جيب ليبرتي - لو تعرف قيمتها
Вставка
- Опубліковано 6 чер 2022
- ملخص كل شئ مهم عن سيارة جيب ليبرتي (رينيجيد) بالسوق المصري ، منذ موديل ٢٠٠٢ ل ٢٠٠٧ .
ما لها من مميزات ، وما عليها من عيوب ، وهل هي قيمة عالية مقابل سعرها بالسوق المصري ، وهل هي مناسبة ليك ولا لأ ، وأمتى تشتريها ، وامتى ماتشتريهاش .
وبرغم كل مميزاتها ، اي سبب عدم انتشارها الواسع بسوق السيارات المصري ، وسعرها المناسب ، وأزاي تختارها وتكشف عليها وانت بتشتريها .
#جيب_ليبرتي
#جيب_رينيجيد
#jeep
#jeep_liberty
#jeep_renegade - Авто та транспорт
بكل صدق وامانه..حضرتك خلتني احسم القرار بعد تردد شديد..وفعلا اشتريت رينيجيد 2006 امريكي..احسنت في اسلوب العرض جدا جدا...ياريت تكمل جميلك..وتعمل فيديو تفصيلي داخل السياره عن استعمالها بطريقه صحيحه من حيث فتيس الغرز امتي وازاي..مثبت السرعه..قياس الزيوت..معاني اللمبات في التابلوه.......يعني ايه صيانه دوريه بالتفصيل..ده كله لان اللي اقتني العربيه جديد يجهل بكل ده...ولك جذيل الشكر..
ألف مبروك الله يبارك لك فيها ..، أختيار موفق 👌
أنا تشرفت بوجود حضرتك معانا ، و لن ندخر أي جهد دائما لمحاولة الوصول إليكم ، ومساعدتكم في قرار الشراء ..، شكرا ليك 🙏🏻 .
وحااااضر ...، هانحاول نوفر موديل ٢٠٠٦ بالقناه ، لعمل فيديو تفصيلي داخلي ، مع شرح التعديلات الممكنة أيضا.
طب معلش هي مكلفة في قطع الصيانه
@@asmaahussen8065 تكلفة عادية بس عربية دكر وحش بمعني الكلمة جرار
لو سمحت هو ينفع الجيب اقلبها غاز طبيعى
ارجو الرد
مش أوي ، لكن مكلفة شويا نسبيا لو هانقارنها بالعربيات الصيني مثلا أو الاقتصادية .
عندك حق العربية فعلا اللي بيسوقها مبيعرفش يسوق غيرها وانا بنت علي فكرة 😊
طبعا لانها دكر
العربيات تاني اكتر حاجه بنحب نركبها
دخله فيديو رايقة 🔥❤️
اسم القناة يا صديقي [كلام رجالة] 🔥❤ .
عاش عالفيديو ده 👍 انا بنت و عربيتي جيب ليبرتي ٢٠٠٦ ماشاء الله تبارك الله حاجة محترمة و انا بحبها جدا و ربنا يبارك لكل حد عنده زيها 👍 عاش يا وحوش العربيات الفخمة🌹
احنا تشرفنا بحضرتك وبمتابعتك لقناة "كلام رجالة" ، وفعلا شئ يفرح لما يكون في بنات فاهمة كويس قيمة عربية زي الليبرتي 👏 .
ربنا يحفظك ، ويباركلك فيها انتي وكل جميلات العربيات الفخمة 🔥،
وأهلا بيكم معانا ⚘️
للبيع؟
بتاخد بنزين كتير صح
ينفع اقلبها غاز طبيعى
ارجو الرد
ينفع طبعا ، لكن لا ننصح بذلك ، عشان هايكون ليه تأثير سلبي على اداء و اعتمادية المحرك .
العربيه معانا انا وابويا بقالها سبع سنين بس حرفيا العربيه حاجه محترمه جدا ما شاء الله
ماشاء الله ربنا يبارك ، فعلا هي عربية الي يعرف قيمتها مايفرطش فيها ابدا ✋️
كلامك صح عربية دكر وفخامة
حضرتك بخصوص الترخيص بتاعها اي نظامه من حيث التكلفة ؟
@@khawater23-wv7vp متغير من سنه لسنه يعني اخر ترخيص كان من تلات سنين دفعت 7000.. العربيه 4 سلندر 2700 cc
فيديو محترم جدا ماشاء الله ❤
شكرا ليك ..، شرفتنا بوجودك معانا 🙏
ربي يباكلي فيها يارب العالمين بس ياريت فيديو لطريقة قيادتها للسيارة العالية وخاصة الناس المتعودة على السيارة الشعبية
الله ينور ياهندسه عاوز اشتري جيب شروكي ايه ميزتها وعيوبه والأفضل تبقي كام سي سي وأحسن ميدل سنع الصنع
لو تقصد الشكل الي بعد دا ، فانت تقصد الجيب الشيروكي ال kk , هاتلاقيها موجودة من موديل ٢٠٠٨ حتى ٢٠١٣ ، انصحك من أول ٢٠١١ لان بها تحديثات داخلية أحلى كتير .
