في بحور الشعر ما نشكي عضايل
Вставка
- Опубліковано 29 чер 2024
- في بحور الشعر ما نشكي عضايل
نسبح ولا همنا غبه و عيه
وان طلبنا مثلكم عد المثايل
فالسبوق النادره والعدمليه
له نلبي مطلبه والراس طايل
كيف ارد أشخاص غالينن عليه
لابتي وعيال عمي فالأوايل
كاسبين المجد والسمعة الزكيه
يا سلام الله على شوف الذلايل
لي لهن فالنفس وقع وجاذبيه
في ختامي الريس بحضور القبايل
وكل مالك هجن له عالسبق نيه
شفت ولد المختبر صايل و جايل
واحتمى شوطه بقوه و عنجهيه
و انتزع خنجر يخضع كل عايل
يستحقه راعي الكف النديه
والحذر من بكرتن سوت هوايل
عندها عالفوز طاقه و مقدريه
كن وطي اخفافها مركاض حايل
او بنات الريح في وقعه وهيه
و قاصد الناموس سخرها الوسايل
لجل يهدي مالكه اجمل هديه
يعلكم كل حول في خير وسهايل
سالمين من البلاوي والأذيه
والشكر نثنيه ونطرش رسايل
للجان وكل كفن حاتميه
داعمين الركض وعيال الحمايل
وكل من شارك نوجه له تحيه
والسموحه في نشيدي و المثايل
إن بدر منا زلل ولا خطيه
ياسلام ياسلام.ابيات جزله ومبروك على النوماس لكم جميع
بارك الله فيك بو سامي وتسلم على المرور اللي يشرفني