شرح غسالة اطباق بيكو 15 فرد تاتش | استخدام البرامج بالتفصيل | موديل BDFN36531XC
Вставка
- Опубліковано 26 сер 2024
- كيفية تشغيل غسالة الصحون بيكو 15 فرد 6 برامج
شرح كامل البرامج وطريقة الاستخدام الصحيحة
معرفة خاصية كورنر انتينس والبخار والتعقيم
#غسالة_الصحون #غسالة_اطباق #beko #dishwasher #شرح_كامل
لو سمحت يا بشمهندس جبت نفس الغساله ده هى الجوانب من بره وظهر الغسالة مصنوعه من ايه عشان انا شيفاه خفيفه مش زى جوانب الغسالة الاتوماتيك جامده ومن الضهر فيه قماشه كده وبلاستيك من تحت
مصنوعه من الصاج ومن جوا مبطنه لعزل حرارة الغسالة
لا مش بتكون زى الغسالات الاتوماتيك
لو حابة اشطف فيها الخضار استخدم برنامج ايه لان مفيهاش prewash زي الموديل الي بباب ازاز
لو وضعت بها ملح وملمع فلا تستطيع غسل بها الخضار
لكن لو بتستخدم اقراص يمكنك غسل الخضار. بها
اولا شكرا لحضرتك على. شرحك الوافى
انا اشتريتها ولسه هركبها لازم استخدم الزيت والملح فى اول استخدام ولا لا
ولو خلص المسحوق وهستخدم الأقراص ينفع مع وجود زيت وملح لسه فالغساله على اساس ان الاقراص لوحدها اصلا كافيه
استخدم حاجة من الاتنين
ابدعت جزاك الله خير الجزاء ، الاقي فين شريط اختبار عسر الماء لو سمحت بمصر
موجود عند محلات بيع شمع الفلاتر
شكرا علي شرح حضرتك المفهوم
شكرا جدا 👍
السلام عليكم من فضلك اعملنا فيديو عن غسالة اواني beko corner intense b pro 700 موديل bdfn 36640 G
ua-cam.com/video/kARlLfzP6jg/v-deo.html
تقصد دى
السلام عليك لو سمحت أيهما افضل بيكو ولا زانوسي 15فرد لو قدامي
بيكو
@@صيانة_غسالة حضرتك هي بتفتح الباب تلقائي بع ماتخلص ولا لا
لو سمحت حضرتك قولت في الفيديو ان نص حمولة بيشتغل على عاي السلة اللي تحت فقط بس انا جربته ونظف فوق وتحت ممتاز
بيشتغل على إلى تحت فقط بمعنى أن رشاش واحد الذى يعمل وهو الذى فى الاسفل
.....
فالموديل السابق والى قبله كانت هذه هى طريقة عمل النصف حمولة .
ربما تكون الشركة غيرت من هذه الطريقة
لكن الأكيد انك ممكن تتأكد بنفسك من وهى شغاله كم رشاش يعمل فى هذه الوظيفة .
مهندس محمد من فضلك ممكن رقم تليفون للتواصل
شكرا على الشرح المبسط
من فضلك بماذا تنصحني 15 فرد ديجيتال او بالازرار ؟
وهل هناك فرق بين 15 فرد و 16 فرد
انا من الجزائر ومترددة بين 15 و 16 فرد
الديجيتال افضل
من فضلك انا عندي بيكو 16 فرد b pRO 700 ومافيهاش الرشاش الثابت سؤالي هل هي جيدة وهل يوجد فيها برنامج لساعة أو على الأقل ساعة ونص لانه كل البرامج تكتبلي من ثلاث ساعات وأكثر وهاذا بصراحة وقت طويل مع انو الي اعرفهم عندم جلايات كلهم قالولي انو عندهم برامج لساعة وحتى أقل @@صيانة_غسالة
@@nf2068 يوجد بها برنامج ساعه سوف تجده باسم Quick & shine
@@صيانة_غسالة لا يوجد عندي برنامج بهاذا الإسم أساسا هما رموز مش كتابة
@nf2068 ابعت صورة للغسالة على الواتساب الرقم فالقناة
السلام عليكم يا باشمهندس. أنا أشتريت غسالة بيكو 15 فرد 8 برامج المشكلة من ساعة مشتريتها خاصية steam مش شغالة أو مش عارفة أشغلها
شوفى الشرح بتاعها من هنا
ua-cam.com/video/kARlLfzP6jg/v-deo.html
انا نزعت ارجل الغسالةلكي اقدر ادخلها في. مكانها المخصص هل خطير ام عادي
عادى
بس افصل فيشه الغسالة من الكهرباء
ووصلة المياه الباردة من الحنفية
اسحب الغسالة فى مكان واسع
ميلها على جنبها
وركب الرجل مكانها بتتربط رباط قلاوز
بعد كدا رجع الغسالة مكانها ووصلها
بس كدا
جزاك الله خيرا
اللهم امين يارب 🙏
طيب الغسالة دي عندي و عسر المية عندي واحد ، هل احط ملح و اظبط الزيت علي كم
لا مش محتاجه تضع ملح
على واحد
ممكن رأي حضرتك بكل امانه وهاخد كلام حضرتك ثقه الموديل دا احسن ولا السوده الي بابها زجاج اني الاحسن فيهم
دى عملية اكتر وجميلة جداا وأحدث من حيث تعديل شكل الرشاشات .
