«Ἀναστάσεως ἡμέρα, λαμπρυνθῶμεν Λαοί» 🙠 Κανών του Πάσχα (ἦχος α΄)

Κανών του Πάσχα. (ἦχος α΄)
Ποίημα Ιωάννου Δαμασκηνού (8ος αι.)
_______
Ερμηνεία υπό Γ.Μ. (αγία Παρασκευή Ηλιουπόλεως)
~ ~ ~
ᾨδὴ α'
«Ἀναστάσεως ἡμέρα, λαμπρυνθῶμεν Λαοί,
Πάσχα Κυρίου, Πάσχα· ἐκ γὰρ θανάτου πρὸς ζωήν,
καὶ ἐκ γῆς πρὸς οὐρανόν, Χριστὸς ὁ Θεός,
ἡμᾶς διεβίβασεν, ἐπινίκιον ᾄδοντας».
Καθαρθῶμεν τὰς αἰσθήσεις, καὶ ὀψόμεθα
τῷ ἀπροσίτῳ φωτὶ τῆς ἀναστάσεως
Χριστὸν ἐξαστράπτοντα, καί, Χαίρετε, φάσκοντα
τρανῶς ἀκουσόμεθα, ἐπινίκιον ᾄδοντες.
Οὐρανοὶ μὲν ἐπαξίως εὐφραινέσθωσαν,
γῆ δὲ ἀγαλλιάσθω, ἑορταζέτω δὲ κόσμος,
ὁρατός τε ἅπας καὶ ἀόρατος·
Χριστὸς γὰρ ἐγήγερται, εὐφροσύνη αἰώνιος.
ᾨδὴ γ'
«Δεῦτε πόμα πίωμεν καινόν,
οὐκ ἐκ πέτρας ἀγόνου τερατουργούμενον,
ἀλλ' ἀφθαρσίας πηγήν, ἐκ τάφου ὀμβρήσαντος Χριστοῦ,
ἐν ᾧ στερεούμεθα».
Νῦν πάντα πεπλήρωται φωτός,
οὐρανός τε καὶ γῆ, καὶ τὰ καταχθόνια·
ἑορταζέτω γοῦν πᾶσα κτίσις,
τὴν Ἔγερσιν Χριστοῦ, ἐν ᾗ ἐστερέωται.
Χθὲς συνεθαπτόμην σοι Χριστὲ
συνεγείρομαι σήμερον ἀναστάντι σοι,
συνεσταυρούμην σοι χθὲς,
αὐτός με συνδόξασον Σωτήρ, ἐν τῇ βασιλείᾳ σου.
ᾨδὴ δ'
«Ἐπὶ τῆς θείας φυλακῆς ὁ θεηγόρος Ἀββακούμ,
στήτω μεθ' ἡμῶν καὶ δεικνύτω
φαεσφόρον Ἄγγελον, διαπρυσίως λέγοντα·
Σήμερον σωτηρία τῷ κόσμῳ,
ὅτι ἀνέστη Χριστός ὡς παντοδύναμος».
Ἄρσεν μέν, ὡς διανοῖξαν, τὴν παρθενεύουσαν νηδύν
πέφηνε Χριστός, ὡς βροτὸς δέ, ἀμνὸς προσηγόρευται,
ἄμωμος δέ, ὡς ἄγευστος κηλῖδος, τὸ ἡμέτερον Πάσχα,
καὶ ὡς Θεὸς ἀληθής, τέλειος λέλεκται.
Ὡς ἐνιαύσιος ἀμνός, ὁ εὐλογούμενος ἡμῖν,
στέφανος χρηστὸς ἑκουσίως,
ὑπὲρ πάντων τέθυται, Πάσχα τὸ καθαρτήριον,
καὶ αὖθις ἐκ τοῦ τάφου ὡραῖος,
δικαιοσύνης ἡμῖν ἔλαμψεν ἥλιος.
Ὁ θεοπάτωρ μὲν Δαυΐδ, πρὸ τῆς σκιώδους κιβωτοῦ
ἥλατο σκιρτῶν, ὁ λαὸς δὲ τοῦ Θεοῦ ὁ ἅγιος,
τὴν τῶν συμβόλων ἔκβασιν ὁρῶντες
εὐφρανθῶμεν ἐνθέως,
ὅτι ἀνέστη Χριστὸς ὡς παντοδύναμος.
ᾨδὴ ε'
«Ὀρθρίσωμεν ὄρθρου βαθέος,
καὶ ἀντὶ μυρου τὸν ὕμνον προσοίσομεν τῷ Δεσπότῃ,
καὶ Χριστὸν ὀψόμεθα δικαιοσύνης ἥλιον,
πᾶσι ζωὴν ἀνατέλλοντα».
Τὴν ἄμετρόν σου εὐσπλαγχνίαν
οἱ ταῖς τοῦ ᾍδου σειραῖς, συνεχόμενοι δεδορκότες,
πρὸς τὸ φῶς ἠπείγοντο Χριστέ, ἀγαλλομένῳ ποδί,
Πάσχα κροτοῦντες αἰώνιον.
Προσέλθωμεν λαμπαδηφόροι,
τῷ προϊόντι Χριστῷ ἐκ τοῦ μνήματος, ὡς νυμφίῳ,
καὶ συνεορτάσωμεν ταῖς φιλεόρτοις τάξεσι
Πάσχα Θεοῦ τὸ σωτήριον.
ᾨδὴ ς'
«Κατῆλθες ἐν τοῖς κατωτάτοις τῆς γῆς,
καὶ συνέτριψας μοχλοὺς αἰωνίους,
κατόχους πεπεδημένων Χριστέ, καὶ τριήμερος
ὡς ἐκ κήτους Ἰωνᾶς, ἐξανέστης τοῦ τάφου».
Φυλάξας τὰ σήμαντρα σῷα, Χριστέ,
ἐξηγέρθης τοῦ τάφου,
ὁ τὰς κλεῖς τῆς Παρθένου μὴ λυμηνάμενος
ἐν τῷ τόκῳ σου, καὶ ἀνέῳξας ἡμῖν
Παραδείσου τὰς πύλας.
Σῶτέρ μου τὸ ζῶν τε καὶ ἄθυτον ἱερεῖον,
ὡς Θεός, σεαυτὸν ἑκουσίως
προσαγαγὼν τῷ Πατρί, συνανέστησας
παγγενῆ τὸν Ἀδάμ, ἀναστὰς ἐκ τοῦ τάφου.
ᾨδὴ ζ'
«Ὁ Παῖδας ἐκ καμίνου ῥυσάμενος,
γενόμενος ἄνθρωπος, πάσχει ὡς θνητός,
καὶ διὰ Πάθους τὸ θνητόν
ἀφθαρσίας ἐνδύει εὐπρέπειαν,
ὁ μόνος εὐλογητὸς τῶν Πατέρων,
Θεὸς καὶ ὑπερένδοξος».
Γυναῖκες μετὰ μύρων θεόφρονες,
ὀπίσω σου ἔδραμον, ὃν δὲ ὡς θνητόν
μετὰ δακρύων ἐζήτουν,
προσεκύνησαν χαίρουσαι ζῶντα Θεόν,
καὶ Πάσχα τὸ μυστικὸν
σοῖς Χριστὲ Μαθηταῖς εὐηγγελίσαντο.
Θανάτου ἑορτάζομεν νέκρωσιν,
ᾍδου τὴν καθαίρεσιν, ἄλλης βιοτῆς,
τῆς αἰωνίου ἀπαρχήν,
καὶ σκιρτῶντες ὑμνοῦμεν τὸν αἴτιον,
τὸν μόνον εὐλογητὸν τῶν Πατέρων,
Θεὸν καὶ ὑπερένδοξον.