الماتور ٣.٧ وطبعا v6 .,
مميزاتها ، انها مريحة جدا في السفر ، ومن أنعم موديلات الجيب لأن العفشة تميل للراحة ، كمان الماتور تنفس طبيعي واعتمادي .، و body roll أحسن كتير من الليبرتي .
عيوبها ، استهلاك بنزين عالي ، كمان كرسي السائق مش مريح قوي ، تصنيع Mobica , لأن السيارة تجميع مصري.، والفتيس ٤ نقلات فقط ، فهاتحس انه خانق الماتور شوية .
شكرا ليك 🙏 ، ومبروك مقدما 😃 .
مرحبا استاذنا نشكرك على هذ المجهود الرائع وياريت تعمل نفس البرنامج مع السيارة شيفروليه سوبر بان موديل 2011. نحن فى انتضار ذلك مع خالص تقديرنا. وأشكرك حتى تستغيث.حياتى محمد من ليبيا.
تحياتي ليك أستاذ محمد وكل شعب ليبيا الشقيقة ، طلباتكم أوامر ، وتشرفنا بوجودكم معنا بالقناة 🙏🏻
معلومات مفيدة استمر
الله ينور فيديو مبدع
❤️❤️
الله ينور عليك يا برنس 💝♥️💯
مبسوطين بوجودك معانا❤️
ماشاء الله تبارك الله رفيو راءع وشحرحك جميل وتفصيلى تسلم وان شاء الله متابع حضرتك من دلوقتى لو سمحت حضرتك تنصحنى باليبرتى افضل ولا جيب جراند شروقى كريستالا شغلى هيبقى سفر مسافات طويله جدا وجرى كتير وممكن اقطر بيها عربه سحب تنصحنى حضرتك باليبرتى ولا جيب جراند كريستالا وشكرا
أشكرك .. تسلم ، متابعتكم الدائمة للقناة شرف لنا ، دي قناتكم ونتمنى نكون دايما عند حسن ظنكم 🙏 ،
وبالنسبة لسؤال حضرتك .. فلو تقدر تجيب الكريستالة الماتور الكبير ال V8 , حالة كويسة ، هاتكون أكثر راحة في السفر والقطر ، بكل تأكيد .، بس هايكون استهلاك البنزين عالي جدا جدا .، لكن لو هاتجيب ال الماتور ال V6 , يبقا الليبرتي هاتكون اختيار أفضل وأكثر اعتمادية .
ومبروك مقدما 💐
@@KalamRegala اشكر حضرتك على تقديرك جزيل الشكر بالتوفيق
السلام عليكم اخوك من العراق . ممكن اعرف رقم البوجيهات ( البلكات )
الخاص بسيارة جيب ليبرتي 2004 محرك 3.7
سؤال ثاني . بالعراق عدنه نوعين بلك ليزري وبلك فحمي ايهما افضل للجيب اللبرتي
اعتقد الليزري
مشكور على كلام حضرتك الجميل
وشرح وافى وكافى وجه فى معاده بالنسبه لى لانى بشترى
ربنا يوفقك لأحسن اختيار و مبروك مقدما..،
نورتنا بوجودك معانا في قناتكم 🙏
فعلا اول مرة حد يعمل مقارنة بين اليبرتي وkk بجد انت استاذ
شكرا جزيلا .... أهلا بيك في قناتك نورتنا بوجودك معانا 🙏🏻
ارجو الافاده عن k k 2013
بشكل عام ٢٠١٣ يعني بعد الفيس ليفت ، ودا احسن كتير ..، لكن طبعا الحالة أهم شئ ، ولو ليكي استفسار محدد عنها ، هانتشرف بالرد عليه.،
نورتينا وأهلا بيكي في قناتك 🌹
كنت بادور علي الريفيو ده بالذات عن ليبرتي و جاوب علي معظم استفساراتي شكرا لحضرتك جدااا و فعلا هى قيمة للغاوى مقابل سعر و امريكي و دفع رباعي و اصل الجيب ان شاء الله اجيبها بس بعض الناس بتفاضل بينها وبين kk مش قصدى الموديل و لكن بتقول ابعد عنها خالص و خليك في kk
شرف كبير لينا إفادتك أستاذ محمد 🙏،
ال kk عربية ممتازة خصوصا بعد ٢٠١١ ، فبيكون في فرق سعر مش قليل بينها وبين الليبرتي ، كمان مصاريف تشغيلها أعلى شويا من الليبرتي .، وقريبا باذن الله في فيديو نازل عن تفاصيل ال kk , وممكن كمان نعمل لحضراتكم مقارنة بينها وبين الليبرتي لو حبيتم .، فاتمنى تكون حضرتك مفعل جرس القناه ليصلك الفيديو فور النشر .