.....
تقدرى تشوفى إلى بابها زحاج لها فيديو هنا برضه .. بس انا ارشحلك دى ومش عاوز الحلاوة 😁😎
شكرا جدا لرد حضرتك انا هجيبها الشهر الجاي بإذن الله وليك الحلاوة😂
@@-daliahadya9538 أن شاء الله .. افضل غسالة نزلت من بيكو بجد
حاضر انا منتظر اهو 😎😎
من فضلك هى افضل ولا ال جى ولا بوش تقفيل المانى لان محتارة بينهمو هل نظام التجفيف واحد فى ال ٣ لان لاحظت عند حد بوش تجفيفها مش تام لازم تتساب مفتوحة تكمل تجفيف نقط المياه و كمان حسيت بتجرح الحاجة قوى مش عارفة ملاحظتى دى صحيحة ولا متهيالى فانصحنى بافضلهم ضرورى
أفضلهم ال جى
@@صيانة_غسالة طيب هل بتصدى و فى اعطال سخان متكررة و موتورها بيبوظ مع الوقت زى ما بيتقال
@@R.a443 اى أجهزة فى السوق بيحصل فيها كدا .. بس دى مش اعطال كثيرة أو متكررة
مساء الخير باشمهندس لو سمحت إيه الفرق بين الموديل اللى حضرتك بتتكلم عنه فى الفيديو و الموديل
BDFN36531GB
و حضرتك ترشح اى موديل فيهم وليه ؟ شكرا جزيلا مقدما لتعبك
هو الموديل إلى حضرتك ذكرته... نفس إلى بالفيديو لكن اللون الاسود
.....
فيه موديل زى إلى فالفيديو مزود بخاصية فتح الباب و واى فاى إلى جانب تعديل شكل الرشاشات ... والموديل دا آخره XC
....
فيه موديل تانى نفي الإمكانيات
لكن بدون خاصية فتح الباب
بدون واى فاى
شكل الرشاشات زى النظام القديم بدون تغيير
والموديل دا زراير وليس تاتش وآخره بينتهى XQ
شكرا جزيلا على تعبك
@saadon2 🙏🙏
شرح جميل
شكرا 🌹👍
لو سمحت هي السنون بتاعتها بتتني و لا لا ؟؟ سواء رف علوي او سفلي
الله متاكد منه السفلى واكيد العلوى بس مش فاكر ممكن تتأكد من الفيديو
ممكن حضرتك ترشحلي افضل موديل ف بيكو ولو نوع غير بيكو افضل ياريت
مش هتفرق الفلوس
ال جى أو اريستون
اريد شراء ماكنة بيكو 16صحن corner intense فيها خاصية البخار و 6برامج و تفتح الباب بعد الانتهاء من الغسل و ديجيتال شو رايك احسن او 15صحن احسن
16 افضل
زى إلى بالفيديو
اضن نفس الي في الفيديو بس هاذي اضن 11برنامج شو رأي حضرتك
@abdomer4096 كويسه
بس 11 برنامج تقريبا مفيش موديل 11 برنامج
@@صيانة_غسالة شكرا اخي جزاك الله خيرا
خاصيه فتح الباب تلقائي بتقلل من فرصه حدوث الصدأ ؟وهل الاصدار دا اكثر معالجه للصدا عن البيكو١٤
والخصائص الزياده عن بيكو ١٤ تستاهل فرق السعر ؟لو في امكانيه اني اجبها
دى افضل
السلام عليكم يعودها عليك الايام بخير معلش سؤال يا باشمهندس مندوب الشركه شغلي الغساله وبعد ما قفلت على البرنامج 35 مشي بس كانت الغساله كلها ميه قال لي افتحيها شويه هتنشف لوحدها سبتها يوم كامل وقمت لقيتها زي ما هي اضطريت نمسحها بفوطه وكان فيها كميه مياه كثيره زايد اني فتحت الفلتر عشان اشوف الميه اللي فيه لقيت نصه مليان ميه اعزكم الله كده زي قاعده الحمام بالظبط بيبقى نصها ميه راقده ده طبيعي لانى اول مره بصراحه اجيب غساله جبتها عشان مرضى لان الحاجه بتقع تتكسر من ايدي
هو كدا البرنامج مكنش انتهى
كان المفروض تضغط على ستارت ضغطه مطولة هتلاقى الغسالة صرفت المياه
....
بالنسبة لمياه مكان الفلتر دا طبيعى مفيش اى مشكلة
@@صيانة_غسالة روح الله يطمنك ويطمن قلبك على اعز ما ليك والله شكرا على اهتمامك لوحده كثر الف خيرك تحياتي لشخصك الكريم
@@ryfghy71fgfggyby19 🙏🙏
المعالق على delicate كلها مدهننه،المشكله فى البرنامج ولا الرشاش؟
البرنامج
@@صيانة_غسالة يعنى الدرجه الاعلى هتنضف؟
@@reemrody5416 أيوة يا فندم مما ذكرت فالفيديو
انهي موديل افضل في بيكو لو سمحت في ال١٥فرد
إلى بالفيديو
اخي من فضلك اذا حطتها في بلكونة تتأثر مع الوقت من البرودة والحراراة ولالا ؟!
