توجيهات عقارية - لا تخدع نفسك بفكرة بيت العمر -
Вставка
- Опубліковано 5 жов 2024
- #قناة_الشايقي_العقارية تقدم
توجيهات عقارية
لا تخدع نفسك بفكرة بيت العمر -
الأستاذ/ سعد بن زيد الشايقي
يتحدث مقطع لا تخدع نفسك بفكرة بيت العمر عن الوهم الذي يبنيه الشخص في داخله بإسم بيت العمر .
رابط المقطع
• توجيهات عقارية - لا تخ...
نتمنى ان يكون المقطع مفيد للجميع،،، وتقبلوا تحياتنا
رابط حسابات #الشايقي_العقارية في وسائل التواصل الاجتماعي
linktr.ee/alsh...
الشايقي العقارية
“نحو خدمة عقارية مميزة”
موقع المكتب
goo.gl/maps/Ld...
رقم المعلن 2552992
رقم الترخيص 1010195482
#الشايقي_العقاريه
#سعد_الشايقي
كلامك عميق .. جزاك الله خير.. صادق والله ومايفهم كلامك الا الناس الواعية
كلامك عين العقل، الله يعطينا من فضله ،ويغنينا عن سؤال خلقه، ويرزقنا شكره.
جزاك الله خيرا. حقيقه اكثر كلام اسمعه بيت العمر. زي. العذر لشراء او تملك
كلام منطقي و موزون و انا من زمان و انا اقول الدنيا متهالكه الا العقار سعره فيه اكييد البيت يبي له صيانه بعد فترة و ارتفاع الرسوم للماء و الكهرباء و غيره و لكن كل شخص يعيش على قد قدرته و التوكل و التخطيط اساس لكل الأمور ما معقول ارهن راتبي ٢٠ سنه علشان املك الحينه بيت
اشتر ارض و وفر و اعلاها اخذ قرض شخصي يخلص خلال ٥-٦ سنوات بس قرض عقاري خاصه بالطريقه الجديدة ما يسوى البيت يستوى معا الوقت و اللي ما استوى اليوم يستوي بكرة
أحسنت استاذ وبارك الله فيك على النصيحة الطيبة. اخوكم من العراق
فعلاً تقييد و هم و غم طول العمر إلا من يسر الله أمره
يعطيك العافية يا أبو زيد، والمدح فيك ما يوفيك على مقاطعك التنويرة؛ لخبرتك في ميدان العقار.
كلام منطقي وعين العقل ... اتمنى الي ينوي يشتري بيت يعرف امكانياته قبل لايورط نفسه وعياله باختصار (مد لحافك على قد رجولك)
صدق والله
شريت شقة في الرياض من سنة ونصف والحين أشعر بضغط مادي لا يعلم به إلا الله.
الله يفرجها علينا وعلى كل مسلم.
ياخي أشكرك على الطرح أنت تحب لناس الي تحبه لنفسك أسئل الله أن يبارك فيك ويبارك في أبنائك ويرزقك خير الدنيا والاخره وبنسبه لي أنا لازلت انتظر منتجات الأسكان في منطقتي تبوك 💐
والله شفت لي مثال حي لأحد الزملاء شرا له منزل وما يصفى من راتبه الا 4 آلاف ويعاني من ظروف مادية صعبة
كلامه سليم والله شوفني تورطت ومعي طليقه ونفقه تأخذ مني وبدايت الشهر وانا مطفر ولكن الحمدالله❤
جزاك الله خير نصيحة بماء الذهب
جزاك الله خير على الطرح المفيد والمفصل
بيض الله وجهك، كلام أختصر الكثير، نفع الله بك يابو زيد.
