عيوب مشاكل دودج دورانجو
Вставка
- Опубліковано 16 жов 2024
- قائمه لعيوب او مشاكل دودج دورانجو ونصائح اصلاحها
بطرق غير مكلفة في حال ظهورها.
تحديث مهم جداً: معدل الصيانات والاصلاحات السنوي يترواح بين 3000 و 5000 ريال سعودي سنويا ولا يصل ابدا للمبلغ المذكور بالمقطع
تنويه : هذه المشاكل ظهرت على عدد قليل من السيارات وليست عامة في كل الدورانجو.
رابط مشكلة ريلاي طرمبة البنزين • TIPM Fuel Relay Test a...
بعض القطع ذكرتها باللهجة السعوديه ولمن لم يعرفها اذكرها هنا بالانجليزي
مقصات Control Arms
الركب Ball Joint
عمود التوازن Sway Bar
الهوبات Brake Rotors
فحمات الفرامل Brake Pads
طرمبة البنزين Fule Pump
رديتر المكيف AC condenser
المساعدات Shock Absorber
كراسي الماكينة engine mounting
بصراحة كنت ناوي اخذ دورانقوا 2018 rt لاكن شفت المقطع واتضح أن السيارة تستهلك قطع إضافة إلى أسعار قطع الغيار غالية جداً. ف صرفت النظر عنها
تحياتي.
مروو ان والله ما يستهلك و حرام عليك تصرف النظر عنه ،صدقني الدورانقو ارجل سيارة ممكن تخدمك بس اعطيها حقها بسهولة ، يعني زبد الكلام لا تبالغ و توسوس باهتمامك ولا تسمع كلام للمفتيين حط الزيت الفلاني لا تغير سيفون كل مرة و يعطيك من الكيس و هو ما يفقه شي في المكنكة ، الموضوع اسهل من السهل كل ٥ آلاف غير زيت و سيفون بنفس اللزوجة و الرقم الموجود على غطاء الزيت ( ولاكن لا تستخدم موبار اشتري كرتون أفضل انواع الزيوت من محلات الجملة عشان تطلع عليك ارخص و افضل من موبار لأنهم كل فترة و فترة يغيرون شركات زيوتهم ) + فلتر الهواء اذا كانت ال ٢٠٠ ريال ما تفرق معاك بشكل شايع فغير الفلتر كل ٥ الاف ادري انها مبالغة ولاكن على حسب طريقة استخدامك للسيارة ، انا ساكن جنوب منطقة مكة المكرمة و المنطقة صحراوية بحت و معروفة بالرمال و السافي فطبعا فلتر الهوا من ابسط حقوق سيارتي اني اغيره كل ٥ الاف ، فبذلك حافظت على نظافة المكينة بأكمل وجه و بتكاليف انا احكمها إما اني اوفر و اشتري من محلات الجملة ! او اني انخدع و اشتري المواد المراد تغييرها من ناس تبيع دبل الأسعار بعدين اقول السيارة مخسرتني و تكاليفها عالية ، بوابة الهواء او الثروتل اذا كنت محافظ على تغيير و ليس نفخ فلتر الهواء صدقني ما بتحتاج تنظفه غير بعد فترات طويلة جدا و طبعا حسب استخدامك للسيارة ولاكن يفضل التنظيف او التشييك كل ٢٠ او ٤٠ ألف كيلو ارجع اقول حسب استخدامك للسيارة و اهتمامك بدخول هواء نظيف ، العضلات السسبنش بصفة عامة مع الهوبات و الفرامل و العكوس و المقصات و اي شي تعرفه تحت السيارة ماشاء الله تبارك الله و لا قوة إلا بالله والله على ما أقول شهيد سيارتي دورانجو ٢٠١٣ إلى يومك هذا والله العظيم ما قد غيرت شي نهائيا ماشاء الله تبارك الله و الحمد لله ماشية السيارة ١٤٠ ألف و لله الحمد .. ادري في ناس بتبالغ اوه المقصات اوه خطر ولاكن المبالغة و الفتي في شي ما درسته لا تفك فمك نهائي او لا تستمع نهائيا للثرثرة .. كل عاقل يعرف اذا ممكن السسبنشن مفكفك خربات عطلان متفجر سميها ما شئت مع العلم القماشات الأمامية الآن بعد ١٤٠ الف و فوق ٤ سنين لاحظ الآن بدأت علامات انتهاء عمرها .. لاحظت ؟الأمر اسهل مما تتوقع اعطي السيارة حقها تعطيك حقك .. زيت القير انت سيارتك اجدد و قيرك حيكون غير قير سيارتي اقرأ الكتيّب فقط لأمور القير و المواعيد و الصيانة الخاصة للقير و الدفرنس فقط بعدين ارميه لأنو الباقي بالعقل معروف زيت الدفرنس ناس تقول كل ٥٠ الف ناس كل ٩٠ ناس ١٥٠ ناس ما تغير ! الأول و الأخير طريقة الاستخدام + الكتيّب و الصلاة و السلام على رسول الله ، اذا انت مهمل بكتبلك بالأولية اكشف عليها كل فترة اذا حسيت العزم طاح او السيارة بدأت تتعب ، مداخل الهواء ( الفلتر الثروتل الثلاجة في حالة مرة مستهلك السيارة و ما تهتم بنظافة مداخل الهواء ) نجي للعامل الثاني عشان الاحتراق البواجي البخاخات ، مخارج الهواء الهدرز من اطول الاشياء عمرا البايبات ياكا ياكا الأساس الدبات دبة التلوث دبة الرصاص تختلف اللي في الموديلات الجديدة ما اقدر افتي ولاكن غالبا السيارات اللي تمسك خطوط ما تكربن و تنكتم زي السيارة اللي مرة اوفر دلع بس غالبا فوق ١٠٠ ألف تبدا الآثار .. طبعا حساس الاكسجين حساس الاحتراق و الحساسات الباقية اللي تأثر في السيارة و إلخ في الدورانجو ملاحظ عمرها طويل او إني الحمد لله محافظ او ما تبي تتأثر ما ادري ! اهمل السيارة في كككلللل شي لا تسمع كلامي ولاكن نهائيا لا تغير ولا تفكر تلعب في لزوجة زيت المكينة نهائي بتقول ليش ؟ اسأل راعيين مكينة البانتاستار او الهيمي v8 ليش في صوت تكايات عندكم ؟ والله تلقائي يسب الشركة و المصنعين او المقاول ! و لاكن الجواب المعلمة و الفتي في لزوجة زيت المكينة و اخيرا بعد كل هذا لا تخلي السيارة شغالة و واقفة كثير صدقني المكينة بتدعيلك ما اقصد عند كل اشارة تطفي السيارة ! ولاكن اقصد لا تنتظر في السيارة اكثر من ١٠ دقائق و المكيف شغال و انت واقف + كل فترة حاول تمسك خط ساعة ساعتين مع المحافظة على سرعة ١٢٠ كافية و وافية و أتمنى لك التوفيق ادري اني طولت ولاكن اعطيتك واقع تجربة تعرف ايش يعني تجربة ؟ يعني سيارتي سويت فيها كذا من الألف للنقطة .
