مقابلة السفارة الالمانية و تجربتي - مراسلة مكتب الاجانب و تامين السفر و التظلم
Вставка
- Опубліковано 26 лип 2024
- -مقابلة السفارة الالمانية ..تجربتي مع السفارة الالمانية German Embassy
-مراسلة مكتب الاجانب لمعرفة حالة الفيزا و ملفك في السفارة الالمانية ausländerbehörde
-مدة الحصول علي الرد بعد التقديم علي الفيزا في السفارة الالمانية
-التظلم في حالة الرفض في السفارة الالمانية - طريقة عمل التظلم في السفارة
-تامين السفر المطلوب بعد الحصول علي الفيزا ممكن تعمله في شركات التامين المعتمدة
drive.google.com/file/d/1pmN2...
اوراق و طلبات الفيزا في السفارة الالمانية - نموذج طلب التأشيرة و الاقرار القانوني
kairo.diplo.de/eg-ar/service/...
نوع الصور المطلوبة في السفارة الالمانية
kairo.diplo.de/blob/1587310/9...
ايميل السفارة الالمانية - البريد الالكتروني
visastelle@kair.diplo.de
ابلكيشن TLS البديل الحالي لابلكيشن السفارة
- تملي استمارة videx و بعديها اطبعها و صورها نسختين (يعني مجموعهم 3 ) و امضي النسخ و الصور بنفس امضاء الباسبور (حنشرح الجزء ده في خطوة الإمضاء)
صور شرح استمارة videx
drive.google.com/file/d/1N9OV...
لينك الإستمارة
videx-national.diplo.de/videx...
ملاحظة بسبب كورونا فقط حاليا (النظام القديم للتقديم في السفارة ) الاقرار القانوني موجود داخل نموذج فيديكس و مش محتاج تملي استمارة اقرار قانوني زي النظام القديم و نفس الكلام بردو مش محتاج تملي الابلكيشن القديم علي موقع السفارة اللي كان اسمه استمارة طلب تأشيره وطنية انت محتاج دلوقتي فقط الفيديكس لان فيه كل حاجة جواه شوف خطوات ملي استمارة videx
ملحوظة في حالة انك شاكك في كتابة حاجة معينة في استمارة الفيديكس متقلقش لانهم في tls بيراجعوها معاك و لو فيه غلطة حيصلحوها و حتدفع تكلفة بسيطة عالخدمة دي لكن ان شاء الله لو مشيت علي المكتوب في الصور مش حيلاقوا غلطات و مش حتدفع فلوس زيادة.
---------------------------------------------------------------------------------------------------
اسمي محمد طارق .. مهاجر لألمانيا . بفضل الله بدات في شغل اونلاين ناجح من 2009 و اشتغلت ك مرشد سياحي في مصر .. بدرس حاليا في جامعة براندبورج و بشتغل في برلين .. غرضي من الصفحة هو توعية الشباب و محاولة مساعدتهم انهم يلاقوا فرص كويسة سواء بمشاريع اونلاين او للهجرة و الشغل و الحياة العملية .. متترددش تكتب سؤالك او تبعتلي لو عندك مشكلة
تبدا ازاي للهجرة لالمانيا؟
• الحياة في المانيا و بد...
متنساش لايك لصفحتنا الجديدة علي فيس بوك لمتابعة كل جديد
/ learnearntravelmohamed...
قناة التيلجرام للاسئلة و المناقشات
t.me/Deutschland20
#المانيا #الدراسة_في_المانيا #الحياة_في_المانيا #المعيشة_في_المانيا #العنصرية_في_المانيا #حوادث_العنصرية_في_المانيا #الحجاب_في_المانيا #العمل_في_المانيا #المجتمع_الالماني #محمد_طارق_المانيا #LearnEarnTravel
المانيا,ألمانيا,المانيه,الحياة في المانيا,#المانيا,الماني,هجرة المانيا,المانية,العيش في المانيا,السياحة في المانيا,الدراسة في المانيا,الهجرة إلى المانيا,الهجرة الى المانيا,اللجوء لالمانيا,انتقلت لالمانيا,السوريون في المانيا,أخبار ألمانيا,تركت مصر للعيش في المانيا,في المانيا,المانيا 4k,من المانيا,مدن المانيا,سفر المانيا,المانيا سفر,عرب المانيا,المانيا هجرة,المانيا 2020,عيوب المانيا,شمال المانيا,المانيا الآن,مساحة المانيا,المانيا برلين,المانيا ميونخ,عاصمة المانيا,سياحة المانيا,مساوئ المانيا
الله يطمن قلبك 💚 ربنا يوفقك ويوفقنااا
فينك
الله يسعدك ويبرد قلبك زي ما بردت قلبي.