جزاك الله خير.... وصدقت وصارت معي.... ولا حول ولاقوة الا بالله العلي العظيم
صدقت وكلامك في الصميم
جزاك الله خير
الله يجزاك خير وجعل الله لك الجنة لك و والديك
اصدق انسان وربي، كنت بنفس الفكر وتعبت نفسيا وربي مقدر اشتري بيت الحمدلله بس على نعمة الصحة
أسأل الله العظيم أن يحفظك يا بوزيد
كل يوم تنورنا بشي جديد
والله كلام عين العقل... جزاك الله خير
والله كلام مليان حكم ومصداقية
بيت العمر في الجنه وليس في الدنيا
اشكرك جدا منك نستفيد كل يوم معلومات قيمه
ولدك عبدالله شرف من اليمن
كلام جميل .. صدقت
الله المستعان ولاحول ولا قوة الا بالله الله يهدي الجميع ويفكهم من شر البنوك وشر القروض الي خربت حياتهم وبعضهم يمكن في عز شبابه
بعطيكم حل سريع
إذا اجارك بالشهر ٢٠٠٠ ريال بالسنة ٢٤٠٠٠ الف
طيب ممكن تحصل وحده او دبلكس صغير او شقة يصير القصد ٣٠٠٠ ريال
لاتفكر بفوايد البنك فيه دعم من الدوله بيساعدك
اشوف انه افضل ازود الف ادفع ٣٠٠٠ الاف ريال ويكون البيت لي
وفي حال الوفات بعيد الشر يسقط القرض عن اولادك تصير امنت عيالك
الدنيا تركض متا تبي تبي تتخذ القرار إذا صار عمرك خمسين وصارو عيالك كبار ويبون سيارات والبنات بيتزوجن اجزم والرزق على الله اهم شي لاتكبر اللقمة تغص خذ شي مناسب للدخلك❤
جزاك الله خير
أي نعم كلامك صحيح أنا متورط واخذت نغمة العمر من شركة سهل للتمويل العقاري ومره زاد مؤشر الفايدة السايبر والبيت متهرهر بالغش بمواد البناء ويوم اعترضت وقلت خذو البيت ماابيه رفعو ضدي ورقة السندلامر
جزاك الله خير، اتفق معك
كلام انسان متزن خبرةةة جزاك الله كل خير 💙💛
اللي يبغى بيت ومو قادر يحسن وضعه الحالي ويحاول يجيب كاش يشتغل شغل ثاني يستثمر جزء من راتبه شهريا يسعى بجهده ووقته.
جزاك الله خير وبيض الله وجهك
ما ابغى سيارات فخمه وسكني مضيق على نفسي بالسكن.. ماتهمني السيارات... الظاهر هي ترتيب اولويات.... السيارة كماليات
والله اني متقاعد ولا شريت ارض ولابنيت بيت ولا فكرت في هذا المشروع الوهمي
ياعم حمزة استاجر براتبك شقه مفروشه كهرب ومويه عل المؤجر وفكك من القروشه
وبعدين انت متقاعد اش مقعدك في المدن المكلفه مثل الرياض وجده والشرقيه
رح في اامدن الصغار القريبه من مدينتك اجار رخيص ومافيها الا انت وبدر الدين البنقالي صاحب البقاله
ووفر راتبك كل واشرب منه واستمتع بحياتك
قال بيت العمر قال اغلب الناس الي بنو بيوت العمر مهجورة مافيها احد الاولاد كبرو وتزوجو ولا توضفو وتركو بيت العمر الي اغلبهم لازال يسدد مديونياته بل ان بعض الناس بنا بيت في ديرته بمئات الالاف وتركهه وراح يستأجر في الرياض ولا جده
@@Okl99-t4g يا شيخ الله يسعدك انت وبدر الدين 😂😂😂😂😂😂
ايه والله انا غامرت وهذا انا نادم الله
الله يجزاك خير على النصايح الي يستفيد منها الشخص و ممكن تخليه يتفادى مشقة سنوات،،، التوعية التوعية لا بارك الله بالجهل
يأتي الشيطان بخدعة ( بيت العمر) في هيئة الناصح ( إني لك من الناصحين) ويزين لك الشيء الجميل فيه: جمال المنزل، وجديداً، وكلُ شيء يلمع، ويجعلك تعيش في إطار( بيت العمر) وكأنّك فيها خالد، وكأن المعطيات التي في نفس الوقتِ باقية، وينسيك ويجعلك تعمى وتغفل عن السنة الثانية والخامسة والرابعة، والديون المتراكمة، وتقادم المنزل، ورحيل الجيران، وعندما تشعرُ وتفهم خدعته، ويبدأ خروج الجيران من حولك، وتشعرُ بالقهر وقتها من القهر الذي أصابك، ولذا فإن رغبتَ أن تشتري منزلاً فاستشر شخصا فاهماً في العقار، وفي المال، وفي الحياة، وصدق الله( إن خير من استأجرتَ القويّ الأمين)، فكبّر عقلك باستشارة من هو أعلم وأحكم وذو خبرة بالحياة. ياهلا