Abdullhakeem Brisali هذي سيارة ملعونة أعوذ بالله منها
هذي تحتاج دورة ثلاث شهور
بالعكس الدورانجو قطعها رخيصه نظرة بالقطع الجيوب الاخرى عندك التاهو والفورد كلها اغلى اما الدورانجو ارخص الناس ماخذين نظره سيئة بالقطع لانه أمريكي وكل سياره راح تشتريها فيها مشاكل مافيه شي كامل والكامل الله
مروو ان ابعد عن الامريكي زباله ويعذبك وكل ينصحك فيها ترى كذاب ويشتغل با الورش وحرامي يبي يسرق فلوسك اذا تبغي ترتاح عليك بتويوتا وارتاح من العيوب والاعطال
مروو ان لا يغرك شي معاي 2012 والله مشيتها 250 الف ولا غيرت البواجي والمساعدات ولا فلتر بس الان قبل فتره غيرت طرمبة البنزين من الشركة والان ممتازة وشغالة لاكن الان الدينمو خرب وبرضو عليه استدعاء
مقصات Control Arms
الركب Ball Joint
عمود التوازن Sway Bar
الهوبات Brake Rotors
فحمات الفرامل Brake Pads
طرمبة البنزين Fule Pump
رديتر المكيف AC condenser
المساعدات Shock Absorber
كراسي الماكينة engine mounting
السلام عليكم
فيه صوت باالقير اذا مشيت السياره صوت احتكاك وثقل باالسياره
وقالي الميكانيكي من الدبل ولازم تغيره
دوج درانقو ٢٠١٣ ٨سلندر
وش تنصحني به يااخي
كيف اصلاح او تغير خزان الوقود
تعليق بسيط مشكلة التكايات سببها الرئيسي هو اولا زيت موبار بغض النظر امريكي او عماني بالإضافة الى لزوجة الزيت اللزوجة 5w20 سيئة قولا واحدا انا على يدي مكينة الهيمي استخدم لها زيت 10w40 وبدون اي مشاكل لا تكايات ولا غيره صوت ناعم صرفية ممتازة بالإضافة اني ما وجهت مشكلة تكايات والحمدلله والموضوع هذا طبقته على دورانجو هيمي وتطبق على جراند شروكي هيمي برضو وكمان على سيارتين تشارجر هيمي نفس اللزوجة وبدون اي مشاكل حتى ان كتلوج المصنع يذكر ان اللزوجة 5w20 هي للمناطق الباردة وكمان اصحاب ال6 سلندر استخدمت لهم نفس الزيت وبدون اي مشاكل استخدمته على جراند شروكي 6 سلندر لواحد من الشباب وبدون اي مشاكل انصح وبشكل قوي بزيادة اللزوجة هالكلام هذا لملاك موبار في الخليج والمناطق الحارة وطبيعي جدا زيادة الزوجة بمقدار بسيط في كل السيارة بعد كل 70-80 الف كيلو في الإستخدام الطبيعي وهذا بسبب زيادة الخلوص داخل المحرك حتى اني شفت واحد من الشباب على دورانجو هيمي بعد ممشى 260 الف حاليا يستخدم 20w50 واموره جدا كويسة واستخدامه قاسي جدا جدا للسيارة
كلامك صحيح ، زيت موبار الوكالة لايصلح لجو دول الخليج ، غيرته الي زيت الماني 5W30 وصوت التكايات راح وصوت المكينة ناعم الحمدلله ، ولاكن انصحك انك تغير وزن الزيت بالتدريج علي حسب الكيلو متر ،يعني تبدأ بوزن ٣٠ وكل ميه الف كيلو تزيد الوزن الي ٤٠ بعد ٢٠٠ الف كيلو
عندي 12 صراحه افضل سياره سقتها ممتعه بالسفر وانا عاشق السفر بالسياره وانصح بالشراء ونظرة للي يخاف بسعر القطع على فكره الاكسبلور اغلى والتاهو اغلى وبعدين المشاكل كل موتر لازم فيها مشاكل عيبها الوحيد سعرها ينزل عند البيع ولكن الموتر يعيش معاك 15 سنه 16 سنه معروف الدوج ينكرف مايقول اح انا عن نفسي ماراح ابيعه ابدا الا لما خلاص تشاليح وبشتري موتر صغير لان العيال بيكبرون وبيسوقون مواتر بيصير الاستهلاك فيها قليل ولكن الان محتاجها للسفر والسياحة الموتر جدا ممتاز نصيحه للي وده يشتري معليه من الي يقول انه غالي وكذا اغلبهم يكونون مب مجربينها وبالتوفيق للجميع وبارك الله فيك ي صاحب القناه
اتفق معك 👍
جمووعع الهلالي
والله كان عندي تردد ومتخوف اشتريها بسبب كلام الناس عن الوكيل وعدم توفر بعض قطع الغيار مع اني رغبان فيها من زمان وخصوصاً من ٢٠١٤ وما فوق . ولاكن بعد نصيحتك هذي بتوكل على الله
كيف صرفيتها في البنزين
محصل وحده ٢٠١٣ ومتردد
اخوي معي دورانجو 2012 V8 هيمي 5.7 عندما تبدا السيارة تمشي تطلع رجه في عمود الدفرنس رجه واضحه وسبب والحل
ناوي اخد دورانجو 6 سلندر موديل 2018 من الوكالة ( الكويت ) هل تنصح فيها ؟ وعلى فكرة مشاويري بسيطة جداً وماني راعي سفر بالسيارة يعني اكثر درب ممكن اقطعه بالاسبوع مدته 20 دقيقه فقط فهل تنصح وهل موديل 2019 يختلف ام فقط شكل القير من الداخل ؟
حياك الله عزيزي.
انصح فيه والسيارة رائعة بكل المقاييس لكن عليك بالمواظبة على الصيانة ومبروك مقدما
الله يجزاكم خير..
عندي استفسار: افضل سيارة من ناحية المشاكل والاعطال والصرفية: ٦ سلندر أو ٨ سلندر.
السؤال الثاني: أيهما افضل rt او limited أيضا من ناحية المشاكل والاعطال. وبارك الله فيك.
اذا عرفت علمني لاهنت
نصائح مفيده وخاصة حول مضخة البانزين رغم اني لم اسمع احد من اصدقائي اشتكى منها او ذكر هذا العيب
عموما تبقى سيارة الدوج الدورنكو سيارة عائله مثاليه 👍
هل تنصح ب ال RT كسياره عائليه؟
وين افضل ورشة في الدمام الخضرية حق درانجو لوسمحتم بدنا اسم ورشه يكون شغلهم نضيف واسعارهم حلوه
هلا اخوي في ورشة دودج بالخضريه اشتغل عندهم شغلهم نضيف وممتازيين
السلام عليكم اخي العزيز هل تنصحني اخي العزيز أن أخذ دوج دورانگوا واشكد السعر في العراق بلازحمه. تحياتي
والله اني راح اخذ وحدة رقم اربيل موديل ٢٠١٩
مافي داعي اشتري دورانجو
عالعموم لايك لك يا صاحب المقطع و الله يعطيك الصحه والعافيه
بالضبط نفس الوصف مع سيارتي 2012 سته سلندر شرح دقيق شكرا لك
اخوي ناوي اخد ٢٠١٢ مستعل ماشيه بحدود ١٢٠ الف
٦ سلندر
شنو رايك فيها وانطباعك عنها؟
كلامك رائع واسلوبك راقي فشكراً لك.
كنت محتار بين عدة سيارات وبدأت أميل كثيراً لسيارة دودج ولكن بعد كلامك تم صرف النظر عنها واستبعادها نهائياً فالواحد يود أن يشتري سيارة ( وكالة ) عشان يرتاح لمدة كم سنة من مشاكل الورش والتكاليف الزائدة ودودج حسب ما فهمت لا توفر هذه الميزة وقطعها غالية جداً خاصة من عند الوكيل فرق بالأسعار كبير جداً كمثالك عن طرمبة البنزين عند الوكيل 2500 ومن الانترنت 600 ريال وفوق هذا كله تركيبها صعب ومكلف لأنه تم وضعها داخل تانكي البنزين المفروض قطعة استهلاكية مثل هذه تكون خارج التانكي وتركيبها سهل جداً وليس معقد. مرة أخرى شكراً لك ووداعاً دودج
ايش ، قررت تشتري ،
مرحبا ، عندي استفسار بخصوص الموديلات الجديده 2020و 2021هل المكينه يقل اداءها مع المكيف في فصل الصيف؟ وهل توجد مشاكل ثانيه في الموديلات الجديده؟
مساك الله بالخير اخي الكريم .. تعرفت على قناتك حديثا واعجبتني طريقتك المبسطة السهلة في ايصال المعلومة .. رجاءرجاء اذا تكرمت تعمل لنا فديو عكس هذا .. وتتحدث عن الدورانكو ومميزاتها .. و هل تستحق الاقتناء وهل جنابك بعد هذه الفترة من الاقتناء لو عاد بك الزمن ... ايضا ستقتنيها ؟؟؟ ولك منا جزيل الشكر على تقديم المعلومات القيمة جدا. في امان الله وحفظه .
اقتراحك محل تقدير واحترام واستجابة له ساقوم بعمل فيديو لمميزات الدورانجو قريبا باذن الله.
شكرا جزيلا ... اخي الكريم
تسلم اخوي علي المعلومات القيمة انا معي جراند شيروكي هيمي ٢٠١٣ اسمع صوت موية تمشي خلف المقود لما اشغل الصبح وأحيانا عن التسارع هل ممكن يكون نتيجة وجود هواء داخل ماء التبريد أو انها مشكلة من الدفاية
والله اعلم هذه اعراض خراب طرمبة المويه.
ما اتكلمت عن مبرد الزيت هذا الي يخرب على طول كل شهرين انا اركب واحد وكالة للدوح دورانجو ٢٠١٤
يعني امارح خلط زيت وماء
شكرا جزيلا للاخ افاض واوضح بارك الله بك .... بلا دورانقو بلاهم واحنا ناقصين
عفوا ياعزيزي وبارك الله فيك.
ليش زعلان من الدورانجو؟؟
كذالك اضيف ان الاسطبات الخلفيه الليد دايم اشوفها محترقه خصوصا الاسطب الطويل الاوسط كم سعره اذا طلعت السياره من الضمان
دايم تشوفها محترقة؟
هذه مشكلة غير شائعة ويمكن في كل ١٠٠ سيارة تلقى وحدة.
ويمكن تصليحها عند محل متخصص في الانوار والزينون بسعر معقول.
يعطيك العافية على المجهود الي تبذله ،،، اخوي عندي سوال لمن اشغل السيارة احس بعد فترة احس في رجه فيها تروح و تيجي ،، كمان لمن اشغل المكيف تيجي الرجة عند الوقف كل هذا طبعا وش السبب مع اني غيرت كويل و البواجي
احتمال كبير يكون من ضعف كراسي الماكينة
او
البخاخات محتاجة تنظيف
شنو رأيك بل دورانجو srt 2019 0k انا رح اشترى وحده شنو رأيك
بالتوفيق ياعزيزي بس لاتنسى تعطيني لفة😄
سلام عليكم هل تعرف احد يصلح تكايات دودج دورانقو ٨ سلندر بسعر معقوله مو مبالغ؟
نصيحه والله هو ماشاء الله عليه عزم وقوه بس مشكلته خرباته واجد معي 12 اول 4 سنوات اغير له زيت وقماشات ومثل اللوز وبعدها كثرة خرباته حرارة وطرمبة البنزين ووقفته تحت الباكيه انصح للي يبغا موتر يخدمه وزين ياخذ تايوتا
السلام عليكم أخي لو سمحت أنا دورت بالمحلات علي طرمبة دلفي ماحصلت جبت موبار هل تنصح اركبها ولا ارجعها
رجعها وخذلك تايواني لانه موبار غالية وحترجع تخرب بعد فترة بسيطة.
التايواني حتى لو ما طولت تبقى رخيصة
رايك لو اخذ استيراد من امريكا 2017 RT هل تنصح لاني وجدت السعر شامل كل شي ب ١٠٧ الف ريال
عندي دورنكو موديل١١بدلت طرميه بانزين وبعد التبديل توقف عداد البنزين ولم يعمل بصوره صحيحه ويش الحل رجاء
وليد حمودي اللامي مؤشر البنزين تقصد .. هذا معناتها العوامة خربانه وهي تصير مع الطرمبة ..
يعني الطرمبة اللي شريتها مو مزبوطة .. انا قبل شريت طرمبة ظلة فترة اقل من سنة وصار مؤشر البنزين يوقف عند الربع ولا ينزل بعدها .. فغيرت الطرمبة مرة ثانية شركة افضل والحمدلله الامور تمام
الشركة الاولى كراون تايوان
الشركة الثانية ديلفين اظن كذا اسمها
والله العالم ..
اعتقد اللي ركب الطرمبة ما ركبها صح.
النوع الأفضل اسمه دلفي.
فضلا" وليس امرا"
اني عندي دورانجو ١٤ هيمي عندي مشكله الى دعست دعسه فجائيه تدخل على ريحة كربون بمعنى ريحه زي ريحة العادم .
وش المشكلة بعتقادك
دبة الببيئة مسدودة
@@بااباا-ص9ث
جزاك الله خير
متأكد
وش اسوي اغيرها ولا افرغها
@@اناانا-ط8ذ روح فرغها او
سويلها تنظيف وغير البواجي ضروري
السلام عليكم
سيارتي موديل 2016
قاطعة مسافة 28000 ميل
تصادفني حالة عجز عن معرفتها مراكز الصيانة في مدينتي
وهي مع ارتفاع درجة حرارة المحرك وعند تقليل السرعة للاستدارة وغيرها ينطفىء المحرك وعند تشغيله يشتغل وتتكرر الحالة ولا تختفي الا باطفاء جهاز التبريد.
وعليكم السلام
والله الحالة غريبة.
