شنو رأيكم بالموضوع حاب اسمع تفسيركم ؟ لاتنسون اللايك ومشاركة الفيديو مع الناس المهتمين بهيج محتوى ماتتخيلون شكد هالشي يحسسني انو جهدي ماراح ويسويلي واهس اسوي فيديوات اكثر 🥰🥰 ارشحلكم تشوفون هذا الفيديو ايضا من اكثر القضايا المحيرة ua-cam.com/video/E1xEsL9LNPU/v-deo.html
جميع هذه القصص مستوحاة من قصص قديمه تناقلتها الأجيال عبر منذ بدء خلق الإنسان يحاول إيجاد اشياء او اشخاص خارقين لمساعدتهم في الحياه لأن الحياة مهما كانت هي قاسيه جدا وهي عذاب دائم
هناك قصه مشابهه لهذه القصه يوم ما ذهبت لزيارة أقاربي في محافظه بابل وفي منطقه جبله بالتحديد والجميع يتكلم عن شخص خارق يعيش في المنطقه وهذا الشخص يستطيع أن يثقب إطار السياره بنظره واحده طبعا أنا لااصدق ولكن الكل يؤكد هذا الشئ اذا تريد يااخ ساري ابحث عن الموضوع في محافظة بابل فضاء جبله هذا الكلام انا سمعته عام 2005
اخوان انا من قبيلة بني حجيم وطوير الذهب من ال توبة من بني حجيم والرجل ليس من الجن بل هو إنسان طبيعي لكن رب العالمين أعطاه ميزة السرعة وكان سريع جدا الله يرحمه برحمته الواسعه
فعلا لانستغرب هناك أناس عندهم قوه خارقه في السير السريع وأنا سامعه بهذا الأسم وأعتقد والدي رحمه الله حكى لنا قصته وهو ليس من الجن ولكن الأهم أعطاه قوه خارقه والله سبحانه قادر على كل شئ فعلا هذه القصه ترجعنا إلى الزمن الجميل تحياتي لكم بالتقدم الدائم تستاهل الدعم أخي في الله ساري حسام اختكم في الله خديجه الزبيدي العراق بغداد 😮😮😮
طبعاً هالانسان هذا جدا شكلة مريح ومحبوب ويدخل للقلب بدون استئذان وعندة لباقة حلوة بالكلام من المُقدمين المميزين ...ياريت تتسلط عليهم الاضواء ارقى واثقف من بقية المقدمين المبتذلين ... استمر ساري انت شخص جداً نقي ومحبوب
طوير الذهب عراقي سماوتلي من السماوه في الفرات الاوسط من فبيله توبه وهذه القبيله معروفه في شجاعتها وكرامتها نعم ان من سكان السماوه ولدينا محل وكاله غذاءيه واولاد عمامه هم معاملينا يتسوقون من عدنا هو حقيقه شخصيه حقيقيه
السلام عليكم انا من أهل السماوه سمعت بالسبعينات ايام الشباب عن عشيره التوبه بأن ارجلهم بدون صابونه وسريعين وكان في ذلك الوقت وسائل النقل عن العشائر العراقيه هو الخيول وكانوا ال توبه اسرع من الخيول
نعم صحيح نحن في الكويت نعرفه وكذلك حرس الحدود والدوريات كانوا يعرفونه وكانوا يطاردونه بسيارات حديثة وسريعة ولكنه كان يبتسم لهم وهو يركض وهم يطاردونه باقصى سرعة وقد حدثني احد كبار السن رحمه الله وقال كنا نطارده وكان سريعا جدا وكانت ملابسه تتقطع من قوة سرعته حتى يصبح عريانا وكما ولدته امه وكان يهديء من سرعته حتى نلحقه ثم يركض باقصى سرعة وهو يبتسم لنا ، المعلومة الثانية هو من قبيلة ال توبه وهذه القبيلة لمن يعرفها مشهورة بالركض السريع واللياقة البدنية العالية وهذا ما سمعته من كبار السن عندنا في الكويت والله اعلى واعلم .
ساري اكوو قصة التمثالين اليتحركن في جورجيااا الولد المسلم اسمة علي والبنت المسيحية اسمهة نينو الذي افترقااا لمعارضة المجتمع على حبهمااا وختلاف الديانة نتمنة تبحث عن هذا القصة
اي صحيح كلامك انا كنت عايش في جورجيا كم سنه وشفت هذه التماثيل المتحركه لفتاة ورجل كانا يحبان بعظهم البعض ولاكن تفرقهم الاديان هي مسيحيه من جورجيا وهو من اذربيجان مسلم وهذه التماثيل المتحركه موجوده في باتومي المطله على البحر الاسود التابعه لجورجيا كانت اجمل ايام قضيتها في هذه البلده الجميله وخاصه باتومي ويطلقون عنها عروسة البحر الاسود
الف تحية وتقدير لكم من السماوة ...فعلا هذه القصة حقيقية بشأن هذا البدوي من أهالي السماوة ويمتلك امكانيات قوية جدا بالركض لدرجة أنه اتعب الدوريات السعودية والكويتية لذلك تم تسميته بطوير الذهب من قبل أحد أمراء الكويت الشقيقة ....
هذه القصة سمعت بها منذ سنة2012 في اربعينية الأمام الحسين عليه السلام كنت ذاهب لزيارة الامام الاحسين عليه السلام وعند وصولي الى السماوى قام بظيافتي رجل كبير في السن وروى لي هذه القصة وتبين ان الرجل من اقارب طوير الذهب وكانو يسمونه ابن الجنية
هذي قصة حقيقة فعلاا دنسمعك تسولف بيها اني وزوجي وأكد هذا الشي وحتى من يصل إلى أي منطقة من شدة السرعة يصل ملابس ممزقة يعني من غير اهدوم.. تحياتنا الك يمه ساري ♥️
لانه كان اسرع من الصوت ب 3 مرات يقطع 3000 كلم بالساعه اسرع من ميك 31 وأف 16 اكيد من سرعته الفائقه ملابسه تتمزق ولكن كان عنده ملابس خاصه من جلد وحيد القرن والثور الوحشي ويلبس حذاء من جلد الفيل الهندي
احب هذه الفقره من ساري الي هي ١٢ونص جدا ملفته واضافه لقناتك روعه بصورة عامة انسان مثقف وراقي ومتنوع لفيديو الي يقدمه الإعلامي الي يحتوي كل مؤهلات الإعلام شكرا لحضرتك يا ساري
ساري مره طلبت منك تحجي عن عصابة مال تسليب اسمها ابو عيطه ب التسعينات اعتقد على طريق العماره وجان ايكولون حتى صدام ميكدرلهم ياريت لو اتسوي حلقه عليهم انت مبدع واتمنالك النجاح والتوفيق
أگلك صدام كان يتعمد ترك هيچ عصابات لإلهاء الناس و ضبطهم مخابراته حتى حشيشة كانت توزع بالجنوب و الوسط و وتنشر الإشاعات ، و آخر عفو شمل بيه كل المكبسلجية و العصابات حتى يصيرون بروسنا هسه سجناء سياسيين
@@sabahsabah2405 لاتكذب اول شي بزمن صدام ماكو حشيشه ثاني شي اني من الرفاعي هاذا الشارع بين الرفاعي والعماره كان عباره تسليب ولاصدام ولابطيخ يكدرله وجوي جيش كامل ماكدرو سوو سيطرات. خلو مخابرات اصلن يوميه مكتول حرس وهمه ذوله مو عصابه ذوله عشيره تابعين القبيله ربيعه.
