Ditari - Presidenti Biden: Lufta e Putinit ka dështuar

Presidenti amerikan Joe Biden mban fjalimin e tij të fundit në Asamblenë e Përgjithshme të Kombeve të Bashkuara, përqendrohet tek konfliktet në Ukrainë dhe në Lindjen e Mesme. Në Kosovë, udhëheqës institucionesh vendase e ndërkombëtare bënë thirrje për vënien para drejtësisë të autorëve të sulmit të një viti me parë në veri të Kosovës, në të cilin u vra oficeri i policisë Afrim Bunjaku. Në Shqipëri, Komisioni Qendror i zgjedhjeve po punon për përgatitjet e të gjitha akteve dhe procedurave që lidhen me votimin nga jashtë vendit të emigrantëve. Një praktikë e cila do të provohet për herë të parë në zgjedhjet e përgjithshme të pranverës së ardhshme.