يالمشبح من برا😍 واش حالك من الداخل 😱 يومين وأنا أنظم فالكوزينة باش فرات😭ترتيب وتنظيم بلاكارات المطبخ
Вставка
- Опубліковано 18 бер 2020
- يالمشبح من برا😍 واش حالك من الداخل 😱 يومين وأنا أنظم فالكوزينة باش فرات😭ترتيب وتنظيم بلاكارات المطبخ
مرحبا بكم فى قناتي كوزينة بنت القصبة
إشترك فى القناة و فعل ميزة الجرس 🔔 ليصلك كل جديد ان شاء الله
Bienvenue Sur Ma Chaine
Abonnez Vous A Ma Chaine UA-cam
cuisine bent casbah
للإعلان والتعاملات التجارية business email يرجى التواصل هنا 👇
nawalhamidat77@yahoo.com
فيديوهات قد تهمك فى التنظيم والترتيب
رابط تنظيف الثلاجة
• Video
رابط تنظيف تحت حوض المطبخ
• Video
رابط ترتيب أدراج و بلاكارات المطبخ
• Video
رابط ترتيب وتنظيم الاواني
• Video
جولة كاملة فى مطبخي
#ترتيب_تنظيم
#Organization_Cleaning
#خزائن_المطبخ
شاركت معاكم يوم من مطبخي روتين من روتينات كوزينة بنت القصبة
Tour Dans Ma Cuisine
organisation et rangement
Accesoires De Cuisine
astuces déco et rangements
كيفاش انظم ونرتب بلاكارات المطبخ
طريقتي فى ترتيب المطبخ
طريقتي فى ترتيب الاواني
ترتيب الاواني
طريقتي فى ترتيب مستلزمات المطبخ
طريقتي فى تنظيم المواد الغدائية
حيل ذكية للترتيب والتنظيم
خزائن المطبخ
خزائن المطبخ الخشبية
خزائن الخشب المستورد
تصميم خزائن المطبخ
بلاكارات الكوزينة
بلاكارات المطبخ
صنع خزانة خشبية
بلاكارات خشبية
خزائن خشبية
الاواني
جولة فى مطبخي
ترتايباتي الجميلة فى مطبخي
حيل وافكار لترتيب المطبخ
مطبخي بعد التغيير
افكار بسيطة وغير مكلفة لترتيب المطبخ
شكل مطبخي بعد التعديلات البسيطة
روتين كوزينة بنت القصبة,روتين إمرأة جزائرية,روتين ماكثة فى البيت,روتين يوم كامل,روتيني اليومي,روتين تحفيزي,روتين مشارجي,روتين,روتين صباحي,روتين مسائي,روتين الضيوف, روتين الهمة والنشاط,روتين الشطارة,روتين خفيف ظريف,روتين يوم الجمعة, الروتينات,الروتين,روتين,روتينات,روتيناتي,روتيني,ma routine,routini,routine,el routine,el routinat,ma vrai routine,night routine,my night time routine,my morning routine,morning routine,ma vraie night routine,routine cuisine bent casbah - Навчання та стиль
جام👍جام👍جام👍انا راني مريضة من رقبتي خرجولي ليباري ماراني ندور ماراني نخدم طبيب منع عليا الشغل وقلبي في الميناج ادعولي خيلتي وادعيلي ختي نوال ربي يشفيني ويرفد علينا هاذا الضر اجمعين
طهووور حبيبتي ربي يشافيك ويعافيك ويرفد الضر عليك 🤲❤
ربي معاك صحة الاولى ومن بعد لميناج ههههه حنا نساء كما هاك معليش ختي من بعد كلش يجي ربي يشافيك
رلي يشفيك وعافيك لوكان راني جارتك انا نعونك في كل شئ في ميزان حسنات طهورة نشاء الله
@@oomedadoo5908 عندك الحق اختي .
