【吳楚帆金句-人人為我，我為人人】「獅子山精神」嘅依據
Вставка
- Опубліковано 9 лют 2025
- #吳楚帆 #人人為我我為人人 #獅子山精神
既然用咁多人力、物力、財力去拍一部電影嘞，點解唔擺啲中心思想落去，去教育下一代呢？呢個差唔多係我哋無可推搪嘅責任！
粵語片時代，響影圈舉足輕重嘅吳楚帆，認為電影工作者開戲同拍戲，唔係淨得睇住個錢，要拍啲對得住自己同社會嘅電影！拍埋啲唔好嘢，啲觀眾以為咁至啱，跟住就有樣學樣，咁會害死好多人，尤其係啲細路！
1952年，吳楚帆同一班志同道合嘅影星，好似張瑛、白燕、張活游、吳回合組「中聯影業公司」，拍咗唔少宣揚正義無私嘅電影，對社會起咗一定教化作用。1953年電影《危樓春曉》就係屬於呢一類。吳楚帆飾演的士佬梁威，佢師傅贈咗佢一句處世格言：
人人為我，我為人人
自此之後，意思係守望相助、無私大同嘅「人人為我，我為人人/我為人人，人人為我」就成為咗吳楚帆嘅金句。
《獅子山下》係香港電台1972年首播嘅實況電視劇集系列。每個單元用處境故事去講述一般香港市民嘅生活同埋佢哋對社會民生嘅睇法。呢啲故事反映咗唔同年代香港基層點樣去面對生活困境，見證咗香港嘅歷史。由於劇集內容大部分反映當時港人生活艱苦，但憑住共同努力而有所收穫， 之後就有人用咗：獅子山下精神或者獅子山精神嚟代表香港精神。總括嚟講，「獅子山精神」就係：
不畏艱辛 堅毅不屈 群策群力 共創未來
由於《獅子山下》一出街就深受香港人認同，尤其係普羅市民；加上1973年2月成立嘅「香港影視話劇團」，再度演出名劇《七十二家房客》大獲好評，邵氏導演楚原馬上食住個勢，開拍大推頭粵語片《七十二家房客》。宣傳片裡頭傳達咗以下嘅信息：
一個獅子山下、物力唯艱嘅年代
人人為我，我為人人；互勵互勉，守望相助
呢個世界，你唔幫我，我唔幫你，點過吖？
好明顯，楚原係將獅子山下「人人為我，我為人人」嘅理念注入咗部戲度，令到唔少低下層嘅香港市民產生共鳴。試問部戲集合咗一大班當時得令嘅「歡樂今宵」藝員同邵氏紅星，再注入埋咁宏大嘅精神理念，唔收得就有鬼喇！結果，當年邵氏就憑呢部戲一舉打破1972年由死對頭嘉禾同李小龍聯合製作嘅《猛龍過江》所創造嘅歷史最高票房紀錄。呢鋪楚原真係幫六叔「報到仇」嘞！
1993年，有片商就借向《危樓春曉》呢部經典教化電影致敬嚟做賣點，拍攝咗部由梁家輝、梁朝偉主演嘅《新難兄難弟》，當中梗係唔少得吳楚帆嗰句「人人為我，我為人人」。
你幾兜友、執我吳楚帆口水尾！
阿叔，你何嘗唔係！
好多人都以為「人人為我，我為人人」呢句嘢係「中聯」或者吳楚帆作嘅。其實呢句係鬼佬嘢，16世紀莎士比亞( William Shakespeare)喺佢一首詩度就提到：
One for all and all for one
中文譯做「我為人人，人人為我」。
19世紀法國大文豪大仲馬(Alexandre Dumas)喺佢嗰部小說《三劍客》(The Three Musketeers)度亦都用咗「我為人人，人人為我」嚟作為精誠合作嘅宣言。後嚟有人講成「人人為我，我為人人」(All for one and one for all)。
謝謝閣下！😊🙏
內容非常豐富，從古至今，人類規律我為人人，人人為我，我生活非常好，人人生活更好，你望我好，我望你好
社會責任聽落好似好抽象, 但如能做到, 社會就會比較理想正氣, 著重正確教育就是推動這理想主義的前提, 從小教導要為人人, 人人亦為我的理念, 守望相助, 品德兼備, 謝謝分享👍👍🎉🎉🎉
「人日」講人人
真有意思
一次過睇曬「人人為我，我為人人」的中西歷史
大大長長知識了
做人典範,華南影帝,我為人人,人人為我,自我格言,我禮待人,人人禮待我,為官道,人人篤我,我篤人人,現世之道,人人不平,話知人人！俠之帆者,港之榜樣！👍👍💪👏👏🙂
今日金句：
俠之帆者 港之榜樣💯❤️🤓
細個有睇過粵語長片、危樓春曉、亦記得吳礎帆先生既金句、人人為我、我為人人、仲有另一部唔記得係部戲名當中有：食碗面反碗底。吳楚帆演藝非常出色、華南影帝當之無愧、演反派、金蛇郎君最有印象、正好係先睇到石天扮演既金蛇郎君、基於劇情十分相似、對白差唔多所以估到。😂😂😂😂😂😂舊陣時啲戲係演員既表演功力、無特技、化妝等等。完全靠演員引導觀眾、依家唔唔洗、鮮肉、小花、威也加上後期制作搞掂。
可能大家很快可看到
食碗面反碗底
了😂
🫡👍💪
唔知大家有冇留意：
吳楚帆其實響《危樓春曉》度從來冇親口講過
人人為我，我為人人😂😂😂