Master Taxi Operation on airport.اتقنن عمليات التاكسى داخل المطارات

تخيل معايا كده انك واقف قدام الهنجر بتاعك و جالك التصريح بانك تروح الرنواى هتوصل هناك ازاى؟ اذا كنت عايز تعرف تتحرك ازاى على الارض جوة المطار فالواقع ان ده اصعب من الملاحه فى الجو خليك متابع الحلقة دى و هات كوباية القهوة بتاعتك و ركز معايا عشان تعرف هنعمل الكلام ده ازاى.
صباح الفل ازيكو يا شباب، اتكلمنا قبل كده عن الملاحه فى الجو و هنكمل النهارده عن الملاحه جوة المطار
معلش الحلقة دى متاخرة لان الكمبيوتر كان بايظ بس اوعدكم ان انتاج الحلقات هيبقى اكتر من كده بعد كده، طبعا اول حاجه طبعا اذا كنا عايزين نعرف الطرق على ارض المطار اول حاجه هنعملها اننا نبص على خريطة المطار ، طبعا عارفين نجيبها منين، شوف الحلقة بتاعت الخرائط عشان تعرف و اللينك فوق.
خريطة المطار بتبقى زى دى كده، طبعا كل مطار غير التانى،
طب خلينا نتكلم شوية عن خريطه المطار
الاول اسم و كود المطار
ترددات الراديو الموجوده فيه
التغير المغناطيسي اللى هو تغير مكان الشمال المغناطيسي بالنسبة للشمال الجغرافى كل عام
صلاحية و نوع الخريطه
تسمية ال تاكسي وايز
الاول فى الطيران احنا ما بنستعملش الحروف العادية عشان اللخبطة انما بنستعمل كلمة
كله موجود تحت فى وصف الفيديو
A Alpha
B Bravo
C Charlie
D Delta
E Echo
F Foxtrot
G Golf
H Hotel
I India
J Juliet
K Kilo
L Lima
M Mike
N November
O Oscar
P papa
Q Quebec
R Romeo
S Sierra
T Tango
U Uniform
V Victor
W Whisky
Z Zulu
و هنستعمل الكلام ده هنا بعد كده، الحاجات اللى متظللة بالرمادى دى التاكسي اريا، يعنى ممكن تتحرك يالطيارة فيها على الارض بس ما ينفعش تخرج منهاو وطبعا بتبقى كلها طرق مفتحه على بعضها، و احنا ما شيين دلوقتى هنشوف اليفط بتاعتها و نقراها ازاى وكده
دلوقتى افرض انك واقف قدام الهنجر بتاعك , وجالك التصريح للتاكسي كالاتى
Clear for taxi to Runway 14 via G, B,H,J,V,P,N,L Hold short of 14 report reaching.
طبعا هتكون سعادتك مطلع قلم و كانب الكلام ده فى ورقه عشان ما تنساش ده طبعا بعد ما ترد على البرج
و تبدا تتحرك وواحنا ماشيين هنشوف اليفط و هنشوف نقراها ازاى و هتفيدنا فى ايه
المعلومات الموجوده فى هذا الفيديو ليست للطيران الفعلى

[@omarbadr554]

حلقه ممتازه جدا

[@mohammedmahmoud4006]

ممكن حضرتك تحطلنا لينك flight simulator علشان نطبق دروس حضرتك

[@AdamAhmed-kh4zt]

ممتاز الله يوفقك بس لو ممكن تشرح ازاي بنختار ال runway المناسب للهبوط بناء علي اتجاه الريح وسرعتها لان انا اي runway بهبط عليه لما اوصل مبعرفش احدد اتجاه الريح والrunway المناسب

[@aviationtalkandtutorials2456]

اضبط الراديو على ال ATIS هتسمع ال runway in use و هتسمع اتجاه الريح وسرعته أو اي ملاحظات تانى، تردد الATIS ..موجود فى خراءط كل المطارات ، راجع الحلقة بتاعتى بتاعت ازاى تحصل علي خراءط مجانيه

[@MahmoudMohammed-nu5pg]

شرح ممتاز شكراً جداً لحضرتك ، بس هي مش ال antenna دي 10:30 بتاعة ال DME بالتحديد والمفروض تبقي موجود قبل ال threshold بمسافة ؟!!

[@aviationtalkandtutorials2456]

الانتانا بتاعة ال DME بتبقى موجوده فى ال VOR بعض انواع ال ILS فيها DME و الانتنا بتبقى جنب الانتنا الطويلة دى

[@Tyaar]

لكن الإضاءة الزرقاء ضعيفة
ليه ماتكونش بيضاء مثلا

[@aviationtalkandtutorials2456]

لان البيضاء بتكون عند الرنواى