نعم سوف تتأثر
السلام عليكم يا باشمهندس ممكن نصيحه حضرتك ايه أفضل غسالة أطباق حاليآ لأن الحاجه غالية جدآ وخايفة أجازف
بيكو اريستون lg ولا ايه
ال جى ... اريستون ... بيكو
بالترتيب
هو ينفع نغسل فيها الخضار يعنى فيها برنامج شطف بس
ليس بها
هي ممكن الشاشة تبوظ ؟
سواء من راكنة او ماية
حيرانة بين دي وبين الزراير خصوصا اني هشيلها شوية
من راكنه لا
مياه أيوة طبعا
ممكن من فضلك تقولي لما بركبها لأول مرة بتصل بخدمة العملاء وللا عادي انا اللي بوصلها وللا ايه ؟
كلم خدمة العملاء
افصل على رقم
16165
السلام عليكم ورحمة الله وبركاته جزاك الله خيرا هل هى افضل ام ال جى
ال جى
وفرق السعر بين الغسالتين كبيرة
لو سمحت هل غسالة lg تستاهل فرق السعر اللى بينهم ودا احسن اصدار فى بيكو من حيث العملية وهل عدم وجود رشاش علوى بياثر على أداء الغسالة وانهى احسن من حيث قطع الغيار وخدمة ما بعد البيع بيكو ولا lg ؟
أو قولت قبل كدا ليس هناك رشاش علوى
فهذا خطأ منى .. الغسالة بها رشاش علوى ثابت .
ال جى خدمة ما بعد البيع افضل من بيكو
قطع الغيار هما الاتنين واحد ليست متوفره بكثرة
@@صيانة_غسالة طيب معلش حضرتك lg تستاهل فرق السعر او هل تستاهل ابيع قطعة دهب عشانها انا محتاجة غسالة لظروف مرضية وعايزة حاجة تعيش معايا لأن زى ماحضرتك عارف الاسعار الفلكية دى اكيد مش كل شوية هاجيب غسالة وبيكو دى لو معايا ثمنها متوفر هاتادى الغرض معايا وتعيش وتستحمل اسفة عالاطالة
@shamsmahmoud4018
خليكى افضل فى غسالة بيكو 14 فرد
@@صيانة_غسالة معلش حضرتك وممكن ايه؟الكلام مش واضح. والف شكر عالاهتمام والرد
اشترى بيكو 14 فرد خمس برامج
لو سمحت ممكن تقولي الفرق بين الموديل ده و اللي اخره xq لانها هي اللي متاحه قدامي
فرق كبير من حيث شكل الرشاشات
وخاصية فتح الباب
السلام عليكم جزاكم الله خيرا علي الشرح عايزة اعرف ايه الفرق بين الموديل دة وبين نفس الموديل بس الي اخره xq وانهي افضل فيهم وفيه مزايا اكتر لان في فرق ف السعر بينهم حوالي الف ونص
الاثنين تم شرحهم بالكامل هنا
@@صيانة_غسالة انا اتفرجت ع الفيديوهات فعلا طب حضرتك ترشح انهي موديل فيهم
@manalali2969 الموديل إلى بالفيديو
السلام علبكم انا عندي نفس هذه الغسالة ولكن 16 ولم اجد داخلها السلة الصغيرة مع انها موجودة فالكاتولوغ
لا عادى كتالوج بيكون موحد
السلام عليكم يا باشمهندس كل عام وحضرتك طيب وبخير ليا كام سؤال لو سمحت انا جبت الموديل اللي حضرتك بتشرح عليه ده اولا المهندس قلب الغساله وفكها من تحت وقطع سلكين قال ان دول الارضي عشان ما تتكهربيش لانها جايه من تركيا بثلاث اطراف هل كده صح ثاني حاجه الرشاش الجانبي اللي هو بتاع الحلل اللي تحت بيتهز شويه مش ثابت مربوط من طرف والطرف الثاني بيتهز ثالث حاجه الشاشه بعد ما خلص النص ساعه البرنامج اللي شغله لتجربه الغساله الشاشه ما قفلتش غير بعض 10 دقائق او اكثر بعض البرنامج ما خلص هي بتقعد بعد ما تخلص البرنامج بتاعها اكثر من 10 دقائق على بال ما الشاشه تظلم خالص كانت جايبه 00 على الشاشه بس الشاشه ما وقفتش خالص بعد اكثر من 10 دقائق او ربع ساعه لو سمحت بس عايزه اطمن الحاجات دي عادي ولا ده مش عادي
وعليكم السلام ورحمه الله وبركاته
اول حاجة عملها الفنى صح عشان مش تكهرب معاك أو يبقى فيها ماس كهربائي
تانى حاجة هو الرشاش دى ثابت فى مكانه ودا كدا مفيش مشكلة فيه
