Qezel Efsanelerik bizler (ses) Orxan Dadashov (soz) Sabit Qasim.

Məcnun kimi eşq içrə, əfsânələrik bizlər !
Zəncîr ilə râm olmaz, dîvânələrik bizlər !
Âriflər üçün məna, âşiqlər üçün sevda,
Nâtiqlərə bîhəmta, dürdânələrik bizlər !
Mə'niyə nüfûz etdik, fâş etməyə əsrâri,
Ərbâbi-süxən içrə, şâhânələrik bizlər !
Biz nəfsi əsîr etdik, meydâni-şücâətdə,
Şeytân ilə cəng etmiş, mərdânələrik bizlər !
Zâhid, bizə çox görmə, bir qətrə meyi-nâbi,
Gəl gör necə bîpərva, məstânələrik bizlər !
Dilxəstəyə can verdik, növrəstəyə meydâni,
Çün özgə təmənnâdə, pîrânələrik bizlər !
Bir tâzə qəzəl nəqş et, sevsin şüəra şe'rün,
Sâbit də desin ə'la, fərzânələrik bizlər.
19. 01 .2020 Müəllif: Sabit Qasim