اختي جربي الحجامة الله يشفيك حنونا
و الله كوزينتك مربلة و عجبتني كالش صوالحك شابين بصحتك انا 17 عام و مازلت متمنيا كوزينه عندي كوزينة مؤقته و صغيرة بزاف دعيولي نكمل البناء و نسكنها بالصحة والعافية
ان شاالله ربي يفرج عليك ويرزقك من حيث لا تحتسبين
الله يبارك عليك ختيتو ادعيلي ربي يرزقني كيما رزقك تعجبيني بزاف انا ملقصبة تان ياختي بالاك رانا جيران هههه عندي ضروف صعاب وراجلي قاعد فالدار ميخدمش الحمد لله على كل حال نطلب منك ومن كل وحدة شافت تعليقي دير لايك وتدعيلي بالفرج العاجل وربي يعطيكم صحيحتكم يارب وشكرا
رب يفرج عليك ختنا ويفتح عليك إن شااااء من الواسع قريبا يا فتاح يا رزاق يا جواد يا كريم وعلى كامل أمة محمد صلوات ربي وتسليماته عليه🤲💕
rabi ayefataj 3lik we 3la almoumenine amine
@@yousrayola6714 الله يهديك ياختي وانت واش قلقك واش جيناك وحيرك ما هدرت معاك ماوالو راني طلبت الدعاء ماشي دراهم مانيش نطلب وانت نفسك مريضة الدعاء مقدرتيش عليه وتزيدي تنتقدي انا الاخت نوال نحبها ونتبعها وعمري مافكرت تفكير سىء من جيهتها تعجبني بزاف وهادا مايمنعش اني نتشهى دار كيما دارها ماشي حيب ماحسدتها ما غرت منها راني بنت خير وأصل وبنت فاميليا ضاقت علينا الدنيا وصابرين لربي استخسرتي عليا دعوة خير روحي وكيلك ربي
@@yousrayola6714 wach 9ele9ak mera kelitiha rebi yfaradj 3eliha
@@talbichourouk6406 ربي يرزقك ويجبر بخاطرك
حقك تتشهاي وتتمناي وربي يرزقك ويرزق كل وحدة
يعطيك الصحة والله يبارك على كوزنتك بصح حسيت كأني نحوس في محل أواني فاخرة
يبارك فيك العزيزة مرحبا بيك
ههههههه يعطيك الربح
Effectivement oui !!😄😄
عندك الحق🤣😂
الله يزيدك و يمنيك، و لكن علاش ڨاع هاذ الماعن؟🤔 أظن أننا نبالغ كثيرا في شراء الأواني" حمى الشراء عند الجزائريين" و نغفل عن الكثير من الأمور المهمة التي تبعث فينا الطاقة الإجابية، و للحديث بقية ....
و الله
عندك الحق نزيد الشغل مانريحوش
كلامك صحيحة مئة بالمئة
يايما تقولي حانوت الله يبارك انا كي نقول نشري يقولي كاين الكيسان ولا الطباسا كي يتكسرو وشري هههههه
لي بخيرو علاش لالا؟
انا واحدة من الناس مانحبش نقعد ناكل في نفس التباسا عام كامل
نحب نبدل
مشاء الله ربي يحفضك من العين اختي نوال والله متمنيا يكبرو ولداتي ويخرجو صلحين وندير دويرة بطبع ونحط كل حاجة في بلاصتها ونكون صحيحة ونتمتع بيها حلم كل امراة ياربي رزقنا ولاتحرمنا من نعمك علينا
Shakib-ramy-yacine Tahtane ان شاء الله يحققلك كل واش متمنية 👍🏻🌺🇩🇿
ربي يعطيك ما تتمناي ويرزقك من نعيم الدنيا والأخرة ❤
@@cuisinebentcasbah امين يارب
يعطيك صحة حنى ثاني ضياف فهذا دنيانحبك بزاف
بنتي صغيرة تفرجت معايا و قاتلي الله يبارك على المواعن ههه ربي يباركلك و يفرحك
ماشاء الله عليك حبيبتي بنت القصبة مرا ونص صوتك تباني همة وشان وكلش بالطبع ربي يحفظك وكثريلنا من التنظيم وهاذ الفيديوهات
99بي مئة من اغراض البيت موجودة في المطبخ لذلك احسن مطبخ يكون اكبر مكان في منزل وفيه بزاف بلاكرات باش يساعدونا على تنظيم
والله كيما قلتي انا كوزينتي صغيرة بزااف مالا كي نحب نشري نحبس غير علي جال مكاش وين نخبي مهم حمدلله علي كل حال
الله يبارك انا ثاني نموت على التنظيم معنديش الامكانيات بزاف بصح كلش تاعي منظم ومبارح بديت في الكوزينة واليوم وغدوا انشاء الله نكملها راني مريضة ونخدم بالجيهة وربي يقدرنا انشاء الله
يعطيك الصحة ورب يشفيك
ربي يقدرك ويشافيك والله الصحة عزيزه
والله انتِ مرأة و نص و 25 اضافة الى صوتك الباهي المحترم و فيديوهاتك تجمع بين الاصاله و المعاصرة ...والله فيديوهات جد مميزة و مفيدة....اتمنى لكِ التوفيق و المواصلة يا بنت القصبة الباهية.
الله يعزك ويعلي شانك ومقامك يا الحبيبة شكرااا ❤😘
ماشاء الله مرأة بالطبع مثال للمرأة الجزائرية
😍 😍 😍
الله يبارك عليك ياختي لعزيزة ...انا اكتشفتك اليوم عمري ما شفتلك فيديو و عجبتيني و عجبوني دعاوي الخير تاعك و أنا نقولك : الله يباركلك في صحيحتك و في دويرتك و يعطيك و يمنيك يااااااااااااااارب
جزاك الله خير يارب 🤲
مرحباااا بيك العزيزة نورتيني
نوال ختي انا عندي قريب عامين زواج مازال ما شريت ماعن اعطيتيني افكار انشاله ربي يرزقني كيما نتي والله دخلتي قلبي حلوة اللله يبارك
والله تبعت يوتيوبرز بزاف بصح نتي نقية من داخل وش تهدري يوصل للقلب ربي يهنيك بدارك وماعنك يزيدك من نعيمو
ما شاء الله عليك ربي يحفظك ويحميك حبيت نقولك راني جربت الخبز تاع البارح خرجلي روعة وبعتلك التصاور فالانستاغرام روحي شوفيهم ربي يسترك ويحميك انت وأولادك وزوجك
وش اسم لكونت انستغرام تاعها
انا ارملة وبصراحة مانيش واصلة لهذا الخير ادعيلي ربي يرزقني بدار وبزوج صالح وندير كيفك ... جبيبتي ربي يرزقك اكثر واكثر باين قلبك طيب كل ما نتفرجلك نرتاح ونقول كاين شخص راهو يدعيلنا في ظهر الغيب ❤ احبك في الله اختي ❤
متتبعة من الصحراء
مشاء الله تبارك الله عليك نحيتيلي علي خاطري نموت على لماعن ربي يحفظك من العين عزيزة
وإياك حبيبتي الغالية شكرا
كلش شباب بصحتك. والله راكي درتينا طاقة إيجابية عندي ليسرفيس.مي سكنة مازلت ربي يجيب الخير أن شاء الله ونفرحو كيما راكي فرحانة. جام
نتي الله يبارك عليك و لي ينتقدك غير لي يغير منك و ما فيها والو كي توريناا ماعنك و لا كوزينتك كل واحد واش رزقو ربي و عندك ذوق شباااااب
ربي يرزقني ذرية صالحة الي فات منا يدعيلي
امين يارب العالمين
لي عندو كل يوم عيدو وحنا خياتي نتفرجو بالعين ربي ارزقني يارب العاىمين
نجامي ديما قبل منشوف انت روعة روعة ربي يزيدك من نعيمو ويرزق كل خياتي والله درتيلي القوة غدوا انوض لبلاكاري نحيلو سعدو ربي يحفظ كل المومنين من هاذ الوباء امين شكرا حبيبتي نوال على تعبك وجهدك معانا
امين يارب العالمين ربي يقدرك ختي العزيزة 😘
كوزينة بنت القصبة - cuisine bent casbah ههههه قتلتيني بالضحك
@@algerianprincess6207 علاه قتلاتك بضحك محملتهاش هدي كلمة
مشاء الله ربي يفرج على كل وحدة مغبونة
الله يبارك عليك حنونتي نوال...دايما توب ودايما تحفزينا راني بديت بتنظيف المطبخ بسباب هذ الفيديو رغم النفسيه الهابطة بسب كورونا..ربي يحفظك ويزيدك اناقه
تبارك الله عليك اختي عندي تسعة وعشرين عام عندي تلات صغار يوكان تشوفي كي كنت عايش ربي لعالم بي بصح ملي شتك يالحبيب منكدبش عليك منحوس على حتى واحد وليت غي نشري لمواعين واللله يزيك الخير
ما شاء الله. تمنيت تكون عندي دار وكوزينة شابة كيما تاعك مرتبة ونظيفة إن شاء الله. حتي فكرة تقلشي روحك راني معاك.