تالت حاجة بعد انتهاء البرنامج اضغط على ستارت هتطفى أو اغلقها من الباور
أو اتركها تقفله لوحدها ودا طبيعى أن الشاشة تفضل كدا عشان تعرفك أنها خلصت
@@صيانة_غسالة الله يطمنك شكرآ على سرعه الرد كثر الف خيرك ربنا يتمم عليك شعبان بالخير والبركه ويبلغك رمضان بالعافيه والصحه أنت وأسرتك بالكامل وكل متابعينك شكرآ جزيلاً لحضرتك
@@ryfghy71fgfggyby19
شكرا جدا على دعوتك الجميلة ولك المثل 🙏🙏👍
السلام عليكم اخي رمضان كريم الله يجازيك بالخير كيف اعرف انه الملح انتهى من الغسالة ماتعطيش ولا إشارة عندي هدا الموديل وشكرا
@fouziasamial8375 تظهر على الشاشة علامة S
اذا لم تظهر فالغسالة لا تحتاج إلى ملح
السلام عليكم لو سمحت هل الديجتال هنا بيعطل وهل الموديل ١٥ فرد الزراير عملي عن الدجيتال ارجو الافادة باستفاضة وشكرا لحضرتك
التاتش مش بيعطل ولا بيعمل مشاكل
كذلك الزراير مشكلة ان فيه ناس فصلت تقول التاتش بيبوظ والكلام دا غلط ومش بيحصل
انت محترم ربنا يسعد طمنتينى
@@Alqoran1 🙏🙏
جزاكم الله خيرا
من فضلك هل بيكو تركي بتجمع في مصر..ولا بتيجي بتقفيلتها من تركيا
لحد الان يتم تجميعها فى تركيا
جارى انشاء مصنع فى مصر لكنه لم ينتهى إلى الآن
سلام عليكم لو سمحت انا محتاره بين النوع ده وال xq انهي افضل ؟ وهل هما زي بعض ولا دي افضل
دى افضل من الموديل التانى .. دا الاحدث
انا اشتريت 16couver و11برنامج ومش عارفة اشتغل عليها
عاوزه اجيب غساله أطباق ايه أفضل موديل حاليا
فى بيكو ولا عموما
السلام عليكم ممكن اعرف من حضرتك الفرق بين موديل dfc335hmوموديل dfb325hs فى غسالة اطباق lg واى موديل افضل ارجو الرد ضرورى وجزاك الله خيرا
الفرق فى اللون فقط
سيلفر أو اسود غامق
@@صيانة_غسالة الف شكر جزاك الله خيرا
@AhmedReda-tj9wn 👍👍
هوا في موديل فيه تنضيف ذاتى للغسالة والباب بيفتح لوحدة
فيه موديل ال جى برنامج تنظيف وفتح باب
لوسمحت المفروض اافتح باب الغسالة اول ما تخلص البرنامج علطول ولا انتظر شويه الصح ايه لو سمحت
فور انتهاء البرنامج
والغسالة لها خاصية فتح الباب تلقائيا
هل فيها برنامج الغسيل الذاتى للغساله نفسها ؟
لا
لكن يمكن عملها على برنامج انتنسيف 70
فيديو جميل ما شاء الله
حبيبى تسلم ❤️👍
لو سمحت عندي نفس الغساله دي والفني قالي هي معموله ع طبط عسر تلقائيا 3 ده كده كويس ولا كان لازم يظبطها
كان لازم يتم ظبطها من قبل الفنى
طب كده لازم اعملها افضل
@@user-lm2om7fc2h أيوة يا فندم لازم تعملها وتضبط عسر المياه على المياه عندك عشان الصحون مش يطلع فيها جير أو يحصل مشاكل فالتنظيف
اسفه ع الاطاله اعملها ازاي ولا اتصل ب الفني
هبعتلك رابط الفيديو هنا .. هو مخفى لانى لسه مش نشرته
ua-cam.com/video/nPu3Bn0GGA4/v-deo.html
شكرا لحضرتك عالشرح الكامل
بس عندي سؤال هي كدة مفهاش برنامج الpre wash ولا ال inner clean زي موديل ال15 فرد التانية ؟
بالظبط كدا يا فندم لأنها 6 برامج فقط
التانيه 8 برامج
@@صيانة_غسالة هل ده معناه أن التانيه الاقدم أحسن ولا إيه 😢
مش شرط بس عشان المنافسة كان لازم الشركة تقلل عدد البرامج فالغسالة الجديدة وتكتفي بالبرامج المناسبة للأسرة المصرية واحتياجاتها .. لكن الموديل إلى بالفيديو
ممتاز جدا جدا
لو سمحت هل احط الملح اول مرة فقط؟؟
لو هنستخدم اقراص مش شرط نضع ملح نهائى لا اول مرة ولا بعد كدا
......