@@ليلهويوم-ح3ه بالتسعينات الحشيشة إنتشرت هي و نوع مخدرات ثاني ما أذكر إسمه حتى عدنا كانت مناطق كاملة إذا صار الليل ما تجرء تمر بيها ، الحكومة مستفادة من هذا الوضع و قصة أبو طبر خير مثال ، الحكومة ما تگدر على السلابة لكنها كانت گادرة على الكفائات و أهل الكتب و يعرفون حتى اسرار البيوت ، الحكومة كانت تعطي عفو للعصابجية بس ما تعطي عفو لواحد قاري رواية ممنوعة
جد ابي كان ماعنده صابونه بالرجل وكل اقاربي يعرفون هذا الشي وسرعته خارقه لكنها ليست للحد الذي تكلمت عنه ممكن 40 كم خلال 10 دقائق لم يبقى من معاصريه سوى ابي
الاسم الحقيقي فرحان جبر شايب كركور التوبي تنتمي لقبيلة بني حچيم.. العنزيه... من فخذ الجويبرات التوبه. جبر يكون والده.. وهم حاليا في قضاء الرفاعي.. قلعة سكر
صح اعرفه ودائما بابا يحجيلي عنه وكلامك صح ✅بس هو انسان طبيعي مو جني ولا من أم جنيه لكن هاي قدرة رب العالمين بالعكس انسان طبيعي من أب وأم طبيعيين ذكرتني بي باجر اخلي بابا يحجيلي عنه من جديد لأن من زمان محاجيلي 🙂
أحسنت اخي ساري المبدع قصص جميلة ورائعة وفيها عبرة ايضاً … اتمنى ان تبحث عن قصص سيد مالك رضوان الله تعالى عليه المعروف في محافظة واسط وميسان انه عارف وملهم من الله
هذا الرجل خالي فرحان جبر. شايب ألتوبي رحمه الله توفي منتصف الثمانينات وهو يمتاز بالسرعة الفائقة وكان كثير التنقل بين العراق والكويت والسعودية وانا التقيت به كثيرا رحمه الله نعم كان سريع جدا جدا مع وجود بعض المبالغة في بعض الروايات
@@zecusful اصلا الأنسان بدون صابون مايكدر يمشي يوكع واذا يمشي يمشي الا بعكازتين و جدا بطيء مثل طفل عمره سنه ويجب ان يمشي بارض مسطحه جدا // انعجب من الناس لمايكولون بدون صابونه 😅😂 اذا تريد تدمر خصمك بضربه واحده فقط اضربه على الصابونه
صح سامعة اسم طوير الذهب جان عمي الله يرحمه واحنا زغار يشجعنا من يدزنا على شغلة يكول اجى طوير الذهب لو بعده احنا نروح ركض منو يغلب الثاني بس جنت متوقعه قصة خيالية شكرا ساري وضحتنا هالقصة الشيقة
فيديو مشوق كلش حلوو ساري اطلب منك بحث عن حياه ومقتل تاره فارس وليش بورها بفتره قليله انقتلت رفييف الياسري وليش تم تهديد شيماء قاسم اتمنى من عندك تزل فيديو وتذكر كل هل احداث وبالتفصيل 🙏
كل الفنانات والفنانين الذين قضوا عمرهم في الزنا وشرب الخمر اتهم النظام السابق بختفاءهم او موتهم وووووو .. لان مافي حد يراجع بعد كلامه ههههههههه و لا اعتقد انه يستطيع ان يذكر تاره فارس ورفيف وغيرهن لانهم اتهموا بغسيل الاموال من الاردن والعراق والكويت ختاما في الامارات وقد تم نصفيتهم على ايدي عصابات المافيه خوفا من تصفيته.هو نفسه .. وهناك بحث كامل من قبل رجل كويتي بذلك ...ام صاحب الفديوا لايستطيع هنا اتهام النظام السابق الا اذا يخبرك ان سبب تصفيتهم بسبب انهم كانوا مؤيدين للنطام السابق او ان ابهاؤهم الغير معروفين كانوا من قبيله حزب البعث العربي الاشتركي .....اتركه الرجال ياكل خبز .... اسمع قصصه للتسليه واسلوبه في روايه القصص الخرافيه ولا احد يعقب عليه ... المضحك في القصه انه توفي في سنه 1998 اي في زمن النطام السابق ولاول مره لم يذكر انه تم استدعاءه من قبل عدي او صدام وعدم مشاركته في الحرب ومات موته طبيعيه فلت من صدام
تحياتي لك استاذ ساري اقترح ان تعمل فديو عن رجل اسمه موزر العزاوي واعتقد كل اهالي الخالص ومنطقة دلي عباس وكبارها يعرفون قصته العجيبة وشجاعته التي لا توصف من اهالي محافظة ديالى ايضا كان عنده قوة خارقة ويقال انه خليط من الجن وانا شخصيا التقيت بحفيدته وقالت لي واكدت لي ذالك عاش في القرن الماضي في اربعينيات القرن الماضي وكان هارب من العدالة واستطاع ان يقتل كل العساكر في كل مرة يهاجمونه ولم يستطيعوا الامساك به حتى كرم احد ابنائه صدام حسين باهدائه سلاح البندقية الانكليزية وكان هذا السلاح عزيز في ذالك الزمن حتى توفي بسبب الشيخوخة ولم يقتل او يقبض عليه وشكرا
أولا اخي العزيز موزر عزاوي وليس عبيدي مع جل الاحترام لكل عشايرنا الأصيلة ثانيا الرجل متوفي في ستينات القرن الماضي فكيف رأى الرئيس صدام حسين وقابله ثالثا موزر كان مشهور بالشجاعة والقوة والبطولة وليس غيرها مع تحياتي لك
مرحبا استاذ عاشت جهودك اتمنا تستمر. واكو قصه. مخفيه. هي قصة الباص الي احترق على جسر باب المعظم الي يكون بقرب مستشفى مدينة الطب احترق الباص فوق الجسر مباشرتآ وكان يحمل طالبات المؤسف انو اكو طالبات ماتن رفضن القفز بل شط وحترقن. لاكن ضل الحادث غامض الحادث 1998او 1999
عيني هذه السالفه صحيحه 100% لأن فد يوم من الأيام رجل كبير بالعمر صديقي سولفلي هذه السالفه يكول كان قبل أفراد من عشيرة التوبي يمتازون بالسرعه الكبيره جداً فسألته كولتله شلون سريعين كالي هذول متزوجين أقارب يعني واحد ماخذ بنت عم الثاني وصار أعداد كبيره منهم أنولدو بتشوهات خلقيه وهي عدم وجود عظمة الصابونه للرجل أو ماتسمى (بالرضفه) منذ الولاده وبنفس الوقت هؤلاء صارو يمتازون بالسرعه المدهشه وحتى سولفلي نفس هذه السالفه ألي سمعناها منك بخصوص الشخص ألي ألقو عليه القبض المخفر الكويتي
اللهم يرحمه برحمته الواسعه ويغفر له ذنوبه ويثقل ميزان حسناته ويدخله الجنه يارب لوكان عايش في هذا الزمان كان دخل موسوعة غينيس لموهبته في السرعه الخياليه الفائقه بارك الله فيك استاذ ساري المبدع المتميز في البحث وسرد كل المعلومات القيمه التي لم نسمع ونطلع عليها مسبقا وطرحها باسلوب شيق جميل يسعدنا جعل الله عملك هذا في ميزان حسناتك ولدي عراقيه وافتخر ياسنين الفاتت ارجعيلي
لاحول ولا قوة الا بالله العلي العظيم واتوب اليه عدد خلقه ورضا نفسه وزنة عرشه ومداد كلماته اللهم صل ع محمد وال محمد كما صليت ع ابراهيم وال براهيم انك حميدٌ مجيدْ
شكرا ع هلمعلومات والبحث بالمصادر ❤️ اهواي قصص من اهلنا سمعناهن ويحتاج احد يبحث بيهن وبحقيقتهن وعندي التفاته اكو قصه مشهوره وهي السعلوه تكدر تقلد صوت البشر وتتكلم مثلهم هلشي صحيح لو لا؟ ياريت تسوي بحث عن هلشي
رحم الله والديك مزيدا مزيدا من قصص السعلوة وميري طمبران وابو الجنيب وهارون داروون ومصران ابو عبيدة. مع الاسف العراق انحرم من الميداليات الذهبية في العاب الساحة والميدان في الاولمبيات. يالله خيرها بغيرها.