لكن لو تفكر فيها تجدها تتعلق بثبات RPM
فممكن تكون كهرباء والله اعلم
اخوي ٢٠٢٠ تتوقع صار فيها تحسينات المشاكل ؟
ارجو الود
عندي دوج درنكو 2019 سياره اوهيه وكفه اجيت اشغل فصله نار سياره ما تشتغل بدلت بطاريه او بصمه فحصته مابيه شي وسياره ما تشتغل ولا فتح شي لا شياره ولا اضويها
السلام عليكم، سمعت من ضمن مشاكل الدورانجو هو الرادار الامامي، واصلاحه مره غالي، ممكن تفيدنا بهذا الشأن، وهل يوجو هذا الردار في جميع الانواع؟
وعليكم السلام ورحمة الله
الرادار موجود فقط في الفئات الغالية جدا مثل سيتادل وال srt وهذه أسعارها فوق ٢٥٠ الف
لو سمحت عندي دورانجو 2012
6سلندر
سؤالي شو افضل مضخة بنزين ممكن نشتريها من المواقع اونلاين. شو نوعها ؟؟؟
Isam Mousa
نوع دلفي
Delphi
السلام عليكم ورحمة الله وبركاته
عندي دورانجو ٢٠١١ لما اكون واقف ترتفع الحرارة إلى قريب النصف ولما امشي تنزل الحرارة إلى الربع ولاحظت إن مروحة التبريد ما تشتغل الا عند حرارة ١٠٨ تقريبا فهل هذا طبيعي أو تحتاج ترمجة وتغيير بعض القطع شاكر لك ومقدر
الوضع طبيعي . اذا ماتزيد عن النصف لا تبرمج ولا تغير حاجة . وعلى فكرة ابقاء السيارة شغالة وانت واقف غلط ويضر بالماكينة.
اولاً الله يعطيك الف الف عافية على التوضيح وشكراً لك
وعندي سؤال انا اشتريت درانجو موديل 2011 وكل شيء فيه تمام الحمدلله بس عندي حساسات يبغالها تغيير وبسألك لما طلعت أجرب السيارة في البداية مع الفحص قال عندي العزم ضعيف وهي 8 سلندر استغرب هو بس كتب تصفية مكينه هل ممكن تكون من البواجي فعلاً او الحساسات ؟ لأن اكتشفت شيء بعد في عفطه في واحد من الشكمانات او شق تقريباً مو متأكد والحساسات الي متعطله حساس الزيت وحساس حرارة القير وحساسين اخرين م اذكر اسمها ي ليت تفيدني الله يسعدك وعندي مشكلة المكيف الصوت الي طلع مثل م قلت بس م لاحظت يصير حار بس الصوت موجود
الله يعافيك
البواجي ممكن تحتاج تغيير واكيد الشق في الشكمان لازم تلحمه وسوي تنظيف دبات التلوث لها دخل كبير بالعزم (راجع المقطع بالقناة لمعرفة طريق التنظيف)
واذا فيها تفتفة ممكن تحتاج تنظيف البخاخات.
وبرضو لاتنسى تغير فلتر الهواء وإضافة محلول تنظيف البخاخات في تانك البنزين وامسك فيها خط على سرعات متفاوتة بعد اضافته.
بالنسبة للحساسات افضل تغيرهم.
المكيف زوده فريون واذا رجعت المشكلة شيك على رديتر المكيف ممكن يكون فيه تنسيم
جزاك الله خير صحيح كلامك ياغالي انا عندي درانقو ٢٠١٣ومن شريته بس اغير زيت وفلاتر والحين عندي مشكلت المكيف وطرمبة البانزين علماً ان طرمبة البانزين شاريها ف التشليح ف السعوديه ب ٦٠٠ريال والمكيف فيه صوت بس ما صلحته
زود فريون يروح صوت المكيف
عندي موديل ٢٠١٣ مشكلة الفريون بينقص على كده طويلة. الوكالة بيقول ان فيه تهريب بسيط في الثلاجة. ما هو الحل؟
Durango Tube عندي الفريون ينقص على فترة طويلة وصوت فحيح ورائحة غاز عند ركوب السيارة. الوكالة تقول ان فيه تهريب في الثلاجة ايه الحل ؟
ابي رقم تواصل معك عندي مشكله في تبديل اذا وصلت تغير 8 يهبط عزمها رغم اني غيرت القير بس مازالت المشكله
جزاك الله خير
هل يوجد حل لجعل اداء المكيف افضل خاصه انه يصبح اقل كفائه بعد تشغيل المكيف الخلفي
كيف نعرف انهم عملو استدعاء وكمان لما يعملو استدعاء هل يصلحوه مجاني او لا
الله يعطيك العافية ما قصرت كفيت ووفيت.
بصراحة شكراً لك
كل المشاكل اللي تكلمت عنها موجوده في سيارتي دورانجو 2012
سيارة موديل ٢٠١٢ ونحن ب ٢١ اكيد السياره تعبت
صح كلامك لازم أغيرها بموديل 2022 بإذن الله
@@Mustafamustafa-vm2lr
كم ممشاها لاني بشتري درانجو ٢٠١٢ ممشاها ٢٥٠ ك
سلام عليكم ، انا معايه درانقو 2014 ،
معي له اربعه سنوات واغير زيت موبار 5w20 نفس المطلوب مني ، لكن طلع عندي صوت التكايات ، وغيرت الزيت امس حطيت كاسترول 5w30 وبرضو صوت التكايات موجود وش الحل معها ؟ ساعدني تكفى لاني توهقت مريت ع كم ورشة يقولون لي لازم تغير التكايات وفك رأس المكينة عشان التكايات ، وش تنصحني حتى حصلت زيت يقولون ينحط مع الزيت المكينة يقولون يروح الصوت لكن ما حطيته لاني خفت واول مره اسمع كذا .. افيدني جزاك الله خير .
وصوت التكايات طول اليوم ليس فقط وقت التشغيل .. وقريت انها مشكله منتشره ف الامريكي وفي دودج .. انتظر افادتك يا استاذ .
وعليكم السلام.
التكايات لا يصلحها اي زيت.
