Վանաձորի տնակային թաղամաս. 10 հոգով՝ մեկ տնակում

Մկրտչյանների ու Սարգսյանների տասը հոգանոց ընտանիքն ապրում է Վանաձորի տնակային թաղամասում՝ «նաբերեժնիի դոմիկներ», ինչպես ընդունված է այստեղ ասել:
Նրանց հիմնական եկամուտը երեխաների 50 հազար դրամ նպաստն է ու անտառից հավաքած հատապտուղից գոյացած գումարը:
Տնակում մշտական խնդիրը կաթացող տանիքն ու փտած հատակն են, որոնք ժամանակի ընթացքում քայքայվել են, ինչպես նաև սանհանգույցը. վառարանի վրա են ջուր տաքացնում և լողանում բաղնիքում, որը ծառայում է նաև որպես զուգարան և խորդանոց: