De Wollef kënnt zeréck - 5e Projet 2024 Move

De Wollef ass nees do, 130 Joer nodeems de leschte Wollef bei eis am Land geschoss gouf. Dat werft Froen op a léist Gefiller bei eis aus. De Wollef, wat ass dat fir een? E Monster, en Held oder en « hellegt » Déier? Wat sollte mir iwwert hie wëssen? Wéi kënne mir an Zukunft mat him zesumme liewen? Vum Alphawollef bis zum Routkäppchen - wat ass Mythos a wat Realitéit? Am Wollefspark zu Merzig gi mir dat gewuer.
Fir déi eenzeg Wanderschéiferei hei am Land ass d’Tatsaach, datt de Wollef zeréck kënnt, natierlech e spannend Thema. Wat bedeit dat fir si an hir Schof? Wéi kënne si hir Déiere virum Wollef schützen? Huet de Beruff vum Wanderschéifer nach eng Zukunft? Op all déi Froen hoffe mir eng Äntwert ze kréien.