انا طالب فلسطيني من الضفة الغربية حأقدم الماقبلة الأسبوع الجاي في الأردن عشان السفارة في الضفة مسكرة بسبب الحرب. وكنت كثير متوتر منها ومش عارف ايش احكي وتأثيره لحد ما شفت الفيديو
ربنا يوفقك و يكرمك الموضوع سهل و بالتوفيق بقي و طمني
شو صار معك
الله يجزاك الخير والله طمنتني
شكرا جزيلا علي المعلومات بصراحه انا وأصحابه بدأنا ناخد لغه ونتفرج علي فيديوهاتك
حبيبي ربنا يوفقكم اي شئ قولولي
و الراديو عالقناة ١٠ الخميس نضحك و ندردش لو حابين
الله يعطيك العافيه ع المعلومات والشرح المفصل .. انا بالفعل متابع السلسله ن البدايه واستفاديت جداً
ممكن اي طريقه اتواصل مع حضرتك ؟ عندي موضوع حابب استفسر عنه لو سمحت
لو سمحت هوا ينفع شاب من فلسطين يطلب طلب اللجوء فى السفاره المانيا بالقاهرة بى مصر يعني يدوله التاشيره يدخل المانيا 👍👍👍👍👍👍👍👍❤️
Danke
بسبب الكورونا الايام دي مفيش مقابلة، بتسلم بس الورق
ما احنا متكلمين عن القصة دي و التغييرات اللي حصلت باذن الله
لو سمحت عايز اتواصل مع حضرتك بحبك جدا تقريبا خلصت نص فيديوهات القناه بتاعتك
لو سمحت كل الاوراق لازم تكون نسختين حتى الشهادة هلق انا قرأت بس ال videx والقانون التعريفي نسختين بس
شكرا عل فيديو انتا شخص طيب ❤️
لو سمحت المطلوب هو نسخة اصليه مترجمة من اوراق الشهادات مع نسختين مصورتين أو نسختين اصليتين مترجمتين؟؟؟
@@mohammedharfoush6576 لو معك 10000 يورو لح يقبلوك ما معك ما بيقبلوك اصلا مافيك تقدم لتجرب حظك مثلا !!
Do you have health insurance (longer stay) for the Federal Republic of Germany? انا عملت التامين في مصر اجاوب ايه في استمارة videx yes or no?
no .. ملوش علاقة بتامين المانيا دة
جزاك الله خير
بعيد عن موضوع كورونا هو الموضوع فيه كشف طبي؟ او في امراض معينة لو عند حد تمنعه من السفر؟
لا مفيش نهائي
لو سمحت المطلوب هو نسخة اصليه مترجمة من اوراق الشهادات مع نسختين مصورتين أو نسختين اصليتين مترجمتين؟؟؟
الاصل و نسختين من اي مكتبة عاديين من الاصل
سلام عليكم انا حصلت على قبول مشروط من كلاوستال باللغة المانية وحاليا اتعلم لغة من صفر هل فيه مستوى معين يجب ان احققه ولا وهل السفارة ستكون باللغة العربية ممكن تفيدنا حسب تجربتك وشكرا جزيلا
عليكم السلام لااازم عالاقل b1
هل السفارة بتحتاج شهادة ايلتس او توفل لو جايب قبول نهائي ماستر باثبات الدراسة بالانجليزي؟
لا .. ف حالات قليلة اوي طلبته ..
سؤال اخي اني عسكري بلعراق مستمر بلخدمة لحد الان هل اذا قدكت على فيزا سنة القادمة بيأثر علي كوني عسكري سابق؟
لا طبعا
لو قاعد في السعودية بزيارة عائلية و ليس اقامة و ليس سياحة اقدر اقدم على السفارة الألمانية في السعودية؟
يا محمد دلوقتى معايا قبول للترم الصيفى ومعاد توثيق صور طبق الاصل فى نص شهر ٣
اعمل ايه فى فيزا الدراسة اقدم عليها امتى احسن انا مش عارف ؟؟؟
انت مش محتاج طبق الاصل عشان تقدم عالفيزا ممكن تقدم عليها من دلوقتي لو ورقك جاهز
يا محمد لو سمحت هوا مقاس الصور الشخصية بيكون كام فى كام اصل انا بدور على موقع tls ومش لاقى
هاتهم ٣.٥ في ٤.٥
انا قدمت على الفيزا والسفاره اتصلت بيا بس للاسف مردتش المفروض اعمل ايه
السلام عليكم
صار معك ايه؟
بعد إذنك عايز اعرف حاجه انا دلوقتي بدرس بكالوريوس هندسة برمجيات في روسيا لو حبيت ادرس الماستر في المانيا اخد اللغه في روسيا ولا في المانيا و دراستي بدولة تانيه بتسهل في المقابله بتاعت السفارة ولا ملهاش علاقه؟
بتاخد اللغة ف روسيا الاول
المقابلة مش بتختلف من مكان ل مكان و هي سهلة لو ورقك كامل
لو سمحت مش صح الشركات زي Coracle او Expatrio بيوفروا تأمين سفر؟
التامين فقط الشركات ال ف لينك ال حاطه ف الوصف
هي المعتمدى من السفارة
انا قدمت وقابلت الحمد لله من فضلك كم المدة انتظر حتي تطلع لي الفيزا ان شاء الله مع العلم ان الفيزا دراسة جزاك الله خير
باذن الله من اسبوع ل3 اشهر متوسط شهر و نص
كيفك يا محمد؟
أنا أخذت قبول من BTU هذا الفصل في ماستر بالإنجليزي وعديت مرحلة الUni-assist بدون حصولي على درجة اختبار التوفل المطلوبة وهي 79.
الجامعة طلبت مني ارفاق حجز موعد اختبار التوفل كبديل مؤقت عن شهادة اللغة واليوني اسيست حولو اوراقي للجامعة وتم "قبولي" مبدئيا.
بعد فترة اخدت التوفل والنتيجة كانت أقل من المطلوب 77 ، لكن بعد مناقشات ^_^ الجامعة قررت اعطائي قبول "letter of admission as Exchange free mover" وهو قبول لفصل واحد بس وطلبو مني توفير درجة التوفل المطلوبة قبل نهاية الفصل.
طبعا أنا حصلت على الدرجة المطلوبة في التوفل الآن لكن الجامعة ما ردت على رسائلي وما أعطتني القبول العادي لمدة الدراسة كاملة.
مقابلتي بعد 4 أيام وخايف يكون فيه مشكلة كونه القبول لفصل واحد بس والفصل الشتوي قرب يخلص.
شو رأيك؟ طبعا أنا بعثت الكلام دا للجامعة وبنتظر رد جديد ان شاء الله.