مبالغ هو صح مو معقولة واحد راتبه قليل يجي ياخذ فله قروض لكن لابد شخص يمتلك بيت ولا يعيش متنقل متجول بين العماير وبعدين ترا بخصوص تقادم البيت اذا كان بناءه جيد وباشراف هندسي وكل شيء تمام احتمالية ان يصبح البيت غير قابل للسكن خلال حياتك ضئيلة جدا وشوف البيوت الي عمرها 40 و50 سنة صح قديمة صح الاجار فيها بيكون ارخص لكن كثير منها قابل للسكن مع الترميم طبعا
رحيل الجيران وخروج الجيران؟؟ وش دخل الجيران فالموضوع؟؟؟ تكلم زين ولا اسكت
لا علاقة للاية بما طرحته لاتعبث بالايات على هواك
انت ( النذير العريان ) كما في قصة الرسول عليه الصلاة و قومه 👍🏼🧡
عشت جزاك الله كل خير
أؤيد كلامك... انا اشوف الواحد يحط ٧٥٠ الف في الأسهم استثمار وليس مضاربة.. تعطيك ٦٪ تقريبا ٤٠ الف ريال.. هذه تجيب لك أفضل دور في فيلا في جنوب ووسط الرياض ولو فيه تسريبات تدق على المالك يجي يصلح و راتبك كله لك بدون المعيشة في فقر ٢٠ أو ٢٥ سنه
ممكن اتواصل معك؟
@@rm6436
تفضل
اشتر بيت قديم واجر وبعد كم سنه اشتر اخر سوف تلاحظ انك بدل تنتظر 5 سنوات سوف تشتري كل سنه ابحث عن البيوت القديم اسعارها من 250 الى 350 الف واذا ماتقدر شف شريك وثق عن محامي
اتفق معك تماماً وتفكيري بنفس تفكيرك ولكن ضغوط الزوجة والوالدين مع ذلك الى الان ما تسرعت الحمد لله وما عاد افكر اكثر من شقة لان اسرتي قليله وما ابي اكلف نفسي شي ما اطيقه
ربنا يكرمك يارب على النصيحة
صحيح المشكلة في تفكيرنا اننا نضخم من بيت العمر وهو راح يجيب لك الضغط والسكر ولهم والغم وراح تقلل من صرفك على اهل بيتك وابنائك بحجة بيت العمر الواحد راتبه مايتعدى عشر ويبغى ارض مساحتها فوق الا400 او 500 وفي حي جديد وراقي وباقي يبنيها يعني بيصرف فوق 2 مليون واغلب راتبه بيروح في القصد ويقصر في حق نفسه وحق عياله بسبب الفشخرة الكذابة صحيح الكل وده يكون له ارض وبيت لكن اذا ماعندك القدرة لا تضغط على نفسك والافضل زي مايقول المثل مد رجولك على قد لحافك كثير منا عنده القدرة انه يشتري شقة اربع او خمس غرف في احسن مشروع تعيش فيها انت وأهلك ونفس الوقت مايروح راتبك في القروض بسبب بيت العمر او يجيك واحد يقولك شقة ماتنفع بكرة النهار عيالي وين يسكنون ياخي انت منت مسؤول انك تأمن لهم سكن اذا عندك القدرة الله يقويك بس انك تضغط على نفسك بديون وتعيش حياتك بهم وغم ماينفع في نظري وكل واحد ورايه
كلام في الصميم
والله اني سبحان الله الوالد
متوفي من انه صغيره والوالده كذلك وانا عامله الحمد لله وزوجي كذلك لاكن تنقصنا النصيحه ومانعرف نتصرف بفلوس شغلنه
وانا ابحث عن شخص مثلك والله اني استفدت
الله يحفظك لاهلك وعيالك
لدو للموت وابنو للخرابِ
فكلكم يصير إلى ذهابِ
لمن نبني ونحن خلقنا من تراب
نعود كما خلقنا من تراب
ومالي ي دنيا لا اسومك منزلا الا نبابي
بارك الله فيك
زملاء العمل كثير منهم شراء بيت وهو توه متزوج راتبه ٩٠٠٠ البنك ياخذ ٥٨٥٠ المده ٢٠ سنه البيت يبعد عن العمل نصف ساعه ومنطقه معزوله ولايوجد خدمات مدارس مستوصف وغيرها والله يعينهم .
