اخذت من بنات حوى بنت داهية الرجال - خالد ال بريك & عبدالهادي ابودية | ( سجت شعر ) 2024 جديد

اخذت من ينات حوى بنت داهية الرجال
مهداة الى الشيخ فهد بن بدر القروف البقمي
كلمات عبدالهادي ابودية
اداء خالد ال بريك
..
للتواصل والاستفسارات :
الحسابات الرسمية لـ منصة بصمة الابداع .
‏Official Whatsapp :
الرابط محادثة الواتساب المباشر :
wa.me/message/...
[phone]
‏Official Snapchat :
/ a_thane2
‏Official Twitter :
/ a_thane2
‏Official Instagram :
/ a_thane2
ـــــــــــــــــــ
كلمات العمل
يالله بدعوه في غيابي تجعل امالي منال
اللي بما اوتيت من قوة طموح اسعالها
اشوفها مثل الخيال وجعلها مثل الخيال
اللي ليا اشتد البدو صوبه تشد ارحالها
من دونها متحلّي بفسحة صدور اهل الشمال
مع اني امن الديره اللي ماتهاز اجبالها
عهدً علي ماقصر عن اهدافي لو ان الصبر طال
يعيضني عن حرّ كنّتها براد اظلالها
بسيط اعيش بدون مال وصعب اعيش بدون امال
من خلقة الدنيا وامال الناس روس اموالها
الله لايبلانا بجور وقلّ حيل وضعف حال
من دون لطفه دورة الايام مانحتالها
انزول فالدنيا وتالينا من الدنيا زوال
سنينها ماكنها الا ليله من اليالها
خداعةً نطرد وراها من طمع مدري هبال
نهم في قفّايها ونهيم في مقبالها
احيان تبخل لاجعلناها محطّ الانشغال
واحيان مانفضالها وتعمّنا بافضالها
والرابحين العايشين بوسع صدر وطول بال
وانفوسهم زمة عيال ابليس ماتختالها
العمر يمشي والقدر يجري والاحلام احتمال
واهم من زود الفرص كيفيّة استغلالها
وانا نذر ماتنزل عيوني عن سفوح الجبال
ولا يطاول راسي الا غترته واعقالها
لامال راس المنخذل عفة مقامي راس مال
املك بها حب الرجال وقدرها واجلالها
عن المبادي والشيم ماتيّه عيوني جمال
اللي نحرها شع نوره واظلمه سلسالها
من الطبيعي تزعم انها صفوة البيض الثقال
وان شالها كف الوضيع اخف له من شالها
مالي بمنسبها لو انها من وسيعين الحلال
ولا بمنسب خالها ولا بحبة خالها
اخذت من بنات حوّى بنت داهية الرجال
اللي عريبً جدها واللي عريبً خالها
احبها حبً قوي حبً نقي حبً حلال
واحب ابوها وامها واخوانها واعيالها
خذابي الفكر انهوة واقع بعيد من الخيال
سجة شعر تسبي من اعماق الهجوس اجزالها
بين الاماني والتفاني والهدو والانفعال
وحبك البيوت وقوة الافكار واسترسالها
اثّرت واثريت الذوايق شعر واثرت الجدال
النار انا شبابها والخيل انا خيالها
هيضني المضياف جهّار التراحيب الشلال
شيخً يقدّم للنشاما فالها واعقالها
ترحيبته ماعقبها الا ياعشا ولّا قيال
مابه مفرً من حدا الثنتين لامن قالها
فهد يمينه مزنةً غرّا ومدتها زلال
تقطع ضما ورّادها ولا انقطع همالها
والله لو انه يملك اموال الوليد بن طلال
ان يستوي مليونها عنده بسعر اريالها
ابن حمود يقلّطونه للمهمات العضال
عنده مفاتيح الحلول اللي تفك اقفالها
ركن البقوم مقدي العراف محمود الخصال
عزوة بني عمه ومقدمها وذخر ابطالها
راعي البويضا بيض الله وجهه اللي لايزال
يمنع مثل منع الجبال اللي يذرّي جالها
من وقع يده تصهل الامهار وتهدر الجمال
وبنت الشيوخ تصك بالصايح على رجالها
نوايب الاقدار لافاحت مثل فوح الدلال
قلط عليها من ثقة نفس وشرب فنجالها
دون الخوي ميقافه يتعب مداغيش العيال
في رملةً كن فوهة البركان تحت ارمالها
في خاطره كثبانها واحه وحرّتها ظلال
ويشوفها حذفة عصا لو ماتعد اميالها
من دون ربعه فزعته سباقه وعذره محال
منصاه عيطاً يقصرون القوم عن ميصالها
ابو بدر لارددو بسمه جهر صوته وقال
الكايده دون الرفيق انا لها وانا لها
راعي البكار مصندقات الروس ضافية السبال
وضحً يشوف انها سعادة عمر لو يشقالها
سليل قومً ينطلون الروس بخشوم السلال
العزوه اللي فالوغا عقالها جهالها
ذكر القروف يتوج الامجاد الامداح الجلال
تقبلهم الامداح والامجاد فاستقبالها
عبدالهادي ابوديه

[@Basmhalebda3]

مانستغني عن دعمكم باللايك والاشتراك في القناة
ليصلك كل جديد 👍🏻
تابعونا على منصات التواصل الاجتماعي :
alfan.link/a_thane2

[@عليالشهراني-ث8غ]

اشهد ان به شيله وعصم بيوت الشكر موصول للكل ❤️

[@BaderAlsolmi2]

الشاعر والأداء أبدعتم ✍️✔️📡📲🇸🇦👌🌙🏠✔️بدر. البقيلي

[@عفراء-ي1ب]

ابن شافي لا زهم في صلب جده شاعر المليون شاعر قحطان لله درك ما أروعك.
من جد ليتني ساريه.

[@ماجدالحربي-و9ز]

ابو ديه شفت اسمه دخلت حيييييك من حرب

[@عفراء-ي1ب]

الرأس مرفوع والرايه السعوديه جمعكم جمع المعزه والكرامه ابو سعيد شاعر عظيم كل الحب والتقدير

[@user-qz7ou2bh4v]

🤍🤍🤍🤍🤍🫶🫶🫶🫶

[@user-pr6wo1yv9j]

يستاهـلون البقوم

[@عفراء-ي1ب]

يستاهلون

[@Povetin]

يستاهلون

[@عفراء-ي1ب]

الشيلة عنوانها (انزول في الدنياء )
ن و أ ل يش التعديل ولكن لا بأس يبقى الجمال طاغي

[@عفراء-ي1ب]

ابداع خالد ابداع عبدالهادي والرأس مرفوع والرايه سعوديه. قالها سلطان بن وسام هذا الكلمات غير بتوفيق

[@user-kr3ii4zt1ynasser]

اخذت من بنات حوى داهيه الرجال🫡😴