لو سمحت اجيب اريستون ولا ال جى . ولا اوفر فلوسي واجيب بيكو علشان الفرق بينهم دلوقتي حوالي ١٥ الف مش عارفه اعمل ايه
هات بيكو
اجيب بيكو انهى نوع حضرتك ترشحوا . انا لقيت ال جى ب٤٥ الف ولقيت بيكو من ٣٠ل٣٥ هوا الفرق بين ال جى وبيكو الموتور ولا الخامة ولا العمر الافتراضي ولا البرامج
المايه عندى نص الوقت ماء حلو وساعات بتبقي ماء بير تحت الارض . لان المايه بتقطع ساعات بستخدم البير هيأثر ع الغسالة وعمرها ولا هتستحمل
@hanansalem8773
فرق مبالغ فيه انا شايف كداا
لو حابه بيكو نوع كويس ادامك موديليين إلى. فالفيديو دا والموديل إلى قبله
الاثنين 15 فرد
هل دي افضل ولا ال14 فرد
ال 14 حلوة وارخص عشان الاسعار بقيت عالية جداا
لو سمحت الفرق بين بيكو ١٤ و١٥ فرد هيفرق لان في فرق كبير في السعر
ولو هشتري حاليا ايه افضل موديل
فرق كبير
اشترى 14 فرد
جزاك الله خيرا
حضرتك تنصح باي موديل
@user-hk2sp3sn6q ال 14 فرد كويسه لان الاسعار بقيت مرتفعه جداا
@@صيانة_غسالة شكرا جدا لحضرتك
@@user-hk2sp3sn6q 🙏👍
السلام عليكم لو سمحت هو انا لسه جايبه نفس الغسالة بس الفنى وهو جاى يركبها لقيت القاعده البلاستيك البتقفل على الأسلاك مكسورة فبيقول ترجع للتاجر فهل لو أنا عوزة اغيره القطعه المكسورة بتكون على حساب ولا حساب الشركه
وعليكم السلام ورحمه الله وبركاته
كلام الفنى صح لان كدا سوء نقل من التاجر أو إلى موصلها للتاجر
@@صيانة_غسالة جزاك الله خيرا
السلام عليكم هو لازم الفني هو اللي يجي يفتحها
الافضل أيوة
بعد اذن حضرتك هل الفرق بين الموديل دة والموديل ال14 فرد السودا يكون فى جودة الاستانليس فعلا لان فى فرق بالسعر كبير؟؟؟
لا فروق كتيرة غير الاستانلس اكيد
@@صيانة_غسالة شكرا على رد حضرتك بس انا قصدى فعلا فى فرق فى خامة الاستانليس بحيث انها ماتصديش زى ما الناس بيشتكو من الموديلات القديمة؟
ولا الخامة واحدة والامكانيات هى المختلفة مع تقنية الغسيل؟؟
@@صيانة_غسالة بالله عليك قولى الحقيقة لان الفلوس الوقتى صعبة جدا فى الغلاء دة
وربنا يجزى حضرتك كل خير يارب
@@user-ge8hm7hr1n لا الخامات بتكون اقوى درجة مع زيادة بقى فى الاضافات والتعديلات
@@user-ge8hm7hr1n ال 14 فرد هتبقى مناسبة ليكى وجميلة طالما مش محتاجه اوبشن مش هنستخدمه يوميا
بالنسبة للصابون استعملو في كل مرة ولا ايه ؟
نعم
شكرا
لو سمحت مش اللي حضرتك بتتكلم عنها ف الفيديو هي هي الموديل ده BDFN36531GB بس اختلاف اللون بس لان اشتريتها انهارده واللي هناك قالي كده انها هي هي بس اختلاف اللون بيغير اخر حرفين
كلامه صح
يعني كده دي احدث اصدار اللي آخرها GB دي لان انا كنت عايزه احدث حاجه فقالي أنها دي
@@marwa8945 اه زى إلى بالفيديو تماما ودى اخر اصدار من بيكو
شكرا خالص لحضرتك
ربنا يجازيك خير
@@marwa8945 العفو يا فندم
لا تنسى لايك للفيديو 😉
لو سمحت انا بتاعتي نفسها بس لون اسود بس نهاية الموديل عندي مكتوب GB وعند حضرتك xc ايه الفرق
الفرق فى اللون دى سيلفر فاتح
إلى عندك اسود غامق
لو سمحت الاستانلس من الغسالة فيه منها سلفر فاتح وسلفر غامق ولا لا لاني روحت اشتريها قالي عندي السلفر الغامق وبسعر اعلي من السوق
كلهم واحد من حيث البرامج والخامات
فرق اللون فقط إلى بيعلى السعر
انا لسه مركب السيلفر الرمادى من يومين سالت العميل جايبها بسعر 28 الف و600 ج
@@صيانة_غسالة لو سمحت الغساله بتعمل صوت عالي عند صاخبتي
@user-hu3ki4bz8c عادى
لو سمحت أيه رأي حضرتك في غسالة بيكو ١٥ فرد الموديل BDFN36531GB ديجيتال
ممتاز .. وفيه فيديو شرح هنا فالقناة
