Bek Peubandeng Bandeng ( Jasa Nabi ) || Kasidah Aceh || By Shautul Fata

BEK PEUBANDENG-BANDENG
{{{ JASA NABI }}}
Beek Peubandéng-Bandéng (2x)
Tan Soe Saéng Jasa Nabi
Tan Na Soe Yang Laén
Yang Ék Tandéng Sifeut Nabi.. (2x)
Reff...
Aleeh Pakën Lêo Ka Rutën Manusia
Dijeut Caci Dimaki Hina Agama
Rukôn Iseulam Jinoe Tan dihargai
Dipeugah Dali Hana Logika
Aleeh Peu Bala Keuneuk Tuhan Bie
Aleeh Peu Dali Geuneuk Peunyata
Acie Tilék Beulisék Cie Neukalën Krie
Trok Bak Keu Nabi Diteujeut Hina
Martabat Rasul Leubeeh That Tinggi
Tuhan Ilahi Sabé Neujaga
Hana Yang Kureung Bak Sidroe Nabi
Tan Meusitali Aeb Ngön ceula
Reff..
Sangkira Hana Nabi Geutanyoe
Teuntee Alam Nyoe Tan Tuhan Peuna
Saboeh Riwayat Meunan Hareutoe
Asai Alam Nyoe Bak Nur Sayyidina
Adak Rayêok That Jasa Ditanyoe
Paléng Lam Nanggroe Peusahoe Bangsa
Jasa Di Nabi Kën Saboeh Nanggroe
Saboeh Alam Nyoe Geutanom Jasa
Nabi Peuturie Allah Sidroe Poe
Geurhueng Geutanyoe Dari Nuraka
Geubela Ummat Di Uroe Dudoe
Pat Leubeeh Tanyoe Deungön Sayyidina?
Reff...
Yôh Jaheliyyah Dilee Saboeh Droe
Jeuheut Kën Bagoe Dum manusia
Meunyoe Yang Lahé Sinyak Cut Putroe
Malee Ngön Rangöe Aeb Leupah Na
Hudép-hudép Aneuk Ditanom Keudroe
Nabi Geutanyoe Beudëh Tueng Bila
Tuntut Hak Hudép Keu Sinyak putroe
Di Ateuh Bumoe Hak Hudép Sama
Hudép Seutara Putra Ngön Putroe
Lagee Neuduek Droe Kodrat Manusia
Nyan Ileumé HAM Nabi Phon Peurnoe
Trôk Bak Geutanyoe Ta Poek-Poek Dada
Meunyoe Yang Inöng Dum Dipoh Maté
Soe Loem Peulahé Ummat Manusia
Meunyoe Kën Nabi Yang Tulông Dilee
Langgôi Meukondé Han Meuteumê Bangga
Cipta :
Fakhruddin Al Yusufie
Voc : Shautul Fata
Video/Audio : Muda Berkarya Sound System
#Kasidah_Aceh #Bek_Peubandeng_Bandeng #Lagu_Aceh #Bek #Peubandeng #Bandeng #Jasa #Nabi #Jasa_Nabi #Shautul_Fata #fakhruddin_al_kautsar