Toupa Na Min Lian hen

BYF Hiangtam Lamka
NA MIN LIAN HEN 2007. Lianding Guite
Nam mawl leh liangvaite ihih lai in
Tung Pathian itna hang KHrist vak hong tang
Sihna mial nuai apan hon suaktasak
Amite dia hon tel Toupa min phat ni e
Hallelujah ! phatna ka hon pia uh
Namte tung ding Pa gam leh nam bawl Pa
Koute hon it koute hon domsangtu
Vualzawlna toh honpi Toupa na min lian hen
Gam leh nam khanna saptuam damna zaw
Lei vaihawmte hilou nang mah na hi
Koute hon it leivui pan hon domsang
Non itna lia in sang phatna kon pia uhi
Na min pu na mi aw na saptuamte
Khovel itna in na mel liahsak zou
Khialta ung Toupa ngaihdam kong thum uh
Na zahngaihna hang in koute nong kem lai maw