СЭВЛЭГ ҮРГЭЭХ ЁС

СЭВЛЭГ ҮРГЭЭХ ЁС
Хүүхдийн сэвлэг үргээх ёс нь нутаг нутагт өөр заншилтай. Эрэгтэй хүүхдийг гурав, таван насанд, эмэгтэй
хүүхдийг хоёр, дөрвөн насанд нь үргээдэг.
Үүнээс гадна хүүхдийн сэвлэг, даахь үргээх өдрийн сайныг сонгох, ивээл жилтэй хүнээр эхэлж модон хутга, сүү цагаагаар домнуулах зэрэг гүн гүнзгий утга бүхий олон ёс уламжлал бий.
Хүүхдийн толгойг мялааж халзан цагаан хонь, эсвэл хурга амладаг нь хүүхдийг багаас нь өөрийн өмчтэй болгох, малд нүдтэй болгох зэрэг олон талын ач холбогдолтой. Нялх үсийг авахгүй бол хүүхэд ууртай, өвчин ороомтгой болно гэж үздэг.
Сэвлэг үргээх ёс нь нарийн нандин ёслолд хамаарах тул найранд архи сархад ордоггүй. Чухам үүгээрээ нялхсын сэвлэг үргээх найр нь ариун ёслол юм.
Хүүхдийн даахинд залагдан ирсэн хүмүүс тусгайлан ерөөлийн үгийг маш сайн хэлж өгөх нь хүүхдийн насан туршийн замыг зөв сайхнаар залж чиглүүлж өгдөг хэмээн үздэг.
---
Бидний бэлтгэн гаргаж буй энэхүү танин мэдэхүйн нэвтрүүлэг нь цуврал болон та бүхэнд хүрч байгаа тул манай youtube сувагт нэгдэж дараагийн нэвтрүүлгийг лхагва гараг бүрийн 19:00 цагаас хүлээн авч үзээрэй.
#TsakhimSuvarga #lifestyle #reality

[@gaagii2021]

Баярлалаа хэрэгтэй мэдээлэл бна