مفهوش اي مشاكل اطلاقا تقدر تقدم بيه و تتوكل علي الله 😍
جزاك الله خير اخي الكريم
انا يمني وحصلت على قبول جامعي في ألمانيا
بشرط حساب بنكي مغلق
وانا ماعندي لغه المانيه
واول سنه هي دارسه الغه الامانيه
هل يشرط ان افتح حساب مغلق قبل المقابله السفاره
وماهي الإجراءات والأوراق المطلوبه
الحساب المغلق دي اوراقه
ua-cam.com/video/_Mc7LUfDLbQ/v-deo.html
تقديم شهادة B1 مزورة في السفارة بيتكشف ولا بيعدي ؟! لإن في التقديم بياخدو صورة فقط من الشهادة
بيتكشف بكل سهولة و بيترفع عليك قضية تزوير و حصلت مع كذا حد
لان اصلا بيكون فيه كود ف الشهادة بيحطوه عالموقع و لو ملقوش شهادتك كدا تزوير
لو سمحت دلوقتى انا فى السعوديه ومعايا الاوراق بتاعتى هل ينفع اوثقها من السفاره قى السعوديه ولا لازم من مصر
لو خريج مصر يبقي لازم توثق ف مصر
هو لازم تكون جايب مجموع أعلي من ٨٥ % في الثانوية العامة علشان تتقبل في السفاره ووممكن القنصل يرفضك حتي لو معاك قبول من الجامعه لان كان استاذ شحاته قال انك ممكن تترفض
مفيش الكلام دة خالص و مش صحيح .. خد من شحاتة اللغة فقط
يعنتبلي كلمت معظم شركات التامين اللي محطوطة معظمهم قالي بناخد اجانب بس والباقي قالي التامين واقف الفترة دي اية الحل ممكن تقولي اسامي شركات تانية
انت بتتكلم ع اي تامين؟ تامين السفارة؟
@@Learnearntraveltv ايوة معدوش بياخدو بتاع امان
انا مقابلتي يوم الثلاثاء فيزا خاطب ومخطوبه ادعولي لان خطيبي الماني
ربنا يكتبلك الخير
ممكن توصل معاك خاص
ممكن اعرف أسباب رفض الفيزا الزوج
ممكن سؤال
لما ال tls بعتلك الرساله على الايميل قلك انك اتقبلت بصريح العباره ولا قلك تعال استلم البسبور وبس
انا السفارة اتصلت بيا و قالتلي اتقبلت
حاليا tls مبيقولش الا استلم الباسبور
هل بيفرق عند السفاره أو الجامعه إذا كنت خريج معهد خاص بكالوريوس أو كليه
و لا يفرق ف شئ
هل لازم يبقى معايا كل التايلات ولا ممكن اكون شايل تايلين ٥٠٪؟
مش لازم تبقي معدية ف كله
لو سمحت انا عايزة اتفرج ع قناة حضرتك كلها بس متلغبطة ابدأ بإيه ممكن ترتيب القناة كلها؟
الدراسة ف المانيا
ua-cam.com/play/PLTKrreVcTsQ28R9Qc05Q2v49XDZtWJGdl.html
الشغل جنب الدراسة
ua-cam.com/play/PLTKrreVcTsQ06jxOyqTnm3rRjzE4Uqc3O.html
الحياة ف المانيا
ua-cam.com/play/PLTKrreVcTsQ3jmc0yBnnVaLEoZoj5jp43.html
التجارة الالكترونية
ua-cam.com/play/PLTKrreVcTsQ3bt096pEBI2px3BbW7BTzM.html
@@Learnearntraveltv ينفع حد يخلص دراسة طب ف المانيا ويروح يشتغل ف لوكسمبرج بما انهم جيران والالماني اساسي هناك مع الفرنش
عادي ممكن
هو القبول المشروط لازم اقدم قبل معاد السفارة بتلات شهور و لا اقدم فى اى وقت مدام لسه هكمل لغة ؟
عشان تاخد معاد دلوقتي عن طريق tls و المعاد بيجي مباشرة
انما بنظام السفارة كنت بتنتظر ٤ -٥ شهور
هو القبول النهائي بيكون علي حسب مستوي اللغة المطلوب من الجامعة و لا مستوي معين ؟ طيب لو مثلا مطلوب b2 جوته ليه لازم امتحن dsh في المانيا
كل جامعة وليها نظام معين فيه جامعات بتقبل من b2 زي ديجندورف و فيه جامعات مطلوب لها dsh
@@Learnearntraveltv طيب معلش سؤال تاني هو انا ازاي اعرف انهي مكاتب اجانب كويسة من حيث يعني السهولة و موضوع الحساب البنكي
اختار الجامعات علي هذا الاساس في الفيديو دة ua-cam.com/video/Nltn_Vr8IBs/v-deo.html و بعدها ابعتلي قولي استقريت علي ايه و اقولك ايه الانسب و الافضل بين اللي بحثت عنهم
@@Learnearntraveltv الجامعات
Hwr Berlin
Hs Hannover
Hs Bochum
Fh Dortmund
Uni cologne
Tu Berlin
برلين كويسة جدا بس صعوبتها ف السكن لكن مش مستحيل - بوخوم بلاش - كولونيا كويسة مسمعتش منها مشاكل هانوفر شغالة برضه - دورتموند مكتب اجانبها سئ جدا
السلام عليكم
انا بعد ما بعت للسفاره اني مفيش مواعيد 2021 للامتحان c1 ردوا انهم بينصحونى في حالتي اني اسحب التظلم واني لو اني موافق على كده ارد عليهم لغايه 12/14
هل في مشكله لو مسحبتش التظلم لاني انا اخدت رفض قبل كده وده تاني رفض وهل لو اداني رفض على التظلم هيبقوا 3 مرات