ان شاالله ربي يفرج عليك ويرزقك من حيث لا تحتسبين ❤
آمين يارب العالمين ليك اختي ولي انا انشاء الله
انا تان ربي يرزق
انا عندي كوزينة بصح معنديش مواعن
السلام عليكم الاخت فاطمه من المغرب انا متبعك تتعجبيني انا من المغرب اللهم بارك اللهم بارك على ذكرى الله يكمل لك
فيديوهاتك دائما متألقين ربي يحفظك ويعطيك الصحة حنونة كلامك يرد الروح وعسل ينزل على القلب يشفيه شكرا لكي سيدتي
اول مرة نشوفك عندك قبول فوي على القلب من اختك ميمي
طاقة إيجابية ماعن بالطبع والشان ربي يحفظك راني ندخل بالعقل بالعقل كي نكون قادرة ماشاء الله اسم القناة على مسمى 👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍🤗🤗🤗🤗🤗🤗🤗🤗🤗🤗🤗🤗🤗😘😘😘😘😘😘😘😘😘😘😘😘😘😘👍👍👍👍👍👍👍👍👍🤗🤗🤗👍👍👍👍👍👍👍👍👍👍👍👍
يعطيك الصحة اختي منظمة toooooooop والله دارك منظمة كيما داري انا كيما انت نحب كلش مرتب ونقي لازم نقلشو رواحنا ونقلشو ازواجنا وليداتنا ونتفاءلو ا خير وربي يصلح لينا أجمعين و يعطينا صحتنا ويبعد علينا هذا الوباء قولوا اميييييين و رمضانكم مبروك😙😙😙😙😙
اميييييين
بسم الله ماشاء الله تبارك الرحمن كل الشئ بالطبع تستعمليهم بالصحة والهنا ذوقك جد راق يسلموووووا
ام حبيب من باتنة
شكراا الله يهنيك حبيبتي
*الله يبارك شحال تعرفي تهضري . ماشاء الله اللهم بارك كلشي بالطبع*
بسم الله ماشاء ألله ولا قوة إلا بالله ربي يبارك و يزيد اول مرة نشوفك انت تدعي وانا نقول آمين يارب العالمين ربي يحفظك
انا نشكرك كثيرعلى هذا النشاط والالوان الزاهية لي شفتها في المطبخ تاعك نساتني في حديث الساعة الكورونا بزاف قتلونا بالخلايع والمحا لي وريتيهولنا رائع فيه اشكال والوان الله يبارك
تستعمليهم بالصحة والهناء ان شاء الله وربي يهز علينا هذا الوباء يارب ويبلغنا رمضان لفاقدين ولا مفقودين يارب العالمين
امين يارب العالمين 🤲❤
مساء الخير ختي يعطيك الصحة
ماشاء الله تبارك الرحمان على كوزنتك ولعقوبة لكل وحدة تتمنا كوزينة كبيرة فيها كلشي كيما ختنا بالتوفيق ختي لعزيزة وربي افرحك
ربي يفرحك حبيبتي ويعطيك ما تتمناي
مشالله على نضام وترتيب واذوق الرفيع كوزينة تهبل،،،ممكن ختى تجاوبينى نوع الخشب،،وشحال السعر ربي يوفقك
انا في بالي غير كوزينتي لراهي مخلط بصح رانا ڨاع مخلطينها ربي يكون فالعون ساعات نفشل وساعات اندير كوراج حتى انكمل ڨع التنضيف
ربي يقدرك ختي العزيزة
ربی یعینک
كلنا هكاك ياختي نهار فشل ونهار نشاط هدي هي المرا مسكينة نفس الروتين الله غالب
سلام عليكم اكتبي فوق العلب باش تسهل
ربي يباركلك ويزيدك ،ماشاء الله ألوان زوينة وشابة ،والله لكاين لي عنده وربي عاطيه بصح ميعرفش يشري ،الذوق كذلك رزق من عند الله تعالى ربي يرزقك كل خير، انا متابعة جديدة بوسااات
الله يسلمك ختي العزيزة ويفرح قلبك مرحبا بيك معانا ♥😘😘
الله يبارك ما شاء الله مرا ونص وعندك لمواعن يهبلو والله صرحة هبلتيني بحوايجك الله يبارك اخت نوال عجبتيني بزاف
الامنية تاعي يرزقني ربي الذرية الصالحة والسالمة ان شاء الله ادعولي يقولون دعاء الغريب مستجاب 🙏🤲 ودمتم على بركة الله
شكرا ربي يبرحك ويعمر حجرك ويرزقك الذرية الصالحة
الدراهم هوما الي يردو المرأة مراءة ونص
الله يبارك يعطيك الصحة ..انا كل همي في هذا الوقت غي ربي يرفع علينا هذا الوباء ويعفو علينا ..اللهم نسالك العفوا والعافية والله ضحكة و مارانيش قذرا نضحك رانا نرقذو مين نوضو نصيبو زاذو 10حلات بلا لتوفاو ربي يرحمهم
Ah oui c'est ça qui conte pour nous ce moment tout ça c'est rien des tout
Hanaya fi ghorba safi 12jours hanya mahbosine fi dar zid manargotche rabi faraje 3alina inchaalah
ايه والله العين تدمع على الحالة الي وصلنا ليها والناس طايحة تشري في الماعن وتوجد لرمضان وزيد يعرضو فيها على قنواتهم وكأن اللي أصابهم الوباء ليسوا إخواننا...
سبحان الله .. ربي يهدينا ويرفد علينا الوباء ويخلينا صحتنا ويحفظ لينا أولادنا وبلادنا إن شاء الله. 🤲🤲🤲
اللهم ارفع عنا هذا البلاء واحفظنا بحفظك وارحم اللهم الذين توفيتهم برحمتك الواسعة آمين آمين آمين وصل اللهم وسلم وبارك على سيدنا وحبيبنا محمد وعلى آله وصحبه أجمعين والحمد لله رب العالمين 🤲
Salem Nawel , oui c'est le moment pour arranger nos placards , ربي يرفد علينا هاذ الوباء و يحفظ كل الأمة
امين يارب العالمين 🤲
سلام اول مرى نزور قناتك تبارك الله عليك وعلى فن الترتيب لي ربي وهبك بيها تحياتي من الجنوب الجزائري
والله عجبتيني منين قلتي الواحد يتهلى في روحوا ويحط صنيوة وفنجال شباب لروحوا صح انسان يتمتع مام بصوالحو وبحوايجو والله كاين الي غيخبي ماعاش ماخلى الناس تعيش الله يهدي ماخلق
بسم الله ماشاء اللة اله يبارك المواعين ديالك كامل شبين و مرتين بالطبع و لي عجبني كتار (لزيلمو )خدمتهم ولا شريتهم جهزين؟
شكرا ربي يحفضك
لالا خدمتهم
@@cuisinebentcasbah باسم الله ماااشااااء الله ليزيليمون تاعك رووووعة ‘ وين خدمتيهم ‘واسكو حطب ولا اليمينيوم ‘ ولا واشنو ؟؟من فضلك جاوبيني والله راني حايرة وين نخدمهم
انا تاني عجبوني وسقسيتها على matiere تعهم ما جاوبتنيش،
@@leilalilova3284 اختي انا كوزينتي مخدومة كيفاها نورمالمون الماتيار لي مخدومة بيها يقولولها الأيڨلوز .
وصوليد الايقلوز هدا ختي ؟؟
عندك بزاف الماعن الله يبارك بصح نقولك ايزيدولك الشغل والترتيب اتاعهم ايتعبك
بصح غع شبين خخخ
صح كلامك صواب تقول حانوت ماعن ههه
ياربي اشفيلي يما لعزيزة
الله يبارك ذوقك في الماعن هايل ، ربي يفرج عليا وكامل ألي يقرا تعليقي والحمدلله على كل حال
الله يهنيك ويعطيك ويغنيك..ربي يرزق كل محروم...والصحة والهنا...خير ملغنى..نموت عليك هدرتك احلوة عسل...
ولك بالمثل وأكثر ان شاء الله ❤
ربي يحلي ياماتك حبيبتي 😘
والله ركي في قما اديتيها للاتراك الله الله على بنت بلادي كل صبع بصنعة جادور الحطا وتخمال وهدرا الزينة ربي اخليك لينا يا شطرا راكي كمسا👍💞😍😘🙌🙋🎈
ربي يفرحك ختيتو ويهنيك شكرااا ❤😘
عندك ضوق هايل الله ابارك وتحبي لون لحمر كيما انا ممكن تقوليلي كيفاه تنسقي بين الخدمة والقضيان تاع الدار ومنين خدمتي كوزينا تاعك باينة خدمة متقونة وربي اعينك ويعطيك بالصحة
نصائح في محلها لازم نقلشوا رواحنا😍
❤😘
مساء الخير اختي نوال راكي كما انا يومين ونا في كوزينة رتبها عجبيني ذوق تعك الله بارك 👏👏👏👏👍👍👍👌👌👌اتهلي في صحتك وفي ولادك مول بيت ربي يجزيك شكران معك ام لؤي موساوي من بومرداس سلام 👋👋👋👋👋🤗🤗🤗🤗🤗
ربي يقدرنا ان شاالله شكرا حبيبتي ربي يحفظك ويحفظ الغاليين على قلبك ❤
@@cuisinebentcasbah اختي شكون خملك كوزنتك وشحال سقامتلك راني متمنية نخدم واحدة شوية صغيرة ربي اجازيك فهمني
السلام عليكم ورحمة الله وبركاته اختي اولا ماشاء الله مطبخك مذهل بكل معنى الكلمة ثانيا طريقتك في الترتيب جد منظمة وراقية دايما نستفيد منك ونحب طريقتك في الكلام ربي يحفظك ويوفقك ويزدك من نعيمو
