ឈុន ប៊ុនថន ចាត់ទុក Usian Bolt ជាកីឡាករគំរូ ដែលជំរុញចិត្តឱ្យក្លាយជាអត្តពលិករត់ប្រណាំង

ឈុន ប៊ុនថន ចាត់ទុក Usian Bolt ជាកីឡាករគំរូ ដែលជំរុញចិត្តឱ្យក្លាយជាអត្តពលិករត់ប្រណាំង
លោក ឈុន ប៊ុនថន ម្ចាស់មេដាយមាសស៊ីហ្គេមលើកទី៣២ នៃកីឡាអត្តពលកម្ម លើវិញ្ញាសារត់ចម្ងាយ ៨០០ម៉ែត្រ ចាត់ទុកអតីតកីឡាកររត់ប្រណាំង Usian Bolt សញ្ជាតិហ្សាម៉ាអ៊ីក ជាកីឡាករគំរូម្នាក់ ដែលបានជំរុញចិត្តលោកឱ្យក្លាយជាអត្តពលិករត់ប្រណាំងអាជីព ជាពិសេសសម្រេចក្តីស្រមៃ ចូលរួមរត់ប្រណាំងនៅក្នុងព្រឹត្តិការណ៍កីឡាអូឡាំពិក ។
ដំបូងឡើយ ឈុន ប៊ុនថន ចូលរួមកីឡារត់ប្រណាំងនេះ ក្នុងបំណងរកប្រាក់ ដើម្បីបន្តការរៀនសូត្រប៉ុណ្ណោះ ក្រោយពេលឪពុក ម្តាយរបស់លោកបានចែកឋានទៅ។ ប៉ុន្តែក្រោយពេល ប៊ុនថន បានតាមដានការប្រកួតរបស់ Usian Bolt អត្តពលិករត់ចម្ងាយល្បឿនលឿនជាងគេលើពិភពលោក និងជាម្ចាស់មេដាយមាសអូឡាំពិក ៨សម័យមក វាបានធ្វើឱ្យអត្តពលិកកម្ពុជារូបនេះ មានមហិច្ជតាកាន់តែធំ មានដាក់គោលដៅកាន់តែខ្ពស់ថែមទៀត ដើម្បីវិវឌ្ឍន៍ខ្លួន ឱ្យក្លាយជាកីឡាករតំណាងប្រទេស ចេញទៅប្រកួតលើឆាកអន្តរជាតិនានា។
ក្តីប្រាថ្នារបស់ ប៊ុនថន បានសម្រេច។ នៅពេលនេះ រូបគេ កំពុងមានវត្តមាននៅទឹកដីប៉ារីស ប្រទេសបារាំង ដើម្បីចូលរួមប្រកួតរត់ចម្ងាយ៨០០ម៉ែត្រ នៃព្រឹត្តិការណ៍កីឡាអូឡាំពិក លើកទី៣៣។ ដ្បិតមានឱកាសប្រកួតប្រជែងលើឆាកអន្តរជាតិដ៏ធំនេះមែន ប៉ុន្តែ ប៊ុនថន មិនហ៊ានដាក់ក្តីរំពឹងខ្ពស់ ក្នុងការសម្រេចបានមេដាយមាសឡើយ។ នោះក៏ព្រោះតែការប្រកួតនេះ មានកីឡាករខ្លាំងៗ មកពីតំបន់នានា លើពិភពលោកចូលរួមប្រជែងច្រើន។ តែយ៉ាងណា កីឡាករកម្ពុជារូបនេះ នឹងព្យាយាមឱ្យអស់ពីសមត្ថភាព ដើម្បីមុខមាត់ប្រទេសជាតិ។ ជាពិសេសបំបែកកំណត់ត្រាផ្ទាល់ខ្លួន ដើម្បីឈានទៅរកភាពរីកចម្រើនថែមទៀត។
ឈុន ប៊ុនថន ចាប់ផ្តើមចូលរួមកីឡារត់ប្រណាំងដំបូង នៅឆ្នាំ ២០១២ ។ មុនពេលចាប់អាជីពនេះ លោក ប៊ុនថន ក៏ធ្លាប់បានចូលរួមលេងកីឡាផ្សេងៗទៀត រួមមាន កីឡាហែលទឹក ,កីឡាជិះកង់ និងធ្លាប់ជាកីឡាករជម្រើសជាតិលើប្រភេទកីឡាទ្រីយ៉ាត្លុងទៀតផង។ លោក ប៊ុនថន ជ្រើសរើសកីឡារត់ប្រណាំងនេះ ព្រោះតែមានចិត្តស្រលាញ់ខ្លាំងជាងប្រភេទកីឡាដទៃ ដែលលោកធ្លាប់បានហ្វឹកហាត់កន្លងមក៕
ផលិតដោយសារព័ត៌មានឌីជីថលថ្មីៗ
សូមចុចចូលតេឡេក្រាមផ្លូវការរបស់សារព័ត៌មានឌីជីថលថ្មីៗ t.me/thmeythmeymedia ដើម្បីទទួលបានព័ត៌មានរហ័ស និងសម្បូរបែប!
ទំនាក់ទំនងផ្សព្វផ្សាយពាណិជ្ជកម្មជាមួយសារព័ត៌មានឌីជីថលថ្មីៗតាមរយៈ 012 900 132/081 699 329 ឬតេឡេក្រាម t.me/salesttn
ThmeyThmey Social Media:
UA-cam: bit.ly/2RNzknr
Instagram: bit.ly/32QSFup
Twitter: bit.ly/3iTsTuS
Web: bit.ly/3hPEU3q
Facebook: bit.ly/2FGyvKY
Threads: bit.ly/44q1UPl
© All Rights Reserved & Copyrights by Thmey Thmey Digital Media (thmeythmey.com)
#thmeythmey
#thmeythmeynews
#cambodianess
#thmeythmey25
#trending
#cambodia
#ថ្មីៗ