اقرء هذه تجربة احد الاخوان:
صوت التكايات
هي صوت طقطقه او تكتكه تكون في المكينه وتختلف درجتها بقوه المشكله
للاسف اغلب المكائن الهيمي تحصل معها هذي المشكله وبنظري انا الشخصي ومن بحثي بالامر خصوصا بعد حصولها معي في سيارتي
(دورانجوا 2014 هيمي ليميتد)
(211الف كيلو ماشيه)
تحدث لاسباب عديده وهي لا تخلو من
1:سوء نوعيه الزيت. او التأخر بتغير الزيت والفلتر مثلا ابو 10الف كيلو. المفترض توصل 8الف بالكثير غير على طول
2:مشكله بضغط الزيت. وهي دلاله على وجود مشكله في طرمبه ضخ الزيت. والحل التاكد من فاعليه ساعه ضغط الزيت وهي بالاغلب تخرب عندنا مع الوقت وتقريبا المفترض تكون مابين اقل شي 1.8 بار. الى اقصاها3.9 بار ومتحركه وغير ثابته
3: وهي المشكله الي اتوقع هي سبب كل مشاكل التكايات لو لحقنا الامر من البدايه ممكن مانحتاج نغير التكايات من اصله. وهي قطعه تكون اربعه حبات منها بالمكينه موجوده تحت الثلاجه المكينه واسمها كنترول سولونير فلف Control Valve Solenoidاو الي عموما نسميها شريحه التوزيع للزيت ورح ارسل لكم صورتها بعد هذي الرساله. وهي الراس حديد لكن الداخل بلاستك وسهله الكسر ولو غيرت التكايات وصلحت وسويت كل شي وهذي ماشيكت عليها او ماغيرتها للاسف ماكانك سويت شي وارشح ان هذي هي المشكله من الاساس بكل شي بخصوص التكايات
4: وللاسف ممكن دعسه جامده للمكينه وكانت مو ساخنه او مستعده للدعس او كذا من ربك ههههه خربت عليك والله يقويك صلح
واخر شي دايما ياحبايبي لا تستعجلو بالتصليح خذو الامر حبه حبه افهمو المشكله. حللوها بالمنطق وخذو المشكله من بدايتها وافهموها وقللوو الاحتمالات الفرضيه للمشكله الين تصلو للجواب النهائي
هههههه مثل التحقيق بالجريمه امسك المتهمين الين تدين واحد ولى اثنين مو كلهم وتجيب العيد
والحين القطع الي غيرتها انا وكانت فعليا لازم
1: طقم تكايات فوق يسار اربعه حبات 850 ريال
2:ساعه ضغط الزيت 180 ريال
3:وجهيه راس المكينه يسار 300ريال
4:وجهيه الثلاجه 250 ريال
5: قطعه Control Valve Solenoid الي هي المشكله الصحيحه وسبب كل شي عندي تقريبا 230ريال مو متاكد بس ماكانت اكثر
6:شغل اليد 2000ريال فقط
وطبعا موضوع عامود التايمينق او باسمه الصح الكام شافت
قيمته 500ريال ولكن الحمد لله لما فكينا الراس ((هههه انا فوق راس الميكانيكي ومعاهم بيدي اتبلشتهم اداوم معاهم هههه😅👆🏾)) اتظح الحمد لله التكايه علقت على جهه الداخل وابدا مالمست العامود نهائي ولله الحمد فما احتجت اغيره بالاساس
وكمان شفت سعر طرمبه الزيت وكانت 560ريال لكن الحمد لله حقتي مزبوطه
وسلامتكم
هذي مشكلتي مع التكايات
واتحلت وكان هذا شغلي فيها والان الحمد لله الوحش مدمن البنزين رجعلي يارب لك الحمد
يارب اني فصلت الامر صح لكم
وسلامتكم ،✌🏽
وانا اعطيك ياها على بصراحة واعلنها مدوية: زيت موبار هو سبب التكايات وليس مكائن الهيمي أو سيارات دودج لأنه زيت موبار ممكن تمشي عليه ٧ الاف كم كحد أقصى واحنا نمشي عليه ١٠ الاف فبالتالي مشيت ٣٠٠٠ كم بأقل من اللزوجة المطلوبة ومع مرور الزمن بتجي مشكلة التكايات.
انت وين بالسعودية؟
تواصل معي aymsha@gmail.com
وإن شاء الله مشكلتك بسيطة
فيصل الجهني
اتوقع انه مو التكايات هذا صوت الاقزوز تتكسر المسامير حقته شيك ع النقطه هذي لانها حصلت معي
السلام عليكم هل دودج دور انجو جيدة
انا عندي مشكله في سيارتي دوراجو 2014
فيه تأخير في دعسه البنزين، يعني لما ابغى اتجاوز سياره يتأخر في التعشيق الى نمره اقل
هل فيه احد واجهته نفس المشكله ؟
كم ثانية التآخير؟
جرب طفي نظام تقليل استهلاك الوقود (eco) وشوف التاخير بقي كما هو ام اقل
@@aymsha999 التأخير تقريبا 3 ثواني
وقفلت نظام eco ولا لاحظت فرق
ولكن لاحظت التأخير في تبديل النمر يعني لما يكون القير في الثامن وادبل دعسه ينزل الى الرابع او الثالث وهنا يحصل التأخير بحيث يضطر القير انه ينزل ٤ نمر عشان ياخذ العزم
هل فيه برمجه تحل المشكله هذي ؟
طف نظام الeco وخله على وضعيةsport انا معاي 2017 اسوي فيه كذا وماشالله يفرق
نظف دعسة البنزين ، ماتكلفك ١٢٠ ريال
صراحه الحمدلله معي ٢٠١٢هيمي العيب ف مسامير التوازن ومسامير القوز والباقي الحمدلله وحاب اقول سياره عمليه جدا وتكرف والذكي ماراح يندم انه شراها
مسامير التوازن ما قد سمعت فيها مشكلة وعلى كل للاحوال تعتبر قطع استهلاكية وعادي انك تغيرها.
اتفق معك في مسامير الاقزوز
كنت افكر اخذه لكن بعد المقطع مستحييييل
ماجد سعيد الغامدي خذه يمين طلقه
نشكرك عتنويرك والله يجعلها بميزان حسناتك يالامير
مشكور يا صاحب القناة انت ذكرت عيوبها بكلمة. حق بدون تعصب اهنيك على الصراحه الي ابوجهاد وغيره من الكذابين يغشون الناس في الامريكي الزباله ويضحكون عليهم عشان يشترون الامريكي لان عندهم ورش وسطحات
وصراحة كل الشركات بالنسبة للصيانة والقطع اسعارهم غالية جدا لا استثني احد منهم مقارنة بقطع الغيار في الخارج واتحدى أي شركة تقارنوها بقطع الغيار كلهم دون استثناء كل الوكلاء شركاتهم ربحية بحتة استغلالية من الدرجة الاولى وسلامتكم والسيارات شوفوها بشوارع المدن رايحة جاية وعيوب بعض الشركات في الأمان فادحة والتشاليح تتكلم عن الأغلبية تبع مين وسلامتكم
السلام عليكم
فيه صوت طقطقه بمكينة السيارة علماً انو جميع غيارات الزيت كانت بالوكاله ، ان امكن تفيدنا من خبرتك عن سبب ظهور الصوت وشكراً
السياره دورانجو ٢٠١٥
صور فيديو المحرك وقرب الجوال وقت التصوير لمكان الصوت وارسله لي على aymsha@gmail.com
يا اخي عندي دارنكو موديل ١٦ صار ٣ سنوات الله شاهد ماعاطله وماسامع بهاي العطلات الاتكلمت عليها انته بس مره وحده بدلت فيت بم وبدلت دسكات فقط
الأعطال اللي ذكرتها هذه في أسوأ الأحوال يعني ممكن يواجهها واحد من كل عشرة اشخاص.
وممكن تعيش معك ٥ سنوات بدون اي عطل.
اخي الكريم ، يعطيك ألف عافية
عندي دوراجو ليمتد 2014 بدون هوك للقلص ، تخبر فين نقدر نشتري ونركب هوك في المنطقة الشرقية الدمام ؟
ولَك جزيل الشكر
اطلبه من ايباي او امازون
سعره واصل حول ١٥٠٠ ريال.
