چتلني برمانتين صديرة چتلني وراح وزبن بسديرة ابونجاح الغضيب رحمه الله
Вставка
- Опубліковано 13 жов 2024
- چتلني برمانتين اصديرُه
چتلني وراح وزبن بسديرة
چتلني ونسّاني الشهادة
ولا إبرة لا دختور لا عيادة
يربّي تاخذ ثارنا وزيادة
بلچي الظلُم ينشال من هالديرة
چتلني وما يدري إن سمعت أمّي
إيطير الگُبع والساتر الله يمّي
أرد ازحم المُختار واشچي همّي
بلچي إبجاهُه تنگضي هالحيرة
أرد ازحم المُختار وأرد اگلّه
الغِر الزبن بحماك سوّا خِلّه
چتلني وما چان خايف الله
طايش عليّه بروعته وتصويره
چتلني ولرويحتي دمرها
وغيّب عليها إنجُومها وگُمرها
الخلگ تصدّر خيرها وثمرها
وهوّه القهر والضيم لي تصديره
چتلني برمان مو هجومي
وشوّفني وكت الجايلة نجومي
دعوى الطلب والثار مو لزومي
بشرط يصُب الچاي ثُمّ ايديرُه
چتلني و زبن بسديرة وسطى
ورب العرش بالزين زادُه بسطة
لا هو جبن كيري ولا هو قشطة
جواهر والماس والخد ليرة
چتلني وأدعاني حطيطة
يسلوك الحرير الناعمة البسيطة(١)
لحّد وگف بيناتنا وسيطة
ولحّد تگعدلي بأمر تسفيرُة
يالعوسجة ومكّوك يالكرامة
ذوبني ساهي العين في غرامه
والله يلولا الباس والكرامة
أسطي عليه بليل لو بعتيرة
يالرِجلة يالدرباس يالحصيّة
يالعيثة يا خدعان يالحوريّة
تاه الفكر بعيون هالضبية
ومعد إنعرف لله بهيهي الخيرة
يخربة الشمّام يالبواوي
يالسُورة يالسلمان يالگهاوي
چيف البُصر بالعاشج الهواوي
يا تخت الرمُل يالفال يهل الخيرة
يالعكلي يا گنعوص يالهرافي
يمْدَرِّج الوندات والضعافي(٢)
أمرٍ شغلنا اليوم ما هو خافي
وحيَّ اليطفّي نارنا إبتدبيره
يالعُليا يالبُغزات يالنميصة
وشاطي الجدِر وشميط مو رخيصة
دمع النواظر طالب النگيصة
وكسر الخواطر عايز التجبيرة
يالتل يالفريجات يعويجيلة
يالجدعه يالايمام يزهيليلة
ما ضنّتي دعواي مستحيلة
واشكر شعور الجاي فزعة لغيرُه
أخيراً آني داخل الشبالي
البيهُم جُملة أبطال لا تبالي
أمّنت انا بسلمان ما عبالي
ثاري الغدُر والفاينة بتفكيرُه
_________
(١) سلوك الحرير (الرملي)
(٢) يمْدَرِّج الوندات (الشيخ حمد)
ابونجاح الغضيب رحمه الله
تسلم عاشت ايدك..
وايدك يالحبيب
هذا وين هالحجي ايباهه
تعيش تعيش
تعيش بعز
الله يرحمه ويغفر له
يرحم والديك