفيزا بس الجواب بتعها مفتوح يعني هو شاف الرقم وشاف كل حاجه لانه عطيهالي والجواب مفتوح
خد بالك فى المرات أللى جاية
@@bahareez شكرا ليك ع الرد بس استفسار صغير اعمل واحده جديده ولا اكمل ع نفس الفيزا واسف للاذعاج
@@mhmodzezo5053 كمل عآدى لا تقلق
@@bahareez شكرا جدا
طب انا لسه حد متصل بيا وقالي انا تبع البنك المركزي كسبتي معانا ٥٠٠٠ جنية معاكي فودافون كاش او اتصالا كاش قولتله لا قالي طب انزلي اي سنترال او سوبر ماركت وهحولك المبلغ قولتله ايه الي يضمني ان الكلام ده صح قالي هبعتلك كود دلوقتي بعت الكود قالي قولي الكود قولتلوا بس انا مقولتش ولا اسمي ولا اي حاجة تخص الفيزا بالله عليك طمني علشان خايفة يكون الكود ده بعملي مشكلة
الصوت واطي ياهندسه 😀😀
سنراعى ذلك مستقبلا 😂😂
عوداً حميداً أستاذنا الفاضل ،
عندي إستفسار و أتمنى رد حضرتك
انا عملت فيزا إيزي باي من حوالي ٢٠ يوم و متفعله من البريد و كمان من إتصالي تليفونياً بالبريد المصري و فيها إيداع ١٠٠ جنية و مربوطة تمام على بيبال .. بس انا من وقت إستلامها لم أستخدمها في الماكينة و معتمدة على باسوردها زي الموظفة ما قالت لي ٤ أصفار .. المفروض فيه مبلغ ليا على بيبال هيتحول أتوماتيكياً اول الشهر .. كده في مشكلة اني مفعلتش البطاقة في الماكينة و لا عادي
عادى جداااا
المفروض ... مصدر سواء البنك أو البريد .. الفيزا أو الماستر كارد ..
لازم يرسل رسالة بتنفيذ العملية المبلغ والتاريخ والتوقيت ..
بنك مصر .. لم يرسل إن العملية تم تنفيذها ..
وبعض المواقع للأسف .. البنك لا يرسل رقم ال OTP
ما الحل ..
لازم تحديث بيانات وإجراءات الحكاية أكتر من ذلك
لازم يبعت
كل البنوك والبريد شغالين على الموضوع دة حاليا
حصلتلي بس من سنة وانا مكنش معيا فيزا فا موفقتش
👍👍
واحده من السناريوهات انو هيبعتلك رساله علي رقم التيلفون بيقلك ان الكارد هيتقفل لان البنك بيحدث معلمومات مثلا ويقلك الكارد بتاعتك مش عليها تعامل كتير لازم تشغلها حالا وكمان بيبعتهالك برقم عادي واصلا البنك بيبق مكتوب اسمه ف الرساله من غير رقم دا لو بعت رساله اصلا وبيتكلم علي انه موظف بنك هترن عليه هيجاريك ويقلك لازم تشغل الكارت وهيخليك تسحب من الكارت ويقلك اعمل ايداع ويديك رقم تاني وابن الناصحه بيقلي بسرعه عشان مفقسش الحوار الكلام دا حصل مع والدتي ولانها كانت متعجرفه وادتني اكلمه علي طول مفهمتش غير اما ملاني رقمه عشان احوله عليه حاولو تثقفو الناس الكبيره علي التعامل مع الكارد
كمان حاجه لما تيجي تسحب فلوس اسحب بنفسك حصل مع تيته انو سحب فعلا ولان الدنيا زحمه مشفتهوش قلها الكارت فاضي وهي رجعت يعيني وصدقت الموضوع
ده دلوقتي يا هندسة موضوع السرقة اتطور و بقي بيجيلك لينك علي الايميل بانك كسبت فلوس عن طريق مثلا الاهلي بوينتس و بدوس علي اللينك عشان تاخد الهدية بيفتحلك صفحة في بينات المفروض انك تملاها .. و البيانات عبارة عن عاوز رقم الفيزا بالكامل و عايز تاريخ الانتهاء و عايز رقم ال cvv اللي هو سرقة عيني عينك و وعمر البنك مابيطلب المعلومات دي من العميل .. الناس تاخد بالها من الموضوع ده جدا
بالفعل 👍👍
0:05 بدون موسيقى لأنها حرام وفقك الله احذفها كي لا تكون سيئات جارية عليك قال صلى الله عليه وسلم (لَيكونَنَّ من أمَّتِي
أقوامٌ يَستحِلُّون الحِرَ والحريرَ والخمرَ والمعازفَ.)
وقال صلى الله عليه وسلم (لَيشربَنَّ أُناسٌ مِن أُمَّتي الخمْرَ، يُسَمُّونها بغيرِ اسْمِها، وتُضْرَبُ على رُؤوسِهم المعازِفُ، يخسِفُ اللهُ بهم الأرضَ، ويجعَلُ منهم قردةً وخنازيرَ)
وقال تعالى (وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا ۚ أُولَٰئِكَ لَهُمْ عَذَابٌ مُّهِينٌ )
وأقسم عبد الله بن مسعود عندما سئل عن هذه الاية قال والله الذي لا إله إلا هو ورددها ثلاث وقال ان لهو الحديث هو الغناء
فالمعازف والاغاني حرام
جزاكم الله خيراً
واياكم ❤❤