កងកម្លាំងសន្តិសុខប្រដាប់អាវុធ ចាប់មនុស្សបញ្ជូនទៅតុលាការ ព្រោះភ័យខ្លាចរួមដៃធ្វើបាតុកម្ម

លោក ឆាយ គឹមខឿន បានប្រាប់អ្នកសារព័ត៌មានថា គិតត្រឹមរសៀលថ្ងៃទី១៦សីហានេះ កម្លាំងសមត្ថកិច្ចបានចាប់ឃាត់ខ្លួនមនុស្ស ១៤នាក់ពាក់ព័ន្ធនឹងចលនាបាតុកម្មប្រឆាំងគម្រោងអភិវឌ្ឍតំបន់ត្រីកោណ កម្ពុជា ឡាវ វៀតណាម។ អ្នកនាំពាក្យ អគ្គស្នងការដ្ឋាននគរបាលជាតិ បានឲ្យដឹងបន្តទៀតថា សមត្ថកិច្ចបានចាប់បញ្ជូនជនសង្ស័យទាំងនោះទៅតុលាការភ្លាមៗតែម្តង ដោយមិនចាំបាច់សាកសួរចម្លើយអ្វីទាំងអស់។ លោកថា សមត្ថកិច្ចនៅតែបន្តកំណត់មុខសញ្ញា ឈានទៅបង្ក្រាបជនទាំងឡាយណាដែលចូលរួមប្រឆាំង និងមានចេតនាផ្តួលរំលំរដ្ឋាភិបាល។