بكل اسف شديد ... انا اعترف انو اول مرة اسمع الزول ده ... وكنت قايل نفسي افهم شئ كثير عن الشعر في بلادي .. بعد ان سمعت سفيان جنو .. مرسلة لي من اعز الاحباب ... لقيت نفسي انا ما سمعت حاجة قبل كده .
غنولك غنيتك بيك مرق النغم وهج الغنا القلناه في زمن الشتات عشم الملم حيابك العشق اللي قبلك فيني مات لاتشيلي هم يا قبلتي في كل الجهات لبلب في الخط في كم؟ انا دير اشد واركب اجيك راحه من كل الوجع بسمة عز الالم وجع وجعين نقطه فرح جديد حبا اكيد وعدا مجيد فلا تختي حد بركان هواك جواي وقد احدٌ احد لا بنكسر مقداف هواك لا بربُط الاحلام وتد و ريد فوق ريد نجدع بعيد نتحدا حاجز اي صد نجدع مرق عكس العرق ريدة تتحدى الظروف ريدة الروح للخلود ريدة في الروح والجسد ندفق اماني احلامنا نيل نحلم ببكرانا الجميل اما نريد و اما نريد مافيش بديل وانا زول عنيد خليك عنيده ريديني في الزمن التشابه ريده مختلفة وفريدة ريدة البت الحلم الما سمعتها من روادي ولا قريتها من الجريدة ولا انتظرتها عبر شاشة من الفضاءات البعيدة بتي الحلم راااااااكزة وشديده بحبها بريده بريده وح اريده وردتها زمان زمان قبل امرق لهذا المكان وكت كنت لسع في امي الحبيبة هي كانت قريبه كانت معاي ومعاي حزني كان بسمت بسمتا فكان اللي كان عشقتها غرقتها وعمقها تساب لبكره ادخرتها زوال العذاب كما المطره صبت كما النسمة هبت وطردت سراب سراب الاغاني البدونها شتُر حلم في حياتي بزولةً بتسُر ببسمهة بتقابلك تسب البصُر وقدُر قدُر يا عين قدُر قدُر يا عين واحلا اتنين انا وهيّ وافي ليها الوافية ليّ حبيبة الكل الكلها ليّ فياضه محبة وحنية سميتها حبيبتي القومية وانا متشكر للجرحونا فاتوا بعد ما حبيناهم فاتوا وشالو الليهُو ادونا بس قاصدين ام غير قاصدين فشكراً ليهم شان لمونا في تفاصيل الحلم الواقع ارفعي نبض الريد الواقع وخلي الدافع يبقى النفس المارق منك داخل رئتي وداخل رئتك نفسي الطالع اوهبلك روحي ومن غير شي تديني خطاوي عشان امشي وانا طول ما مخلصه بخلص ليك وراح انده ليك مهما تمشي يا حلم اتحقق رغم الخوف خليك جواي سري المفشي واتشتتي كل المساحات حقتك بكيني ببكي بدمعتك سهريني ونومي بيّ انا صاحي حارس طلتك فوتيني لكن ما بعيد انا ديمه مرهون رجعتك وابقي البروق وابقي المطر عز الخطر اسعدني اكون انا رملتك ما الروح الرادت ر يدك بيك مرضيه وياكي المحرية لي يوم بكرة المعاك احلا بتاً نخلة في زمن القحلة وشايلا الريدة معاي قضية وارح بالنية نعيش الريدة فكرة ناس بتفيض حنية شقيش ما اقبل القاكِ علي كل احوالي بتهويني وعلي كل احوالك اهواكِ واتحدى جميع من غناكِ كان يقدر يحصر معناكِ او يحصر حسنك في اُغنية يا بت في الروح عشقك جواي يلاكِ معاي ودرب العشق للحول قريب الكتمة بعديها المطر وبعد الرزاز الهمريب الفاتوا فاتوا عشان نجي خلينا عن بعض لا نغيب نايهُ بسمعنا الهنا كوركيلو بسمعنا النصيب وأرحكي نوصل قوس قُزح