عليكم السلام
لا متسحبوش
و مش هيعتبر رفض تالت لا
ليا فلوس عند صديق فى ألمانيا
اى افضل طريق لتحويلها لمصر. باسمى
مع العلم بأنه لا توجد صلة قرابة بيننا
افضل طريقة موني جرام او وايز
دة شرحهم
ua-cam.com/video/Powr5sv9fns/v-deo.html
هو لو اقدر الله لما بتقدم ورقك للسفاره وبتترفض بيقولك سبب الرفض اي ؟ يعني مثلا لو ورقك مش كامل تعرف منين انك ناقصه الورق الفلاني ده ازاي ؟ هل هما بيعرفوك الورق اللي ناقص؟
اة بيكتبولك سبب الرفض
هوا انا لو قدم علي الحامعه ب b1 بس عقبال مروح السفاره هكون معايا b2 مثلًا بيبقي اي الوضع ؟
دة هيسهل عليك مهمتك ف المانيا ..انما السفارة مش لازم b2
@@Learnearntraveltv شكرًا لحضرتك
هو ممكن حد صديقى يعملى كفالة
هو المانى وعايزنى اقضى معاة اسبوعين اى الاوراق المطلوبة منة ومنى
بتمنى انك ترد عليا
قصدك زيارة
بلاش منها عشان بتترفض قدم علي فيزا سياحة
ولو أنا مقدم على ماجستير بالإنجليزي + قبول مشروط مع دراسة لغة من البداية, هل المقابلة حتكون بالإنجليزي عادي ؟
اة
@@Learnearntraveltv شكرا 😊🫡🫡🫡
اخي بنسبة لعقد عمل ماهي شروط . وهل يكون رفد انا عمل طلب موعد وبعتو لي رسالة عبر اميل يقولون يمكن يسغرق تحديد الموعد بضعة اشهر. كم تقريبا يكون رد
يعني يستغرق من اسبوعين ل ٣ شهور
اهم شئ عقد العملو موافقة مكتب العمل
سلام عليكم اخي اريد أن استفسر منك عن شئ ارجوك
عليكم السلام اتفضل
هل مطلوب تأمين صحى من المانيا ولو مطلوب اعمله ازاى .وشكرا
ف اغلب الاحيان لا
بس لو طالبينه عشان كورونا شوف دة
ua-cam.com/video/EWX8D52Pxao/v-deo.html
حضرتك بتدرس فين ؟
طب انا محتاج اوراق ايه من الجامعة اوثقها ف TLS انا مخلص طب وهروح اقضي 6 شهور امتياز وف مقابلة السفارة لو ورقي ناقص ايه بعد كدا؟
لازم ورقك بيكون كامل
بيان درجات الثانوية
و بيان درجات الجامعة
والتخرج ان وجدت
@@Learnearntraveltv لو ناقص بعمل استكمال؟ ولا بمشي ويحجز معاد جديد؟
اليومين دول بتمشي و تحجز معاد جديد و خلي بالك المعاد ب ٥٢٠
انا علمي علوم لو عايز ادرس طب في المانيا لازم ماكونش نازل عن 95 ٪ ياريت تفدني
اقرأ البوست دة facebook.com/LearnearntravelMohamedTarek/posts/119236450044889
لو معاي C2 و بكالوريوس في الطب و الفلوس في الفيزا ح اخد اكيد الفيزا ولا في احتمال مخدش
لو هتروح معادلة اة هتاخد الفيزا اكيد ان شاء الله
@@Learnearntraveltv هو المفروض يكون الفلوس كم باليورو؟
المصاريف كلها هنا
العمل في المانيا للطلاب و مصاريف المعيشة هام جدا: ua-cam.com/play/PLTKrreVcTsQ06jxOyqTnm3rRjzE4Uqc3O.html
السلام عليكم استاذ محمد انا معايا دعوة سياحية من أحد اقرباءى ممكن تقولى الاوراق المطلوبة من البداية لغاية تسليم الاوراق وهل فى ترجمة للاوراق ولا لا معلش متلخبط ومش عارف أبدا ازاى ربنا يجبر بخاطرك ساعدنى فى هذا الموضوع وياريت ابعتى الاوراق pdf ,شكرا لحضرتك
عليكم السلام الموضوع سهل
باسبورك
٨٠ يورو و الابلكيشن ع موقع tls
ورقة hr من الشغل او سجل ضريبي و تجاري لو شغال خاص
حسابك البنكي
٣ صور خلفية بيضا
و تقدم عال tls و تروح تسلم ورقك و تنتظر
لوسمحت انا معهدفنى صناعى 5سنوات الكترونيات اية الجامعات المتاحة اللى ممكن اقدم فيها والتخصص
ua-cam.com/video/_rUHbanMWVY/v-deo.html
هندسة الكترونيات مثلا
@@Learnearntraveltv انسان محترم
لو سمحت اسئلة مقابلة لم شمل كيف طويلة يعني انا اخدتت شهادة وهلا بدهن يعملو مقابلة معي بتعرف شو نوع الاسئلة
يعني بيسالوك اسئلة عامة عرفت زوجتك امتي و اتجوزتوا امتي
و ممكن هتسكنوا فين
بيتاكدوا ان العلاقة حقيقية
لاسئلة هتكون بالماني او بلعربي انا عملت انترفيو اول مرة وهلا مرة تانية ع لفيزا انشالله
طيب سؤال تاني لح يكون في شي كتابة اهم شي
غالبا بالعربي مفيش قاعدة محددة
بس لو لغتك ضعيفة عربي