فيه شخص كان ينصح يااخوان اشور عليكم من تجربه اشترو اراضي باي محل وتكون رخيصه ب ١٥ او ٣٠ او ٥٠ حتى في القرى
والافضل مجموعه تشاركون بمبلغ مثل ١٠٠.٠٠٠ على كل واحد ولي عنده اكثر يدخل مساهم العدد مايتحاوز ٥ الى ٦ اشخاص وكل شي موثق عن محامي والي عنده طرف ويبي يخرج يبيع على مساهمين بسعر سوق . المهم شراء البعض ب15الف وباع ب330 الف ولي يشتري ربع بيت
والله اني شفتها بعيني واحد من اكبر التجار عنده قصر من البذخ طالب كل شي من برى تشطيب كامل. وبس قعد شهرين باعه والحين مآخذ فله ٣٠٠ متر بالحمراء وكان يملك مولات وشركة كبيره قبل يبعها على الحكير لذلك كثر البحبحه الكذابه ميب زينه ٢٠٠ متر وعساك تلقى اصلن الحين
الله يجزاك عنا الف جزاء
قلبت المواجع
الراتب ٦ والقصد ٤
ليتنا اثثنا بعد ( على البلاط وحياتك 😅)
🫏🫏🫏🫏🫏🫏🫏🫏
اتفق معاك تماما. مو منطقي إني آخذ قرض قسطه ٦٠٪ من راتبي ٢٠سنة وهو يادوب أصلا يكفي. أصلا كيف الحكومة تسمح بكذا؟!
ممكن تقول لي مين افضل شركة عقار في الرياض ؟ من جميع النواحي و خاصه الهيكل العمراني و الحديد و الصبه و البلوك و احترافيتهم و امتيازهم في البناء ؟
ناويه اشتري عماره او فيلا او شقه (بيت العمر) و اتمنى تساعدني في الاختيار الله يوفقك و يسعدك ؟
والله معد ندري وين الصح " تجلس تدفع ايجار سنين تحسه برضو. غلط. تشتري بيت العمر تجلس فقير ٢٥ سنه ولا لقينا. حل. حتى المبلغ حق الصندوق العقاري ال٥٠٠ الف. للاسف ماتجيب حتى شقه الشقق بالشرقيه واصله ٨٠٠ الف ودنا في توجيهه يكون بدراسه متقنه بشرط الا يحط الدراسه مايكون عقاري .