وعليكم السلام ورحمة الله وبركاته
شكراا ربي يجازيك كل خير على كلامك الطيب ❤
أحلى لايك لأحلى مطبخ ماشاء الله روعة من كلشي ربي يبارك فن وحطة وخفة روح 👏👏👏👏راكي قتلتيني بالضحك كي قلتي قررت تقول راني في محكمة هههههه الله يعطيك الخير حبيت نسقسيك برك على المطبخ شحال عندو ملي خدمتيه ؟؟؟
نتي انسانة مثقفة، متربية و محترمة ، نشالله ربي يحفظك و يحفظ عيلتك 🤗🤗🤗🤗
انا تاني نحط بلاتو بالساس ونطيب قهوة في الززوة و معاها مرش تاع الزهر و نقابل التليفزيون
السلام عليكم اختي نوال الله يبارك ماشاء الله تستعملهم بالصحة والبركة
والله هذ الفيديو جا في وقته مع الازمة لي رانا فيها نحيتيلي على خاطري واعطيتيني طاقة ايجابية نخب بزاف هذ الفيديوات ينشطوني وناخذ، افكار الله يعمر دارك ويسترك دنيا واخرة ويجازيك الله على قدر طيبتك ونيتك احبك في الله ♥♥♥♥
وعليكم السلام
جزاك الله خيرا حبيبتي ❤😘
ماشاء الله كل شيء هايل انت انسانة راقية في ذوقك وفي حديثك ماشاء الله
ربي يجازيك كل خير ♥
اه يا نوال الي تقول انا وانا ما تلحقش الله يبارك وترتاب ماشي ساهل تعرفي الحطة الي نقولو في حقك قليل يا لعزيزة ولي ما يحبكش يغير منك ربي حفضك وشكرا علي دعوة انشاء الله مقبولة
الله يبارك كل شيء منظم حتى انا نحب التنظيم و النظافة و راني نزيد ندي أفكار من عندك ختي لعزيزة يعطيك الصحة 😘😘😘
الحجر الصحي هذا خلانا انطلو على الكوانات ههههههه
Wellah ghir 3andek lha9
كوزينتك وماعنك هايلين وقناتك روعة الله يبارك👌🏼👌🏼👌👌🌺🌺🌺🌺
شكرا غاليتي ❤😍
بنتي صغيرة تفرجت معايا وحدها قالت الله يبارك على المواعن ههه ربي يباركلك و يفرحك
ربي يخليهالك ويفرحك بيها ❤
مساء الخير اختي نوال والله كي نشوفك يولو فيا عشرة نساء ندي وحد الطاقة ايجابية😀😀😀 الله يعطيك ماتتمناي😍 ودعاويك كالعادة........برافو🤗
سلام اختي الله ابارك ماسشاء الله بصح العلم الان ينصح بعدم استعمال الكثير من الاغراض والاكتفاء بما هو ضروري فقط لتفادي الكركبه و كناشطة لازم ما تشجعيش على الشراء لان كثرة التسوق لا يعني راحة نفسيه بل هي راحه مؤقتة وتزول ونقطة اخرى ليس كل الناس عندهم المال باه يشرو يبقى رايي
صح عندك الحق في كل كلمة
صح
هذا حانوت ماشي كوزينة
أوافقك الرأي
ياختي ماكاش مرأة ماتحبش مواعن ماشاء الله عليها وعلاه حتى راحة مؤقتة لالا بالعكس ربي يأجرها تحاول تسعد عائلتها وتفرحهم والله أنا من مؤيديها ربي يعطيك ويزيدك ويعطينا ماعطاك حبيبتي 😘 😘
ماشاءالله والله ابارك مطبخ جميل ومنظم ونظيف واواني فاخرة وذوق رفيع لأنك سيدتي راقية وافكارك كذلك وانك تحب الخير لكل الناس
ياربي انشاء الله يعاونك ودوم عليك الخير والهناءوالصحة والعافية
يعطيك الصحة كلامك دواء ربي يفرجها على كل واحد مغبون او يعطيه ما يتمنى
مشاء الله ربي يكملك ووفقك ويقدرك والله جابلي ربي الكل يحبك مكاش لمايحبش الحطة ديالك وتواضع وكلام الطيب نوال ربي يحفضنا من هذا الوباء برك
الله يبارك خموس عليك ربي يحفظهملك يشهو الزين و نقا باين عليك مراء بالطبع.