انا محتاج رأيك ضرورى انا سنى ٣٨ سنة وخريج بكالريوس اعلام من جامعة خاصة فى ٢٠٠٦ بتقدير مقبول ودرجاتى سواء فى الثانوى او الجامعة قليلة لكن عندى خبرة ١٤ سنة فى مجال الدعاية والإعلان وبحضر دلوقتى للأيلتس علشان اقدم على ماستر، سؤالى هنا هل ليا فرصة كبيرة ولا فرصتى ضعيفة ؟
ولو عندك نصيحة ليا ساعدنى بيها
شكراً
ليك فرصة و ممكن تقدم علي بكالريوس كمان و خبرتك ممكن تعوض التقدير بس اهم حاجة تجيب شهادات بخبراتك يعني و تحضر cv كويس و انصحك تاخد b1 الماني هيظبطلك الدنيا ف قبول بالالماني و تيجي تكمل هنا .. لان فرصة الماستر بالالماني اقوي من الانجلش بسبب التقدير
و السن مفهوش اي مشاكل
@@Learnearntraveltv بس انا لقيت على ال DAAD عدد كبير من الماجستير بالإنجليزى فى التخصصات الأدبية إللى كنت ببحث فيها مقابل نفس التخصصات باللغة الألمانية أقل، حقيقى انا محتار فى الجزئية دى جداً
هي سلسله التجاره الالكترونيه خلصت ؟
لسة
لو سمحت ايه الجامعه الي انت قدمت عليها؟
Anhalt
Btu
هل التامين الصحي بعمله ف اول مقابله ؟
ورقة تامين السفر اة
التامين الصحي دة اما توصل المانيا
ازيك يا محمد بسألك على رأيك لو جالي قبول من جامعه في برنامج كان رقم ٢ او ٣ كمان في أولوياتي... واترفضت في برنامج تاني مهم بالنسبة لي وفي فرصه للتظلم.. سبب الرفض أن البكالوريوس المواد بتاعته مش كفاية وانا متأكد أن في ناس اتقبلت قبل كده نفس القسم بتاعى بس ممكن من سنتين او ٣.. تنصحني اعمل اه؟؟؟
ولو في فرصة للتواصل معاك اكتر في وقت مناسب ليك ياريت والله والف شكر
المعايير وقتها تختلف حاليا .. لان وقت الكورونا غير دلوقتي ..اعمل تظلم و قدم الفيزا ع القبول ال معاك .. جالك انقل الجامعة اول ما تسافر
مجالكش كمل بقي ف المجال ال جالك لحد ما تسافر و تشوف هتعمل ايه
و انا معاك هنا ف اي سؤال ابعته
تماام الف شكر في فديو للخطوات بعد القبول ليك؟
لو سمحت لو انا شهاده اللغه غير مكتملة وانا اتقبلت وسجلت بالجامعه وخلصت كل حاجه وجيت اقدم للسفاره ووقفت الملف بسبب شهاده اللغه اقدر احل المشكله دي ازاي خصوصا ان مفيش مواعيد في الفتره دي لامتحان اللغه + انا قبول مشروط dsh مع امكانيه اخد مكان في الجامعه بعد اجتياز الامتحان
لو معاك شهادة اللغة و ساقط ف اجزاء قدم بيها
لو مفيش خالص حاول تحجز امتحان ف المانيا و تكتب ف الموتفيشن ان مفيش ف مصر و تقدم
و جرب و مشيت مع ناس
السلام عليكم بالنسبه لعقد العمل نفس المتطلبات لو تختلف؟
وهو المطلوب وجزاك الله خير
@@aliagha9383
عليكم السلام نفس المتطلبات مع عقد العمل بدل قبول الدراسة
استاذ محمد لو سمحت
السنة التحضيرية كم شهر وتخلص منها
تحياتي لك
سنة
@@Learnearntraveltv
يعني استاذ سنة كاملة ادرس ماكو عطلة
اجازة نص السنة شهر
السلام عليكم, وين حضرتك اختفيت ؟
أنا قدمت التأشيرة الدراسية من يومين - اوراقي كلها كاملة,قبول جامعي, بنك مغلق , رسالة تحفيز , شهادات جامعية , شهادة أيلتس, انا حعمل ماجستير باللغة الانجليزية في جامعة خاصة.
عندي خوف من الرفض بسبب السي في بتاعي لأنو في فراغ ست سنين من أول ما اتخرجت في الثانوي لحد 2010 , سألتني الموظفة ليش في فراغ , قلتلها درست طب وماكلمت !
هل ممكن يكون هاذ سبب رفض؟
عليكم السلام
لا لا تقلق خالص مش سبب للرفض و عن تجارب لناس
باذن الله تطمني هنا و تفرحني بالفيزا
@@Learnearntraveltv آمين يا رب .....
ممكن سؤال ورجاء الرد انا قدمت في المكتب التابع لسفارة ألمانيا مرضى وكان معايا مرافق بس مدخلش بسسب اللقاح بس انا قدمت ورقي هل ممكن يكون عدم دخول المرافق معايا يكون سبسب في الرفض وهل ممكن الموظف الي يستلم الورق يكون سبسب الرفض ولا ملوش علاقه وشكرا لحضرتك واسف على الاطاله
لا لا ملوش علاقة بأي شئ
@@Learnearntraveltv شكرا لحضرتك
طيب لو لم شمل زوجه المانيه
نفس الاوراق الاساسية الصور والباسبور و الابلكيشن
معاهم عقد الجواز موثق و مترجم
معاهم قيد عائلي موثق و مترجم
معاهم الضمان المالي سواء حساب مغلق او مرتب بشغل الزوجة
اثبات سكن هنا
لو كان معايه عقد عمل ولغة a2 يوافقون ؟
اة
انا من المغرب عندي عقد عمل شو اوراق لاحتاج
نفس الاوراق
انا شغال فى شركة خاصة فى مصر ومتامن عليا .