نبقالو لون تامن فرح نتوسد الاحلام مرح والريد مخدة وعنقريب في ذات حنين الارتياح حيكون قريب وانا بوعدك راح اسعدك وانتي اوعديني وكت غراب البين يرك قربك يكون العندليب تدفريني وكت اقيف تشدي حيل احلامي فيك تسدي شريان النزيف تعدي بيّ عشان اجيك وألقاك دوام كائن لطيف ما تبقي زيف وانا قلبي ريف بنيات نبضو يَردن في الاماني البيك مَرقَََن عصير في يوم عليك غشن في نبضتك دكان لعبن في حبال صبري ونطن حجلة في الشريان ليّ اشترن كراس رسم وألوان وقامن رسمنك معرض كامل للحنية كما اتمنيتك واتمننك عقلانيتك وثورة جنك عشقك وشوقك روعة زوقك وعطفك وحِنك ويوم رسمنك ما اتشفنك من منوليزا ولا استوحنك من جنية ولا اتمننك لابسه عراكِ وابتدعنك بت غربية بس رسمنك لابسة الحشمة بنيةً مننا سودانية شايلا لونك من شمسنا وراضعة من النيل الحرية وردنك وفي احاسي الليك دفقنك بليتي فيني الإشتهى زمن الكفاف فيني انتهى زرعته بيك اخر امل اثمرتي سدرة منتهى يا السدرة يا ام صفقاً عراض ضلك رما جواهُ انساتي احتمى وكأنما بيك حيثما قلبي اللي طار بيك السما في لحظة قنوت جلّ وسمى نبضاتو غنن بي هواك رقصن حقوق الإنتماء رمن شبال علي الامال بشر يقين عزفت مزامير الحنين والحفلة كانت بالعصُر في حبنا البيت القصُر وكل الذين نحبهم حالهم بسُر كل المعازيم زينا بي ذات ملامح همنا نفس الامل بيلمنا يوم بكره يضحك وما يصُر وانا وانتي باكر المحتمل الجاي فيه العشق حُر كاسر قيود الإحتراس ريد الهنا عَمّر بنا دهن العواطف بالمُنا وشطب وضع حجر الاساس في الأول منذ الحته النابضه الريد وبلا قياس فصلنا احلامنا الخلود لبَسنا بيها كل الحواس السمع الشوف الذوق واللمس والحب الحاسة الأم الجاهرت بالفينا همس وفاخرت بالحب جناها الكبِر جوانا عارف كيف ح يتحدا المخاوف ساعة يكون ما فيهُ لَبس وقدر احلامو البناها
ابونا ازهري محمد علي ترك فيك بصمه واضحة حتى في بعض الكلمات بحسها مقتبسه من اشعارو لأن ازهري فيه فكرة الحبيبة من الوطن كما العكس.. على العموم انت في الدرب الصح طالما طليت من شرفاات الوطن الكبير ... الإبداع مقرون بالالم..
..بالجد شعر سفيان من جمالو م تقدر توصفوا💙🌿..بس الترتيل مخصص لكلام الله تعالى فقط لتخصيص كلام الله بالترتيل عن غيره من باقي الكلام لأن العامه غير المسلمين لا يفرقوا بين القرآن وغيره إلا بالترتيل والتلاوة. ..والغلط م عيب مهما وصل اعتزازك ب نفسك ومهمت كانت درجتك العلمية.. الغلط صفة فطرية فينا ..عشان كده ربنا فتح لينا باب للتوبة والاستغفار..خانك الوصف بس ي اخوي صحح كلامك👍🏻
وتبقا الحبيبه كما الوطن وكل العذابات ذي بعض سفيان جنووو انسانح بقامت وطن بالتوفيق
خطييييييير
عيشتنا في كل حرف وكل كلمة وكل مقطع احاسيس مختلفة عن بعضها
انت جدير بالاستماع
كلماتك جن زي جنك مبدع بكل ما تحمله بنت الشفة من معاني
حبيبتك حقيقتك
حبيبي يا جنو❤️💐 قمة الإبداع يا جميييييييل
بكل اسف شديد ...
