“စစ်တပ်က ဒီအချိန်မှာ ဘယ်တိုင်း(တိုင်းစစ်ဌာနချုပ်)မဆို လက်လွှတ်ရနိုင်ခြေ ရှိတယ်”
Вставка
- Опубліковано 10 вер 2024
- “စစ်တပ်က ဒီအချိန်မှာ ဘယ်တိုင်း(တိုင်းစစ်ဌာနချုပ်)မဆို လက်လွှတ်ရနိုင်ခြေ ရှိတယ်” (အင်တာဗျူး)
မြေလတ်အသံ၊ ဩဂုတ် ၁၈၊ ၂၀၂၄။
၁၀၂၇ စစ်ဆင်ရေးနောက်ဆက်တွဲ ရှမ်း-မန်းစစ်ဆင်ရေး ထိုးစစ်ကို ညီနောင်မဟာမိတ် ၃ ဖွဲ့နဲ့ တော်လှန်ရေး ပူးပေါင်းတပ်တွေက ဇွန်လ ၂၅ ရက်မှာ ပြန်လည်စတင်ခဲ့ပြီးတဲ့နောက် ရှမ်းမြောက်ဒေသက အကြီးဆုံးစစ်တပ်ဖြစ်တဲ့ လားရှိုး၊ အရှေ့မြောက်တိုင်းစစ်ဌာနချုပ်(ရမခ) အပါအဝင် ရှမ်းမြောက်ဒေသတခုလုံးကို ညီနောင်မဟာမိတ်နဲ့ ပူးပေါင်းတပ်ဖွဲ့တွေက ဩဂုတ်လ ၃ ရက်မှာ အပြီးသတ်သိမ်းပိုက်ရရှိခဲ့ပါတယ်။
အဲ့ဒီတိုက်ပွဲတွေအတွင်းမှာ စစ်ကောင်စီတပ်က ဒုတိုင်းမှူး၊ တပ်အရာရှိကြီးတွေအပါအဝင် စစ်ကောင်စီတပ်ဖွဲ့ဝင် အများအပြားထိခိုက်သေဆုံးခဲ့တာ၊ ရမခတိုင်းမှူး ဗိုလ်ချုပ် စိုးတင့်နဲ့ မြေပြင်တိုက်ခိုက်ရေး စစ်ဗိုလ်ချုပ်တချို့ အပါအဝင် တပ်ဖွဲ့ဝင်အများအပြားကို အရှင်ဖမ်းမိတာနဲ့ အရာရှိကြီးတွေအပါ ထောင်နဲ့ချီတဲ့စစ်သားတွေလည်း အလံဖြူထောင်လက်နက်ချအညံ့ခံခဲ့ကြပါတယ်။
တိုင်းစစ်ဌာနချုပ်ကြီး ကျရှုံးခဲ့တဲ့အပြင် တိုက်ပွဲအတွင်း ထိခိုက်သေဆုံးသူတွေထဲမှာ တပ်မိသားစုဝင် အမျိုးသမီးနဲ့ကလေးတွေလည်း ပါဝင်ခဲ့တာကြောင့် နေပြည်တော်က စစ်ခေါင်းဆောင်တွေအပေါ် အောက်ခြေစစ်သားတွေ၊ စစ်တပ်ထောက်ခံသူတွေနဲ့ တပ်မိသားစုဝင်တွေက ပြင်းပြင်ထန်ထန်ဝေဖန်တာတွေလည်း ဖြစ်ပေါ်ခဲ့တာပါ။
အဲ့ဒီလို ကြီးကြီးမားမားစစ်ရှုံးတဲ့ အခြေအနေတွေနဲ့ ရင်ဆိုင်နေရတဲ့ စစ်ကောင်စီတပ်က စစ်ခေါင်းဆောင်အဆင့်ဆင့်နဲ့ အောက်ခြေစစ်သားတွေရဲ့ လက်ရှိအခြေအနေတွေအပေါ် စစ်ကောင်စီတပ်မှာ ၁၅ နှစ် နီးပါးတာဝန်ထမ်းဆောင်ပြီးနောက် စစ်အာဏာရှင်ဆန့်ကျင်ရေးလှုပ်ရှားမှုမှာ(CDM)မှာ ပါဝင်နေတဲ့ CDM တပ်မတော်သား ဗိုလ်ကြီး ထက်မြက်ရဲ့ သုံးသပ်ချက်တချို့ကို တင်ပြပေးထားပါတယ်။
#မြေလတ်အသံ
#အင်တာဗျူး #၁၀၂၇စစ်ဆင်ရေး #လားရှိုး #အရှေ့မြောက်တိုင်းစစ်ဌာနချုပ် #ဗိုလ်ကြီးထက်မြက်