إذًا قادر تشتري عمارة افضل من البيت وشقه العمارة دور الاول ايجارات المحلات يعني نقول أربع محلات وكل محل ايجاره بسنه من 15 الف الا 25الف وثاني اسكن فيه
اتفق معك والله شتات للذهن .. لكن احذر توقع على شقة تمليك لين تعرف انك قادر توازن راتبك وتقدر تجيب دخل ثاني والا لاتوقع
ليش الإيجار غلط .. اللي يدفع إيجار يدفع قيمة المنفعة وهي السكن .. ليست كل الأشياء المدفوع فيها مادية محسوسة قد تكون منفعة مثل السكن ..أو العلاج ( خاصة العلاج الطبيعي أو العملية الجراحية - سلمكم الله - ) جميعها ندفع قيمة المنفعة ولا يوجد شي مادي محسوس
@@hhdowsari2008 غلط انه يقعد طول عمره ايجار وهو عنده امكانية ولو 10 فالمية انه يسكن في ملك تقول ليش اقولك الايجار ينفع لو متغرب في مدينة فيها عمل لكن لابد بيت يا يكون في مدينتك التي تعمل فيها او ديرتك اقلها يوم تتقاعد ولا عندك دخل وراتبك بيكون في الحد الادنى كمتقاعد اغلب المتقاعدين رواتبهم على 3000 و 4000 هل سيتطيع حينها استئجار منفعة السكن او الافضل يمتلك منفعة السكن هو بهذا الراتب يالله يغطي الاساسيات والايجارات من 1500 وانت طالع طبعا فالشقق النظيفة والقابلة للعيش بشكل ادمي
يرجال انا متقاعد مافكرت ابني بيت اش لي والديون والقروشه مستاجر مرتاح ولابغيت ديره اروح استاجر فيها ولا اربط نفسي بديرة معينه ومنزل معين وجيران معك طول العمر غير الديون والقروشه والتطفيره كل شهر متقاعد راتبي ينزل لي كامل ويعيشني باأريحيه تامه وانت سألت عن حل
انا اقلك الحل الافضل اشتر أرض كاش
وابنها من راتبك حبه حبه
اذا تقدر ماتقدر فالحل الامثل ايجار لانه يعيشك الايجار استقرار مالي
الحل الثالث شراء شقه منتهي بالتمليك بشرط مايتجاوز قسطها الشهري ١٦٠٠ شهريآ
الاسعار عالية جدا
لذلك ابق في ايجار افضل من هذه الأسعار الغالية
صدق المباني كلها غش في غش
الافضل شراء الارض والبناء الذاتي
ما فهمت لكلامك تقول ابق فالاجار بعدين بناء ذاتي هو افضل الواحد ياخذ بناء ذاتي يبني اساس ودور فقط وبعدها يسكن واذا يبغا دور زيادة ولا دورين هو فبيته ما يدفع ايجار
❤❤❤يوم لا ينفع الندم
الحمدلله اني ما سمعت نصائحكم واخذت عن طريق البنك … والله اني مقتنع واني ارى نفسي محظوظ ولله الحمد .
نفرض جدلا اني لا اريد ان اكمل اقساط البنك واتنازل عن المنزل او أبيعه … وأقسم بالله اني ربحان وكسبان ، اولا سعر المنزل يصير مرتفع كذلك انت حاط بجيبك مبلغ طيب اكيد .. العقار في ارتفاع ، العقار يمرض ما يموت … والله اني انصح من يستطيع الشراء يبادر واتركو عنكم التنظير والفلسفه ، اهم شي نسبة او هامش ربح البنك فقط ، غيره لا تتردد واتركوا عنكم النصائح التي ظاهرها إيجابيها وباطنها سلبيه مدمره .
ونفرض جدلا ايضا اني تركت نفسي سبهللا هل اني بحقق شي هل بانجز شي مستحيل .. خابور ٢٠ سنه ولا مستقبل مجهول . انتهى
ايش تقصد ببيت العمر؟ يعني مايشتري الواحد بيت حتى لو كان بيت عقد حاله؟ الفكرة من شراء بيت هي ان بدل ماتدفع اجار بيت 15 سنة وتطلع بالاخير منه وهو مش ملكك، تشتري بيت تقسيط على 15 سنة وبعد 15 سنة حيكون البيت الك.
قاعد افكر اجمع ٤٠٠ الف واقسط المتبقي على ١٠ سنوات مستحيل اقبل اقساط لمده ٢٠ سنه
اخوي اذا تكرمت
اذا عندك استوديو
صغير مع دورة مياة
وسعر مقبول وشراي
وصامل
استطيع بفضل الله وحده شراء فلة بمليونين
لكن ماني مجنون ادفع 65% من راتبي اقساط 25 سنة
الان ابحث عن شقة بـ 600 الف ، ومقدم 20%
يعني القسط بيكون 20% او 15% اذا شاء الله وحده
جزاك الله خير الجزاء اخوي على نصيحتك لاخوانك
احسنت
مثلا اذا تملكت شقة ب ٥٠٠ الف وبغيت ابيعها بعد سنوات .. وش استفيد اذا قسط العقار مستمر ومبلغ الشقة بيجيب نفس الشقة او ارض للاستثمار .. ودي افهم اكثر عن العقار
كان من بينهم ابي الله يرحمه غرق في دين البيت
اابيوت غاليه
كلامك جميل، لكن هل تعتقد انه الواحد يدفع ايجار و يتحمل مؤجر يرفع عليه الايجار كل فترة و تذهب فلوسه في الهواء ،،
احد اقاربي خلال 11 سنة ايجار و تنقل بين شقق الايجار دفع حول 300 ريال ايجار هذا غير نقل الاثاث و اثاث جديد يعني خسارته بين 400-500 الف ريال راحت ادراج الرياح لمؤجريين كبروا ثروتهم من اقساط ايجارك ،،
مشكلتنا فعلًا فكر الواحد يبغى ياخذ اغلى فيلا و لازم فيلا و لا يرضى بالشقة و لازم حي راقي ،،
المفروض انك تاخذ بيت لا يزيد عن قسط ايجارك السابق او يزيد قليلًا فقط لا غير ..
طيب ايجاري حاليا 26 الف يعني القسط 2166 وين احصل شقة تمليك قسطها كذا لين اخلصها
اتفق معك من ناحية انه لابد الشخص يمتلك بيته لكن بخصوص قريبك اولا المؤجرين ماهم ملاجئ خيرية اكيد بيرفعون الايجار على حسب التضخم وعلى حسب السوق ما حنا في دولة شيوعية او اشتراكية يكون الاجار ثابت ومحدد من الدولة ثانيا بخصوص انه دفع حول 300 الف اجار ماهو هذه منفعة اخذها خلال 11 سنة ساكن في شقق بمتوسط اجار حول 27 الف في السنة اما بخصوص الاثاث الجديد او نقله هو الاثاث منقول وهو ملكه فعلا ايش حطيته ضمن خساير الاجار هل المؤجرين قالو له لا لابد تجيب اجار جديد معك عشان تدخل الشقة ؟؟؟؟؟
اعوذ بالله من بعض العقاريين يقدر الشقه التي بناها كانها مرصعة بالذهب والجواهر غلاء فاحش والمساحه لا تصلح الا لزوجين عقيمين وممنوع من الضيوف
بالعكس الحي الشعبي احسن من الاحياء الكئيبه
طيب وين الظمانات النظاميه ياخي والكود السعودي خوفتنا الله يهديك
المصيبة في البنوك الربوية
طيب اللي اخذ خلاص سكن لكن باقي ماسكن بقسط 5500 هل يستمر او يلغي وينسحب :)
طيب وش السوات؟ وين الحل؟؟؟؟
علم الحريم
طيب غصب وش اسوي اسكن بايجار لازم اشتري
الدولة ماعطونا غير هالشروط لكن انا معك بالفخفخه اللي مالها داعي احرص على وجود شقق تاجرها بالحفله وتساعدك شوي
الشيطان يعدكم الفقر ويأمركم بالفحشاء
شكلك راعي عقاار وشقق تأجير 😂
طيب وش الحي يامسلم
💟
هل لازلت عند اقوالك ؟؟
كل من الحريم تسمع كلامها وتبلش
صاحبي يبغى يشتري بيت 500 الف بيدفع مقدم 50 الف راتبه تقريبا 10 الاف زواجه قريبا بيدفع تقسيط لمدة 25 سنة 2500 ريال شهريا. ايش تنصحه؟؟؟؟؟
راجعنا بعد ٢٥ سنه
2500 في الشهر معقولة جدا خصوصا لعريس جديد من وجهة نظري يتوكل على الله ويشتري
يعتمد على الشخص نفسه و الضروريات عنده و هل سيسكن الشقه له او استثمار و ايضا هل راح يتحمل القسط حوالي ٢٥% من دخله و يعتبر معقول و وقت انه يستطيع السداد مبكر يسدد معقول
السلام عليكم ورحمه الله وبركاته
مع احترامي لك كلامك مو واقع لانك ماخضت التجربه مجرد فاتح تسجيل فديو وتصور وتتكلم وحتط موضوع شيق عشان متابعات ومشاهدات
ياخوي انا من الناس اللي اخذت قرض عقاري وشريت بيت الحمد لله
اول نقطه مهمه ان مايجيك راعي عماره يدقدق عليك عطني الايجار .