هل وانا بطلع تامين السفر علشان تكملة ورق السفارة علشان دراسة الماستر هقابل اي مشكلة علشان شغال فى مصر ومتامن عليا ولا تامين السفر ملوش علاقة باني متامن عليا في مصر ولا لا ؟ ارجو الافادة
ملوش اي علاقة تماما
تسلم. احبك في الله وربنا يوفقك
انا لدي عقد عمل تجريبي من شركة المانيا ماهي الوتائق المطلوبة لدفع الفيزا مع علم عندي A1 هل يقبل
لو ليك عقد عمل تقدر تسافر من غير شهادة لغة .. مطلوب شهاداتك موثقة و خطاب تحفيزي و cv
ايه هو خطاب تحفيزي من شركة مثلا يعني ولا الخطاب ده انت بتعمله بنفسك
@@elhusseinizienalbidien6866 انا نفس الموضوع ارجوك قولي وصلت لفين
حاليا اي التامين الطبي بتاع رويل الي ذكرته في الفيديو و مطلوب في طلب التاشيره ؟
لازم اجباري
و هتلاقي لستة تحت بشركات التامين اللي ممكن تعمليها
سواء رويال او غيرها
@@Learnearntraveltv طيب ده قبل التقديم التاشيره و له بعده
احيانا بيتطلب مع التاشيرة و احيانا بعد الفيزا
@@Learnearntraveltv ممكن اسال عن تطعيم الكرونا بقي اساسي لدخول ال tls و لازم بعدها ب ١٤ و اي نوع التطعيم الي موافق عليه ؟ و شكرا جدا لردك
لا ع موقع السفارة هتلاقي اللقاحات المعترف بيها
فيه لبس معين
لا
يعني بعد كده الورق بتاعي انا اخذته من تي اس ال هل بعد كده اروح بهم ثاني عشان اقدم على الفيزا ولا الفيزا دي انا هاخذها من السفاره
حاليا التقديم من tls عشان كورونا
@@Learnearntraveltv هو هل من الممكن الشهائد الخبره اللي هي احنا بناخذها من الفنادق هي بتتوثق من مكتب تي اس ال ولا من المكتب الخارجيه اصل انا اول ما قدمت اول مره الورق بتاعي للمكتب دي اس ال اخذ مني شهاده المؤهل الدراسي والمترجم والاصل وصوره من الجواز السفر حبيت اطلع له شهاده الخبره بتاعتي من الفنادق هي الشهادات اللي زي دي لازم تتوثق من الخارجيه ولا من المكتب السفاره
دة الخطاب التحفيزي
ua-cam.com/video/DXCc6ITZ_yQ/v-deo.html
شهادات الخبرة مش بتتوثق و مش محتاج
@@Learnearntraveltv طب الخطاب التحفيزي ده هو انا هاعمله ولا مكان العمل بيبعثوا
انت ال هتعمله ما انا بعتلك الشرح فوق
السلام عليكم
ازيك يا محمد يارب تكون بخير انا و انا بقدم على الفيزا دراسة محتاج تأمين صحي انا عارف التأمين بتاع expatrio و fintiba بس لو مش معايا حساب مغلق و معايا ضامن مالي اعمل التأمين الصحي ده في شركات ايه او ايزاي
و ربنا يكرمك على معلوماتك الي بتساعدنا بيها ❤❤
عليكم السلام اتفضل من هنا و اعمل التامين لما توصل
ua-cam.com/video/EWX8D52Pxao/v-deo.htmlsi=cbRHfZMH7CcH4P_p
@@Learnearntraveltv
تمام بس انا قصدي على التأمين الي بعمله و انا بقدم ورقي علشان اخد الفيزا إن شاء الله مش التأمين الي بعمله في المانيا
التأمين علشان الفيزا ده بعمله امتى وقت بدأ التأمين و لازم يبقى معايا و انا رايح المقابله صح
ولا التأمين الي في الباسبور ده كفايه علما اني مش معايا حساب بنكي مغلق يعني مش معايا تأمين fintiba
و شكرا
تامين الباسبور كفاية حاليا مش محتاج التامين التاني خالص @@sayedali9584
@@Learnearntraveltv يعني لحد ما اسافر كافي تأمين الباسبور
ربنا يخليك اشوفك في المانيا بإذن الله ❤️
اخويا العزيز طب بالنسبه للعقد العمل اجراءات الورقه بتاعته انا عملت شهاده الدراسيه مترجمه الماني وشط الاصلي واخذوا مني صوره من جواز السفر وقالوا لي هنبعثه على البريد وبعد كده ابعثه لي الرساله ان الورق بتاعي جاهز هل بعد كده هاستلم الفيزا من المكتب تي اس ال كونتكت ولا هاستلمها من السفاره نفسها وهل انا باقدم الورق في السفاره بيعملوا لي مقابله الاول ولا بعد ما اقدم الورق
هتستلم من tls حاليا مفيش مقابلات فقط تسليم الورق ل tls
@@Learnearntraveltvيعني بعد كده الورق اللي هيبعثه لي من مكتب الدي اس ال هارجع به ثاني لهم ولا اروح به السفاره
لو قصدك انك وديت الورق ل tls يتوثق ف انت لسة هتعمل معاد لتسليم الورق و هيكون برضه ف tls
انا مصري اعمل في السعودية و ارغب في التقديم للدراسة في المانيا هل تعاملي يكون مع السفارة الالمانية في السعودية ام القاهرة ؟ و هل من الممكن توثيق اوراقي في السفارة الالمانية بالرياض ام اجباري التوثيق يكون في القاهرة ؟
التوثيق اجباري ف القاهرة
المقابلة في السفارة ف السعودية
احنا وثقنا عادي ف الرياض بس مش شهادات كلية دي شهادات مدرسة
