04 06 24 Սևան համայնքում շարունակվում են ԵՄ Կայուն էներգիայի շաբաթվան նվիրված միջոցառումները:
Вставка
- Опубліковано 3 жов 2024
- Սևան համայնքում շարունակվում են ԵՄ Կայուն էներգիայի շաբաթվան նվիրված միջոցառումները:
___
Հունիսի 2-ին «Նկուղ» ստեղծարար հարթակում տեղի է ունեցել ԵՄ Կայուն էներգիայի շաբաթվան նվիրված «Չվերականգնվող, թե Կայուն էներգիա» թեմայով բանավեճ-քննարկում, որին հաջորդել է թղթի վերամշակման վարպետաց դաս:
Հունիսի 4-ին Լճաշեն բնակավայրի «Մանչուկ» մանկապարտեզում տեղի է ունեցել «Արևն ու կայուն էներգիան» խորագրով թեմատիկ զրույց-պարապմունք:
____
Արդեն չորս տարի Սևան համայնքը միանում է Կայուն էներգիայի շաբաթվան` ԵՀ «Քաղաքապետերի դաշնագիր՝ Արևելք» ծրագրի ներքո:
Այս տարի ևս հայտարարվել է ԵՄ Կայուն էներգիայի շաբաթվա (EU Sustainable Energy Week) «Նվազագույն արտանետումներով էներգետիկ լուծումներ մրցունակ Հայաստանի համար» խորագրով նկարչական աշխատանքների մրցույթ, որին կարող են մասնակցել բնակիչները, խրախուսվում է երեխաների, երիտասարդների մասնակցությունը: Յուրաքանչյուր մասնակից կարող է ներկայացնել ոչ ավել, քան երկու աշխատանք:
Մրցույթին մասնակցելու համար նկարչական աշխատանքները (jpg ձևաչափով) անհրաժեշտ է ուղարկել sevan.gegharkunik@mta.gov.am էլեկտրոնային հասցեին մինչև ս.թ. հունիսի 10-ը՝ նշելով հեղինակի անունը, ազգանունը, տարիքը, համայնքը, բնակավայրը, կոնտակտային տվյալները:
Ընտրված երեք լավագույն աշխատանքները կուղարկվեն Հայաստանի Համայնքների միություն:
Այդ նպատակով ստեղծված ժյուրին կգնահատի աշխատանքները, մրցույթի հաղթողներին կընտրի մինչև հունիսի 25-ը:
Ազգային մակարդակով առաջին 3 տեղերը զբաղեցրած մասնակիցներին կշնորհվեն մրցանակներ, որոնք կտրամադրվեն ծրագրի կողմից Երևանում կազմակերպվելիք մրցանակաբաշխության արարողության ընթացքում:
