Lasgush Poradeci, Ju më lini të flas unë...

Këto inçizime janë kryer para 40 viteve nga miku i poetit Thoma Angjele, i cili vinte shpesh tek unë për ti ri-dëgjuar këto materiale.
Kishin kaluar shumë vite dhe me evoluimin e teknologjisë, unë i sugjerova që ti hidhte në formë digjitale pasi shiritat mund të dëmtoheshin. Ai ra dakord, por megjithatë nuk mundëm ta kryenim pasi ai u largua me familjen në Greqi.
Disa kohë përpara se të ndahej nga jeta, këto inçizime në shirit, ja dërgoi dhe besoi piktorit të njohur poradecar Anastas Kostandini(Taso), me dëshirën që të ruheshin por edhe të digjitalizoheshin.
Këtë gjë Taso ma besoi ta bëja përsëri une dhe u krye digjitalizimi në 3 kopje CD.
Me aprovimin e mbajtësit të këtij materiali dhe me dëshirën e mirë që këtej e tutje të mund ta dëgjojë kushdo, sollëm këtë material të rrallë me ‘’Zërin e poetit’’ .
©️ Sotiraq Gusho
20.07.2023