مقارنة سوزوكى ديزاير ضد بروتون ساجا..مين وحش الفئة الاقتصادية
Вставка
- Опубліковано 6 жов 2024
- في هذا الفيديو نقدم مقارنة بين سوزوكي ديزاير 2021 أوتوماتيك الفئة الثانية و بروتون ساجا 2021 أعلي فئة اوتوماتيك بريميوم..
#سوزوكي #بروتون #مقارنة #سوزوكي_ديزاير #بروتون_ساجا #مقارنة_ديزاير_ساجا
#proton_saga #suzuki_dzire
🔶رابط فيديو مراجعة مواصفات بروتون ساجا اعلي فئة اوتوماتيك بالتفصيل • مراجعة مواصفات وسعر بر...
🔶رابط فيديو مراجعة مواصفات سوزوكي ديزاير الفئة الاولي والثانية أوتوماتيك بالتفصيل • مراجعة مواصفات واسعار ...
🔶رابط فيديو مراجعة مواصفات سوزوكي ديزاير مانيوال وتوضيح جميع الاختلافات مع الاوتوماتيك بالتفصيل • سوزوكي ديزاير مانيوال ...
تشمل المقارنة بين بروتون ساجا وسوزوكي ديزاير ٢٠٢١ الآتي:
مقارنة المحرك بين سوزوكي ديزاير و بروتون ساجا
مقارنة استهلاك الوقود بين سوزوكي ديزاير و بروتون ساجا
مقارنة وسائل الامان بين سوزوكي ديزاير و بروتون ساجا
مقارنة المساحات والأبعاد بين سوزوكي ديزاير و بروتون ساجا
مقارنة الخامات والتصميم بين سوزوكي ديزاير و بروتون ساجا
مقارنة التجهيزات بين سوزوكي ديزاير و بروتون ساجا
مقارنة الأنسب للمدن والسفر بين سوزوكي ديزاير و بروتون ساجا
مقارنة الضمان بين سوزوكي ديزاير و بروتون ساجا
مقارنة السعر بين سوزوكي ديزاير و بروتون ساجا
مقارنة اسعار الصيانات بين سوزوكي ديزاير و بروتون ساجا
👈للمزيد من اخبار السيارات المحلية والعالمية ومراجعات واسعار السيارات المحدثة يرجى زيارة موقعنا الرسمى
www.mix3rbiaat...
يشرفنا ان تنضموا الي اكثر من ٣٠ الف متابع لصفحتنا على الفيسبوك
/ mix3rbiaat
دعمكم باستمرار مهم ليا علشان اقدر اقدم المزيد من الفيديوهات وازود احترافيه المحتوي 🌺🌺
شارك بلايك او شير او كومنت علشان نقدر نوصل لاكبر عدد ممكن
احنا لسه في البداية وهي الخطوة الاصعب
بشكركم علي كل دعمكم خلال الفترة اللي فاتت 💐💐 - Авто та транспорт
اكتبولي رأيكم في المقارنة واي استفسار او سؤال انا تحت امركم
وتابعوا كل جديد عن العربيات علي الويب سايت
Www.Mix3rbiaat.com
أختلف معاك يا مستر أحمد في حتة المساحات للسائق بين العربيتين.
الساجا كانت عجباني جدا خصوصا الشكل ده والفئة دي، عربية ممتازة، بس أنا لما كنت بقعد قدام، وانا اطول من حضرتك، ماكنتش برتاح في الساجا، والتحكم في ارتفاع الكرسي متواضع جدا ومفهوش مدى كبير. بتفضل رجلي اليمين خابطة في الطارة وهتضايقني في الطلوع والنزول.
في الديزاير المدى كبير جدا والقعدة كانت أريح بمراحل، كنت فعلا بستغرب ازاي قادرين يعملوا كده في قاعدة عجلات بالأبعاد دي.
تحت امرك الاختلاف شئ صحي طبعا وممكن انطباعتنا الشخصية تختلف عن بعض وممكن اكون ملاحظتش ده وانا قاعد قدام زي ماحضرتك لاحظته وجربته بنفسك
وملاحظتي تكاد تتفق معاك وحسيت ده اكتر لما قعدت في المقاعد الخلفية وذكرت بالنص في الفيديو اني حسيت ان مساحات الرأس افضل في الديزاير
@@Mix3rbiaat
فعلا عشان أنا كمان بنتبه للحتة دي جدا بسبب طولي فوارد اني الاحظ فيها ما يزعجني اكتر. أنا برضه متفق مع حتة المساحات للرأس والارجل في الكنبة الخلفية.
