صاحبي يعقوب بوشهري - كلمات : فيصل | اداء فيصل المداريه | ( خالديات ) 2025
Вставка
- Опубліковано 5 лют 2025
- كلمات فيصل اداء فيصل المداريه
أفتح زراري واعرّض صدري لبرد النسايم
لي شهر ذيب الهموم اللي عدا بالصدر عاوي
لين شفت اللي عليه المدح فاع لياه قايم
هيبته تسبق حضوره في ميادين العزاوي
كمّ ألي وانا عن الامداح يا يعقوب شايم
وانت تستاهل ولك صاحب لميقافك فداوي
صاحبي يعقوب بوشهري ووقفاته قدايم
يبشر ببشت المديح اللي بكتفيه متساوي
من وطن دار الصباح اهل الفعل واهل العظايم
لين دار أخوان نوره مزبن كبار الدعاوي
وسعوا صيهد منيف ولا تذبّون الخرايم
جايزة شلفا ولي العهد للنجم السماوي
جاء بوضحٍ تضرب خطاها على روس الغنايم
خالدياتٍ مايقناها مع العربان شاوي
ياهل الوضح النوادر بين بياعٍ وسايم
أستريحوا لا تجون ألا على عدٍ رهاوي
كنها غرّ السحاب وروسها دلخٍ … عدايم
هذي العِينه تشوق البدو وتشوق المهاوي
صاحبي طيّب وطيبه له على الساحه علايم
دون حسكات الوبر بـ المال ماواللْه ياوي
مثل ما يرهج حضوره ساحة الاعلام دايم
جاكم اللي يرهج الميدان بكبار الهقاوي
لو تناخون القريب ولوّ تطشون العمايم
جيّته تقلب موازين القوى والله قاوي
هيلعٍ يرهي على الامجاد في وقت المزايم
مالكم معهْ معشّى لو تحثّون الخطاوي
جاء بهيبة راس الاكوخ يوم ساعات الخصايم
وارتكى للكايده كنه شليوح العطاوي
ان سبح حوتٍ ضرب بحر الخليج وجاك عايم
وان رِكض رَكض الاصيل اللي على الاول شفاوي
وان كفخ كفخت عقابٍ في علاوي نجد حايم
وان برك شال الحمول الين تاصل للحراوي
له على كبود الخصوم ليا طغت جرح ووسايم
ماقناها غير مشعوفٍ على الاول حَماوي
دونها الدينار يضرب عاتقه من قلب هايم
في هوى طوال الرقاب مدلّهة قلب الشقاوي
معه جمهورٍ يدك الارض ويمدّ الهزايم
لليدين اللي تبا تاخذ عشى الحر النداوي
يا سيف السلام عليكم ورحمة الله وبركاته
نطلب ب حذف مرثيت صالح بن خلوي
صح السانك وصح صوتك 🎉🎉🎉
بأذن الله الأول ☝️
😂
ليه تضحك؟