اموت عليك ساري ربي يوفقك هذا طوير الذهب سامعه بي من بداية التسعينات يعني قصية حقيقية والله اعلم على اساس هو ابن الاصطورة علي ال صويح اذكى رجل بتاريخ لعراقي
@@أحلامفتاة-ه4ق لا قصده مو بيت صويلح صويّح العِلي حكيم وحسچة ومن أكبر الاجاويد واكبر مشكلة بين العشاير يحلهه بحكمته ولذلك كان محسود من باقي الشيوخ ومن توفى قامت برثاءه اخته باجمل الدارميات وكانت بجدارة خنساء العراق وكانت وصيته ان يطلعون ايده من التابوت بالتشييع كناية عن (العدمية) وكلشي ماأخذ وياه للگبر بس هوه ترك موروث من الحكم وهذا يكفي
أستاذ ساري نتمنى بأن تجري مقابلة مع الفنان العراقي عماد بدن هو فنان من الزمن الجميل واشتهر بتقديم برنامج حياكم الله الذي كان يجري فيه لقاءات مع الجنود العراقيين الذين كانوا في الكويت عام 1990 وثم غادر العراق في التسعينات وذهب إلى الأردن وثم إلى السويد وهو الأن رجل كبير بالسن ومريض ويعيش في السويد ونتمنى أستاذ ساري بأن تتقصى عن أخباره وتلتقي به وتجري معه مقابلة.
اي عفية حسام صدك فنان مضلوم وهو دخل الابتسامة لبيوتنة واحنا نحبة كولش مع العلم جان عمري مواكثر ١٠ سنوات بس اذكرة واحبة اعرف اخبارة الفنان المبدع عماد بدن
احسنت أستاذنا الفاضل قصة جميلة لا ادري لم لم يستثمر هذه السرعة في المشاركة في الأولمبياد ع الأقل كنا حصلنا على ميداليات كثيرة تضاف إلى الميدالية اليتيمة آلتي حصل عليها المرحوم عبد الواحد عزيز
من جان صغير و يركض هيج و يتسابق صار متمرس و متمرن و سريع احنا من جنا صغار نتسابق بحيث كل ما نتسابق اكثر نصير اسرع من الباقي ف أتصور هو بسبب التعلوم تقوى بهذا الشكل
شخصية مشابهة لهذا الرجل اسمه سعود نخيلان كان يعيش في مدينة كبيسة ويقوم بنقل البريد والرسائل من ناحية كبيسة الى محافظة الرمادي وكان حين يصل الى المكان المنشود بعد عدة كيلومترات يقوم باكل وجبة طعام تكفي لعدة رجال ويرتاح بعدها ليكمل رحلة العودة .
السلام عليكم ورحمة الله وبركاته قصصك وطريقة تقديمك للقصة جدا مشوق ورائع 👍👍👍 مبدع استاذ ساري....احنا كمان بالسعودية عند نا قصص غريبة لا يصدقها عقل انسان بس فعلا صارت 🤔 ياريت أخ ساري تبحث عن هذي القصص وممكن اقولك عليها...وتطلع شوي من العراق🙈 تحياتي لشعب العراق العظيم❤🌹 محبتكم من بلاد الحرمين🇸🇦🇸🇦🇮🇶🇮🇶
نعم صدقت لان والدي الله يرحمه كان مهرب أسلحة ومواشي للسعودية والكويت وكان يلتقي بهذا الشخص ويعرفه وهذا الشخص ينتمي لقبيلة اعنزه وكان سبب سرعته انه ماعنده صابونه الركبة ويقطع الصحراء مشيا واذا لاقاه دوريات يركض بسرعة لا توصف بس من كان يدخل المدينة بالكويت لو السعودية داخل المدينة كان ينمسك لان مايگدر يركض داخل المدن خوفا من الازدحام وماشابه ذلك وكان اكثر المرات مايدخل للمدن يبقى خارج عند البدو
اتمنى منك استاذ ساري حسام نريد حلقة عن مقتل تاره فارس نريد نعرف الدليل قاطع بدون اي كذب منو كان وياها السياره ليش ماقتل ليش بس تاره منو البيت راحت الا تاره فارس المنطقة شنو هذا البيت كل هاي تفاصيل مانعرفه اتمنى حلقة قوية
شنو رأيكم بالموضوع حاب اسمع تفسيركم ؟
لاتنسون اللايك ومشاركة الفيديو مع الناس المهتمين بهيج محتوى ماتتخيلون شكد هالشي يحسسني انو جهدي ماراح ويسويلي واهس اسوي فيديوات اكثر 🥰🥰
ارشحلكم تشوفون هذا الفيديو ايضا من اكثر القضايا المحيرة
ua-cam.com/video/E1xEsL9LNPU/v-deo.html
تحياتي واحترامي لك انت أنسان ناجح ربي يوفقك
اني شخصيا أئمن بوجود اشخاص عدهم قوه خارقه او طولهم مو عادي مثل شنگ ابن عنگ وغيرهم شخصيات جدو الله يرحمه جان يحجينه
هذا الرجل ذكرني بأفلام هوليوود عن الابطال الخارقين مثل فلاش وغيره
جميع هذه القصص مستوحاة من قصص قديمه تناقلتها الأجيال عبر منذ بدء خلق الإنسان يحاول إيجاد اشياء او اشخاص خارقين لمساعدتهم في الحياه لأن الحياة مهما كانت هي قاسيه جدا وهي عذاب دائم
هناك قصه مشابهه لهذه القصه يوم ما ذهبت لزيارة أقاربي في محافظه بابل وفي منطقه جبله بالتحديد والجميع يتكلم عن شخص خارق يعيش في المنطقه وهذا الشخص يستطيع أن يثقب إطار السياره بنظره واحده طبعا أنا لااصدق ولكن الكل يؤكد هذا الشئ اذا تريد يااخ ساري ابحث عن الموضوع في محافظة بابل فضاء جبله هذا الكلام انا سمعته عام 2005
اخوان انا من قبيلة بني حجيم وطوير الذهب من ال توبة من بني حجيم والرجل ليس من الجن بل هو إنسان طبيعي لكن رب العالمين أعطاه ميزة السرعة وكان سريع جدا الله يرحمه برحمته الواسعه
اي صح اقاربنا هوا
الله يرحموا يارب
@@آرميآرمي-ب7ف ايي من عشيرتي هو هم
فعلا لانستغرب هناك أناس عندهم قوه خارقه في السير السريع وأنا سامعه بهذا الأسم وأعتقد والدي رحمه الله حكى لنا قصته وهو ليس من الجن ولكن الأهم أعطاه قوه خارقه والله سبحانه قادر على كل شئ فعلا هذه القصه ترجعنا إلى الزمن الجميل تحياتي لكم بالتقدم الدائم تستاهل الدعم أخي في الله ساري حسام اختكم في الله خديجه الزبيدي العراق بغداد 😮😮😮
إبن عشيرتي
طبعاً هالانسان هذا جدا شكلة مريح ومحبوب ويدخل للقلب بدون استئذان وعندة لباقة حلوة بالكلام من المُقدمين المميزين ...ياريت تتسلط عليهم الاضواء ارقى واثقف من بقية المقدمين المبتذلين ... استمر ساري انت شخص جداً نقي ومحبوب
الموضوع وين ونتو وين؟
هذا عمي يصير ألف رحمه على روحه ....