طيب موديل GB أحسن ولا موديل XQ أو XC والديجيتال أحسن ولا الزراير والفضي ولا السوداء الزجاج
@@marumamody2637 كلهم واحد
الفرق فى القديم والاحدث
وموديل XC احدث واحد فيهم واحسن واحد فيهم من حيث كل شيء
@@صيانة_غسالة التاتش ولا زراير منها
@user-ts2dg2tr8u التاتش
شكرا جزيلا على الشرح بس عندى سؤال بعد اذنك أنا عندي beako أسود موديل Bdfn36531GB سعه 15فرد هل هى نفس الموديل اللى فى الفيديو
يعنى هى نفس طريقه التشغيل
أيوة على نفس طريقة التشغيل وكل شيء
الاختلاف فى اللون فقط
لو سمحت لو اشتريت الغساله ومش فتحته خالص لمده ثلاث سنوات في مشكله على الغساله
لا
السلام عليكم.انا عندي نفس المودال ممكن تساعدني، اول استعمال حطنا فيديو توضيحي من فضلك
اول استعمال
ضيف الملح والملمع وكمية مسحوق مناسبه بعد رص الصحون واختار برنامج مناسب لها وابدا عملية الغسيل
@@صيانة_غسالة اول استعمال نضع الاواني أو تكون فارغة
@user-qr5ec2ee4l زى متحب
ايه رايك حضرتك ف الموديل ده BDFN26520xoLEo
كويس
لو سمحت عندى الموديل ده بقالها شهر بس وفجأة شغالة ولاقتها مكملتش البرنامج مرتين عملت كده ولما رقبتها شغلتها مرتين لتأكيد لقيتها مبتسخنش الماية وافتحها الاقيها مش سخنة زى الاول حتى لو ظبطها ع 70 والحاجة طالع عليها زى بودر ابيض حاجات وحاجات ممكن رد اعمل ايه
ممكن شرح وافي لنفس الغسالة بس ونفس الموديل اللون الاسود وايه الاختلاف بينهم
لا يوجد اختلاف بينهم سوى اللون لاختلاف الاذواق أو اعمال الديكور فى المطبخ
انا عندي زيها ونفسها بس بستهلك الملح وبكثرة تقريبا كل شهر بتطلي في رأيك إيه الحل
شهر على استخدام الملح مش كتير
الموضوع راجع لدرجة عسر الماء واستخدامك لنوعية البرامج
كيف شغلتيها اول مرة
ممكن اعرف هي بكام دلوقت الشهر ده تحديدا
كلم الشركة على رقم 16165 قسم المبيعات
لو سمحت يا بشمهندس .. انهارده اول ليا مع نفس الموديل واستخدمت برنامجين 35 دقيقة و58 دقيقة .. الحاجة مش بتطلع جافة وبيبقى فيه بلل والارفف كلها نقط ميه ايه الحل
لو سمعت الفيديو للاخر
هتعرف انى قولت كل البرامج تطلع الحاجة منها مبلله ما عدا الايكو
أو تفعيل خاصية البخار مع البرنامج
يعني ايه تفعيل خاصية البخار مع البرنامج انا جربت برنامج الايكو ورغم كده المواعين مبللة
يعني لو لسه حجيب غساله تنصحني بهذا الموديل ولا مديل تاني لاني محتاره بينهم
دا كويس جدا انصحك بيه
اتمنى عمل لايك للفيديو والاشتراك بالقناة
انا اشتريت غسالة فينولوكس تعبتني ومريحتنيش ارجوكم حد يشرحلي
ابعت لى صورة للوحة التشغيل واشرحها لك
لو سمحت عندي نفس الموديل بس بعد اسبوع لقيت المواعين الي ف الرف الاسفل ناحية الشمال كلها مش مغسولة ونضفت فلتر وبستعمل اقراص فينيش ونضفت الرشاش العلوي بس الي تحت مرضيش يتفك معايا
هى المشكلة مش فى الرشاش
لو سمحت انا لسه جيباه وعاوزه اخليها اول ما تخلص تفتح الباب لوحدها اظبطها ازاي وامته
موجود فالفيديو الطريقة
وممكن شرح لنفس الموديل بس الاسود الزجاج لو سمحت
لو على القناة ادخلى على القناة واختار الفيديوهات هتلاقيه تانى فيديو
الموديل ده افضل والا الموديل XQ
دا احدث موديل
ممكن اعرف عمق الغسالة اللى فى الفيديو كام
85 سم
ازاي افك الفيلتر موش راضى يتفك معايا وانا بقالى شهر باستخدمها
تفكه ليه 😁😁
يا بشمهندس هوه ممكن الغساله تكهرب عادي ولا كده فيها عيب
لأني جيت افتحها عادي بعد ما خلصت لقيتها بتكهرب هي كهربا بسيطه بس كهربا 😢
اه ممكن تكهرب عشان بتكون جايه بوصلة ارضى يا اما بتتلغى خالص .