Ὡς ὄντως ἱερὰ καὶ πανέορτος,
αὕτη ἡ σωτήριος, νὺξ καὶ φωταυγής,
τῆς λαμπροφόρου ἡμέρας, τῆς Ἐγέρσεως
οὖσα προάγγελος,
ἐν ᾗ τὸ ἄχρονον φῶς, ἐκ τάφου σωματικῶς
πᾶσιν ἐπέλαμψεν.
ᾨδὴ η'
«Αὕτη ἡ κλητὴ καὶ ἁγία ἡμέρα,
ἡ μία τῶν Σαββάτων, ἡ βασιλὶς καὶ κυρία,
ἑορτῶν ἑορτή, καὶ πανήγυρις ἐστὶ πανηγύρεων,
ἐν ᾗ εὐλογοῦμεν, Χριστὸν εἰς τοὺς αἰῶνας».
Δεῦτε τοῦ καινοῦ τῆς ἀμπέλου γεννήματος
τῆς θείας εὐφροσύνης, ἐν τῇ εὐσήμῳ ἡμέρᾳ τῆς ἐγέρσεως,
βασιλείας τε Χριστοῦ κοινωνήσωμεν,
ὑμνοῦντες αὐτόν, ὡς Θεόν εἰς τοὺς αἰῶνας.
Ἆρον κύκλῳ τοὺς ὀφθαλμούς σου Σιὼν καὶ ἴδε·
ἰδοὺ γὰρ ἥκασί σοι, θεοφεγγεῖς ὡς φωστῆρες,
ἐκ δυσμῶν καὶ βορρᾶ, καὶ θαλάσσης, καὶ ἑῴας τᾶ τέκνα σου
ἐν σοὶ εὐλογοῦντα, Χριστὸν εἰς τοὺς αἰῶνας.
Πάτερ παντοκράτορ, καὶ Λόγε, καὶ Πνεῦμα,
τρισὶν ἑνιζομένη, ἐν ὑποστάσεσι φύσις,
ὑπερούσιε καὶ ὑπέρθεε εἰς σὲ βεβαπτίσμεθα,
καὶ σὲ εὐλογοῦμεν, εἰς πάντας τοὺς αἰῶνας.
ᾨδὴ θ' τοῦ Πάσχα.
Μεγάλυνον, ψυχή μου, τὸν ἐθελουσίως
παθόντα καὶ ταφέντα καὶ ἐξαναστάντα
τριήμερον ἐκ τάφου.
Φωτίζου, φωτίζου ἡ νέα Ἱερουσαλήμ·
ἡ γὰρ δόξα Κυρίου ἐπὶ σὲ ἀνέτειλε.
Χόρευε νῦν, καὶ ἀγάλλου Σιών·
σὺ δὲ ἁγνή, τέρπου, Θεοτόκε,
ἐν τῇ ἐγέρσει τοῦ τόκου σου.
Χριστὸς τὸ καινὸν πάσχα, τὸ ζωόθυτον θῦμα,
ἀμνὸς Θεοῦ ὁ αἴρων τὴν ἁμαρτίαν κόσμου.
῍Ω θείας! ὢ φίλης! ὢ γλυκυτάτης σου φωνῆς!
μεθ' ἡμῶν ἀψευδῶς γάρ ἐπηγγείλω, ἔσεσθαι
μέχρι τερμάτων αἰῶνος Χριστέ·
ἣν οἱ πιστοί ἄγκυραν ἐλπίδος,
κατέχοντες ἀγαλλόμεθα.
Σήμερον πᾶσα κτίσις ἀγάλλεται καὶ χαίρει
ὅτι Χριστὸς ἀνέστη καὶ Ἅδης ἐσκυλεύθη.
῍Ω Πάσχα τὸ μέγα, καὶ ἱερώτατον Χριστέ·
ὤ σοφία καὶ Λόγε τοῦ Θεοῦ καὶ δύναμις·
δίδου ἡμῖν ἐκτυπώτερον
σοῦ μετασχεῖν, ἐν τῇ ἀνεσπέρῳ
ἡμέρᾳ τῆς βασιλείας σου.

