رجل حماس الأول الذى أرعب اسرائيل - القصة السرية لمحمد الضيف.

يعنى إيه يكون في راجل اسمه بيهز أركان المنطقة كلها؟! راجل مش بس إسرائيل عايزاه.. دا العالم كله بيتسائل:مين هو محمد الضيف وكان فين الفترة دى كلها!
الراجل اللي خلى حماس تقول عليه: 'دا قائدنا اللي مش بنعرف مكانه'.. واللي خلى إسرائيل تعمل عليه اكتر من 7 عمليات استخباراتية عشان توصل ليه.
ليه دا الراجل بقى المطلوب رقم واحد؟! وإيه اللي خلى الصراع دا بين حماس وإسرائيل يفضل مستمر سنين طويلة؟!
النهاردا هنحكي لكم قصة الراجل اللي عاش في الظل.. اللي مش حد عارف عنه حاجة كتير.. لكن تأثيره موجود في كل حتة. هنعرف مع بعض: إيه اللي بيخبيه؟! وإيه اللي بيحصل ورا الكواليس؟!
فاستنونا.. لأن الحكاية دي مش بس عن محمد الضيف.. دي عن صراع عمره ما بينتهي.. صراع بين قوة وعناد.. بين مقاومة وجبروت.. وبين أسرار محدش هيعرفها إلا لما تشوفوا الحلقة للنهاية
وبنفكر حضرتكم بالاشتراك فى القناة وتفعيل الجرس عشان تكونوا معانا فى كل حلقاتنا الى جاية.
ويلا بينا نبدأ الحكاية.
محمد دياب إبراهيم المصري، الشهير بمحمد الضيف، أو زي ما الناس بتناديه "أبو خالد"، اتولد في غزة سنة 1965، وفضل حياته كلها في قلب الصراع، ما بين المقاومة ضد الاحتلال الإسرائيلي وما بين محاولات اغتياله اللي ما بتخلصش. في 30 يناير 2025، كتائب القسام نعته رسميًا، وده بعد ما قضى سنين طويلة وهو بيقود الجناح العسكري لحركة حماس، كتائب عز الدين القسام، وبيعتبر واحد من أخطر وأهم المطلوبين لإسرائيل من سنة 1995، بسبب دوره الكبير في عمليات المقاومة وقتله لجنود إسرائيليين.
محمد الضيف مش مجرد اسم، ده واحد من رموز المقاومة الفلسطينية اللي عاش حياته متخفي، مفيش صور حديثة ليه، ومحدش يعرف عنه تفاصيل كتير، بس اللي العالم كله متأكد منه إن إسرائيل مكنتش قادرة توصله رغم كل المحاولات. الاحتلال الصهيوني اعتقله في فترة من الفترات، وحتى السلطة الوطنية الفلسطينية (اللي بتقودها حركة فتح) برضه اعتقلته قبل كده، لكن رغم كل الضغوط، فضل مستمر في طريقه.
الشاباك والموساد حاولوا يغتالوه أكتر من 7 مرات، لكن في كل مرة كان بينجو وكأنه شبح! ورغم إنه اتعرض لإصابة خطيرة في واحدة من المحاولات دي، لكنه مكمل في طريقه.
إسرائيل مش بس كانت بتحاول تخلص منه، لا.. دي استهدفت حياته بالكامل! في سنة 2014، دمرت بيته بالكامل وقتلت عيلته، في محاولة لاغتياله، لكنها فشلت مرة تانية. وده زوّد من الغموض والأسطورة اللي حوالين شخصيته، وبقى أكتر شخصية مرعبة لإسرائيل. وعلشان كده، في سنة 2015، وزارة الخارجية الأمريكية حطت اسمه في قائمتها للإرهابيين العالميين المصنفين، وده معناه إنه مش بس خطر على إسرائيل، لكن بقى عدو لأكتر من جهة.
محمد الضيف، الاسم اللي تحوّل لرمز، والشبح اللي إسرائيل حاولت تغتاله فى فترة أكثر من عشرين سنة.
من المصادر
www.timesofisr...
www.jpost.com/...
www.bloomberg....
www.newsweek.c...
www.washington...
#طوفان_الاقصى
#اسرائيل
#كتائب_القسام
#المقاومة_الفلسطينية
#الاحتلال_الاسرائيلي
#حماس
#تحرير_الرهائن
#غزة
#الموساد
#gaza
#israelpalestineconflict
#israel

[@abedrahman4943]

إنه أمر صعب للغاية، ويبدو أن هذا الألم الذي أشعر به عظيم جدًا 😞

[@abdoseif4659]

الله يرحمه كان ضيفا كلقمر ينير اليلل في ضلامه،💔💔💔

[@radioelarabplus]

نسأل الله أن يرزقه جنة الفردوس يارب مع جميع الشهداء.