شادي جهينه رفيحي ياهجوسي سرها 🤞❤️👏

ياهجوسي سرها في ليل تسريه الذيابه
والذيابه ماتروق الا على روس الجبالي
سرها في ليل موحش جرهدي ماينسرابه
ماسراه ألا الجزيل اللي تفرد بالجزالي
باسم ابو لافي ولافي والحضور من القرابه
سلمنا وسلوم اهلنا ضيفنا بلحيل غالي
كل ضيفاً من بعيد ومن قريّب مرحبابه
مرحبا بالليله اللي غــيــر عن كل الليالي
كلنا في صوت واحد من لفانا ياهلابه
ننطح الضيفان بالترحيب والصدر الشمالي
والله ان الوضع عادي لاجديد ولاغرابه
العرود اهل الكرم والجود من ماضي وتالي
دون قاصر والخصال الطيبه في كل لابه
مير انا لسان القبيله وافتخر وارفع عقالي
الرجل لازانت اخلاقه تميز بالرحابه
والرحابه من سمات الاجودي في كل حالي
صاحبي عبدالرحيم الله يطول في شبابه
والله انه بالمراجل والوفا مضرب مثالي
بيني وبينه صداقه ماتكفيها الكتابه
وبيني وبينه جمايل واجده والقدر عالي
المثل قد قالها ان السيف عزه من نصابه
والله انه سيف باليمنى وملفى للرجالي
يالله اني طالبك يارب دعوه مستجابه
يارحيم انك على عبادك كريماً ومــْــتَعالي
ياعزيزاً مامهيمن تكتب لحضرة جنابه
صالحات من البنات وصالحين من العيالي
كل صاحب خُلق طيّب ودك انه يقتدابه
راعي الاخلاق يبقى من كريمين السبالي
الكريم اللي على طول المدى ماصك بابه
والردي مفروض يمنع عن شراء صفر الدلالي
#شادي جهينه

[@user-zd3tm9ye3d]

مشا ء الله صوت جميل

[@NogodZnd]

يالله يا قلبي 👌انا من جمهوره 👏❤💙❤💙

[@Shadi.johinah]

هذه الشيله من كلماتي وأدائي في حفل الأخ عبدالرحيم لافي الجهني 🎉❤👏

[@user-305jfi]

استمرّ حنا معك ❤❤

[@Tareq.Albood.s.a]

أبدااااااااااااع ثلاثي الابعاد فلله درك

[@hananhihi9314]

ماشاء الله تبارك الله انا عبد المحسن سليمان سليم الحويطي من طلابك

[@user-tp4wl7lk5n]

👏👏👏👍

[@user-sz9zl4dq5r]

مبدع❤❤

[@user-bk3yl4uv2u]

100؛٪

[@btaal3302]

عاش شادي جهينه

[@sooqzman2622]

تحياتي لجهينه الذئاب

[@user-pp1fw8qe8q]

مبدع🎉

[@N.ooha98]

والردي مفروض يمنع من شرا صفر الدلالي