Opinion - Fatos Lubonja - Jeta ime (07 shkurt 2008)

Jeta e tij duket se ka kaluar nëpër mjaft probleme dhe ka pasur ulje-ngritjet e saj. Analisti dhe shkrimtari Fatos Lubonja ka rrëfyer arrestimin dhe peripecitë që ka kaluar në kohën e regjimit komunist në një intervistë për emisionin “Opinion” në Tv Klan. Lubonja tha se në vitin 1970, kur ishte rreth 23 vjeç është dënuar për agjitacion propagandë me 7 vite dhe ridënuar me 16 vite të tjera. Gjithashtu ai rrëfen se gjatë kësaj kohe i kanë dënuar edhe babain dhe xhaxhain. Lubonja rrëfen se në burgun e Spaçit punonte me 3 turne dhe disa herë ka përfunduar edhe në birucë.
“Një nga uljet më të mëdha të jetës time ka qenë burgu, kjo nuk diskutohet. Unë jam burgosur në vitin 1974 dhe jam liruar në vitin 1991, 17 vjet. Kam qenë në burgun e Tiranës ku u bë edhe hetuesia, kam kaluar në Spaç Ballsh Burrel Kosovë e madhe. Kam qenë 23 vjeç kur jam burgosur dhe kam dalë 40 vjeç. Aty nuk lejohej të vinte njeri. Me rregullore ishte 2 takime në muaj me nga 10 minuta. Në raste të veçanta mund të lejonin 30 minuta në dhomë Familjet vini sipas mundësive. Familja ime ishte e internuar. Babi ishte ne Burrel. Njeriu ka aftësinë për tu adaptuar, por njëkohësisht e refuzon dhe do që t’i ikë realitetit. Ky dualizëm më ka shoqëruar edhe mua në 17 vite”, tha Lubonja./tvklan.al
I ftuar: Fatos Lubonja, analist.