المداح علي الدليمي قصيده. لمن رجعنا من المدينه وعدنا..ورمن عيونو من البجي واحدنا..

#اشترك_بل_قناة_وفعلو_الجرس_ليصلكم_كل_جديد #مديح_الرسول #صلوا_على_الحبيب_محمد_ﷺ #المداح_علي_الدليمي

[@اللهمصلعلىمحمد-م5ج]

ممكن القصيدة مكتوبة اذا ماكو زحمه يرحم والديك

[@وليدخالد-و3ن]

لمن رجعنا من المدينه وعدنا..
ورمن عيونو من البجي واحدنا..
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لمن مشينا من المدينه وجينا..
واحدنا يمشي واتلفت عينه..
والله لو لنا الأمر ظلينا..
يم الحبيب الشوفتو تسعدنا ،،،
مهل يسايق بالرجوع شويا..
ظلت ورانا گلوبنا المسبيه..
الروحه اثاري ماهي مثل الجيه..
وان جان ترهم للنبي رددنا،،،
الجدم يمشي والعيون تحورف..
والگلب من سهم الحنين مزورف..
بطل يلايمنه اشجعد اتسولف..
عمي احنا غير الله ورسولو شعدنا،،،،
لمن مشينا من المدينه ومكه..
بگلوبنا انحط الوجل والضنكه..
والحزن ماينطي المتيم فكه..
والشوگ شندل حالنا ومرعدنا،،،،
ياباه شضوجه من مشينا بليلي..
الحال يحزن والمدامع سيلي..
عبره بدليلي عالنبي ياويلي..
تدري شذبحنا فراگكم ياجدنا،،،،
هيدي يسواگ الضعن هيديكا..
مجوه عليك المصطفى غاليكا..
بالرجعه لاتسرع يخويا شبيكا..
كلما تزيد السرعه شوقن زدنا،،،،
سرنا وتعالى بليل حس ابجانا..
وظلت ورانا گلوبنا الهلكانه...
نمشي ولكن گوه تمشي اخطانا..
والشوگ جلب بينا معد يهدنا،،،
بالعدله من ردينا نمشي ونعثر..
وكلما بعدنا الشوگ ينمو ويكثر..
طبعن افراگ الزين بينا شأثر..
والعشگ يطبگ حارنا اباردنا،،،
ياربي بالقرآن سوره وآيه..
وبالهادي يارب تستجيب ادعايه..
ترزقنا حج وعمره سنت الجايه..
وعن كل عمل يرضيك لاتبعدنا،،،
سيد أحمد الخط الشعر باقلامه..
ياربي حقق بالرسول أحلامه..
ياناس ياعالم يهل يا لامه...
كثرو الصلاه عالهاشمي سيدنا،،،،،
ابوملاك المعماري
٢٠٢٤/٢/٨
===============
الشكر والتقدير والاحترام للشاعر المبدع المتألق سيد احمد المعماري ابو ملاك