اكتب ايميل للسفارة ف الرياض بيردوا علطول
ازيك يا محمد عامل اه ان الحمد لله اخدت خطوات كتير آخرها قدمت علي الفيزا بقبول جالي بفضل الله وفديوهاتك المحترمة بصراحه.. في اي نصايح بعد التقديم على الفيزا يعني انا لسا معملتش enrollment واخر معاد 1/9 بس انت عارف ان بيكون في fees للترم و تأمين وكده... انا ناوي استنى شوية لحد لما يمكن يجي قبول تاني وافاضل وكده..... بس قلقان ان ممكن يجي رفض الفيزا لاني لسا ما عملتش enrollment؟؟
مش محتاج اي انرولمينت قبل السفر ف باذن الله تفرحنا قريب بالفيزا
ربنا يخليك يا محمد انا منزل كل فيديوهاتك الخاصه بألمانيا... download علي you tube وبتحرك بيها خطوة خطوه حتى لو بتابع جروب او resources تانية... المعلومة عندك حرفيا كامله ❤️❤️
لو سمحت ممكن اتواصل مع حضرتك
لو حضرتك تقدر تقدملي ع الجامعات بمقابل بعد اذنك؟؟
وشكرا مقدما
ليه ما تقدمش انت بنفسك احنا شارحين كل الخطوات
@@Learnearntraveltv
الحقيقة انا مش عارف بعني اي وثق الشهادة
واروح فين والخارجية فين ومعهد الترجمة
وبعد كدا طيب اصورهم عادي ع التلفون يعني
ولا pdf وابعتهم للجامعات وهكذا انا مش عارف الحاجات دي
والحاجات دي انا مختاح توجيه من حد
وف نفس الوقت انا وقت الدراسة ببقي مركز ف الدراسة وناحية تانية ف حد بيساعدني ف التقديم وكدا والمراسلة مع الجامعات...
اي رأي حضرتك
انا معنديش مشكلة بس انت الافضل انك تمشي علي خطوات اللي شارحنها لاني شارح كل حاجة بالتفصيل مش محتاج اي شئ و لو ليك اي سؤال اكتبهولي في كومنت
ua-cam.com/play/PLTKrreVcTsQ28R9Qc05Q2v49XDZtWJGdl.html
لكن لو مقدرتش تعمل كدا نبقي نتفق علي دة
@@Learnearntraveltv
ربنا يبارك ف حضرتك يارب 🤍
هشوفهم كلهم وهحاول واجرب بردو وان شاء الله تظبط ، ولو معرفتش هبعت لحضرتك
جزاك الله كل الخير 🤍
هيا تأشيرة العمره ينفع اطلعها لو خلصت سنه رابعه كليه عادي
لا
@@Learnearntraveltv حتي لو حد هيعملي زياره ولا اي الفيزا اللي ممكن اقدم عليها واطلع
بالظبط
@@Learnearntraveltv بالظبط اي ...
هو انا لو رايح دراسه لازم يبقي معايا مستوي معين؟
و امتي بكون خلصت الورق كلو قبل ما اروح السفاره؟
B1 عالاقل
لو انجلش مش لازم لغة الماني
و جهز الورق المطلوب كله و انطلق
انا حالياً خلصت B1 و داخل B2 بس الفكره كمان لازم امتحان جوته؟ ولا مش لازم و اجهز الورق!؟
@@Baselhusssm
الامتحان لازم اكيد
معلش اخر سوال😂😂😂 الاحسن كده مستناش اخد ال B2 من هنا ياعني اخش الامتحان ال B1 دلوقتي عشان اقصر علي نفسي وقت كبير و الحق ال Semester الصيف؟
اسال براحتك ..اة ممكن و لو اني افضل تخلص اغلب اللغة هنا و تسافر الصيفي القادم برضه يعني امتحن b2 ع اخى نفوفمبر مثلا و هتلحق باذن الله
بالنسبة لكشف الحساب المطلوب اقل مبلغ مطلوب أد ايه؟ لو رايحة منحة ممولة لمدة 5 ايام
طالما سياحة مفيش مبلغ محدد ..اي مبلغ
يفضل يكون فيه حركة ف الحساب
مش سياحة..دى مهمة علمية ممولة من جامعة ف ألمانيا
لو ممولة هتقدمي فقط اثبات التمويل المقدم من الجامعة
يعنى مفيش كشف حساب؟ وكمان الجامعة قالتلى ان تكاليف السفر هدفعها من معايا وبعد ماارجع هما هيردولى تكاليف السفر..فهل ف الحالة دى مطلوب منى كشف حساب بمبلغ معين؟
معلش عايزة اعرف الزاى احجز معاد فى ال TLS? @@Learnearntraveltv انا سألت ع جروب التليجرام ومحدش بيرد
استاذ محمد انا كنت مقدم علي فيزا يوم الاحد اتصلت عليا السفارة يوم الاربعاء ان جواز السفر جاهز للاستلام هل دة طبيعي نوع الفيزا عمل تطوعي وقدمت شهادة b1 وشهاداتي وكورساتي وعقد التطوع مكفول سكن وطعام ومصروف جيب وكورس لغة وتأمين وقدمت اثبات ملكية شقة كشف حساب بالرغم انة مش مطلوب وشهادة تحركات وقيد عائلي فمعني الرد السريع دة اية
عادي مفيش اي مشاكل انا اخدت الفيزا ف ٩ ايام
هو دلؤتي فيه مقابلة أصلًا ولا خلاص من tls
فيه تسليم ورق ف tls بس مؤقت و المقابلة راجعة ..و فيه احيانا بيتصلوا فون بالناس
انا قدمت على الفيزا والسفاره اتصلت بيت بس للاسف مردتش المفروض اعمل ايه
هتستني اتصال تاني ..متقلقش عادي
لو الأسئلة تبع السكرتير مالهاش أي تأثير أو لازمة .. بيسألوها ليه ؟؟
زي ما قلت ف الفيديو فضول مصريين
@@Learnearntraveltv انا ليبي ومقيم في تركيا ،الموظفين حيكونوا اتراك او المان ؟
اتراك فقط
@@Learnearntraveltv أمر غير مبشر :( كنت أتمنى يكونوا ألمان..