النقطه الثانيه يعني ان بقيت مستاجر هل هذا هو حل يعني بوجهه نظرك انا 15 سنه مستاجر عطيت راعي العماره مايقارب اكثر من 300 الف وبيوم من الايام قالي ولدي بيتزوج يابو حور بالله فضي لنا الشقه وبنفس الوقت 300 الف راحت كذا وانا ماملكت بلكه وحده بالعماره ولا امنت عيالي بغرفه .
ثالثا اذا تملكت بيت عن طريق البنك بفوائد مايضر كانك مستاجر ياخوي وبالاخر شي ملك لك وانت عايش وبعد طوله عمر ان شاء الله بعد مماتك لعيالك
رابعا اكبر دليل على انك طرحك مو صحيح ولا يمس الواقع اغلب الناس تندمو انهم ما اخذو الدعم الاول اللي راح عليهم ب500 الف والان اصبح الدعم 150 الف . وشكرا اتمنى تراجع نفسك فمان الكريم الله يوفقنا وياكم
يا سمي ، اول شيء الله يبارك لك في بيتك ، الشي الثاني اذا صاحب العقار يدق عليك عطني الايجار فالبنك اصلا يسحب منك القسط بدون يكلمك اساسا . محد مسكنك بلاش ايجار او ملك .
العقبة الكبرى هي في الراتب فقط . اذا راتبك يغطي وما عندك التزام اشتر وانت مغمض . اما راتب اقل من 8000 و تورط نفسك وتقعد في فقر لا تسافر ولا تونس عيالك انا ضدها تماما .
فهي بالنهاية تعتمد على دخلك
خازوق العمر 😢
مع احترامي لك كلام مجانب الصواب اذا شريت انا بيت ٧٠٠ الف مثل ماتقول اكيد ابي اخذها من البنك وتنتهي بعد ١٧ سنه وكيف تبي تجمع .وقيمه ال ١٠٠٠ ريال اليوم ماهو نفس بعد ١٠ سنوات .خفو علينا بالمثاليه . ياخي انا سكنت ١٠ سنوات بايجار كل ما اثثت مجلس زين يجيك راع البيت ويقول انا محتاج الشقه عقدك سنه ومع السلامه . والله ما ارتحت لين خذيت بيت لو يضغطني العمر مره ...واللي تقول عقارات وجالس في شقه انا اعتبره محروم . او لا احد يجيه ولا يجي احد حاله بحاله ..كل كلامي ماهو استنقاص والله من احد لكن الله براتب غير التاجر
ابعدوا عن شراء بيت اني لكم من الناصحين
جزاك الله خيرا..
اتفق معاك تماما. مو منطقي إني آخذ قرض قسطه ٦٠٪ من راتبي ٢٠سنة وهو يادوب أصلا يكفي. أصلا كيف الحكومة تسمح بكذا؟!