ومبروك مقدما 💐
@@KalamRegala
شكرا علي اهتمام سيادتك
ياريت باحب ريفيوهات المقارنة جدااا
تحت أمركم ..، في مقارنات كتير الفترة القادمة باذن الله ، نتمنى تفيد حضراتكم، ونقدر نساعدكم في اختيارات الشراء القيمة مقابل سعر ، في ظل ظروف السوق المصري حاليا .
تحياتي لحضرتك
ايهم افضل ليبرتي 2007
والا 2010 kk
ال KK أفضل فقط من أول ٢٠١١ بعد الفيس ليفت ، لكن ليبرتي ٢٠٠٦ ، و ٢٠٧٧ ، تقفيل أمريكي ، أفضل لو الحالة كويسة.
تحياتي ليك ..، نورتنا 🙏🏻
استاذنك يا كبير هل يبنفع يركب غاز للعربيه ولا مينفعش ولا صعب ؟
ينفع طبعا ، لكن آداء الماتور واعتماديتها هايقلوا شوية.
طيب هل ممكن يكون عند حضرتك واحده 2007 لون برونزي ممتازة أشتريها بضمان حضرتك فورآ وكاش .. بالتوفيق وشكرآ جزيلآ.
للأسف مش عندي حاجة بالمواصفات الي حضرتك طالبها حاليا 🙏🏻
لو تعرف مكان يكون امين للصيانه اكون شاكر لك 🎉
معلش سؤال ضروري هيا ولا نيو اوبترا شفورليه ٢٠١٧ لاني هشتري واحده فيهم ومستنيه ردك❤
نيو اوبترا ٢٠١٧ ، إعتمادية ومناسبة أكتر لحضرتك كبنت ..، ومبروك مقدما وبنعتذر على التأخر في الرد 🌹
ممكن تفيدني بأحسن حد يعمل تعديلات للتابلوة و يركب بلوتوث سيستم و شاشة اندرويد
و ياريت لو متوسط اسعار يبقي ميرسي جدا .
جاري اعداد قائمة بترشيحات لمختلف الخدمات ، وهاتكون في صورة فيديوهات لحضراتكم على القناه ، مع تصوير من الأماكن المقترحة ، وهايكون في خصم خاص لمتابعين القناة .
تشرفنا بمتابعتك 🙏
@@KalamRegala رينا يوفقك و مستنيين .
طب اية رائ حضرتك هل تمشى انى اركب غاز ؟ ولا مش حلو على الموتور؟
لو هاتركب غاز هاتكون الشيروكي KK أفضل ، ولكن طبعا آداء الماتور هايقل كتير ، خصوصا انه V6 ,سواء في الليبرتي أو ال KK .
هى ٢٠٠٦ بس هى اللى تقفيل أمريكى؟ ولا ٢٠٠٧ كمان ؟؟
سؤال تانى من فضلك .هل هو هو الموتور اللى الليبرتى هو اللى فى kk??
شكرا مقدما
٢٠٠٦ رينيجيد ، تقفيل أمريكي ..، ولكن يوجد بعض الاثتثنائات لحالات استيراد خاص بالسنوات الأخري.
ماتور ال KK نفس الأرقام ، مع وجود إختلافات في الآداء و ميكانيكا البناء ، وقد شرحنا الفرق بين الماتورين بالتفصيل في فيديو المقارنه ، بتمنى تشوفو هاتلاقي في شرح دقيق لكل استفسارات حضرتك ..، اللينك 👇
ua-cam.com/video/cbRY5UHLMAM/v-deo.html
ارجو من حضرتك اعلامي عن نوع الشاصي الموجود فيها مع الشكر والتقدير
Unibody
شكرا جزيلا بارك الله فيك
الشكر لله .. بنتشرف بمتابعتكم ، واننا نقدر نفيدكم 🙏🏻
ربنا يباركلك انا اشتريت العربية من كام يوم بسبب كلامك ، وفعلا حاجة تفرح ربنا يبارك ... كتر ألف خيرك ، وياريت تفضل دايما بتقول معلومات فعلا لمصلحة المستهلك العادي بعيدا عن المصالح الشخصية والبيزنس مع التوكيلات زي أغلب الي بيتكلمو عن العربيات للأسف .
وتحياتي ⚘️
ربنا يبارك لك ويفرحك بيها ...،
المحتوى الخاص بالسيارات على قناتنا هدفه الأول المستهلك ومصلحته ، في ظل الظروف الصعبة بالسوق حاليا ، والأسعار الغير منطقيه ، واختفاء القيمة مقابل السعر بالسيارات الجديدة .
فمنذ اليوم الأول ، كان باستطاعتنا تصوير وتجربة سيارة تتخطى ال ٢ مليون جم ، ولكن ذلك لن يفيد أغلبيه الناس حاليا .، لذلك اخترنا سيارة مستعملة منطقية القيمة والتسعير لتكون أول فديو خاص بالمحتوى .
فمصلحتنا الشخصية سوف تظل دائما هي افادتكم ومساعدتكم ودعمكم لنا .
وشكرا جزيلا 🙏
ua-cam.com/video/xggZupBFcMg/v-deo.html
ممكن حضرتك تشوف الفديو دا 👆 لإستيضاح مقصدنا وهدفنا الدائم .
أنا أسف لو ممكن حضرتك تقولي الموديل والسعر علشان بفكر اشتري
@@aymanazam6202
موديل ٢٠٠٦
٢٢٠ ألف ، ربنا يوفقك ويكتبلك الخير .
العربيه عامله ايه معاك معلش عشان كنت عايز اشتري زيها بس خايف من البنزين وكده
قدامي 2002 معروضة ب ٣٣٠ وفيها مشكلة ف تكييف اه رايك اشتري ولا استني العام القادم
لا ماتشتريهاش بالسعر دا
هل ممكن احولها غاز و هل لو ينفع هياثر على الماتور ولا لا
ممكن طبعا تحولها غاز ، لكن هاتآثر سلبيا على العربية خصوصا ان المحرك V6 , هايقل الأداء و الإعتماديه .
اتكلم فى العربيات اسلوبك جميل جدا
سوف تظل في ذاكرتنا .. كأول من شجع محتوى هذا البرنامج 💛
سلام عليكم شكرا على المعلومات القيمه ربنا يوفقك
انا معايا بيرلينس فى فايف وعاوز ابيعها واجيب حاجه اما جيب او مرسيدس بحيث مدفعش فرق كبير تنصحنى اجيب ايه ولو أمام سيادتك حاجه مرفوعه او خارجه من سفاره او لقطه يبقى ليك وافر الشكر
عليكم السلام ورحمة الله ...،
شرف لينا إفادة حضراتكم بآمانة ومصداقية دائما 🙏
سعر البريليانس بعد البيع ، هايكون صعب تلاقي مرسيدس حالتها كويسة .
أعتقد ممكن تشوف جيب شيروكي KK , موديل ٢٠١١ .، هاتكون اختيار أكتر من ممتاز ، لكن استهلاك البنزين هايكون عالي شويا .،.. ومبارك عليك مقدما باذن الله.
@@KalamRegala طيب لو انا جبت اللى حضرتك بتقول عليها وقلبها غاز ايه الموقف
هاتكون طبعا أوفر كتير أوي في الاستهلاك ، لكن قوة الآداء هاتقل شويا ، وكمان صوت ماتور ال V6 ، لو دا مش هايفرق كتير مع حضرتك ، أعمل كدا على طول ، أنا أعرف ناس كتير عملت كدا ومبسوطين جدا 👍 .
جيب ليبرتي دكر وفخامة ركب غاز توفر معاك ومش هتفرق الصوت هو هو مفيش فرق
هى كام سي سي
وينفع اجيبها على جواب معاقين؟
3700 cc , V6
وأكيد صعب جدا تجيبها على جواب معاقين .
تحياتي لك من العراق
تشرفنا بالعراق وأهلها 🙏🏻
استهلاك الوقود لهو جهاز بيركب وبيوفر فى استهلاك الوقود الكلام ده صحيح
مابننصحش بيه لانه بيسبب مشاكل كتير للعربية ، تكلفتها هاتكون أكتر كتير من الي وفرته بالبنزين .