جبتيني كوراج راني غير كيما خرجت من نفاسي و و حدي ووليدي صغار ادعيلي نخمل داري بارح بسم الله بديت بالخزانة ههه
الله يبارك ربي يحفظك و يحفضلك عايلتك من العين
امنيتي يكون عندي سغفيس كيما هذو
أول مرة نشوف قناتك بكل صراحة ماعييتش من فديو لأني مانحبش لي يهدر بزاف لكن انت بقيت نسمعلك باذان صاغية راحة نفسية ثقة كبيرة الله يبارك عليك ونقلك انت لازم تبدلي قناة وترجعي طبيبة نفسانية حبيت من أول سمعة ليا لصوتك ربي يحفظك ان شاء الله
شكرا ختي العزيزة مرحبا بيك معانا ❤
دارك تهبل بزاف ماشاء الله بصح بغيت نسقسيك شكون لي خدملك كزينتك انا راني حابة نخدم داري وعجبني دكور نتاع دارك ارجوك الرد انا مشتركة جديدة هداوين شفت الفيديو نتاعك
هذي كوزينة نشريو كومبلي
Bravo nawal j'aime ton travail
ربي يبارك كوزينتك تهبل نقاوه و ذوق و عجبني كي فيها بزاف الغنجمون.. و عند الحق كي تفششي روحك تشربي قهوه ولا تيزانه الله الله في سرفيس ولا فنجان شباب تحسي روحك عايشه و تبدل فيك بزاف حوايج
الله يبارك ما شاءالله والله راني نتبع فيديوهاتك من جديد عجبتيني بزاف لكن حابا نعرف انا من القصبة انت من أي جهة غيرتيلي فكرتي عن القصبة انها تقدر تكون كاشقق الفاخرة و شحال خدمتي الكوزينة تاعك
صحة عيدكم واش نقولك زاهيتنا طاولة رمضان مشاء ألله عليك وربي يحفظكم
نموت عليك متتبعه من تبسه
لا إله إلا الله وحده لا شريك له الملك وله الحمد وهو على كل شيء قدير عدد خلقك ورضاء نفسك وزنة عرشك ومداد كلماتك
ماشاء الله كلش بالطبع الله يبارك ادعولي ربي نعمر داري راني داخلة ليها جديدة و ربي يفرحنا بديارنا باولادنا
مشاء الله عليك كملي هكذا تمدلنا في الطاقة الإجابية ترتيب عجبني كل حاجة في بلاستها يعطيك الصحة ربي يكملك ان شاء الله خبز تاع البارح طيبتو جا الله يبارك زوجي قالي اشفاي على لاغوسات قتلو هداك تع بنت القصبة ربي يحفظك
بصحتكم حبيبتي ربي يدوم لمتكم ❤
يا طاطا من فضلك من فضلك دعمينا نحن عندنا قناة متنوعة انا دعاء 12سنة وأخي اسلام 9 سنوات من ولاية البليدة. ديريلنا إشهار في قناتك الجميلة والناجحة.ربي يحفظك باش ننجحوا مثلك. اتهلاي في روحك طاطا
شحال شابة هدرتك.. وحد الراحة و الهدوء.. شكرا
تهبل كوزينتك الله يبارك وربي يعطينا حنا ثاني دويره ونشريو واش حابين والله القناعة والدعاء برك.