مقارنة جميلة وموضوعية وواضحة ربنا يبارك لك ^_^
شكرًا جزيلا لذوق حضرتك وربنا يوفقنا جميعا باذن الله
شكرا للمقارنه الوافيه و لكن ممكن تزود نقطة توفر قطع الغيارو اماكن التوكيل
اهلا بالراجل المحترم
وتقييمك المحترم والاسلوب المحترم
بعد أذنك رايك فى الشانجان السفن ولا byd ولا الديزاير
ديزاير
المختصر المفيد. بس لازم شرح لفرق نظام التعليق والعزل والاعتمادية
شكرًا جزيلا لحضرتك،،كل الاقتراحات المفيدة طبعا بكتبها علشان نطور اكتر بإذن الله
شرح جميل
ربنا يوفقك
ممكن رأيك الشخصى ايهما افضل للشغل والعائلة
انت رائع فعلا و من القلائل اللى بيتعبوا علشان نستفيد منهم فى اختياراتهم بس ليا سؤال يخص المساحه الداخليه هتفرق كتير بينهم لصالح البروتون ؟؟
الله يكرم حضرتك ،،المساحات قريبة جدًا
نسيت تقارن اهم نقطة وهى الفتيس . لان فيه اختلاف بين فتيس ساجا وفتيس الديزاير اللى هو مانوال واتوماتيك
لو سمحت ركز علي التوكيل ومدي صلاحيته وايضا قطع الغيار علشان ماحدش٣يجبها ويندم للقصور في التوضيح التوكيل التوكل التوكل وقطع الغيار ومدي توافرها
كلام حضرتك مهم جدا ياريت يتم الرد عليه لأنه من النقاط الفارقه جدا
تسلم، عجبني قوي طريقة التقييم
مجهود رائع ومميز أحسنت بارك الله فيك وجزاك الله خير ونفع الله بك الناس أحسنت
متشكر جدا لحضرتك 🌺،،اللهم حقق لنا أمانينا وبشرنا بما ننتظر وأنت خير المبشرين اللهم منك العون وبك الرجاء اللهم اجعل التوفيق رفيق دربنا والبركة غطاء أعمالنا
شابو ليك بجد مقارنه رؤعه ،
بصراحه مقارنه تحفه وشرح ممتاز
شكرًا جزيلا لذوق حضرتك 💐
مقارنه جامده جدا ،شامله جميع النقاط المهمه للمستهلك المصري عايزين مقارنه بين الباسات والسوبيرب والبيجو ٥٠٨
حبيبي 🥰 هحاول اجهزها بإذن الله
عاوزين مقارنة بين المانيوال احنا كحاينين 😂
😂😂 ياراجل المهم احنا نفوسنا صافية وقوية وربنا يرزقك ويرزق الجميع بإذن الله بالافضل منها كمان،،انا صورت الديزاير المانيوال وليها فيديو علي القناة بس لسه مشوفتش الساجا المانيوال ،،هشوف ايه اللي هيتم وعنيا الاتنين تحت امرك 🤗🌺
طالما صحتك تمام وراض تبقى غنى
ربنا يوسع عليك و يرزقك من حيث لا تحتسب
اه والنبى عايزين فدييو عن ساجا المانيوال وامكانيتها
الناس كلها خوفتنى من خامات الدزاير والسويفا مشعرفه ليه انت رايك فعلا ان خامات الديزياير احسن، ؟؟ والتوكيل مين احسن وقطع الغيار وتواجدها وفيديو الساجا المانيوال ضوروورى عشان فعلا هينافس اوى دى هتنافش الجرانتا فى السعر
احلي مقارنة الصراحه
شكرًا جزيلا 🌷ومبسوط انها عجبت حضرتك
بروتون ساجا فى رأيي افضل بكتير طبعا .. موتور ، شنطة ، شكل
جديد رائع دا غير الضمان وبلد الصنع وبروتون اثبتت كفائتها السنين اللى فاتت خاصة بالسيارة جين تو اللى محافظة على سعرها لغاية النهاردة
الله ينور عليك ربنا يوفقك
محتاج عربيه في حدود ٢٥٠ الف تكون كويسه ترشحلي ايه
