Գլխավոր դատախազը ընթացք է տվել Գագիկ Ծառուկյանի դեմ հաղորդմանը
Вставка
- Опубліковано 1 тра 2019
- Գլխավոր դատախազությունն ընթացք է տվել ԲՀԿ առաջնորդ Գագիկ Ծառուկյանի դեմ «Քաղաքացու որոշում» կուսակցության հաղորդմանը:
«Քաղաքացու որոշում»-ը պահանջում է քրեական հետապնդում իրականացնել Ծառուկյանի նկատմամբ, եթե քննությամբ պարզվի, որ նա խախտել է Սահմանադրությունը և պատգամավորական գործունեությանը զուգահեռ զբաղվում է ձեռնարկատիրական գործունեությամբ:
«Ղեկավարվել ենք այդ ընթացակարգով, այդ հաղորդումն ուղարկել ենք Հատուկ քննչական ծառայություն, հանձնարարվել է Հատուկ քննչական ծառայությանը Քրեական դատավարության օրենսգրքի 180 հոդվածով նախատեսված ընթացակարգերը ձեռնարկել, և ստուգողական գործողություններ կկատարվեն, դրանց արդյունքում նախաքննական մարմինը պարտավոր է լինելու տալ իրավական գնահատական», - նշեց գլխավոր դատախազ Արթուր Դավթյանը։
Խնդրո առարկան Ազգային ժողովի վերջին նիստում ներկրվող ցեմենտի վրա տուրք սահմանելու կառավարության նախագծի քննարկումներին ԲՀԿ խմբակցության և Ծառուկյանի ակտիվ մասնակցությունն է: Հայաստանում ցեմենտ արտադրող խոշոր գործարանի՝ «ԱրարատՑեմենտ»-ի սեփականատեր Ծառուկյանն ու իր թիմակիցները պաշտպանում էին տեղական արտադրողի շահերը։ Ծառուկյանը խորհրդարանի ամբիոնից խոսեց իր գործարանի աշխատակիցների խնդիրներից, ԲՀԿ-ն դեմ քվեարկեց նախագծին:
