時代廣場「一代醒獅」展覽 - 開光儀式

開光儀式
「靈獅開口顯慈祥…」呢句唔係咩神秘咒語，而係片中姜師傅為舞獅開光時唸嘅詩句之一，為獅子賦予靈氣，充滿特色同意義！
開光要做啲咩？首先要將獅子對住神壇，用碌柚葉幫佢淨身，再用硃砂加米酒，由頭到尾點上眼、耳、口、鼻、靈光等地方，再唸出詩句，舞獅隨即躍動而起！開光後，寓意想舞獅生生猛猛，所以頭等大事就係採青，表現靈動一面，顯得頭威頭勢！正如姜師傅所講，舞獅開光儀式係好值得保存，具有歷史價值嘅文化！