المرحوم فرحان جابر شايب التوبي الحجيمي .... كل كلامك صحيح وبعد عنده قصص هواي بالسرعة ........
يزم احكيلي عنه عندي فضول
قصة مشوقة تحياتي من الجزائر حبيبي اريد قصص الطنطل من قصص اخواني بالعراق الشقيق 🇩🇿❤🤝
حبيبي على راسي💛
نعم كان من أقاربي
❤
😅😅😅😅😅😅😅 قريب الطنطل كيف كان شكله ؟@@منتظرمنتظر-ض3غ
شكرا استاذ حسام لتسليط الضوء على هذه الشخصية فعلاً يقال انه كان يسابق القطار.. شخصية غريبة فعلاً يقال انه كان بسرعة الريح. الله يرحمه برحمته الواسعة.
والله جان بنفسي اسمع عنه شي لان شفت منشور بالفيسبوك ب2018 والتعليقات كلها تضحك محد مصدك عاشت ايدك ساري هالفقره 12 ونص صارت ادمان
هذا قصه طويله اطوير تزوج جنيه سبحان الله الذيب يريد يفترسها الجنيه ف هوه مار وضرب الذيب قصه طويله
لا من الجن ولا متزوج والده من جن هذا كذب بس هوة قصته حقيقيه . وفعلا سريع جدا اني من السماوة وعندي معلومه عنه لان اصدقائي من العشيره الي هوة منها
هاذه يمنه
@@m_3134 وين يمكم
@@ze_no_sh194 يم سيد جبار اولاد عمة واحفادة
طوير الذهب عراقي سماوتلي من السماوه في الفرات الاوسط من فبيله توبه وهذه القبيله معروفه في شجاعتها وكرامتها نعم ان من سكان السماوه ولدينا محل وكاله غذاءيه واولاد عمامه هم معاملينا يتسوقون من عدنا هو حقيقه شخصيه حقيقيه
يعني عذرا للمداخله يعني ماسالتهم هو فعلا سريع وانو قبيلتهم رجليهم بدون مفصل الركبه مثل مايقال عنهم
هذا رويلي عنزي وليس من توبه
@@azharmoham5459 والله عدنا ركب ومفاصل شسالفه بس احنا معروفين بالسرعه والعجله
اني من ال توبه صح عدنا سرعه هائله بالركض بس عدنا ركبات بس مع مرور الوقت وتقدم العمر نصاب بالروماتز أوالتهاب المفاصل بصورة عامه
@@قمرسمر-م7ل عبالي بس اني توبيه هنانه🤣
امووت على عبارة ساري حسام و12 ونص كلش كلش تخبل من تكولهة 👏👏👏👏👏👏👏👏
اني ساري حسام وهسه 😅
لا يوجد شيء مستحيل
إن الله على كل شيء قدير. ...
والله حرامات هيج قصه تاريخيه منعرفها هسه سمعنا بيها ..لو بغير دوله جان بقت قصه عبر الاجيال
اهلا يا ومن
لاقصه قديمه وهواي سامعينها
@@ghofran5886 انت ياغفران كم عمرك حتى سامعته كثير ليش هشكل تعملين مو حرام عليك
@@ghofran5886 احنه اهل بغداد مسامعيها واني مواليد سبعينات واشكد سألت بيها وره مسمعها من الاستاذ ساري معرفوا هالشخصيه ولا سامعين بيها
@@العقرب-ر7كانه اعرف هاي القصه بالكامل لان هو قريب علينه وبنفس المدينه
اقسم بالله انتضر الساعات حتى تنزل فيديو احب محتواك لأن مفيد وقصص حلوه وبيهه فائده احس اعيش ايام زمان كنه نسمع من بيبي هيجي قصص اتمنى تستمر ومتنقطع علينه
فتاة عاديه جدا وبعد معرفوها ع مكان وشخص المريض قبلت هده المهمه صعبه الا وهايه الريعات هاد المشلول المقعد يتبع....
السلام عليكم انا من أهل السماوه سمعت بالسبعينات ايام الشباب عن عشيره التوبه بأن ارجلهم بدون صابونه وسريعين وكان في ذلك الوقت وسائل النقل عن العشائر العراقيه هو الخيول وكانوا ال توبه اسرع من الخيول
نعم صحيح نحن في الكويت نعرفه وكذلك حرس الحدود والدوريات كانوا يعرفونه وكانوا يطاردونه بسيارات حديثة وسريعة ولكنه كان يبتسم لهم وهو يركض وهم يطاردونه باقصى سرعة وقد حدثني احد كبار السن رحمه الله وقال كنا نطارده وكان سريعا جدا وكانت ملابسه تتقطع من قوة سرعته حتى يصبح عريانا وكما ولدته امه وكان يهديء من سرعته حتى نلحقه ثم يركض باقصى سرعة وهو يبتسم لنا ، المعلومة الثانية هو من قبيلة ال توبه وهذه القبيلة لمن يعرفها مشهورة بالركض السريع واللياقة البدنية العالية وهذا ما سمعته من كبار السن عندنا في الكويت والله اعلى واعلم .
عجيب امره
سبحان الله وهذاك الوكت لاكانت رياضه ولا ادويه ولا مقويات ومنشطات
@@sjf. هاي حيرة
@@Teeba44 عندي شك استغفر الله ربي العظيم واتوب إليه
@@sjf. حبيبتي أنشط من هسه هسه اني ماكو فيتامينات ماماخذتهن بسبب الكسل😢
ساري اكوو قصة التمثالين اليتحركن في جورجيااا الولد المسلم اسمة علي والبنت المسيحية اسمهة نينو الذي افترقااا لمعارضة المجتمع على حبهمااا وختلاف الديانة نتمنة تبحث عن هذا القصة
اي صحيح كلامك انا كنت عايش في جورجيا كم سنه وشفت هذه التماثيل المتحركه لفتاة ورجل كانا يحبان بعظهم البعض ولاكن تفرقهم الاديان هي مسيحيه من جورجيا وهو من اذربيجان مسلم وهذه التماثيل المتحركه موجوده في باتومي المطله على البحر الاسود التابعه لجورجيا كانت اجمل ايام قضيتها في هذه البلده الجميله وخاصه باتومي ويطلقون عنها عروسة البحر الاسود
السرعة القصوى في دول العالم لاتحدث ألا في أفلام ألأكشن وألاعاب ألأكترونية أما في العراق فهو حقيقي كم انت عضيم ياعراق
طوير الذهب معروف بالسعوديه.والكويت.....انا من السعوديه واعرف قصصه ...نعم هو من قبيلة التوبه في السماوه
الف تحية وتقدير لكم من السماوة ...فعلا هذه القصة حقيقية بشأن هذا البدوي من أهالي السماوة ويمتلك امكانيات قوية جدا بالركض لدرجة أنه اتعب الدوريات السعودية والكويتية لذلك تم تسميته بطوير الذهب من قبل أحد أمراء الكويت الشقيقة ....
