افرموا هاللحم وما تنسوش افردوا هالفحم اعملوا فتوش

افردوا هالفحم... وما تنسوش... افرموا هاللحم... اعملوا فتّوش
إقلوا بطاطا... جيبوا بهاراتا... شوفوا الخضرة... ملّوا جاطا
وإذا في قدرة... اعملوا سلاطة... بطني غير هيك ما بدّوش
................
دقّوا الليّة... مع هالكبّة... وطيبة نيّة... مع هالقصبة
وكفتة شويّة... يحبّا قلبي... الكفتة خطيّة... ما تشووش
الكفتة خطيّة... ما تقلوش
..............
وصبّولي وملّوا هالكاس... وزيدوا فيه منكن إحساس
بدّي غنّي بلا وسواس... حتّى تغنّي معي هالناس
بدّي غنّي بلا وسواس... حتّى ترقص معي هالناس
شويّة شويّة... وما يهدوش
.......................
وهالدربكّة لازم تحكي... خللوا صوتا يضحك يبكي
وهالمنجيرة بدّا تشكي... وتصدح مثل البوق الملكي
القطوا عالدبكة... وزيدوا الحركة... نحن اشتقنا... ما اشتقتوش
………………..
الحياة بلذّاتا... عيشوها بلحظاتا... عيشوها ببساطة... بلا تعقيداتا
وبلا فزلكاتا... وبلا فلسفاتا
حتّى هيّي بذاتا... تعملكن صلاتا... وتفرح فيكن... ما تجرحكوش
فهمتوا ولّا ما فهمتوش