لو سمحت فندم . ينفع تاخد بنزين 92 ؟
ينفع طبعا ، لكن في حالة انها ماتكنش خدت ٩٥ قبل كدا.
Please we need one car Model 2006 Jeep 3700 cc
Where are you from ?
جامد جدااااا
فخم والله
الشرف لينا وجودك معنا ❤️
كلامك صح صارلي سبع سنوات امشي بيه الحمدو ليلا مضبوطه
نورتنا وشرفتا بوجودك معنا 🙏
يقولو مشاكلها كتير بجد ولا كدب
حسب الحالة وطبيعة استخدامك ، بس هي اكيد مش اكثر الخيارات اعتمادية
@@KalamRegala لو واحده ٢٠٠٤ فتحه سقف وحالتها مقبوله ب ٤٤٠ الف هل سعرها مناسب فيدني جزاك الله خير
لو انت محتاج تركب ليبرتي عشان دي متطلبات استخدامك او طبيعة شغلك ، فتوكل على الله ، وإلا شوف شئ اكثر اعتمادية بالسعر دا ، ممكن تشوف ديهاتسو تريوس مثلا لو عايز حاجة suv .، او لانسر شارك لو سيدان .
مشكور ياالغالي ، سؤال ، قدام عربيتين 2006 مغيرين موتور مثبوت ، و انا متردد رغم ان الحالة عامة كويسة ، اخد واحدة منهم ولا تغيير الموتور ده فيه وجع دماغ و مشاكل صيانة قدام ؟ ، و هل اعادة البيع هتتأثر بسبب تغيير الموتور ؟؟
لا انصحك بشراء احداهما ، هايأثر جدا جدا على اعادة البيع
@@KalamRegala ماهو ال2006 كله مغير موتور او موتورها الاصلي و هلكان لأنه من 18 سنة ، و كل مااكلم حد يقولي مغيره موتور ، ايه العمل
شوف هي العربية دي من العربيات الي انت بتجيبها بقلبك مش بعقلك ، يعني لو مش هايفرق معاك سعر إعادة البيع ، توكل على الله لو الحالة كويسة ، واكشف عليها في مركز محترم ، لكن لو أولوياتك هي الاعتمادية و إعادة البيع ، يبقا انصحك تشوف خيار ثاني غير الليبرتي من الأساس.
هل عفشتها كويسه للناس اللي عندها مشاكل في ضهرها ؟
لأ
ألاقي فين ال ٢٠٠٦ وباكام تقريبا النهارده
علما أنا من اسكندرية. مع الشكر
الاسعار حاليا مش منطقية وابقتش قيمة مقابل سعر للأسف ...، اصبر شويا لشهر ٩ في احتمال الاسعار تنزل عشان في عربيات انتاج محلي نازلة .
@@KalamRegala شكرا ولو صادف حضرتك حاجة سليمة ومناسبة ياريت تقولى
بيقولو العربية دي مينفعش تخش سينا طب لو واحد معاه العربية و عايز يروح يعمل ايه ازاي يعني مفيش اي تصاريح
أي عربية دفع رباعي حقيقي ، خصوصا مواتير V6 وانت طالع ..، هاتواجه غالبا صعوبات في دخولها ، ودا لدواعي أمنية ، باذن الله تزول عن قريب 🤲 ، شرفتنا بوجودك معانا.
@@KalamRegala انا اللي اتشرفت بيك
قدامي واحده 2005 عداد 120الف اشتري ولا ايه؟
غالبا العداد مش مظبوط ، لكن مش مهم .. فلو عجباكي إكشفي عليها في التوكيل ، وإذا كان سعرها كويس .. ، يبقى مبروك 💐
ممتاز جدا انا عندي ٢٠٠٧ وحش جرار حرت بمعني الكلمة فخامة وركوبة بس اللي واخد علي الجيب ومفيش مشاكل معاها حتي بجيب كل قطع الغيار kk بتركب علي الموديل ٢٠٠٧ بس كل كلامك صح الصح بخصوصها وياريت مقترحات التعديلات فيها او الاكسسوارات
حاضر من عنيا، موضوع حلو ، أي رأيك نخصص له حلقه لوحده 😃
@@KalamRegala كل اللي تعملة حلو ومفيد َانا اشتركت معاك الان شرف لية
🙏
حضرتك بخصوص الترخيص بتاعها اي نظامه من حيث التكلفة ؟
غالي شوية عشان ٦ سلندر
عااااااش والله
طب لو بال 200000 دول اجيب ليبيرتي احسن ولا مرسيدس او بي ام ؟
الإختيار بشكل عام ، بيكون حسب احتياجاتك ، والمتطلبات الي حضرتك محتاجها من العربيه ، لكن على كل حال بالسعر دا حاليا في السوق المصري صعب تلاقي مرسيديس أو بي ام ، حالة كويسة .