هذا كرايب سعيد عويطه
@@سيفالعبادي-ص8ث تحية لك من السماوة
ههههههههه
@@محمدالشمري-ذ2ر2ف يمعود وين اكو هيج بطة تلعب شناو.... هاي حكايات جدتي أو حكايات خيالية من الموروث الشعبي
السلام عليكم انت من السماوة
هذه القصة سمعت بها منذ سنة2012 في اربعينية الأمام الحسين عليه السلام كنت ذاهب لزيارة الامام الاحسين عليه السلام وعند وصولي الى السماوى قام بظيافتي رجل كبير في السن وروى لي هذه القصة وتبين ان الرجل من اقارب طوير الذهب وكانو يسمونه ابن الجنية
هاذا جدي الله يرحمه ابن ابنه اسمه جهيد الله يرحمه صعد ابنه بالقطار يلعب وسمه حميد ومشه القطار ركص ولحك القطار ورجع ابنه الله يرحمهم ويجعل مثواهم الجنه
وش سر سرعتة لو سمحت/ي
@@miro8048 ركبته ما بيها صابونه
@@arlaw21بس كذا 😂 سهلة بكرا اشيل الصابونة
شنو سبب سرعته
سبحان الله الله معطي السرعة هاي وهوا مثل ماسمعت رجولة مختلفة يشبهن رجول الغزلان هيج سمعت@@Noor-e9x3d
عزنـه وفخـرنه ال توبـة شكرا لتسليط الضوء ع الشخصيـه البارزه جدي اللة يرحمه 💔
ياخوي عطني حسابك في انستقرام ولا سناب ابي اتواصل معك مشن موضوع
هذي قصة حقيقة فعلاا
دنسمعك تسولف بيها اني
وزوجي وأكد هذا الشي
وحتى من يصل إلى أي منطقة
من شدة السرعة يصل ملابس ممزقة يعني من غير اهدوم.. تحياتنا الك يمه ساري ♥️
وانتي مرات نفسه تصيرين قصدي اخر كلمتين برسالتج 🤦🏻♂️🙈🙈😝😃😃
لانه كان اسرع من الصوت ب 3 مرات يقطع 3000 كلم بالساعه اسرع من ميك 31 وأف 16
اكيد من سرعته الفائقه ملابسه تتمزق ولكن كان عنده ملابس خاصه من جلد وحيد القرن والثور الوحشي ويلبس حذاء من جلد الفيل الهندي
Samy Yousif لا صدك من جاب هاللبس
احب هذه الفقره من ساري الي هي ١٢ونص جدا ملفته واضافه لقناتك روعه بصورة عامة انسان مثقف وراقي ومتنوع لفيديو الي يقدمه الإعلامي الي يحتوي كل مؤهلات الإعلام شكرا لحضرتك يا ساري
تدللين
وانتي هم روعه جوري 🤣
@@abdullaenzy342 😂🤗
@@ماريالبصراوية 🥰🥰🥰😘
منذ الصغر في السبعينات ونحن نسمع كبار السن يتحدثون عن طوير الذهب .وعن سرعته
طوير الذهب اسمه جبر آل شايب من أهالي السماوة قضاء الخضر منطقه الحصية آل توبة
ساري دائما اكو قصص مرعبة عن بيوت مسكونة حقيقية ياريت تبحث عنها
قصة جميلة وحقيقية سمعت بيه
شكر وتقدير لجنابكم الموقر
قصه جميله شكرا جزيلا على سرد القصة بصوره سهله وبكل تفاصيله
من زمان ذني سامعهن من اهلنه ذني طوير الذهب فعلا موجود من اهل السماوه ونعم منه والله يرحمه برحمة الواسعه
الله يرحم جبر اوطوير الذهب
ساري مره طلبت منك تحجي عن عصابة مال تسليب اسمها ابو عيطه ب التسعينات اعتقد على طريق العماره وجان ايكولون حتى صدام ميكدرلهم ياريت لو اتسوي حلقه عليهم انت مبدع واتمنالك النجاح والتوفيق
عشيره البو عيطه سلابه ذوله
فعلا كلامك صحيح اقربائه يداوم وياي
أگلك صدام كان يتعمد ترك هيچ عصابات لإلهاء الناس و ضبطهم مخابراته حتى حشيشة كانت توزع بالجنوب و الوسط و وتنشر الإشاعات ، و آخر عفو شمل بيه كل المكبسلجية و العصابات حتى يصيرون بروسنا هسه سجناء سياسيين
@@sabahsabah2405 لاتكذب اول شي بزمن صدام ماكو حشيشه ثاني شي اني من الرفاعي هاذا الشارع بين الرفاعي والعماره كان عباره تسليب ولاصدام ولابطيخ يكدرله وجوي جيش كامل ماكدرو سوو سيطرات. خلو مخابرات اصلن يوميه مكتول حرس وهمه ذوله مو عصابه ذوله عشيره تابعين القبيله ربيعه.
@@ليلهويوم-ح3ه بالتسعينات الحشيشة إنتشرت هي و نوع مخدرات ثاني ما أذكر إسمه حتى عدنا كانت مناطق كاملة إذا صار الليل ما تجرء تمر بيها ، الحكومة مستفادة من هذا الوضع و قصة أبو طبر خير مثال ، الحكومة ما تگدر على السلابة لكنها كانت گادرة على الكفائات و أهل الكتب و يعرفون حتى اسرار البيوت ، الحكومة كانت تعطي عفو للعصابجية بس ما تعطي عفو لواحد قاري رواية ممنوعة
كلش احب قصصك!! وطريقة السرد بلهجة العراقيه الجميله! اتمنى الك كل التوفيق والنجاح 🙏
احس القصة بيهة نسبة من الواقعية لان اكو ناس سريعين كلش (طبعا مو بسرعته ) بس سريعين حيل و احسه مثل اللاعبين العدائين بالاولمبياد العالمي 🤡😂 ،
لا صدكك تره قصه ومن قرايبي هذا
جد ابي كان ماعنده صابونه بالرجل وكل اقاربي يعرفون هذا الشي وسرعته خارقه لكنها ليست للحد الذي تكلمت عنه ممكن 40 كم خلال 10 دقائق لم يبقى من معاصريه سوى ابي
انت من اهل النعمانيه ؟
لعد،مصار،بطل،اولمبي
ليش مشارك بالاولمبياد؟
@@zecusful بهذاك الوقت وين يعرفون
@@مريممريم-ن1ش4ص صحيح سرعته مهوله وشاهد أعيان نقلها لي كان شرطي بالحدود انذاك
حرامات هيج موهبة ما شارك عالمياً اكيد جان يربح المداليا الذهبية
والله كله ابوي ليش ما تشترك في مسبقات بس ما قبل
حرامات عندنا الكثير من المواهب وهذا اسطورة بمعنى الكلمة الله كريم ارض العراق ارض ولاًدة بالمواهب
ولكم اهل العراك اغلبهن سحره ودجالين ومشعوذيين يتعاملون مع الجن هسا ماتشوفون حال العراق كيف صار كلو انتقام الجن منن لانن كانوا يعتمدون ع الجن بكل شي
يحبيبي زمان قبل ما يخلق ابو ابوك
@@HOOD-FM بلفعل ❤️
طوير الذهب التوبي.. شخص معروف رحمه الله
اعرفه لما كنا بالكويت عندما أمسك الضابط الكويتي من رقبته بعد أن لحقه.وهو راكب بسيارته قصه معروفه... رحمه الله
الاسم الحقيقي فرحان جبر شايب كركور التوبي تنتمي لقبيلة بني حچيم.. العنزيه... من فخذ الجويبرات التوبه. جبر يكون والده.. وهم حاليا في قضاء الرفاعي.. قلعة سكر
اي صحيح هاي القصه حتى اهلنه جانوا يكولون اكعد انته تركض جنك اطوير الذهب طبعا اني من العراق 🇮🇶واني مواليد الثمانينيات
صح اعرفه ودائما بابا يحجيلي عنه وكلامك صح ✅بس هو انسان طبيعي مو جني ولا من أم جنيه لكن هاي قدرة رب العالمين بالعكس انسان طبيعي من أب وأم طبيعيين ذكرتني بي باجر اخلي بابا يحجيلي عنه من جديد لأن من زمان محاجيلي 🙂
حياج الله بنت ولايتي
كلامج صح انسان خارق
هههههه 😂هههه 😂ولج وين صايره انتي
@@محمدرزاق-ف5س الكل يعرف قصته
@Tania Amer لُاصّدِكِ
شلون انسان طبيعي هيج يمشي
اني احب هيج قصص رغم أني جبانة هسة لأمة أطفالي ونسمع
😂😂
للمرة الثانية اتابع هذا الفديو وسرد القصة كلش حلو 🌷تحياتي الك الاخ ساري حسام
كلش موضوع شيق و اول مرة اسمع هاي المواضيع. بارك الله بيك و استمر نحو الاحسن.
