حنا بني هاجر هل الطولات لاثار العسام أداء : فهد بن فصلا

ربعي الي فالملاقا وصقلات الحديد
ماخذين سمعة الطيب ورث جدودها
والله ان القدر يجري ولا نقدر نحيد
من بداية عمر الانسان لين لحودها
الله الي يبتلي العبد من بد العبيد
والله الي عنده حلولها وقيودها
من سلك درب النزاهة على النهج الرشيد
مايغره منهج الكفر في تلمودها
ابومحمد ولو تنقص العالم يزيد
بالعزوم يهوم صعب الامور وزودها
ابومحمد جملنا ولو هجر بقيد
والبدو تعرف نمور العرب وفهودها
----
اليا استفاض الهجس والبراق في عرض الغمام
أخذ ثلاث ليال والرعاد فالراس رهجه
يالين ما اجيب الكلام الي على جزل الكلام
خطامها معناي وظهور القوافي مسرجه
ما هملجت عيني بنوم وكل خلق الله نيام
اربع شهور وكن في صدري من الهم دبجه
الشعب كله تحت ظل اميرنا ماهو يضام
نواف ابوفيصل مناهيج العداله منهجه
اصدر قرار العفو شيخ العفو وانزاح الظلام
وانزاح هم ٍ من هموم الراس والصدر اثلجه
يامرحبا رحب ٍ نفل طيبه مع ريح الخزام
في مدهل ٍ تلقى لامنك جيت لنار وهجه
اي والله انه عيد يا مسعود عليّه الحرام
كفوفنا ترفع شكر والألسن بحمد لهجه
كِتاب رياض الصالحين وشرح في بلوغ المرام
ماخاب رجل ربي معليّه في العلم درجه
يابومحمد دام لك هامه ومنزال ومقام
لوتبتجح ماهو عليك خلاف وانت ابيض وجه
ربعك سماحين ٍ ليا عبل السلاح من الحزام
لو كان تزهم طارفٍ منهم على الموت اتجه
رسومنا واسلومنا في الدار من قبل الامام
معشة الطرفا ليالي الجوع للجار محجه
طوح شماغك من على راسك ولا فيها ملام
مادام خيال الشعامل له على العز سهجه
حنا بني هاجر هل الطولات لاثار العسام
ارماحنا غادي لها من قو مضربها عوجه
امجادنا دراس من نجد العذيه للـ لدام
وتجدد الاجيال مجد الاولين وتنسجه