تحياتي 🙏
@@KalamRegala تسلم يا باشا وشكرا علي اهتمامك
بص هو في قدامي مرسيدس b150 بنفس السعر وفي بي ام بردو
بس انا بصراحة حابب الليبيرتي وبتلكك عشان اجيبها هي 😂
الجيب الليبرتي أكثر قوة ، واعتمادية منهم بكل تأكيد ، كمان قطع غيارها أرخص ، لكن لو استهلاك البنزين العالي هايسبب ليك مشكلة ، يبقى الليبرتي مش ليك .
وبالنسبه للاهتمام وسرعة الرد فدا واجب علينا تجاهكم متابعينا الكرام 🙏
جيب ليبرتي دكر وفخامة وتستحمل شوارعنا
الفتيس العادي افضل ولا اتوماتيك ف البيرتي
الأتوماتيك أفضل ، لوجود فتيس غرس .
معايا ٢٠٠٦ ٦سلندر مانول وفيها فتيس غرز
رينيجيد أمريكي 👌
2022 ماشية 83500 كيلو متر بس
طريقه العرض كويسه و صوتك رائع لكن لزمتها ايه المؤثرات المصاحبة للفيديو اللي بمنتهى الأدب مش كويسه.. عيني تعبتني
شكرا جزيلا ، نورتنا بوجودك معانا 🙏🏻 ،
ونعدكم باذن الله ان جودة المحتوى القادم ، سوف تكون أكثر وضوحا ، واحترافيه.
طيب بعد زيادة اسعار السيارات الرهيبه
هل هى مازالت اختيار موفق لحد شغله كله معتمد على العربيه
لأ ، زي اغلب العربيات مابقتش قيمة مقابل سعر ، وكمان استهلاكها للبنزين هايكون عالي جدا ومكلف .
@@KalamRegala تسلم
تؤمر ❤
@@KalamRegalaطب بعد اذنك انا معايا كيا كارنز و استهلاك البنزين فيها تقريبا ١١ ل او ١٢ ل١٠٠ كيلو رايك لو بعتها و جبت جيب هيبقا في فرق كبير في الاستهلاك ؟
مانصحكش تعمل كدا ، لأن الكارينز أكثر اعتمادية من الجيب، وكمان قطع غيارها وصيانتها أوفر .
لوسمحت عايز اعرف سعر المحرك ليبرتى عامل كام
حسب الموديل ، وكام كيلو
هيا موديل ٢٠٠٣ ولا نيو اوبترا ٢٠١٧
نيو اوبترا ٢٠١٧ ، إعتمادية ومناسبة أكتر لحضرتك كبنت ..، ومبروك مقدما وبنعتذر على التأخر في الرد 🌹
لو هشتري موديل كام ترجحلي
٢٠٠٦
تحياتى لحضرتك
تقصد بتاكل كاوتش مش جنوط صح و لا انا فهمت غلط
مظبوط كلامك 👌
سعرها دلوقتي كام موديل ٢٠٠٣
من ٢٠٠ ل ٢٦٠ حسب الحالة ..، متوسط سعر اسعار اليوم.، ونورتينا بوجودك معانا ❤️
ليبرتي ٢٠٠٤ فتحه سقف وحالتها مقبوله حلوه ولا ياريت حد يفيدني لو سمحتو
حسب السعر المعروض والحالة ، والأهم طبيعة استخدامك .
@@KalamRegala استخدام بيت مفيش سفر بعيد ولا حاجه آخرها ٣٠٠ ك مثلا لو حسافر بيها
ترخصها كام فى ٣ سنين؟
يختلف سعر الترخيص من مكان لآخر ومن محافظة لاخرى ، ولكن بشكل عام ، وبمصر ، متوسط تكلفة العام الواحد ٣٢٠٠ جم تقريبا .
طب ايه الموديل الكويس فيها
الموديل فيها مش هايفرق كتير . ، المهم الحالة 👌
فعلا سياره اللى يجربها ويقتنيها ما يعرفشي يركب غيرها
حقيقة فعلا 👌
معايا 2006 😍😍 الله واكبر وحش
ربنا يباركلك فيها ، وتتهنى ويكفيك شرها 🤲
معدل استهلاكها ف البنزين ايه
التر كام كيلو
متوسط ١٥ لتر لكل ١٠٠ كم تقريبا .
