Ayuriin shand

ШӨНӨ ЦЭРГҮҮД ШУУГИЛДААД УНТУУЛДАГГҮЙ ГЭХ...
Монгол орны Баруун хязгаарын түүх нэн ээдрээтэй, бас хөлс, хүч, цус нулимс, харуусал гуниг, алдаа эндэл, ялалт бахдал дүүрэн. Тийм түүхийн нэгэн хэлтэрхийг танилцуулж байна.
АЮУРЫН ШАНД гэдэг газар Цэнхэр Номингийн говийн зүүн хойт үзүүрт оршино. Говь-Алтай аймгийн Алтай сумын нутаг. Их говь руу шургах элст бяцхан сайр, алаг тоорог, дэллэсэн бяцхан хар хадан уулсын дунд гэнэтхэн хулс зэгстэй, сухайн шугуй нь найгасан, энд тэнд нь элдэв төрхтэй хадан толгойд нь өндөлзсөн ер бусын өвөрмөц үзэмжтэй газар гараад ирнэ дээ. Тэнд эрт цагт, 1940-өөд онд хилийн цэргийн застав байжээ. Тэгээд хядуулчихжээ. Хуугаараа. Харийнхан ирээд унтаж байхад нь хядчихаж. Харуул хамгаалалт нь ч яасан сул байсан юм, яагаад унтаж байгаад хядуулчихсан юм, бүү мэд. Амьд гэрч үлдээсэнгүй. 30-аад цэрэг.
Хожим Нэгдлийн үед их ч тохилог сайхан өвөлжөөн барьж, айл амьтан буулгажээ. Гэвч айл нутаглах нэн дурамжхан. Учир нь орой үдэш болохоор нь цэргүүд шуугилдаад, дуулалдаад, уйлалдаад, бас жагсаалын команд тачигнаад эхэлдэг гэнэ. Соц үед захиргаадаж байгаад ганц нэг айлыг нэг хоёр жил өвөлжүүлж, түүнээс хойш эзгүйрчээ. Нэг ийм гунигт түүх өгүүлсэн цэргийн заставын туурь байна. Уг нь мөн ч сайхан байгалтай газар юм.
Дараа тухтай явахдаа тэр туурь дээр очиж тэр юм нь үнэхээр дуугардаг эсэхийг нь туршин хэд хонож үзмээр. Ядахдаа л тэр байгалийн сайхан дунд хэд хоноход энэ тархи толгой сайхан сэргэнэ дээ.

[@batbayarmoonon7869]

Ямар сайхан нэвтрүүлэг , бичлэг, түүх вэ. Амжилт хүсье

[@batbayarmoonon7869]

❤❤❤

[@tumenbayrtserenhand2904]

Дууны нэрийг хэлээд өгөөч

[@dul_duluu]

Босго тотго киноны дуу

[@batbayarmoonon7869]

❤❤❤