انا اعترف انو اول مرة اسمع الزول ده ...
وكنت قايل نفسي افهم شئ كثير عن الشعر في بلادي ..
بعد ان سمعت سفيان جنو .. مرسلة لي من اعز الاحباب ... لقيت نفسي انا ما سمعت حاجة قبل كده .
Qamar Abu Al-Qasim
ههههههههه
اناكمان اول مره اسمع سفيان جنو ومرسلا لي زول عزيز
ياسلام عليك ياخ كلماتك بتهبش الوجدان التحيه ليك ولي كل النوارس الهاجرت ربنا يرد غربتنا كلنا
وتبقي الحبيبه كما هي الوطن
ياخ انت انسان بقامه وطن
حفظك الله ورعاك كنت بحير اينما كنت ياجنو
كتر خيرك كتير والله ..
هذا الإنسان العجيب ..
مبدع وفنان وكلماتو نابعة بنبض الوطن و كلمات توصف نفسها بنفسها إستمر وعين الله ترعاك ياربي انت وين ؟ نفسي اقرا ليك اكتر واسمع عنك اكتر واكتر
Same .
ياخ انت مجنون ومصاحب جنون الكلام ي سلاااااام ياخ ربي يحفظك ابداع بلا حدود
سفيان جنو لك كل الود ي راااائع دوما .. حقيقة ابداع والله ومزيدا من التقدم والازدهار
خاوية الحبيبة وقت يكون جواها حبك دون وطن
فعلا ياصاحبي
ب نكهة حميد لله درك ي جنو قمه الإبداع والروعة
جنوو الجن الكلكي ياااخ
تبا لك يا زول يا وحش
من باكستان دخلتنا عمق السودان بكلماتك دي 🦂✌
فوتيني لكن ما بعيد
تلقيني حارس رجعتك
سهريني ، نومي فيني ،
انا صاحي حارس طلتك💔
💙
جميل
لمين القصيدة (فوتيني )
متشكر لي الجرحونا ,,
جنو أسطورةً للشعر والفن الشبابي
ياخ احساس مبااالغة ربنا يحفظك
لااااااحولااااااااا ياخ انت غرييييب مبدع بكل تفاصيلك ...اول مره لساني يعجز عن التعبير
كن بخير ي عزيزي
كل المساحات حقتك...ياخ جن
ياخ والله يعجز السان عن وصف ابدعااااتك ربنا يردك سالم غائم
يا سلام إنسان مرهف بكل معنى الاحاسيس
يازول 👍 يارايع ومكمل الجمال لك التحية والتقدير
ماف كلااااااااام
مبدع والله كلك احاسيس
إبداع ي جنو قداااااام
ي جنو اتوجع ياخي عشان نسمع نغم عذب الكلام بيطلع من صلب الألم
اقسم ب الله الزول دا جن عديل ياااااااخ مُبالغه جنووووووو ي مجنون
زول خرافي كن بخير جنو ورحاااال
سفيان جنو انت مبدع بكل ما للكلمة من معنى
رووووووعه روعه الي الامام يا ابن بلدي
رائع رائع جدا يكرم مسامعك انت بالجد زول فنان بالتوفيق ان شاء الله
اسمك جنو ما من فراغ ابداع يا راستا
ابداع ي جنو لك ألف تحيه
غنولك
غنيتك بيك
مرق النغم وهج الغنا
القلناه في زمن الشتات
عشم الملم
حيابك العشق اللي قبلك
فيني مات
لاتشيلي هم
يا قبلتي في كل الجهات
لبلب
في الخط في كم؟
انا دير اشد
واركب اجيك
راحه من كل الوجع
بسمة عز الالم
وجع
وجعين
نقطه فرح جديد
حبا اكيد
وعدا مجيد