اي محل زينة متخصص بالسلات والعتبات الجانبية للجيوب يركبه لك
برضو السليماني لمستلزمات السيارات الخاصه بالزينه والسلات والهوكات
حبي وذا ازدحام واكف وتضل تشتغل شنو طريقه هم اطفي المحرك وشكرا
@@مخنوكوالخانكنيحبه-ي7م
نظام اطفاء المحرك عند الوقوف هو اتوماتيكي وبإمكانك تعطيله بضغطة زر. وهو موجود فقط في موديلات ٢٠١٧ فما فوق
@@aymsha999 يعني ماكو مشكله اطفي المحرك وثواني ترجع تشغل اذا كنت في ازدحام السير وشكرا ياغالي
اخي اذا ممكن شنو تقصد الهوبات الامامية؟ مشكلة الفرامل نعم موجودة عندي
السلام عليكم ، بشكرك على الفيديو المفيد ، لكن عندي استفسار اذا نكرمت ، عندي النية ان شاء الله اشتري دورانجو 2013 ستاندرد ممشى 80 الف ، والسيارة حالتها ممتازة ، وأبلغني راعي السيارة بأنه تم استبدال طرمبة البنزين في الوكالة ، وتم استبدال الكمبيوتر وهذا ايضا من عيوب ال 2013 ، هل هناك أمور مهمة يجب علي تشييكها قبل الشراء حتى ما يكون علي تكلفة اضافية بعد الشراء ، وكم سعرها المتوقع حاليا بالسوق
اسأل مجرب
١- انتبه لصوت التكايات.
٢ - هل تم عمل استدعاء ريلاي طرمبة البنزين في الوكالة ام لا؟
٣- تاكد من حالة المساعدات وكراسي الماكينة .
٤- اذا شريتها غير زيت القير وفلتره وزيت الدفرنسات وزيت الدبل.
سعرها بالسوق حول35 الى 40
بارك الله فيك أخوي وربنا يكتب لنا اللي فيه الخير ، لنا ولكم ، ،اشكرك على سرعة ردك واهتمامك
الله يعطيك العافية .. كيف ممكن نتواصل معاك .. عندي صوت طقة عند تعشيق الجير .. وعندي رجة عند الاقلاع و رجة على السرعة فوق ال ١٢٠ .. السيارة دوج دورانجو ٢٠١٢ .. ٨ سلندر .. ارجو الافادة 🙏
تواصل معي على ايميلي aymsha@gmail.com
عندي نفس مشاكلك بالضبط وشي الحل ؟
شو الحل؟؟
تعليقات كولها فاظيه السياره جدا روعه وحلوه
@@سعدالشمري-خ6ف ليش تجاوز ياقشمر
Mustafa Musta لانك تقول تعليقات فاضيه اذا في فاضي وتافه فهو انت وضح وش معنا قشمر عشان ارد عليك الرد الي يليق فيك لان يبدو انك هندي
@@سعدالشمري-خ6ف اني عراقي تاج راسك
والله سياره رووعه
معي بنتلي 2013..واحترت بين دورانجو او فورد ايدج
ياخي عندي دودج دورانجو 2012 هيمي سيتادل، واريد حل لهذيه المشكله ، لما تجي تنطلق بالسياره تحس بطقه في الجير بوكس فاويش الحل
Legacy Xp
تاكد من تغيير زيت القير عند قطع مسافة 80 الف كم.
واذا غيرته والطقة بقيت موجودة فهي عادية
الطقه طبيعيه جدا
وانا اذا قدامي مطبات ولسيارة مهديها يطق القير عندي .. يقولون برمجة ومافي فايدة مادري وش الحل
السلام عليكم حاب اشتري درانجو ايش تفضل 13 او 14 شكراً
2014 افضل لانه القير تغير وصار ٨ غيارات بدل ٦ غيارات وتوفير بنزين اكثر والشكل احلى.
وحلو مشكلة ريلاي طرمبة البنزين
هل مكينة 6 سلندر فيها مشاكل وش الفرق بينها وبين ال8 في الخدمه
ال٨ سلندر تسمى هيمي وحجمها ٥.٧ وعزمها ٣٦٠ حصان وعليها ١٦ بوجي ريديوم ولاحظت كانو مشكلة تنسيم الاكزوز تحدث معها اكثر من الستة سلندر وبالطبع استهلاك الوقود اعلى.
الستة سلندر اسمها بنتاستار حجمها ٣.٦ وتولد ٢٩٠ حصان وتستهلك بنزين اقل وكاني لاحظت انه مشكلة التكايات تحدث بالستة بنسب اعلى من ال٨.
ولكل وجهة نظر.
سلام عليكم اخي الكريم
للاسف معي درانجوا ٢٠١٤ الممشي ٦٥ الف فقط و محافظ عليها جدا و صيانة دورية في الوكيل لمدة خمس سنوات
الان عند تعشيق ال فتيس علي n يصدر صوت من اسفل السيارة و عند المشي البطئ السيارة تدب
فضلا لا امر معلومة عن العيب و توجهي لمكان موثوق للاصلاح علما اني اسكن الرياض
وشكرا
وعليكم السلام ورحمة الله
وصف المشكلة غير واضح لكن تأكد انه الدبل مش معشق وتأكد من ربط الكفر السبير جيدا لانه احيانا يطلع منه صوت فتعتقد انه من القير.
تواصل معي لفهم المشكلة.
Aymsha@gmail.com
ياأخي عندي نفس المشكله يطلع صوت n اذا مشيت الصوت باالقير قالوو لي الدبل
اشكرك على مصداقيتك
تحياتي لك
انا انسان ودي اقتني الدرانجو وودي استخدم تنصح فيها خاصتن اني من اهل جده واكرف المواتر كرف
ماعندك مشكلة لكن لابد من الاهتمام بالصيانة الدورية
خوفتونا من السيارة
الحين انا اريد اشتري ٢٠١٩ تنصحنا ولا نهون يا صاحب القناة
والله وانا كنت ناوي وخفت وش السواه وش البديل
هشام الودعاني الافضل ناخذ برادو
Saud Saud 😂😂😂😂😂
@@saudsaud75 البرادو لا يقارن مع الدورانجو ،،، ههههـــ
الله يعطيك العافية على الشرح والتوضيح... أنا عندي درانجو 2012 وقبل ثلاث سنوات خربت طرمبة البنزين واشتريتها بـ 2500 واللحين خربت!!
لذا طلبت طرمبة وقود ديلفي من أمازون وأنا بانتظارها، وصوت طرمبة البنزين بعد إطفاء السيارة موجود بسبب خلل الريلي!!
لذا طبعت الاستدعاء من موقع التجارة وتوجهت للوكالة وجحدوني، لأنهم سجلوا إنهم صلحوا المشكلة ولا أعرف متى!!
لذا الله لا يهينك أبغى اسم مسامير الاكزوزس المرتبطة في المكينة... لأن عندي صوت ( فرقعة ) في المكينة عند بدء التشغيل فقط!!
وشكراً لك
هناش عندل
الله يعافيك.
