#مزيد_العين

ي العقربي ، ع مزيد العين
غدّف بجودك صوب الأحشام
وين الصخى والسِمت والدّين
وين الكرامه ووين الأكرام
أقصد (بني عيسى) المثامين
أهل المروة ، وخصّ ضرغام
فيصل ابن مسعود كل حين
والنعم فيه وسبعة أنعام
غالي نعم من ناس غالين
وقت الزّقر قِدّام.. قِدّام
جدّه ، وابوه ، وكِلّ وافين
متقلّدنهم وجه وحزام
أعزيه والعزوه به تبين
حكمة حليم وعزم مقدام
في كلّ واجب شخصه يبين
ما يعتذر لا هان لا هان
داره بها الضيفان لافين
منصى وقبله ، خوال وعمام
ورث المواقف به نياشين
وافي عساه ف نعمته دام
ويعل المطر يسكب ثلاثين
لليله ، يزيده مزر ورهام
لين العشب في (مزيد) يبين
عوده على نسم الهوى حام
والظبي يرتع في البساتين
ارضه وداره زهورها خزام
هناك بكشت معك يومين
والشِعر له بنرفرف أعلام
بو سعيد لو جبنا البراهين
قدرك تعلّا (سبعة أنعام )
بوهيام العيسائي