ليبرتي ٢٠٠٢ ماشيه ٢٣٠ الف كيلو تنصحني اجيبها ولا لا
حسب الحالة ، وطبعا لو مش عندك مشكله في مصاريف البنزين خصوصا بعد ما غلي 😕
مطلوب فيها كم
مطلوب فيها كم
حاليا في رينج ٣٥٠ ألف .
@@KalamRegala لو فيه حاجه فى حدود 230 ممكن
ده سعرها قسط بدون مقدم ٧٩ الف جنيه
ممكن اجبها منين
شوف على اولكس ، وكونتاكت ، وكمان في جروبات مخصصة ليها على منصات التواصل الاجتماعي بينزل فيها ساعات حالات محترمة 👌
بكام؟؟ في لون اسود؟؟؟
متوسط السعر بالسوق المصري حاليا ، من ١٥٠ إلى ٢٢٠ ألف تقريبا ..، حسب الحالة و سنة الصنع .، وأكيد في لون أسود .
عا وز اعرف شكل الكنبه الخلفيه. الاصلي
علشان أنا ركبت فرش جديد للعربيه الجيب
وحاسس أنهم غيروا فيها
ua-cam.com/video/cbRY5UHLMAM/v-deo.html
من عنيا ❤ ، موجودة في الفيديو دا بالتفصيل 👆
موديل ٢٠٠٣. ٤ سلندر. كويسة لو سمحت ؟
لأ
@@KalamRegala شكرا لحضرتك 🙏
❤ الشكر لله .. نورتني ❤
استهلاك البنزين كام لكل 100كم
من ١٢ الى ١٥ لتر ، لكل ١٠٠ كم .
إيه رأيك في تحويلها لغاز طبيعي؟
بتكون أوفر كتير في الاستهلاك ، لكن طبعا مساحة الشنطة بتقل ، وآداء الماتور بيقل شويا ، وصوت ال v6 بيتغير طبعا .
لو لسة هاتشتري ممكن تجيب الشيروكي ال KK بتكون اعتمادية اكتر ، عند تحويلها لغاز طبيعي .
@@KalamRegala من موديلات كام kk ؟ علشان تنفع غاز
مش هاتفرق ، لكن من أول ٢٠١١ فيس ليفت وتصميم داخلي أفضل كتير ، وباذن الله في فيديو نازل قريب جدا بتفاصيل كل شي عن ال KK .
@@KalamRegala منتظرك يا باشا
و ياريت مقارنة مع الليبرتى
هل كل البيرتي ٦ سلندر
لأ ، يوجد ثلاث خيارات أخرى من المحركات ، ولكنها غير منتشرة ، وخصوصا بمصر و الوطن العربي .
سعداء بوجودك معنا 🌹
لو سمحت موديل ٢٠٠٦ ولا ٢٠٠٧ احسن ؟
حسب الحالة طبعا ، ولكن بشكل عام ٢٠٠٦ أكيد لأنها تقفيل أمريكي .
@@KalamRegala تمام طيب دي احسن ولا رينجيد ٢٠١٦ الماتور بتعها ١٤٠٠ cc تقريبا ؟
لا طبعا مش ١٤٠٠ cc ، دا V6 , الفرق في ٢٠١٦ ما بين الليبرتي و الرينيجيد ، الشكل بتاع الشبكة الأمامية ، وبعض التفاصيل الميكانيكية الدقيقة ، فلو الاثنين تقفيل أمريكي ، شوف اي واحدة حالتها أفضل ، شكلها عاجبك أكتر ، وأكشف في توكيل أو مركز خدمة معتمد .،.... ومبروك مقدما 🌹
دي احسن ولا رينجيد الجديده زي موديلات الحديثه ٢٠١٨ واعلي العربيه الصغيره ماتورها ١٤٠٠cc ده اللي اقصده
الحديثة من الرينيجيد مش حلوة بشكل عام ، وشيلها من خياراتك .