فلا تختي حد
بركان هواك جواي وقد
احدٌ احد
لا بنكسر مقداف هواك
لا بربُط الاحلام وتد
و ريد فوق ريد نجدع بعيد
نتحدا حاجز اي صد
نجدع مرق عكس العرق
ريدة تتحدى الظروف
ريدة الروح للخلود
ريدة في الروح والجسد
ندفق اماني احلامنا نيل
نحلم ببكرانا الجميل
اما نريد
و اما نريد مافيش بديل
وانا زول عنيد
خليك عنيده
ريديني في الزمن التشابه
ريده مختلفة وفريدة
ريدة البت الحلم
الما سمعتها من روادي
ولا قريتها من الجريدة
ولا انتظرتها عبر شاشة
من الفضاءات البعيدة
بتي الحلم راااااااكزة وشديده
بحبها بريده
بريده وح اريده
وردتها زمان
زمان قبل امرق لهذا المكان
وكت كنت لسع في امي الحبيبة
هي كانت قريبه
كانت معاي ومعاي حزني كان
بسمت بسمتا
فكان اللي كان
عشقتها
غرقتها
وعمقها تساب
لبكره ادخرتها زوال العذاب
كما المطره صبت
كما النسمة هبت
وطردت سراب
سراب الاغاني البدونها شتُر
حلم في حياتي
بزولةً بتسُر
ببسمهة بتقابلك
تسب البصُر
وقدُر
قدُر يا عين قدُر
قدُر يا عين واحلا اتنين انا
وهيّ
وافي ليها الوافية ليّ
حبيبة الكل الكلها ليّ
فياضه محبة وحنية
سميتها حبيبتي القومية
وانا متشكر للجرحونا
فاتوا بعد ما حبيناهم
فاتوا وشالو الليهُو ادونا
بس قاصدين
ام غير قاصدين
فشكراً ليهم شان لمونا
في تفاصيل الحلم الواقع
ارفعي نبض الريد الواقع
وخلي الدافع
يبقى النفس المارق منك داخل رئتي
وداخل رئتك نفسي الطالع
اوهبلك روحي ومن غير شي
تديني خطاوي عشان امشي
وانا طول ما مخلصه
بخلص ليك
وراح انده ليك مهما تمشي
يا حلم اتحقق رغم الخوف
خليك جواي سري المفشي
واتشتتي
كل المساحات حقتك
بكيني ببكي بدمعتك
سهريني ونومي بيّ
انا صاحي حارس طلتك
فوتيني لكن ما بعيد
انا ديمه مرهون رجعتك
وابقي البروق وابقي المطر
عز الخطر
اسعدني اكون انا رملتك
ما الروح الرادت ر يدك
بيك مرضيه
وياكي المحرية
لي يوم بكرة المعاك احلا
بتاً نخلة
في زمن القحلة
وشايلا الريدة معاي قضية
وارح بالنية
نعيش الريدة فكرة ناس بتفيض
حنية
شقيش ما اقبل القاكِ
علي كل احوالي بتهويني
وعلي كل احوالك اهواكِ
واتحدى جميع من غناكِ
كان يقدر يحصر معناكِ
او يحصر حسنك في اُغنية
يا بت في الروح
عشقك جواي
يلاكِ معاي
ودرب العشق للحول قريب
الكتمة بعديها المطر
وبعد الرزاز الهمريب
الفاتوا فاتوا عشان نجي
خلينا عن بعض لا نغيب
نايهُ بسمعنا الهنا
كوركيلو بسمعنا النصيب
وأرحكي نوصل قوس قُزح
نبقالو لون تامن فرح
نتوسد الاحلام مرح
والريد مخدة وعنقريب
في ذات حنين الارتياح حيكون قريب
وانا بوعدك راح اسعدك
وانتي اوعديني وكت غراب البين