أحسنت اخي ساري المبدع قصص جميلة ورائعة وفيها عبرة ايضاً … اتمنى ان تبحث عن قصص سيد مالك رضوان الله تعالى عليه المعروف في محافظة واسط وميسان انه عارف وملهم من الله
طريقة القاءك للمواضيع مشوووقة وروووعة
ابداااع و تميز
موفق
قصة جميلة احسنت سردك للقصص كولش حلو ومشوق استمر يامبدع 🌸🌸
هذا الرجل خالي فرحان جبر. شايب ألتوبي رحمه الله توفي منتصف الثمانينات وهو يمتاز بالسرعة الفائقة وكان كثير التنقل بين العراق والكويت والسعودية
وانا التقيت به كثيرا رحمه الله نعم كان سريع جدا جدا مع وجود بعض المبالغة في بعض الروايات
وصدك عشيرتكم ماعدهم صابونه برجليهم لو بس خالك؟؟
@@zecusful
المرحوم طوير الذهب شخص اعتيادي فقط كان يتمتع بالسرعة
@@عباسالركابي-غ1ق لعد بالتعليقات ديكولون عشيرتكم ماعدهم صابونه برجلهم ، وهاي السرعه لعد منين اجته؟
@@zecusful
هههههههه عدهم صابونه لكن عشيرة ال توبة بصورة عامة يتميزون بالسرعة والمرحوم طوير الذهب كان سريع جداً
@@zecusful
اصلا الأنسان بدون صابون مايكدر يمشي يوكع واذا يمشي يمشي الا بعكازتين و جدا بطيء مثل طفل عمره سنه ويجب ان يمشي بارض مسطحه جدا //
انعجب من الناس لمايكولون بدون صابونه 😅😂
اذا تريد تدمر خصمك بضربه واحده فقط اضربه على الصابونه
ساري انت احسن مقدم برامج شفتهه بحياتي محترم 💕😫تحياتي الك ورده+حاول تعلي صوتك بعد
فعلًا هاي القصه حقيقيه كان جدي يقصها الي منذو كنت صغير👍🇮🇶
ساري انت مثقف وطرحه للموضوع جميل، 🌹
شكد صايره احب فيديوهاتك وقناتك ✨
لو اكو منه هسة جان صار احسن مهاجم للمنتخب العراقي يعني نفوز على البرازيل ٥٠ / صفر
يرادله صحراء هذا مايفيده الملعب هههه
هههه
حبيت القصة اول مررررة اسمعها❤❤❤❤ عاشت ايدك ساري اللطيف
صح سامعة اسم طوير الذهب جان عمي الله يرحمه واحنا زغار يشجعنا من يدزنا على شغلة يكول اجى طوير الذهب لو بعده احنا نروح ركض منو يغلب الثاني بس جنت متوقعه قصة خيالية شكرا ساري وضحتنا هالقصة الشيقة
فيديو مشوق كلش حلوو ساري اطلب منك بحث عن حياه ومقتل تاره فارس وليش بورها بفتره قليله انقتلت رفييف الياسري وليش تم تهديد شيماء قاسم اتمنى من عندك تزل فيديو وتذكر كل هل احداث وبالتفصيل 🙏
بعد هوه شعليه
كل الفنانات والفنانين الذين قضوا عمرهم في الزنا وشرب الخمر اتهم النظام السابق بختفاءهم او موتهم وووووو .. لان مافي حد يراجع بعد كلامه ههههههههه و لا اعتقد انه يستطيع ان يذكر تاره فارس ورفيف وغيرهن لانهم اتهموا بغسيل الاموال من الاردن والعراق والكويت ختاما في الامارات وقد تم نصفيتهم على ايدي عصابات المافيه خوفا من تصفيته.هو نفسه .. وهناك بحث كامل من قبل رجل كويتي بذلك ...ام صاحب الفديوا لايستطيع هنا اتهام النظام السابق الا اذا يخبرك ان سبب تصفيتهم بسبب انهم كانوا مؤيدين للنطام السابق او ان ابهاؤهم الغير معروفين كانوا من قبيله حزب البعث العربي الاشتركي .....اتركه الرجال ياكل خبز .... اسمع قصصه للتسليه واسلوبه في روايه القصص الخرافيه ولا احد يعقب عليه ... المضحك في القصه انه توفي في سنه 1998 اي في زمن النطام السابق ولاول مره لم يذكر انه تم استدعاءه من قبل عدي او صدام وعدم مشاركته في الحرب ومات موته طبيعيه فلت من صدام
@@sarahamed3353 لا كال ب٨٣
يمكن تاره فارس عاشت بالقرن الماضي يعني زمن ام كلثوم
شخبصتونا بهاي المغرورة
تحياتي لك استاذ ساري اقترح ان تعمل فديو عن رجل اسمه موزر العزاوي واعتقد كل اهالي الخالص ومنطقة دلي عباس وكبارها يعرفون قصته العجيبة وشجاعته التي لا توصف من اهالي محافظة ديالى ايضا كان عنده قوة خارقة ويقال انه خليط من الجن وانا شخصيا التقيت بحفيدته وقالت لي واكدت لي ذالك عاش في القرن الماضي في اربعينيات القرن الماضي وكان هارب من العدالة واستطاع ان يقتل كل العساكر في كل مرة يهاجمونه ولم يستطيعوا الامساك به حتى كرم احد ابنائه صدام حسين باهدائه سلاح البندقية الانكليزية وكان هذا السلاح عزيز في ذالك الزمن حتى توفي بسبب الشيخوخة ولم يقتل او يقبض عليه وشكرا
خلي٠اسال٠زوجي٠عليه٠بلكت٠يعرف٠شي٠عنه
ها عرفه لو لا
أولا اخي العزيز موزر عزاوي وليس عبيدي مع جل الاحترام لكل عشايرنا الأصيلة ثانيا الرجل متوفي في ستينات القرن الماضي فكيف رأى الرئيس صدام حسين وقابله ثالثا موزر كان مشهور بالشجاعة والقوة والبطولة وليس غيرها مع تحياتي لك
@@moaedhakim9000 قصدك٠عليه!!!