مع احترامي هذا النوع متعب ومكلفة الأفضل منها الجيب شيروكي رغم أن أكثر مشاكلها الحرارة بس سيارة جبارة القديم 2001
الشيروكي اسطورة على كل حال
معايا جيب ليبرتي رنجيد 2005 بتاعة المشير ابو غزاله وزير الدفاع الله يرحمه
تبارك الله ❤...، ربنا يحفظها لسيادتك ، ويرحمه 🤲
اتشرفنا بوجود حضرتك معانا 🙏
ماشاء الله حضرتك معاك كنز حقيقي👌
رحمة الله عليه كفايه انها من ريحته حافظ عليها واعتز بيها تحياتى لحضرتك
انا عاير اشترى واحدة بس خايف منها يقال ان مشكلها كتير جدا وقطع غيار غالية والصيانة غالية جدا ومتعبة فى إعادة البيع
لو عرفت تجيب حالة كويسه وتكشف عليها كويس زي ماقلت في الفيديو ، وياريت لو تكون كمان ٢٠٠٦ ، مش هاتندم ، ولا هاتفكر تبيعها أصلا ، وقطع غيارها لو جبتها أصلي هاتكون غالية شوية فعلا ، لكن القطعة هاتجيبها مرة واحدة وتنساها.
وربنا يوفقك للاختيار الصحيح ... مبروك مقدما
ملهاش مشاكل بس تكون نظيفة وقطع الغيار عادية والصيانة بردة ومش هتندم ليبرتي عربية وحش دكر وهيبة وفخامة وتستحمل كل حاجة
@@KalamRegala تم
@@khawater23-wv7vp
مبرووووك عليك ❤
طاب اشتريها منين
الجيب كله جميل بس ترخيصه غالي فوق ١٥ الف
عشان مواتير كبيرة ، لكن لها تجربة قيادة ومتعة خاصة .، ونتشرف بوجودك معانا بالقناه 🙏🏻
الجيب جيب ومتفرقش امام كل مميزاتها دي دكر وفخامة
السلام عليكم
عليكم السلام ورحمه الله وبركاته.. نورتنا ❤️
البنزين يابيه
لو قصدك على الاستهلاك ، فإحنا أشارنا لتلك النقطة ، ودا لا يقلل إطلاقا من قيمتها .
2 اكثر حاجه نحب نركبها 😂😂 والاوله ايش ؟
جائزة من القناة للي بيعرف الإجابة الصحيحة يا صديقي 😂🤣
عندي ٢٠٠٤سيارة اصلية وصوت المكينة مرعب فد شي
الله يبارك لك أخي 🤲 شرفتنا بوجودك معنا.
ممكن اعرف شلونها شنو اعطالها الي دائماً تتكرر شلون مكينتها وكيرها؟
رابق
ليه مش مناسبة للبنات اغلب اللي بيسوقوا جيب في ليبيا بنات😅
لأنهم بنات ب ١٠٠ راجل 😂
انا عربيتي جيب ليبرتي 2005 سبورت اكثر من رائعة اصبحت اكره اي سيارة غيرها 🤣
فعلا سيارة ممتازة ...، الله يكفيك شرها .
تحياتي 💐
لو سمحت ترخيصها كام ف السنه
سعر الترخيص بيختلف حسب موديل السنه والمحافظة ، ولكن المتوسط تقريبا حوالي ٣٩٠٠ جم في السنه.،
@@user-km4ci4tg4m المعذرة انا في اليمن مش في مصر
@@Hafeed-Tho-Alkilaa-Alhimyari ونعم فيك وفى كل أهل اليمن
اهلا من ٢٠٢٤ 🤦😓
😤
😄
عربيه منظر غير كده ملهاش لازمه ولا ليها سوق
عن تجربه 3 سنين
هي غير موجهه لمن يهتم باعادة البيع , وبرغم ذلك هي قيمة مقابل سعر جداا ، خصوصا حاليا 👌
انا فى الامارات من زمان وواخد اكتر على الاند كروزر . لكن لما فكرت اخلى عندى عربيه فى مصر جبت الليبرتى ال kk اللى هى الجيل اللى بعد دى . اقدر اقول بمنتهى الامانه ان العربيات دى العزم اللى فيها وطريقه تصنيعها تخليها احسن كتير من عربيات الفتره الحاليه ولاتقل فى التحمل عن الكروزر باى حال .
طبعا هي اختيار أكتر من ممتاز ، خصوصا كمان لو هاتقارنا بسعر اللاند كروزر في السوق المصري ، حتى وإن كانت أقل شوية في مستوى الراحة .، وبكل تأكيد لا تقارن بسيارات الفترة الحالية فهي قيمة مقابل سعر وجودة غير موجودة حاليا في الفئة السعرية أقل من مليون جم للآسف .
سعرها دلوقتي كام موديل ٢٠٠٣
من ٢٠٠ ل ٢٦٠ حسب الحالة ..، متوسط سعر اليوم.، ونورتينا بوجودك معانا ❤️