[@biancazzuri73]

Χριστός Ανέστη! Αληθώς Ανέστη ο Κύριος!
Δόξα τω Θεώ πάντων ένεκεν!

[@DOUKAS90]

Χριστός! Ανέστη! Δόξα Σοι, ο Θεός!

[@vipjets3708]

δόξα σοι ο θεός ημών δόξα σοι!

[@mpiapoluzou5113]

Χριστος Ανεστη.

[@melismata16]

Αληθώς ανέστη!

[@Bchristos]

Χριστός Ανέστη και χρόνια πολλά και ευλογημένα με υγεία και ευτυχία

[@georgebatzios9067]

@@Bchristos Αληθώς ανέστη!

[@angelaaristodemou9044]

❤7

[@user-cx8zk4xl3z]

Αληθώς Ανεστη

[@tryfonouzounis4796]

ΧΡΙΣΤΟΣ..ΑΝΕΣΤΗ..ΕΚ. ΕΚΡΚΝ.ΘΑΝΑΤΟΝ.ΠΑΤΗΣΑΣ.ΕΚ..ΤΗΣ.ΜΝΗΜΑΣΗ.ΖΩΗ..ΧΑΡΗΣΑΜΕΝΗ...ΚΑΘΕ..ΜΕΡΑ...ΠΜΟΡΟΥ.ΜΕ.ΝΑ.ΤΟ.ΛΕΜΕ..ΤΟ.ΧΡΙΣΤΟΣ..ΑΝΕΣΤΗ.

[@tryfonouzounis4796]

ΧΡΙΣΤΟΣ.ΑΝΕΣΤΗ..ΕΚ.ΝΕΚΡΟΝ..ΘΑΝΑΤΟΝ.ΘΑΝΑΤΟΝ.ΠΑΤΗΣΑΣ..ΕΚ..ΤΗΣ..ΜΝΗΜΑΣΗ..ΧΑΡΗΣΑΜΕΝΟΣ....ΧΡΙΣΤΟΣ..ΑΝΕΣΤΗ.ΕΚ.ΝΕΚΡΟΝ.ΘΑΝΑΤΟΝ.ΘΑΝΑΤΟΝ.ΠΑΤΗΣΑΣ.ΕΚ.ΤΗΣ.ΜΝΗΜΑΣΗ..ΖΩΗ..ΧΑΡΗΣΑΜΕΝΟ..ΑΜΗΝ

[@tryfonouzounis4796]

ΑΓΙΟΙ.ΠΑΝΤΕΣ.ΠΡΕΣΒΕΥΣΑΤΕ.ΥΠΕΡ..ΗΜΟΝ.0

[@tryfonouzounis4796]

ΓΙΑΤΗ.
ΨΗΧΗ.ΜΟΥ.ΔΕΝ..ΧΙΛΙΑ.ΣΗΓΝΟΜΗ.ΠΟΥ.ΤΟ.ΔΕΧΕΣΕ..ΗΠΑ.ΤΟ.ΧΡΗΣΤΟΣ.ΑΝΕΣΤΗ.ΠΟΥ.ΗΝΕ.ΤΟ.ΚΑΚΟ

[@Daniel_Hoseiny]

Do you allow me to download your video's for private use?

[@melismata16]

Certainly, for private, public or any other use might give glory to God... Thank you!

[@Daniel_Hoseiny]

Ευχαριστώ πολύ

[@cychora4146]

Απο ποιό βιβλίο ψάλλετε?

[@melismata16]

Η βάση είναι ο Καραμάνης, αλλά η τελική ερμηνεία αποτυπώθηκε έτσι στη μνήμη και την αισθητική μου μέσα στα χρόνια .

[@cychora4146]

⁠@@melismata16Εξαιρετική μελωδία!

[@melismata16]

@@cychora4146 Ευχαριστούμε...