انا لدي معرفة بابن موزر كان موزو.يتصف بااشجاعة وان ابنه ضعيف الشخصية عكس ابيه وهو لبس من الجن
كنا صغار وكانت أمي الله يرحمها تحكينا قصص ومن ضمنها قصة طوير ذهب فأذن انه كان حقيقه
تسلم اول مره اسمع بهذي القصه
سبحان الله أحسن الخالقين إنه على كل شيء قدير☝🏻💪🏻
قصة حلوة وغريبة عاشت ايدك ساري على هذه الانجازات
الله يرحمه مابيها شي الله نطاه قدرة خارقة منطاها للغير والناس متصدگ اتظل اتالف على غيرها .. الله يرحمه
مرحبا استاذ عاشت جهودك اتمنا تستمر. واكو قصه. مخفيه. هي قصة الباص الي احترق على جسر باب المعظم الي يكون بقرب مستشفى مدينة الطب احترق الباص فوق الجسر مباشرتآ وكان يحمل طالبات المؤسف انو اكو طالبات ماتن رفضن القفز بل شط وحترقن. لاكن ضل الحادث غامض الحادث 1998او 1999
قبل فترة تكلم عنه الاستاذ ساري وشفناهه
@@لاالهالاالله-م4ش8ن لا✊ تكلم على الباص الغرق بس هذا الباص الي ذكرته آْنَــْــيٌ احترق
@@ahmedalameri9654 العفو منك عبالو هو ان شاء الله يتكلم عل الباص المحترق
@@لاالهالاالله-م4ش8ن لاتكلم عن غركانات الشطرة
@@حموديحمودي-غ2ط4ف نعم صحيح باص الشطره الله يرضى عليك
عفية استاذ ساري نريد حلقة عن المطربة سوزان صاحبة اغنية مجبورين يا يمه وين صفى بيها الدهر
اللهم صل على محمد وآل محمد..
سامع بهاي القصة من ايام طفولتي .
عيني هذه السالفه صحيحه 100% لأن فد يوم من الأيام رجل كبير بالعمر صديقي سولفلي هذه السالفه يكول كان قبل أفراد من عشيرة التوبي يمتازون بالسرعه الكبيره جداً فسألته كولتله شلون سريعين كالي هذول متزوجين أقارب يعني واحد ماخذ بنت عم الثاني وصار أعداد كبيره منهم أنولدو بتشوهات خلقيه وهي عدم وجود عظمة الصابونه للرجل أو ماتسمى (بالرضفه) منذ الولاده وبنفس الوقت هؤلاء صارو يمتازون بالسرعه المدهشه وحتى سولفلي نفس هذه السالفه ألي سمعناها منك بخصوص الشخص ألي ألقو عليه القبض المخفر الكويتي
ممعلوماتك مقلوطه
@@mahmadswat4525 لا مو مغلوطه هذا كلام صحيح ميه بالميه والشخص الي بالفيديو كان جندي بالبصره
وهو من السماوه
ليش ما تجيبون اولادهم يشاركون بالمسابقات الدولية اولمبياد باسم العراق حتی نحصل علی مدالية الذهبية
@@ramadhangardi4085 تدلل عود من أصير رئيس اللجنه الأولمبيه العراقيه قدملي هذا المقترح حتى أنضر بيه هههه
يعني اسرع من ميسي ورونالدو 🤣😂
كل الحب والاحترام والتقدير لك على هاذا البرنامج الجميل اتمنالك الموفقية في عملك
اعلامي مجتهد ومبدع جدا تحياتنا لك
اللهم يرحمه برحمته الواسعه ويغفر له ذنوبه ويثقل ميزان حسناته ويدخله الجنه يارب لوكان عايش في هذا الزمان كان دخل موسوعة غينيس لموهبته في السرعه الخياليه الفائقه بارك الله فيك استاذ ساري المبدع المتميز في البحث وسرد كل المعلومات القيمه التي لم نسمع ونطلع عليها مسبقا وطرحها باسلوب شيق جميل يسعدنا جعل الله عملك هذا في ميزان حسناتك ولدي عراقيه وافتخر ياسنين الفاتت ارجعيلي
الله شكد احب القصص ماتك كل الاحترام الحضرتك تحياتي
شكرا ☺️ ع القصص الجميله كل يوم اتابع الاكاونت مالتك ❤️❤️❤️❤️ اتمنالك التوفيق لانك تستحق هالشي
لاحول ولا قوة الا بالله العلي العظيم واتوب اليه عدد خلقه ورضا نفسه وزنة عرشه ومداد كلماته
اللهم صل ع محمد وال محمد كما صليت ع ابراهيم وال براهيم انك حميدٌ مجيدْ
سبحان ألله العظيم ماشاءلله عليك مبدع دائمأ
سبحان الله العظيم استاذ سارى لك كل الشكر والتقدير والاحترام كل قصصك جميل وطريقتك بزاااف جميلة 😘👍
عجيب هذرجل اول مره اسمع بي أني أهل امي من سماوه اكيد يعرفو اريد أسأل عنه واشوف ساري محتواك قمة الروعة والابداع والتميز استمر بلقصص فدوه 🥰
أنا من السماوه وهذا الرجل من عشيرة أل توبه والقصه حقيقيه أسألي والدتك وأن لم تعرف أ س ألي جدك
شلقصه اكو واحد مايعرفه انه ابوي ملتقي بيه
الكل تعرفه حالين انتي وين عايشه
@@1x_ اني موجبيره كلش وأعرفه شمدريني بس راح اسأل عنه لان ابويه هواي يعرف ناس من السماوه واهل امي هناك اكيد يعرفو
@@رحيقالقلوب-ذ6خ حالين انتو وين عايشين
كل الحب والاحترام والتقدير لك ع هذا البرنامج الرائع اتمنئ ان تستمر بالكثير وربي يوفقك ويسعدك
عاشت ايدك مقدم ناجح واني من متابعيك والمحتوه ناجح جدا
مواضيعك مشوقة جدآ استاذساري
شكرا ع هلمعلومات والبحث بالمصادر ❤️ اهواي قصص من اهلنا سمعناهن ويحتاج احد يبحث بيهن وبحقيقتهن وعندي التفاته اكو قصه مشهوره وهي السعلوه تكدر تقلد صوت البشر وتتكلم مثلهم هلشي صحيح لو لا؟ ياريت تسوي بحث عن هلشي
عاشت ايدك ..قصصك ممتعة ومشوقة.. استمر يا مبدع
القصة غريبة وحقيقية اصدك بيها ومحتواك رائع استمر طريقتك بسرد القصة عجبتني ان شاء الله توصل مليون متابع⚘
انتي قصتي🙈🤦🏻♂️😝
هذا النوتيلا من السماوه 😝🙈🙈
طبعا اني سامع هاي القصه من اقاربه المقربين اله وكالو نفس الكلام وسمعتها قبل ٦ سنوات مو هسه
روعة روعة يا ساري ،استمر في الحلقات دي 😍👏👍
اهنيك ع اسلوبك (اكدت لنا حقيقة هذا الشخص ولاكن كنت محايد عن ما نسب له من صفات) طرحت الموضوع بواقعية بعيد عن التضخيم وجلب الانظار
رحم الله والديك مزيدا مزيدا من قصص السعلوة وميري طمبران وابو الجنيب وهارون داروون ومصران ابو عبيدة. مع الاسف العراق انحرم من الميداليات الذهبية في العاب الساحة والميدان في الاولمبيات. يالله خيرها بغيرها.
