សិក្ខាសាលាស្តីពី«ការជ្រើសរើសជំនាញសម្រាប់ថ្នាក់ឧត្តមសិក្សា» រៀបចំវិទ្យាល័យ២៤កញ្ញា នាស្រុកកំណើត

វិដេអូសកម្មភាពវិទ្យាល័យ២៤ ស្ថិតនៅភូមិត្រពាំងកក់ ឃុំពោធិអង្រ្គង ស្រុកបរសេដ្ឋ ខេត្តកំពង់ស្ពឺបានរៀបចំទស្សនកិច្ចសិក្សាមកភ្នំពេញ និងសិក្ខាសាលាតម្រង់ទិសស្តីពី«ការជ្រើសរើសជំនាញសម្រាប់ថ្នាក់ឧត្តមសិក្សា» ដល់ប្អូនៗជាសិស្សានុសិស្ស។ សិក្ខាសាលានេះគឺផ្តួចផ្តើមដោយលោក ខេ លាប នាយកវិទ្យាល័យ២៤កញ្ញា និងអតីតសិស្ស ដោយមាន ការអញ្ជើញចូលរួមពីសំណាក់វាគ្មិនកិត្តិយស ឯកឧត្តម លោកជំទាវ និងអ្នកជំនាញៗ ចូលរួមចែករំលែកនូវការតម្រង់ទិសដល់សិស្សានុសិស្សដែលនឹងបញ្ចប់ថ្នាក់មធ្យមសិក្សាទុតិយភូមិនូវចំនុចសំខាន់ៗដូចជា៖
១. «ការកំណត់គោលដៅជីវិត»
២. «ការត្រៀមខ្លួនមុនចូលសាកលវិទ្យាល័យ»
៣. «ការការជ្រើសរើសជំនាញអោយបានត្រឹមត្រូវ»
៤. «គន្លឹះទទួលបានអាហារូបករណ៍ក្នុងស្រុក និងក្រៅស្រុក»
៥. «ជីវិតសាកលវិទ្យាល័យ »
ដើម្បីឆ្ពោះទៅរកជំនាញបច្ចេកទេស និងជាក់លាក់ នាពេលអនាគត ក៏ដូចជាជ្រើសរើសជំនាញអោយត្រូវទៅតាមទីផ្សារការងារក្នុងស្រុក និងក្រៅស្រុកផងដែរ។
សូមថ្លែងអំណរគុណយ៉ាងជ្រាលជ្រៅជាទីបំផុត ចំពោះព្រះវាគ្មិនកិត្តិយស ដែលបានចំណាយពេលវេលាចែករំលែគតិបណ្ឌិតដ៏មានតម្លៃ។ វត្តមានរបស់វាគ្មិន គឺជាការផ្តល់តម្លៃ និងជាកម្លាំងចិត្តដ៏ធំសម្រាប់អ្នករៀបចំកម្មវិធីយើង និងជាការចែករំលែកដ៏មានតម្លៃបំផុតសម្រាប់អង្គពិធីទាំងមូល។
សូមថ្លែងអំណរគុណយ៉ាងជ្រាលជ្រៅជាទីបំផុត ចំពោះក្រុមការងារស្ម័គ្រចិត្ត និងដៃគូសហការ និងភាគីពាក់ព័ន្ធដែលបានជួយគាំទ្រកម្មវិធីនេះ ញាំងឱ្យកម្មវិធីនេះលេចចេញជារូបរាងឡើង ប្រកបដោយភាពជោគជ័យនាពេលនេះ។
#វិទ្យាល័យ២៤កញ្ញា #ស្រុកកំណើតយើង #ស្រុកបរសេដ្ឋ #ការងារស្ម័គ្រចិត្ត #ការងារសង្គម #កុំភ្លេចស្រុកកំណើតយើង #សិក្ខាសាលាតម្រង់ទិស