أو ممكن فى حالة حضرتك تقلب الفيشه هتمنع تكهرب
@@صيانة_غسالة تسلم يا رب ❤️
في بري ووش او اي برنامج لغسيل الخضار؟
نعم برنامج برى ووش
لكن هذا الموديل ليس بها برنامج برى ووش
ولا يمكنك غسيل الخضار بها
الا اذا كنت تستخدم اقراص والغسالة ليس بها ملح او ملمع
انا عندي وحدة زيها بس اليوم شغلتا وفجأه طلع رمز E:1 هاد
وماعم يروح الرمز ابدا
شو السبب
افصل الغسالة من الكهرباء اولا
ثم اتبع الخطوات
الغسالة بها مياه من الاسفل لسبب ما
طلع الغسالة للامام ثم ميلها على جنبها حتى تتصفى المياه
ثم افتحها وشغلها من جديد سوف تعمل
@@صيانة_غسالة شكرا الك
كلامك صحيح 👍👍👍
@@MohammadMohammad-fs8tv 🙏🙏🌹
لوسمحت انا لاقيت الموديل دا على امازون بسعر حوالى 30 الف و900 ولاقيت نفس الموديل بس اللون اينوكس ووشاشة led بسعر 29الف و400ومكتوب عناصر التحكم زر ضغط هو فى من الموديل دا تاتش وزراير ارجو الرد وليه كتبين فى الغسالتين نفس رقم الموديل ارجو التوضيح علشان عايزة اطلبها وراى حضرتك اطلبها من امازون ولا ايه ارجو الرد وجزاك الله خيرا
من فضللك ارجو الرد علشان عايزة اشتريها
الموديل دا XC هو نوع واحد
الموديل التانى زراير آخره XQ
من فضلك يا بشمهندس مش هوه المفروض أن الغساله تفتح بعد ما تخلص غسيل وأنا مضبطه الاوبشن وفيه رمز الباب المفتوح ؟؟؟
حضرتك اخترت خامس برنامج
@@صيانة_غسالة آه اخترت quick & shine 60 ومعاه بخار Steam
بس بعد ما خلصت ضبطت فتح الباب وشغلتها تاني عشان أتأكد أنها هتفتح لوحدها بس مفتحتش
هوه تقريباً لازم نضبط فتح الباب من الأول صح ؟😊
@@princessamira4963 انت لو سمعت الفيديو كويس.
انا قولت أن خاصية فتح الباب تعمل مع اول اربعه برامج فقط 😁
@@صيانة_غسالة تمام شكرا جزيلا لحضرتك ❤️ وعيد سعيد على حضرتك يا رب ❤️😍🌹
@@princessamira4963 وحضرتك طيبة وبخير ديما ياارب والأسرة الكريمة كلها بخير 🎉🥳🎉🎉
السلام عليكم انا الحمد لله جبت الغسالة اللى حضرتك بتشرحها فى الفيديو بناءا على نصيحة حضرتك والشركة ارسلت لى الفنى علشان يركبها عرفنى مكان المسحوق والزيت والملح وشغلها على برنامج المينى علشان يجربها ويشوف الصرف بتاعها اشتغلت تمام مفيش مشكلة بس بساله عن خاصية الباب بيفتح اتوماتيك بيقولى مفيش الكلام دا وطبعا هو صرف الماء بس انا مش هاستخدمها ظلوقتى وهى مبلولة انشفها ولا هى هاتنشف لوحدها وقالى كمان انه بيستخدم الملح الرشيدى الخشن بدل ملح الشركات الكلام دا مضبوط ولاايه ارجو الافادة واشتغل على اي برنامج بصفة داءمة وارجومن حضرتك االرد على اى سوءال لانى لسه مش عارفة فيها حاجة جزاك الله خيرا
خاصية فتح الباب
بيتم تفعيلها من خلال الضغط على زر
Time delay + Fast
...........
استخدام ملح لودفيك أو فانيش مع نفس الشركة الملمع والمسحوق .
..............
لا لازم حضرتك تنشفها بنفسك لأنها مش خلصت البرنامج وهيكون فيها قطرات ماء كتيرة
..........
لازم ننوع فى استخدام البرامج حسب نوعيه الاتساخ فى الصحون لان مش كل البرامج وقتها ثابت ولا كلها بنفس درجة الحرارة
...................
لو فيه سؤال نسيته فكرنى بيه
@@صيانة_غسالة ربنا يبارك فىحضرتك طيب حضرتك اشغل الغسالة ازاى ريعنى ادوس زرار التشغيل الاول و بعدين ادوس على البرنامج اللى انا حددته وبعد كدا اعمل ايه ولوعايزة افعل خاصية فتح الباب اعمل كدا امته بعد محددالبرنامجج ادوس عليه وايه السهم البيض وبعديه شرطتين وتحتيه كانسيل 3secواكنسل ايه انا مش فاهمة ارجو التوضيح
ارجوالرد
خاصية فتح الباب شغلها فى الاول بعد ما تفتح الغسالة
بعد كدا اختر برنامج ثم اضغط على زر ستارت اخر زرار على الشمال على شكل مثلث
@@صيانة_غسالة تمام الف شكر لحضرتك بسحضرتك انا شفت فيديو الاول بيشغل البور وبعد كدا البرنامج وبعدكدا الخاصية سواء فتح باب اوغيرها وبعدكدا استارت ايه اللى صح
هل الة الغسيل بتسخن الماء لوحدها
نعم بها سخان داخلى
السلام عليكم باش مهندس أنا عندي وحدة زيها بس الفلتر لازق و مرضيش يدور خالص عشان أفكو و انضفو
دوره ناحيه الشمال هيتفك
أو كب عليه مياه ساخنه ثم جرب تفك
الشمال يعني عكس عقارب الساعة؟
@@fahmiboulabba9651 ايوة
شكرا على الرد و ربنا يوفقك حجرب تاني
@@fahmiboulabba9651 فى انتظارك
من فضلك هو موديل BDFN36531GB فيه خاصية wifi
نعم فيها
ممكن الاجابة على سؤالي في اقرب وقت غسالتي بيكو 15ومافيهاش البخار ولا يغسل المواد المتسخة كي يمكنني حل هذه المشكلة
ازاى مش فيها بخار !