لمعرفة اذا تم حل المشكلة في الوكالة ام لا فعليك الدخول على موقع موبار والتشييك على سيارتك من الموقع : www.mopar.com/en-us/my-vehicle/recalls/search.html
وستجد انه استدعاء الريلي غير موجود.
واذا فعلا الوكالة حلت المشكلة ستجد انهم ركبوا ريلاي خارجي طالع من علبة الفيوزات.
هناش عندل
مسامير الاكزوز اسمها
Manifold Mount Bolt
كلمات الشكر والتقدير تعجز عن وفاء حقك... شكراً لك مرة أخرى وأتمنى لك أخي العزيز الصحة والسلامة
اليوم ركبت طرمبة البنزين ديلفي وضبطت... لكن طلع صوت طقه قوية في القير عند الانتقال من N إلى D!!!
هذا وأنا من شهرين فقط غيّرت حساس القير لأنه كان ثابت على الرابع!!
وبعدين معاااااه الدرانجو؟؟
ابشرك صدمت فيه امس 😂😂
أشكرك كل الشكر كفيت و وفيت ❤👍 ، كلامك صحيح ١٠٠%
Abdullhakeem Brisali
انت تمتلك دورانجو؟
Durango Tube 🤣😂 طبعا أمتلك دورانجو ولا ما كان علقت عالمقطع بتثبيت كلامك
Abdullhakeem Brisali انت معانا بالقروب؟
موجود عندكم جروب دورانقو ؟
Ahmed Hejles
موجود.
راسلني على aymsha@gmail.com لاضافتك على القروب اذا كنت من كلاك دورانجو
من يعرف بطارية الدورانجو 2017 بكم .. وايش افضل بطارية ؟؟
وشكراً لصاحب القناة المبدع ..
الأصلية موبار عند الوكالة ب ٨٠٠ ريال
وعند قطع الغيار في نوع اسمه فارتا ممتاز سعرها حول ٣٥٠ ريال
وفي انواع كوري تخدم سنة ونص حول ٣٠٠ ريال
ابعد عن ac dilco وعن هانكوك
و أنا عند مسند الرأس للكراسي خصوصاً الامامية أنفتحت ( تفككت ) بالحالها
و هذا عيب من الشركة و لاحظته مع عدد من السيارات للدرانجو و كلمت الصيانة الوكالة و قال لي الفني تحتاج جديدة و بمبلغ تقريبي 6000 الأف ريال لأنه فيها آيرباق Air Bag داخلها و المكيف نفس ما ذكرته صوت فحيح و انقطاع التبريد او ضعفه . بس اشدد على سبب انحلل الوسائد للراس بالكراسي لا حظتها في نفس الموديلات من خلال مشاهداتي لبعضهم .
كلامك صحيح هذا عيب مصنعي يحصل لعدد معتبر من الدورانجو وكل ما عليك فعله انك توديها محل تنجيد يفكها ويشيل السوست من جوة ثم يرجع يقفلها ويلبسها جلد او نايلون.
والتكلفة ما تتعدى ١٠٠ ريال.
ملاحظة : قم بفصل أصابع البطارية (تحت كرسي المعاون) اولا.
@@aymsha999 جزاك الله خير و مشكور على الفكرة الحلوة
ناوي على سيتادل 2012 ، على ايش اركز بالفحص وكم سعرها بالسوق
Ahmed Aqra اخي اذ سياره جديده اشتريها ولتخاف سياره قويه وحلوه
Mustafa Musta لا موديل 2012 وماشي 130 الف
Ahmed Aqra والله ماعرف لازم فحص مظبوط توديها واذ عندك امكانيه حاول تاخذ من موديل ١٤وانته صاعد
اخذت موديل ١٦سياره كولش حلوه ومابيها اي عطلات وسياقتها احلا من جاجر
السلام عليكم ورحمة وبركاته اخوي انا بشتري نفسها بس RT تنصحني
لو تكرمت ممكن تفيدني عن دورانجو 2013
تواصل معي على aymsha@gmail.com
ايش حابب تعرف
انا عندي صوت اول ما اشغل السياره 25 ثانيه ويختيفي
طبعا المحرك هيمي 5.7
هل احد واجهه المشكله دي
بندر عيساوي
سجل لي الصوت فيديو بالجوال وقرب الجوال من الماكينة وارسله لي على aymsha@gmail.com
بندر عيساوي
المشكله في نوعية الزيت...
خذ زيت بترومينA1
وتشوف الفرق
ممكن يكون صوت الاقزوز روح الوكالة وشيك على الصوت وبيفيدونك او عند مختص لمكائن الهيمي V8
انا عندي دورانجو ٢٠١٣ مامرت علي اي من العيوب المذكوره بالمقطع ، بس السياره فيها مشكلة عندي ان يضرب الهوا عليها بالسرعات العاليه وتطلع صوت
الله يعطك العافية عندي شارجر كل الأعطال الي ذكرتها موجوده عندي
الله يسعدك ويوفقك كفيت ووفيت
الدورانجو سيارة غالي ثمنها وكواليتي دون المستوى
وصرفية بنزين متوحشة
البدائل كثيرة خلوها تصدي لابوها لابو من صنعها
سيطر على رغباتك ولا تنجرف ورا الشركات
Abdollah Ali
وجهة نظر تحترم
احترم وجهة نضرك، لكن هو على حسب الاستخدام، انا معي ٢٠١٢ له تقريبا ٧ سنين ما عمره دخل ورشه ما شاء الله
في نظري يعتمد استخدامك للسيارة بصراحة
اشكرك ولكن ماجاوبتني هل هناك فرق بين 2018 و 2019 وماهي ؟
مافي فروقات بين ١٨ و١٩
وش افضل ورشة دورانجو في الرياض؟ عندي مشكلة ماء الرديتر ينقص والتهريب من الشكمان،
ورشة ايزوف بحي النهضة. تقاطع سلمان الفارسي مع الأمير بندر
لا تنسى تكاسر بالاسعار
الموقع Ezof Durango Workshop
4974 Prince Bandar Bin Abdulaziz, Al Khaleej, 7133, Riyadh 13223 7133
050 872 1475
maps.app.goo.gl/ZVvQLkt2mueKjnxQ8
بارك الله فيك وجزاك الله خير
هل تنصح بالسيارة ؟
اعجبتني مواصفاتها وسعرها و وسعها اقل فئة طبعا
واستخدامي لها فقط للسفر
يعني ما تمشي حتى 20 الف في السنة
KEEMO keemo5566
انصح بها في السفر وللاستخدام اليومي.
قيادتها جدا ممتعة وعزلها ورساوتها ممتازة
KEEMO keemo5566 والله سياره راقيه اشتريتها وخير من الله واطلع بيه طرق بعيده قيادته احلا من الجاجر
يارجال عساك طيب فحيح الأفعى و صوت الهمي عادي
عندي سوال عن وزن انوار الامامية ٢٠١٧ هل تنوزن لليمين واليسار او انها فقط للاعلى والاسفل.