خليها ع الله ممكن يكونوا المان اسوء و المقابلة اصلا ورق فقط
سؤال مهم جدا بو فيه منحه تكوين مهنى و انا نعايه شهادة لغة من جوتا هل ممكن السفاره ترفضنى
لا مش هترفضك
بس خلي بالك مفيش شركات بتدي منح تكوبن مهني بالفلوس كلها نصب
@@Learnearntraveltv تعرف شركة ارامكو
اكبر شركة نصابة ف مصر
طب لو هى ادتهالى فعلا و ناقص الفيزا بس
@@Learnearntraveltv بس عرفت كده منين و ازاى بردك
مرخموش عليك وانت رايح تدرس بكالوريس تاني ؟
ناس كتير سافرت ع بكالريوس من هنا بس كتبوا موتفيشن كويس
السلام عليكم.. اليوم كان عندي موعد في السفاره الالمانيه في البحرين سلمت الورق وسئلوني اكمن سؤال زي ليش اخترت ألمانيا هالقصص وانا توترت وكان ادائي ٥٠٪ التقديم كان على جامعه كلاوستل حكيت مع اكتر من حد حكولي دائرة الأجانب في كلاوستل ما بترفض حد الا لنقص ورق وما بترفض لأسباب تانيه علما انو ورقي كامل وال cv. تبعي قوي ومع خبره وعندي دورات لغه المانيه لغايه B1 وال Motivation letter ممتاز جدا سؤالي لاصحاب الخبره شو احتمال رفضي وهل خوفي مبرر لانو والله الواحد نفسيا تعب طمنوني الله يطمنكم وشكرا ❤️❤️
عليكم السلام هو كلاوستال لو تقديمها من مصر بتترفض ف الغالب لكن من الخليج ان شاء الله مقبول و المقابلة يعتبر تحصيل حاصل اهم شئ الاوراق
@@Learnearntraveltv الفكره انو انا اثناء المقابلة ما بعرف شو صرلي توترت بس اواقي سليمة ومع خبرة والcv تبعي قوي جدا وموجود عندي رسالتين recomndition letter من دكاترتي اللي بالحامعه وقلقان جدا من موضوع المقابله
واللي فهمتو انو موظف السفارة بودي ريبورت مع الطلب وهاد اللي مخليني قلقان
مفيش اي شئ لا تقلق
@@Learnearntraveltv بارك الله فيك وبجهودك يا رب.. الله ينفع فيك يا رب امه محمد كل الحب والتقدير ❤️❤️
معلش سؤال تاني انا لما قدمت على قبول الجامعه بعتتلي القبول وبعد كده كارنيه الجامعه ده معناه اه
عادي دي الاجراءات الطبيعية متقلقش
ممكن تساعدني ضروري القبول بتاعي طلع لغه والسفاره طالبه مني قبول مشروط تاني حتى لو من جامعه تانيه ممكن الاقي دلوقتي جامعات فاتحه تقديم
جرب اعمل بحث كدا و شوف انت مجالك ايه
انا دورت بس ممكن تأكدلي هل جامعه Nordhausen بتقدم قبول مشروط ب b1 في اداره الاعمال
ابعتلي اللينك
يباشا معلش كنت عاوز اتواصل معاك بعد ازنك
اتفضل انا معاك
@@Learnearntraveltv جايلي زياره عائليه من والدي في المانيا فكنت عاوز اعرف لازم يكون معاك حساب بنكي ولا لا
والمقابله بتبقا عامله ازاي حضرتك ولا اي معلومه تفدني بيها
اة لازم يكون معاك حساب بنكي و مفيش مقابلة يا دوب بتسلم اوراقك ف مكتب tls
لو سمحت هوا ينفع شاب من فلسطين يطلب طلب اللجوء فى السفاره المانيا بالقاهرة بى مصر يعني يدوله التاشيره يدخل المانيا 👍👍👍👍👍👍👍👍❤️
لو سمحت هوا ينفع شاب من فلسطين يطلب طلب اللجوء فى السفاره المانيا بالقاهرة بى مصر يعني يدوله التاشيره يدخل المانيا 👍👍👍👍👍👍👍👍❤️
لو سمحت هوا ينفع شاب من فلسطين يطلب طلب اللجوء فى السفاره المانيا بالقاهرة بى مصر يعني يدوله التاشيره يدخل المانيا 👍👍👍👍👍👍👍👍❤️
لو سمحت هوا ينفع شاب من فلسطين يطلب طلب اللجوء فى السفاره المانيا بالقاهرة بى مصر يعني يدوله التاشيره يدخل المانيا 👍👍👍👍👍👍👍👍❤️
راسلي السفارة الألمانية في مصر هما الي هيدوكي الكلمة الفصل
لو سمحت هوا ينفع شاب من فلسطين يطلب طلب اللجوء فى السفاره المانيا بالقاهرة بى مصر يعني يدوله التاشيره يدخل المانيا 👍👍👍👍👍👍👍👍❤️
لا اللجوء ع ارض البلد ففط