يرك
قربك يكون العندليب
تدفريني وكت اقيف
تشدي حيل احلامي فيك
تسدي شريان النزيف
تعدي بيّ عشان اجيك
وألقاك دوام كائن لطيف
ما تبقي زيف
وانا قلبي ريف
بنيات نبضو يَردن في الاماني البيك
مَرقَََن عصير في يوم عليك
غشن في نبضتك دكان
لعبن في حبال صبري
ونطن حجلة في الشريان
ليّ اشترن كراس رسم وألوان
وقامن رسمنك معرض كامل للحنية
كما اتمنيتك واتمننك
عقلانيتك وثورة جنك
عشقك وشوقك
روعة زوقك
وعطفك وحِنك
ويوم رسمنك
ما اتشفنك من منوليزا
ولا استوحنك من جنية
ولا اتمننك لابسه عراكِ
وابتدعنك بت غربية
بس رسمنك لابسة الحشمة بنيةً
مننا سودانية
شايلا لونك من شمسنا
وراضعة من النيل الحرية
وردنك
وفي احاسي الليك دفقنك
بليتي فيني الإشتهى
زمن الكفاف فيني انتهى
زرعته بيك اخر امل
اثمرتي سدرة منتهى
يا السدرة يا ام صفقاً عراض
ضلك رما
جواهُ انساتي احتمى
وكأنما بيك حيثما
قلبي اللي طار بيك السما
في لحظة قنوت
جلّ وسمى
نبضاتو غنن بي هواك رقصن
حقوق الإنتماء
رمن شبال علي الامال
بشر يقين
عزفت مزامير الحنين
والحفلة كانت بالعصُر
في حبنا البيت القصُر
وكل الذين نحبهم حالهم بسُر
كل المعازيم زينا
بي ذات ملامح همنا
نفس الامل بيلمنا
يوم بكره يضحك وما يصُر
وانا وانتي باكر المحتمل
الجاي فيه العشق حُر
كاسر قيود الإحتراس
ريد الهنا
عَمّر بنا
دهن العواطف بالمُنا
وشطب وضع حجر الاساس
في الأول منذ الحته النابضه
الريد
وبلا قياس فصلنا احلامنا الخلود
لبَسنا بيها كل الحواس
السمع
الشوف
الذوق واللمس
والحب الحاسة الأم الجاهرت
بالفينا همس
وفاخرت بالحب جناها
الكبِر جوانا عارف
كيف ح يتحدا المخاوف
ساعة يكون ما فيهُ لَبس
وقدر احلامو البناها
يا مثبت الجالوص في الخريف
...
ياخ الزول ما نصييييح ..
والله شاعر فحل ماشاء الله
جنووووو ي غريب
أتمناك بخيييير
ربنا يحفظه
كبير يا اصلي
ابداع يا ابو مريم
انا متشكر للجرحونا الفاتو بعد م حبيناهم فاتو وشالو الليهو ادونا بس قاصدين ام غير قاصدين فشكرا ليهم عشان لمونا
Rame Mohammed ياسلام
طريقه الأداء تشبه طريقه أحمد زحزحه رائع ي جنو
ايوا
بعيدا الزول دا ياخ
جنوووو انت ماطبيعي ياخ ❤
جنو قدام يا بطل
عجيب ي جنو
ابونا ازهري محمد علي ترك فيك بصمه واضحة حتى في بعض الكلمات بحسها مقتبسه من اشعارو لأن ازهري فيه فكرة الحبيبة من الوطن كما العكس..
على العموم انت في الدرب الصح طالما طليت من شرفاات الوطن الكبير ...
الإبداع مقرون بالالم..
ياسلام أصيل ياخ❤️
جن الجن
كل الذين نحبهم ...
قمة الاحساس💗
نقطة وجع وجعين فرح جديد.