الله يبارك او يزيدلك ان شاء الله
نحب الماعن تليتي عل قلبي
ربي يتيك على حساب قلبك من صوتك تباني حنونة ❤❤❤
نتي كيما انا نحب ناكل و نشرب غير فالحاجة الشابة😍 سووورتو القهوة و كي تزوجت انا نجبد و عجوزتي تخبي 😂 يا اختي نسبق بروحي و نحافظ على الحاجة برك امبعد ضياف كي يجو مييين داك ساهل 😂
انا نجبد كيسان شابين نقول نشرب لقهوة نقلش روحي ديما يتكسرولي معنديش زهر
@@AmiraAmira-jm1dm ههههههههههه سلامة راسك 😘
انا شارية بدراهمي متخبيليش ونخلع كي نشوفهم ياكلو ويشربوا فلبلاستيك ولحديد
يعطيك الصحة والله ساخفتيني باه تكون عندي داري وحدي ونظمها كيما نحب ربي يرزقني بالسكنة يارب و انت نوال ربي يعطيك صحيحتك انشالله 🙏🙏🙏🙏
ربي يبارك على كوزينتك اختي نوال ربي يرزق كل وحدا ويعتيها متتمنى 💖💖💖😍
الله يبارك .اللهم لا حسد وارزقنا بالمثل حابة نفهم كيفاه شريتي هادو كامل واش تخدمي انت وراجلك
عيب هاذ السؤال
ما شي حق عليك تسأليها على منين دجيب الدراهم
ههههههههه ضحكتيني
ربي يهديك اتقي الله ممكن مسكينة راهي عندها حوايج خرين في حياتها راهم مقلقينها الهناء ماهوش غير صوارد .ربي يرزقك لي شاف فيه الخير
3ib had la question khti
اختي من فضلك حبيت نسقسيك عل لا كويزين تاعك لكان صوليد وقداه نعام ملي درتيها والثمن وكلشي والله صح راني مهتمة حابة نديرها كوزينتي عادت ما تشبه لوالو راجلي رافض هذ الكوزينات قالي ماشي صحاح ردي عليا تعيشي انا من الشرق
Doudi. Doudi هذا اللوح مشي صوليد حذاري
الله يبارك عندك بزاف les elements وين تحطي هاد الاواني خلينا نشوف المساحة حتى نتعلمو
فاجيتيلي على قلبي وكانت ضايقة فيا النفس وخرجتيهالي ماشاء الله و تبارك الرحمن
c est le 1er commentaire, j adore ta façon de parler.الله يبارك عليك و ربي يدوم النعمة عليك و علينا. امييييييين .المورال يطلع كي نشوف و نسمع صوتك
شكرا حبيبتي ربي يفرحك و يهنيك ❤❤
انا العكس كوزينتي كانت الله الله مخملة و كل حاجة في بلاصتها و كى قضيت و شريت العولة مع هاذ المرض تقلبت طول و عرض حتى وليت منحبش نشوف فيها مالقيت وين نحط القضيان ☹☹☹
يااختي شوفي كاش سلة كبيرة لمي فيها وحطيها في كاش شمبرة وغطيها باش ماتتقلقيش انا اللي راني نستعمل فيهم حطتهم قدامي والبلقي حطيتو فالصالون مور الباب
اختي اشري هذوك السلات تاع ٩٠ الف أو رتبي فيهم كلش او حطيهم في كاش كوانة ويلا عندك سميد شكارة كبيرة طلعيها فوق كاش طابوري او غطيها بالطبع انا فالحقيقة شارية دي بوات كبار او حاطة مور الفوتاي تاع الصالون و الله غي كلش يبان اونكاستري كامل ما تصيبي الفوضى نتمنى نكون فدتك او ربي يبعد المرض
حبيبتي الله يبارك فيك وفي دارك ادعو لي كلكم يشفيني الله راني مريضة ممنوع عليا البرد والشمس ويصلحلي ربي ولادي ويحفضهم دعوت أربعين غريب مستجابة ا راني في هم كبير و شكرا جزيلا
الله يبارك و ماشاء الله، كل حاجة مرتبة في بلاصتها، تعجبني بزاف، مراة فحلة و رزينة و بنت القع و البع، رانا نستفادو منك بزاف حوايج، المزيد من التالق،
الحياة مركب لا تخلو رحلته من الشدائد والأحزان والإبتلاءات، وتلاطم الأمواج،
فإذا أردت أن تستمر في رحلتك، وتصل سالماً معافاً ، فلا بد أن تتمسك بالأمل والرضا بقضاء الله،
فلا أحد يتحكم بمركبك، ويسيره كيفما يشاء سوى الله ،
ووحده سبحانه وتعالى القادر على إيصالك لبر الأمان
مساؤكم سعيد
🍃🍃🍃🍃🍃🍃حبيتي انا نحبك وندي بزاف افكر منك ولكن حب لبنت يزور قنتي ريح يلقو افكر مفيدة وربي يحفظنا يارب
essallamoualaykoum choukrane kalam min dahab
Salam a3lekom ma sœur,macha Allah tu as de très bons goûts !!ça nous donne des idées merci 🥀🥀🥀🥀
وعليكم السلام
شكرااا ختيتو 💜
والله غيرتيني الله يبارك ويزيد ربي يلاحقني غير ربع كما أنت راني ساكنة جديدة الله يبارك لي يقدر يعاوني لي يقدر عليه بالماعن من نشوف قنوات تغير ربي يعطيني كما أنتما انشاء الله
من مر من هنا يصلي على نبي الله عليه الصلاة و السلام و يدعو الله ان يفك كربتي و يشافيلي والدي 🙏❤️