獨家丨關曜儁二度榮升爸爸 BB出世撞正江旻憓奧運奪金
Вставка
- Опубліковано 18 жов 2024
- 獨家丨關曜儁二度榮升爸爸 BB出世撞正江旻憓奧運奪金
恭喜恭喜,關曜儁Leo同老婆楊韻璇Twinkle再添丁,喺踏入7月28凌晨三點幾順產誕下囝囝,兩夫妻喺舊年3月誕下女兒關凱妃Lorraine後,如今湊夠一個好字。再為人父嘅Leo急不昅待同我哋分享喜悅,由於BB仔出細一刻撞正香港世一運動員江旻憓Vivian喺巴黎奧運出戰女子重劍個人賽決賽,歷史性奪金一刻,呢個雙重喜悅令佢兩公婆超級難忘,當下好大感受:「當全香港支持女重劍奧運冠軍,而我就喺產房支持緊我老婆,我老婆就係我心目中冠軍。」
Leo透過語音分享驚險又難忘嘅晚上,喺27號開廠工作至晚上十一點幾才返家,本來同老婆仲諗住睇凌晨江旻憓出戰,點知一點幾時老婆開始作動,於是喺兩點四十分就出門口去醫院,老婆到達醫院後還未趕及打無痛分娩就要入產房,Leo陪伴在側見到老婆當時已痛到叫到拆晒天,更搞笑形容有一刻好似覺得驅魔人一樣,老婆一邊摙實佢隻手,佢一邊作出安慰,爆老婆平日係超級怕痛嘅人,喺產房裡面姑娘鼓勵佢點樣呼吸,但老婆好似完全聽唔到,Leo都好緊張,大大聲進行引導呼吸唞氣節奏,結果過程大約五分鐘就順利生咗BB,見證呢個過程,Leo話:「雖然我講得有啲搞笑,見到老婆好痛,母親真係好偉大,亦係好好經歷,感受到一家人嘅愛。」
身兼健身教練嘅Leo不時都會將運動融入家中,同年紀小小嘅大女Lorraine都會一齊互動,認為呢方面係家人連結之一,亦有益身心。講到BB出生一刻撞正江旻憓奪金,唔通有所啟示,Leo有感而發:「唔通阿仔第日都會世界冠軍?人生要創造目標,唔通阿仔都會成為一啲嘢嘅世界第一。」另外又透靈大女出生時喊得好緊要,好似辣妹一樣,反而細佬比較平靜,面對呢啲三歲定八十嘅性格,Leo已擔心定姐姐會蝦細佬。
Leo喺下月就會踏入31歲生日,相信呢份係上天給佢最好嘅禮物,Leo一直努力拍劇兼做健身教練養家,早前喺劇集《神耆小子》中飾演搞笑角色黃財進頗有發機會,日前又剛剛現身主演新劇《武林》煞科。
#關曜儁 #江旻憓 #奧運金牌 #生B #Leo #楊韻璇 #Twinkle #關凱妃 #Lorraine #Vivian #巴黎奧運 #無痛分娩 #驅魔人 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0
恭喜晒,祝BB快高長大🎉🎉🎉🎉
分享開心事世界更美好🎉🎂 恭喜恭喜❤❤
真係好!🌿💐❤️❤️❤️👏👏👏恭喜!恭喜!
睇你好年青、原來做第二任爸爸了、恭喜晒。🎉🎉🎉
恭喜🎉
恭喜平安
恭喜哂🎉🎉
恭喜晒
Congratulations 🎉❤
恭喜🍾🍾🍾未来世一之父母😅😅😅
Congratulations:)))))
Congratulations 🎉 Leo (Fm Terrenz)
恭喜恭喜🎉🎈🎊
很喜歡看他做戲👍
反黑英雄的阿細💪
29.7.24 Mon
Who??
乜水?
生什么都要話被人知。
恭喜🎉🎉🎉