Bəxtiyar Vahabzadə - "Aclardan toxlara"

"ACLARDAN TOXLARA"
Zər-ziba içində alışıb yanır
Sərdabə, döşəmə, tavan sərasər;
Neçə yüz ildir ki, burda saxlanır
İmamın adına gələn nəzirlər.
Məscid başdan-başa bir xəzinədir,
Yatır İmam Hüseyn daş-qaş içində.
Əgər imam haqsa, bu bəzək nədir?
Bəzəyə möhtacmış, imam da, din də...
Bu busat, bu cəlal kimin üçündür?
Bayırda əl açıb dilənir millət.
Ey imam övladı, de bu nə gündür,
Məsciddə var dövlət, küçədə zillət!
İmam üçün gələn bu dövlət, bu zər,
Nə verdi imama yalvaranlara?..
Yerə endirmədi bir tikə göylər
Yerə gecə-gündüz baş vuranlara.
Dünyanın qəribə təzadları var:
aclardan toxlara düşərmiş nəzir...
Daş-qaş içindədir ölü imamlar,
Diri övladları lüt-üryan gəzir...
Bəxtiyar Vahabzadə Dekabr 1959, Kərbəla
#bachzadeh #bextiyarvahabzade #allah #şeir #şeirlər #şeirler #retromusic #retroazerbaijanmusic

[@r.a3976]

Rəbbim razı olsun.Neçə vaxdı bu bidyonu axdarırdım🙏

[@Emineislamova]

Möhtəşəmm

[@zohrabmustafa5069]

Bravo, Allah rəhmət eləsin sənə şair

[@olmamak5122]

"Daşqaş içindədir ölü imamlar
Diri övladları lüt-üryan gəz"
İnsanlar bəzən kimə ibadet etməli olduqlarlnı qarışdırırlar.