swarna pusthaka sammana 2024|ස්වර්ණ පුස්තක සම්මාන |හොඳම නවකතාව-ස්වර්ණ පුස්තක සම්මාන දිනූ පොත්
Вставка
- Опубліковано 11 лют 2025
- සිංහල නවකතා කලාවට පිදෙන ප්‍රකාශක උත්තමාචාරය ස්වර්ණ පුස්තක- 2024 සම්මාන උලෙළ සහ ප්‍රාසාංගික කලා මංගල්‍යය කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී අති උත්කර්ෂවත් අන්දමින් පෙරේදා (14) පැවති අතර එහිදී හොඳම නවකතාව ලෙස ස්වර්ණ පුස්තක සම්මානය හා රුපියල් ලක්ෂ හත හමාරක චෙක්පත විරාජිනී තෙන්නකෝන් විසින් රචිත “කැමෙලියා” කෘතියට හිමිවිය.
ඉන්දියාවේ දකුණු ආසියානු විශ්වවිද්‍යාලයේ සමාජවිද්‍යා අධ්‍යයන අංශයේ ප්‍රධානී මහාචාර්ය සසංක පෙරේරා මහතාගේ ප්‍රධානත්වයෙන් සම්පත් බැංකුවේ කළමනාකාර අධ්‍යක්ෂ අයෝධ්‍යා ඉද්දවෙල පෙරේරා මහත්මියගේ සහ කලාකරුවන් රැසකගේ සහභාගිත්වයෙන් මෙය පැවැත්විණ. මෙම උලෙළ සංවිධානය කරන්නේ ශ්‍රී ලංකා පොත් ප්‍රකාශකයන්ගේ සංගමය විසිනි. මෙය 18 වැනි වරටත් සංවිධානය කර තිබිණ. 2023 වසරේ ප්‍රකාශයට පත් කරන ලද නවකතා පොත් 119ක් අතරින් මෙම තෝරා ගැනීම් සිදුකරන ලදි.
එමෙන්ම 2024 ස්වර්ණ පුස්තක අවසාන වටයට නිර්දේශ වූ “කැමෙලියා” නවකතාවට සහ එරික් ඉලයප්ආරච්චිගේ “තිවංක කතාව”, මහින්ද ප්‍රසාද් මස්ඉඹුලගේ “මැයි මාර ප්‍රසංගය”, මලික් තුසිත ගුණරත්නගේ “සිල්වර් ටිප්ස්”, ලියනගේ අමරකීර්තිගේ “කැරලිකාරයෝ” නවකතා ද මෙහිදී ඇගයුමට ලක්වූ අතර එම කෘතීන් සඳහා ද රුපියල් ලක්ෂය බැගින් චෙක්පත් ප්‍රදානය කෙරිණ. මෙම ග්‍රන්ථ සඳහා සම්මාන තිළිණ ප්‍රදානය පොත් ප්‍රකාශකයන්ගේ සංගමයේ හිටපු සභාපතිවරුන් වන ආරියදාස වීරමන්, එච්.ඩී. ප්‍රේමසිරි, රංජිත් සමරනායක, උපාලි වනිගසූරිය, විජිත යාපා යන මහත්වරුන් විසින් සිදු කරන ලදි.
මෙම කෘතීන්ගේ ප්‍රකාශන ආයතන වන සරසවි ප්‍රකාශකයෝ, ඇස්. ගොඩගේ සහෝදරයෝ, සන්ථව ප්‍රකාශන, සූරිය ප්‍රකාශකයෝ, විදර්ශන ප්‍රකාශන මෙහිදී ඇගයීමට ලක් කරන ලදි.
එහිදී ප්‍රධාන ආරාධිත දේශනය කළ මහාචාර්ය සසංක පෙරේරා මහතා -
“අපේ ප්‍රකාශන, රචනා ලංකාවෙන් පිටතට රැගෙන යා යුතුයි. කලාපීය ප්‍රකාශන අවකාශයකට තමයි අප අපේ කෘති මෙරටින් පිටතය රැගන යන්න තිබෙන්නෙ. එහි පවතින තත්ත්වයන් පිළිබඳව අපට අවබෝධයක් තිබිය යුතුයි. අද සම්මාන ලබපු පොත් කොහොමද අප ලංකාවෙන් පිටතට රැගෙන යන්නෙ. අපේ රචකයන් මේ වන විට අග්‍රගණ්‍ය කෘති නිර්මාණය කරන බව පිළිගන්නට වෙනවා. හැබැයි ලෝකයා කොහොමද මේවා කියවන්නෙ. අපට ඒ සඳහා උනන්දුවක් තිබෙනවා නම් ඒ සඳහා ක්‍රම තිබෙනවා. අප ඒ සම්බන්ධයෙන් වැඩි පිළිවෙළක් ආරම්භ කරමු. එහෙම තීරණයකට පොත් ප්‍රකාශකයන් එනවා නම් ඒ සඳහා මගේ සම්බන්ධතා හරහා සහයෝගය ලබාදෙන්න කැමැතියි. කෘත්‍රිම බුද්ධිය සමඟ අප මේ වන විට කටයුතු කරනවා.”
ශ්‍රී ලංකා පොත් ප්‍රකාශකයන්ගේ සංගමයේ සභාපති සමන්ත ඉන්දීවර සමරසිංහ මහතා -
“මෙවන් සම්මාන උලෙළක් පැවැත්වීම එතරම් පහසු කටයුත්තක් නොවේ. ලේඛකයන් සහ ප්‍රකාශකයන් කියන්ගේ ගහට පොත්ත වගේ”.
“කැමෙලියා” නවකතාවේ කතුවරිය වූ විරාජිනී තෙන්නකෝන් මෙහිදී ප්‍රකාශ කළේ මෙම සම්මානය පිරිනැමීම ගැන තමා සන්තෝෂ වන බවත්, සම්මාන මඟින් නිර්මාණ වෙහෙස නිවාලීමක් සිදුකරන බවත්ය.
ස්වර්ණ පුස්තක සම්මානය හිමි කර ගත් “කැමෙලියා” නවකතාව රචනා කළ විරාජිනී තෙන්නකෝන් වෙත සම්මානය සහ මූල්‍ය ත්‍යාගය මහාචාර්ය සසංක පෙරේරා මහතා සහ සම්පත් බැංකුවේ කළමනාකාර අධ්‍යක්ෂ අයෝධ්‍යා ඉද්දවෙල පෙරේරා මහත්මිය අතින් පිරිනැමුණි.
#sipdahara #swarnapusthakasammana #2024
