شيلة مهداه إلى الشيخ / هزاع غصين بن صلال ال راشد | كلمات مطلق بن محمد | اداء جزاع المري
Вставка
- Опубліковано 18 гру 2024
- انا احتاج وقت لـ نفسي وكسرت الروتين
من الوقت واهواله وكثرت بلاويه
لذا احتاجلي فترة نقاهه ولو شهرين
عن المجتمع وازعاجه وهرج اهاليه
تعبنا نجامل فـي طريق الزمان الشين
لو الضحكه احيانٍ .. تكون اصطناعيه
تنصاني صدوف المقادير بين وبين
ماجتني شفوفي ب اريحيه وحنيه
صدوف الليالي طعنة الرمح والسكين
وانا اجاهد ظروف الحياه المصيريه
ياوجه الزمان الشين بالهون رايح وين
ترا من عناك احدثتلي ضغوط نفسيه
لاكن الصبر مفتاح باب الفرج واللين
لوني من الصبر اشبعت نفسي الحيه
مصير الحياه تزين لو بعد حين وحين
بـ امر ربي اللي يعلم الحال والنيه
بدا الشيب في وجهي قيل سته وعشرين
من مكافح امورن عليه ماهي شويه
الا يالله بـ رزقن من الله يقضي الدين
يسوقه الهي رزق ماهوب عاريه
من الله عسى الله يصلح احوالنا .. وتزين
ظروف الحياه اللي على النفس مبليه
وانا اسند بيوتي على العالم الوافين
هل الطيب واهل الجود والسمعه الحيه
ماسند بيوتي للضعيفين والهافين
لاوالله على اللي يعرف ان ثارت الهيه
سلامي لـ هزاع الكفو واخطل الكفين
حميد السجايا ماوجد فالعرب زيه
ياهزاع شيخ الفعل والطيب يابن غصين
بـ طيبك تعديت النجوم السماويه
تنومس فعولك يابو نايف قبل والحين
ياقرمن يقال ونعم لامر طاريه
فدوك الضعوف وجعل يفدونك الهافين
صنعت بطريق المجد بصمه وماريه
مواقيفك الجزلات ياسلالة الوافين
على الجود والامجاد والطيب مبنيه
كريم النبا سمح المحيا طويل ايمين
طليق الحجاج اللي فعولك بطوليه
على الكايده تثبت ليا صد ابو وجهين
ولاهاب الذليل اللي فعوله دناويه
يابو تم وابشر بالسعد ماهو بـ بعدين
وابو حاضر وتامر وحاجتك مقضيه
لو الطيب له ختم وله اماره امن سنين
لقيناك اميره .... يازعيم الكباريه
بذلت الجميل بعسر الايام ولا اللين
وصدا سمعتك عدا الديار الخليجيه
تشرف يابن صلال فالمعضلات اتبين
ياحرن بوقفاته حميده مساعيه
ملكت المراجل ملك فـ يدينك الثنتين
ياشيخٍ تفاخر في فعوله بنيخيه
تفاخر ربوعك فيك يامعرب الجدين
وفزعتك معروفه ووقفتك مسميه
من يجاري فعولك عليه ابعد امن الصين
يابو سمعتن جزله وكفٍ رهاويه
حكمت المراجل ماهو سبوع وسبوعين
لاوالله سنين ونارك الشاعقه حيه
ياهزاع عندك كل صعبه لاقمت تلين
تنوخ صعيبات الامور الحقيقيه
ليا حاصوا الرديان والعلم جا علمين
ماجنبت يابن غصين عن هذي وذيه
تسابق على مدحك جزال الفرايد لين
ماندري وش نخلي وش نقول موليه
تعجز القصايد ماهي توصفك لـ سنين
وتجف الصحف عن مدح شخصك نهائيه
مطلق بن محمد