اموت عليك ساري ربي يوفقك هذا طوير الذهب سامعه بي من بداية التسعينات يعني قصية حقيقية والله اعلم على اساس هو ابن الاصطورة علي ال صويح اذكى رجل بتاريخ لعراقي
لا ال الصويلح من الديوانية
ويلقب بشيخ الخزاعل
وطوير الذهب من السماوة
من عشيرة ال توبة
@@أحلامفتاة-ه4ق
لا قصده مو بيت صويلح
صويّح العِلي حكيم وحسچة ومن أكبر الاجاويد واكبر مشكلة بين العشاير يحلهه بحكمته ولذلك كان محسود من باقي الشيوخ ومن توفى قامت برثاءه اخته باجمل الدارميات وكانت بجدارة خنساء العراق وكانت وصيته ان يطلعون ايده من التابوت بالتشييع كناية عن (العدمية) وكلشي ماأخذ وياه للگبر بس هوه ترك موروث من الحكم وهذا يكفي
عِلي آل صويّح العِلي
أستاذ ساري نتمنى بأن تجري مقابلة مع الفنان العراقي عماد بدن هو فنان من الزمن الجميل واشتهر بتقديم برنامج حياكم الله الذي كان يجري فيه لقاءات مع الجنود العراقيين الذين كانوا في الكويت عام 1990 وثم غادر العراق في التسعينات وذهب إلى الأردن وثم إلى السويد وهو الأن رجل كبير بالسن ومريض ويعيش في السويد ونتمنى أستاذ ساري بأن تتقصى عن أخباره وتلتقي به وتجري معه مقابلة.
اي والله جنت با الابتدائية وتابعة
اي عفية حسام صدك فنان مضلوم وهو دخل الابتسامة لبيوتنة واحنا نحبة كولش مع العلم جان عمري مواكثر ١٠ سنوات بس اذكرة واحبة اعرف اخبارة الفنان المبدع عماد بدن
ابنة جيرانة بس هم سافر للخارج وبنتة واطفالة بعدهم هنا ابنة اسمة سامان عماد بدن ابن الفنان عماد بدن اللي مثل مسرحية المحطة
مات عماد بدن
عماد بدن سكن البصرة وكان عنده اقرباء في محلة الجمهورية انا شاهدته عدة مرات فيها
والرجل بعثي و من طائفة الصابئة
هذه القصة حقيقية لكل من يشكك فيها فهي من الواقع
ما شاء الله عندك قبول وكاريزما بكلشي تقدمه وتسرده موفق بكلشي ❤️❤️..
@@samyyousif954 يعني شخص يجذبك بسرده او بالموضوع الي يتكلم بي
@@samyyousif954 بالضبط
@@Manar-n1l
🌷🌷🌷
احسنت أستاذنا الفاضل
قصة جميلة
لا ادري لم لم يستثمر هذه السرعة في المشاركة
في الأولمبياد ع الأقل كنا حصلنا على ميداليات كثيرة تضاف إلى الميدالية اليتيمة آلتي حصل عليها المرحوم عبد الواحد عزيز
يالله شكد احب هيج قصص تعرف هاي اول مره اعرف بيهيج قصه 😊تسلم ساري احب قصص الرعب والجن 😊
شكد حلوة مواضيعك ساري كلش ممنونين منك .. بصراحة قصة اليوم شيقة وغريبة ايضا واول مرة اسمع بيها .. استمر دائما بالنشر يا مبدع
احب القصص مالتك وجاي انزل كل فديوهاتك واشوفهم مبدع استمر تفوز بأفضل يوتيوبر عراقي يجمع معلومات دقيقه وصحيه 👍👍
هلا
من جان صغير و يركض هيج و يتسابق صار متمرس و متمرن و سريع احنا من جنا صغار نتسابق بحيث كل ما نتسابق اكثر نصير اسرع من الباقي ف أتصور هو بسبب التعلوم تقوى بهذا الشكل
شخصية مشابهة لهذا الرجل اسمه سعود نخيلان كان يعيش في مدينة كبيسة ويقوم بنقل البريد والرسائل من ناحية كبيسة الى محافظة الرمادي وكان حين يصل الى المكان المنشود بعد عدة كيلومترات يقوم باكل وجبة طعام تكفي لعدة رجال ويرتاح بعدها ليكمل رحلة العودة .
السلام عليكم ورحمة الله وبركاته
قصصك وطريقة تقديمك للقصة جدا مشوق ورائع 👍👍👍 مبدع استاذ ساري....احنا كمان بالسعودية عند نا قصص غريبة لا يصدقها عقل انسان بس فعلا صارت 🤔 ياريت أخ ساري تبحث عن هذي القصص وممكن اقولك عليها...وتطلع شوي من العراق🙈 تحياتي لشعب العراق العظيم❤🌹 محبتكم من بلاد الحرمين🇸🇦🇸🇦🇮🇶🇮🇶
ياهلا وغلا عيوني نورتي
@@shab8647 نورك غلاتي 🌹❤
@@dalalalharbi4714 love you ❤
اكتبها و عسى نقراها و نشوف و نقدر نحكيها للأطفال مثل اهلنا في الزمن القديم
مساء الخير.. اخي ساري حسام برنامجك حيل حلو وانشاءلله بالتوفيق.. بس اكو شغلة ياريت يبقى طابع البرنامج ذات قصص مرعبه وهو اكيد يناسب وقت البرنامج..
فعلا
نعم صدقت لان والدي الله يرحمه كان مهرب أسلحة ومواشي للسعودية والكويت وكان يلتقي بهذا الشخص ويعرفه وهذا الشخص ينتمي لقبيلة اعنزه وكان سبب سرعته انه ماعنده صابونه الركبة ويقطع الصحراء مشيا واذا لاقاه دوريات يركض بسرعة لا توصف بس من كان يدخل المدينة بالكويت لو السعودية داخل المدينة كان ينمسك لان مايگدر يركض داخل المدن خوفا من الازدحام وماشابه ذلك وكان اكثر المرات مايدخل للمدن يبقى خارج عند البدو
قصة طوير الذهب لأول مرة أسمع بيها عاشت ايدك ساري ❤❤❤
اقرأ عن سرعة (تأبط شراً) وقوة سمعه .. لدرجة إنه يلحق الغزال ويمسكه..!!
هناك من هم بهذه الموهبة في كل زمن من الله ..
اني من محافضه السماوه والله هذا من يمنه وحتئ ابائنا يتكلمون دائمن عليه يقولون ماعنده صابونه في الرجل ومن يركض اسرع من الغزال حتئ كان يركض ويكمش الغزال
وين بيته
اتمنى منك استاذ ساري حسام نريد حلقة عن مقتل تاره فارس نريد نعرف الدليل قاطع بدون اي كذب منو كان وياها السياره ليش ماقتل ليش بس تاره منو البيت راحت الا تاره فارس المنطقة شنو هذا البيت كل هاي تفاصيل مانعرفه اتمنى حلقة قوية
اي والله خطية تاره الله يرحمها نسوها بعد محد يجيب طاريها خطية💔🇮🇶
الحمد لله
استاذ ساري كثر من هاي القصص مال الجراءم اني احبه كلشششش فيديواتك راقيه
قصه عجيبه وغريبة فعلا
سبحآن الله
﷽
إِنَّ اللَّهَ وَمَلائِكَتَهُ يُصَلُّونَ عَلَى
النَّبِيِّ يَا أَيُّهَا الَّذِينَ آمَنُوا صَلُّوا
عَلَيْهِ وَسَلِّمُوا تَسْلِيمًا ﷺ..
اللهم نقّي قلوبنا...وأستر عيوبنا...وأغفر ذنوبنا...وفرّج كروبنا ...
وشافي مرضانا..وأرحم موتانا...وبارك يومنا...ويسّر أمرنا...واغفر لنا ولوالدينا
اذا فشلت في الاقلاع عن الذنب
فإياك ان تقلع عن الاستغفار
اخوان رجاءً صعدوا تعليقي
اخ ساري احچيلنا عن قصة المرأة (#تسواهن)
الي تمثالها موجود حالياً في محافظة ميسان
و الي اُنتج عنها افلام.....✋✋✋✋✋