حتى لو مافيها بخار
فالبرامج درجة حرارتها مرتفعه تصل الى 70
ممكن اعرف طريقه تفعيل خاصيه الواى فاى من نفس الموديل ده بس اللون الاسود
الواى فاى لا يعمل به
هى علامة الواى فاى موجودة
لكنها غير مفعله
طب افعلها ازاى حضرتك
@@habdelazeam لا توجد
لو سمحت البيكو دى ولا البوش
بيكو
لو سمحت انا حسيت التاتش بتاعها في الباور تقيل،مش بيشتغل من اول ضغطه،في طريقه معينه لتشغيلها والا دي فيها عيب؟
التاتش مش زى الموبيل
لازم ضغطه تقيله شوية عليه
السلام عليكم ورحمة الله وبركاته بالنسبة للتتش مش سهل التلف ويبوظ بسرعة
وعليكم السلام ورحمه الله وبركاته
لا مش سهل يبوظ
هي انفرتر ولا لا
انفرتر
الباب في الموديل دا بيفتح لوحدو لما بتخلص؟
فيها خاصية فتح الباب مع اول اربع برامج فقط
ممكن اعرف ايه فرق بين موديل ده و موديل اللي اخره BDFN26520XQ
شكل الرشاشات ونصف الحمولة
والفتح التلقائي للباب
@@صيانة_غسالةنهي احسن فيهم و افضل انا محتارة فيهم و دول اللي متاحين عند ايهاب سنتر فا حضرتك تنصحني بانهي
هل في فرق كبير بين دي وبين موديل DEN48520GB ١٥ فرد ؟
الفرق فى اللون فقط
دى سيلفر فاتح
الموديل إلى انت كاتبه اسود غامق
@@صيانة_غسالة يعني الموديل GB في خاصية فتح الباب التلقائي ؟
@mohamedabdelrahim8291 أيوة موجودة
اجيبها منين انا مش لاقياها
قليلة جدا حاليا
لو سمحت أنا عايزه اعرف سعرالغساله كام
29 الف
سلام عليكم ورحمة الله وبركاته
وعليكم السلام ورحمه الله وبركاته
وعليكم السلام ورحمه الله وبركاته
السلام عليكم حضرتك انا بتواصل مع حضرتك بخصوص غسالة الاطباق بيكو اوlg حضرتك رشحتلى بيكو 5ا فرد تاتش اخرها xc بس للاسف مش متوفر غير موديل xqحضرتك دى كويسة ولا استنى وادور تانى على موديل xc ارجو الرد وجزاك الله خيرا
استنى افضل ودور فى مكان تانى عليها
@@صيانة_غسالة تمام الف شكر لحضرتك
@AhmedReda-tj9wn 👍
م منن من
افضل من حيث اي
السلام عليكم ورحمه الله وبركاته لو سمحت عوزة اعرف اه الفرق بين الموديل ده والموديل bpro500
دى الباب صاج
البرو 500 الباب زجاج
@@صيانة_غسالة شكرا جزيلا لحضرتك وجزاك الله خيرا على شرح حضرتك والاستفادة منه وسرعه رد حضرتك على المتابعين
@@user-cs8dy1zc2h 🙏🙏
اي أفضل موديل لبيكو 15 فرد
لانها كذا موديل
دا أحدث تصميم
لو عايزة موديل نفس الامكانات بس زارير ومقاومة للصدأ هتكون اي
@@ayasaber1769 الموديل ال. قبل دا على طول آخره XQ
شكرا لحضرتك
ممكن اعرف الفرق بينهم
@@ayasaber1769 خاصية فتح الباب تلقائيا بعد انتهاء البرنامج
شكل الرشاشات الجديدة والمعدلة
خاصية نصف حمولة
كل الاوبشن دا فى الموديل دا وليس التانى
ممكن الفرق بينها و بين السوده موديل BDFN36531GB ضرووووري بعد اذنك لازم اقرر لحد الصبح و مش لاقيه حد يفيدني
فرق اللون فقط لا غير
طيب بتاع المعرض قالي أن السوده انفرتر و السيلفر لا و أن السيلفر فيها ستيم و السوده لا
هل الكلام ده صحيح ولا لا ياريت ضروري لان لازم أقرر قبل الصبح للاسف وقتي ضيق اوي
@basmahosny540 كل كلامه غلط
لو سمحت الرشاش اللي تحت عندي مش شغال مع اني نظفته والفني عملي دورة خل وكربونات ورفع خرطوم الصرف ...ايه ممكن يكون السبب؟
كل دى اسباب لاعطال تانيه غير توقف الرشاش
حضرتك اتاكدت ازاى أن الرشاش إلى تحت مش شغال ؟
@@صيانة_غسالة المواعين اللي في الرف السفلي بتطلع زي مادخلت مش نظيفة ولما جيت افتح الغسالة لقيت الرشاش اللي فوق بيلف واللي تحت مابيلفش
@@romymshmsh7567 الغسالة عندك بقالها اد ايه ؟
@@صيانة_غسالة 7شهور