جميل جدا
يازول حرم جنك ده اسمح منو ماف زول ذي يوم العيد
الله يعطيك العافية وربنا يستر عليك ياراقي ويسلمو الجابوك ياسفيان(عاشق )
22-4-2023
صحيح الجن الكلكي الابلس ملكي في قصائد إبداع
البالغه دي يخلوها ليك استمر يا معلم سفيان وكن بخير وجلسه في الحرم بختهم الحضرو الشغول دا ومشكور الفوتوغرافي الرفعو على اليوتيوب
اديني خطاوي عشان امشييك💔
سفيان يا جنو انت فوق الوصف واصل من غير فواصل يامبدع
جنووووو❤️❤️❤️
جنو ي جننننننن يا😅
اول مره اسمع ليك ي كبير لكن ياريت كل الناس تسمعك وتتعلم منك زول فوق حد الوصف جن جن والله
افتخر عشان كنت موجوووووود في الفيديو ده
اين كان المكان واين جنو الان
اعتقد الفيديو مسجلة في اليونان
كنت وين في الجنه
أما يا بلد مافيك ناس جميلة خلاص ، تبا لمن سمم مسامعنا
ي الله ي الله 🥵🥵🥵
مرق النغم وهج الغنا القلناه في زمن الشتات عشم الملم ،،
خيالك ده مخصب بي يورانيوم يازوول ولا مالك انت.. مافي ابداع اكتر من كده
انا متشكر للجرحونا للفاتو بعد م حبيناهم فاتو وشالو ال ليهو ادونا هل قاصدين ام غير قاصدين ف شكراًليهم شان لمونا 💙
روعه
لا تعليق ... فقط اسمعو ....
لك خالص الود
الفاتو فاتوا عشان نجي 💔
جنو
السهل الممتنع..
لا اله الا الله حيرتني لالا جننتني جن ياجن مافي تعبير بشبهك ماعارفه اكتب ليك شنو
الزول الوطن ❤️
كلامات روعة ي جنو مفروض كلمتك تتغنى للفنانة السندرلا نانسى عجاج
كل الحب ♥ سفيان رحال
وين الزول دا ي ناس اسي
الكتمه بعديها المطر
بعد الرزاز الهمبريب
يا جماعه الزول دا وين حاليا
اوفففف انا الجابنى هنا شنو
ياجماعه الزول دا وين ولشنو م بنزل جديد
انت وطن
حبيبتك هي حقيقتك يا مجنون انت ياااااااخ لي قدام
جنو ي جن
غريب إنت يا ااااااااااخ
جنووووووو
قيسان في الجلسه دي ول غياب؟!
يا خ انت الزيت وزت الزيت الله يكرمك يا جنو
عايش وين الشبح دا؟
ساكن وين جنو دا؟
ياااااااااااخ انعل ابو دي القصيدة تسلم ي ابو جنو 💔💔زرعت لي اخرة اخرة اخرة الخبر 😓😓
سهريني نومي فيني انا حارس طلتك
سجلتها إنت يا أيمن 😨😨😨
+Mohammed Ibrahim لا يامحمد ..جايبا من الفيس
كالعاة في 18 نفر ما بحبو اي حاجة سمحة في الدنيا دي ههههه عشان كده ما عجبهم الفديو
جنو.. والله نشتاقك جداً ونحبك جداً 💖
أبقى طيب .. وكن بخير ☮️🕊️🦋🌺
.. والله ف العادة انا منهم😹 لكن ف الحالة دي اتنازلت لي زول عن خانتي😹
واصل ي عملاق و جيشك معاك✌🏻💙
كلام مرتل ترتيلا وكأنه نازل من السماء
شكراً يا زول يا رائع
اتقي الله ياخ
دي عواره جديده كمان
@@bhfswt 😂😂😂😂😂😜
..بالجد شعر سفيان من جمالو م تقدر توصفوا💙🌿..بس الترتيل مخصص لكلام الله تعالى فقط لتخصيص كلام الله بالترتيل عن غيره من باقي الكلام لأن العامه غير المسلمين لا يفرقوا بين القرآن وغيره إلا بالترتيل والتلاوة.
..والغلط م عيب مهما وصل اعتزازك ب نفسك ومهمت كانت درجتك العلمية.. الغلط صفة فطرية فينا ..عشان كده ربنا فتح لينا باب للتوبة والاستغفار..خانك الوصف بس ي اخوي صحح كلامك👍🏻
بالله انت عندك قناه في اليوتيوب
انا اسمعك جيد يارايع
حبيبتك حقيقتك رفيقتك لآخر الطريق
حمید جدید
😴❤
زول مشحوون ابداع .... جنو
بتاسف اول مرة اسمعك ابن بلادي