قلعة الاسرار
فقط اعلى واسفل
السلام عليكم .. يا ليت تنزل فيديو عن كيفية تغيير بواجي الهيمي 2014
وعليكم السلام
والله غيرتها قبل فترة وما نزلت مقطع. لكن ابشر
استطراداً لتعليقي السابق
على فكره انا راجعت الوكاله وبعد الفحص قالو لازم اغير علبة الفيوزات والكمبيوتر والكومبريسر لكن ماقتنعت بكلمهم لأن الموضوع كان مبالغ فيه والمبلغ المطلوب كان فوق ١٢ الف ريال
algarni abd
وغيرت الطرمبة فقط؟
Durango Tube الى الان ماغيرت ولا شي
طيب ممكن تحطلنا رابط لقطع غيار دوج درانجو
السلام عليكم اخي الكريم ... اسمح لي بان ارسلك ايميل فيه بعض الاسئلة عن الدودج دورانجو سيتاديل موديل ٢٠١٢
Mohamed El Shimy اوكي
@@aymsha999
السلام عليكم ورحمة الله
وباقي الي تكلمت عنها صراحه ماوجهتها
لو سمحت انا عندي درانجو ٦ سلندر ٢٠١٦ السياره مامشت ٨٠ الف وبدا صوت الفحيح عندي من فتره طويله لكن كل الامور كانت تمام الى يوم من الايام وجيت الصباح بشغل السياره ما اشتغلت الا بعد ماسويت اشتراك بصراحه ما اخذت الموضوع بأهميه الا بعد استمرار المشكله وهي في حالة اذا السياره ما اشتغلت لمدة خمس ساعات مثلاً ماتشتغل الا بإشتراك وبدلت البطاريه ورجعت طبيعيه لكن مع بداية الصيف لاحظت ان المكيف يضعف دفع الهواء الى ان يتوقف تماماً بعد ساعه تقريباً واذا طفيت السياره ورجعت شغلتها بعد نص ساعه يرجع الموضوع طبيعي لكن بعد ساعه تعود نفس المشكله ويضعف الدفع والبطاريه الجديده رجعت لنفس المشكله .. الغالب حسب مافهمت ان البطاريه تنتهي بسبب تهريب في كهرباء البطاريه لكن هل له علاقه في المكيف ؟ وااااسف على الاطاله
algarni abd
صوت الفحيح من المكيف سببه نقص الفريون. زود الفريون يروح الصوت وان رجع الفحيح بعد فترة بسيطة في الغالب حيكون التهريب من رديتر المكيف.
بالنسبة للبطارية الاصلية موبار فممكن تخدم الى ٤ سنوات.
تهريب الكهرباء يجب انك تعرض السيارة على كهربائي.
يعطيك العافية
عزالله انك بينت لنا ان قطع الغيار غالي جداً.. .
وهذا امر يجعل اصحاب الدخل المحدود يتجنبون هذه السيارة.
واما من ناحية السلبيات اشوف انها لاتفرق عن السيارات الاخرى
فالعيوب في السيارات الاخرى اكثر بكثير من هذه العيوب في الدورانجو.
لاكن الاهم سعر وتوفر القطع الغيار
وتحياتي لك على المعلومات
انا اشوف شي طبيعي نفس خربات جميع السيارات
مشاكل واجد
و الوكيل صلللللخ بأسعار القطع و تكاليف الصيانة.
اعجبني فيها واسعة و مريحة و فتحات تكييفها للمقاعد الخلفية و سعرها مقبول ..
تنسحني به؟؟؟؟
بارك الله فيك
جزاك الله خير
كمستخدم دودج دورانجو ليس بها عيوب جوهرية أنما عيبه بعدم أنتشار مراكز الصيانة وسوء خدماته وارتفاع تكاليف الصيانة لوكانت الدودج نفسها مع عبد اللطيف جميل لكانت أنتشرت وأصبحت رقم ١ بسيارات الدفع الرباعي...الوكيل بالسعودية سئ وأسعار خدماته عالية أنما أسعار القطع مناسبة
انا عندي السياره 2014 تصرف بنزين بشكل مو طبيعي !!.
كم سلندر؟ ومن ايش المشكلة الصرفية؟
اعمل تغيير بواجي
يارجال والله مانك فاهم شي اي سياره تكون ماشيه 150 وفوق وتضرب فرامل بقوي راح ترج لو تكون مايباخ 2020
شكرا لك عزيزي.
بعد تركيب الهوبات الرياضية والفحمات الأصلية وتبديل زيت الفرامل اختفت الرجة تماما حتى لو على سرعات عالية.
هل يوجد قروب للدورانجو
السيارات الامريكية مريحه وفخامه بس يياجماعه مو معقول ٥٠٠٠ صيانه الا ان كان حاسب قيمة الكفرات انا استخدمت باترول ٢٠٠٥ لمدة ثمان سنوات مشت معي حوالي ٤٠٠ الف كلها بر ورمل وصخور وبالصيف سفريات وماشاء الله ماطلبت الا اشياء بسيطه ماتذكر يمكن بدون مبالغه ماوصلت ٥٠٠٠ الاف خلال ٨ سنوات !!!!!! والحين انا ودي بسيارة امريكية للمدينه بس خايف ياجماعه الياباني مصنوع لنا خصيصا حنا شعب مهمل بالصيانه وورش غير متخصصه
بارك الله لك وفيك،،،،،،
قلعة الاسرار
واياك ياغالي
@@aymsha999 هلا بيك ممكن سوال عندي دورانجو واقف طبيعي لكن لو عشقتD يرتفع صوت كنه هوا شوي رجه ماهو السبب
عندي دورانجو ٢٠٢٠ للبيع ٩٨ الف اخو الجديد استاندر
ما شاء الله تبارك الله.. ممكن صور على 0533123993
عاجلا الله يرضى عليك
صراحة معي 2013 ومعي تشارجر كمان ٢٠١٢ وكلها كديناها كد استعملوها اخواني ٣ سفر وسواقتي حارة كلها ٦ سلندر ماشفت من كلامك رغم الدرانجو انزل عليه بر والله سيارات عالمية وحلوة وعملية وكلامك ذا والعيوب هذي من موديلها الى الان ماشفت منها شيء او اي عيب وبالنسبة للقطع فعلا انا اطلبها من شركة موبار ومريح راسي ويركبونها الوكالة اما العيوب هذي اتوقع ان حظك شين مثل حظ واحد من الشباب زفت في السيارات ماينفع له غير تأشيرة ويريح راسه 👀 جد والله اكثر كلامك مو واقعي وخيالي
شكرا على التعليق.
انا معي دورانجو ٢٠١٤ ومرتاح معاه جدا ومن اكثر السيارات اللي اقتنيتها وحبيتها لأن فيها مميزات كثيرة جدا وبإمكانك مشاهدة مقطعي الخاص بمميزات الدورانجو.
هذا المقطع يمثل اسوء ما يمكن أن يحصل لك من اقتناء هذه السيارة ولا يعني بالضرورة انك ستكون عرضة لكل هذه الأعطال.
في ناس مشت بالدورانجو ٢٠٠ الف كم على مدار ٧ سنوات وما واجه اي مشكلة مذكورة بالمقطع.
لذلك المقطع ليس من ضرب الخيال سلمك الله