الله يكرم حضرتك ويوفقنا جميعا،،بالنسبة لترشيح العربية ممكن نحدد حضرتك ايه الفئة اللي محتاجها هاتشباك ولاسيدان ولا كروس اوفر واهم الاحتياجات الخاصة بالعربية
فيديو هايل بصراحه..كنت عايز أعرف هي الساجا فيها مثبت سرعة ومرايات كهرباء ضم وهل الزجاج الخلفي فيميه وده بالنسبة لاعلي فئة
الله يكرم حضرتك ،، الحاجات اللي حضرتك ذكرتها مش موجودة في اعلي فئة المرايات ضبط كهربائي واشارات بالمرايات فقط
لو سمحت انا ليا 7 سنين بسوق اوتوماتيك واتعلمت عليه بس حاليا هبيع عربيتى الاتوماتيك وهجيب مانوال ياترى هعرف اسوق مانوال بعد الاوتوماتيك ولا صعب ؟؟
وياترى سعر السوزوكى او البرتون المانوال فى رينج كام ؟
فيديو رائع و مفيد جدا. طيب الفيتيس مين فيهم افضل؟
الفتيس الاتوماتيك ال ٤ سرعات في الساجا سلس اكتر في القيادة علشان مش بتحس بنقلاته ولكن الفتيس في الديزاير ٥ سرعات بيريح الموتور اكتر وموفر للبنزين اكتر
كل واحد له مميزاته
وشكرًا جزيلا لذوق حضرتك 🌷
ياريت بلاش الموسيقي المستفزه بين الفقرات ياريت بدون
دي فواصل بتعرف حضرتك اي هي النقطة الجاية ،،ممكن اشيلها عادي بس المشاهد هيتلخبط لان الفيديو كله هيدخل في بعضه،،بس اوعد حضرتك اشوف ليها حل باذن الله
الله ينور يااحمد على المقارنة الجميلة دى
الله يكرم حضرتك شكرا جزيلا
مجهود محترم ربنا يبارك لحضرتك
شكرًا جزيلا ربنا يكرم حضرتك
اخبار العزل ايه في بروتون ساجا و سعر إعادة البيع
العزل متوسط و اعادة بيع مش سريعة
@@Mix3rbiaat اعاده البيع ممتازه جدا
@@احمدفهمي-ض5ط مش سريعة تفرق عن متوسطة او ممتازة بتكلم عن المده
الله ينور عليك حقيقي .. فيديوهاتك من أجمل وأدق الفيديوهات اللي موجودة .. حيادية وعملية ودقيقة 👍
الحمد لله،، ومتشكر جدا لذوق حضرتك
شكرا ليك .. بس هل مفيش تخوف من فتيس الديزاير ؟ يعني هل هو حاجة جديدة مش منتشرة ف السوق وبالتالي نتوقع انه صعب الصيانة؟
العفو،،هو يعتبر فتيس مانيوال وراكب له وحدة تحكم علشان ينقل هو ،،نفس الفكرة دي كانت موجودة زمان في الفيات ومش صعب في الصيانة مع الاستخدام الطويل هيتغيرله ديسك واسطوانة زي المانيوال كده
@@Mix3rbiaat شكرا ليك 👍
الاسبرسو كويسه ؟!
معقولة فيها تجهيزات كويسة واعتمادية
كل كلامك صحيح باستثناء الثبات الثبات فى الساجا افضل بكتير
اشكرك يافندم ،،طب ماانا قولت فعلا ان ثبات الساجا افضل
بروتون ساجا ما تتقارنش حتى في ماليزيا، هناك في مايفي متفوقة على ساجا بكل حاجة
عوزين مقارنه بين شيري اريز وسوزكي
بإذن الله حاضر
والسويفت احسن ولا بروتن
شرحك حلو اوي🤩
حبيبي مستني فلوجاتك 😘
بعد إئنك ممكن توضيح الفرق بين الفتيسين وأيهما أفضل
وحاجة تانية اعادة البيع حضرتك شايف ايه ؟
فتيس الديزاير يعتبر مانيوال وراكب له وحده تتحكم بالنقل مكانك زي الاوتومتيك فهو في الاخر بينقل لوحده اوتوماتيك بس في احساس بالنقله
اما الساجا فتيس اوتوماتيك طبيعي عادي خالص
@@engrami4490 حاليا الديزاير انتشارها افضل واعادة بيعها افضل
انت رائع والله
جزاك الله خيرا
الله يكرم حضرتك دايما بتحرجني بذوقك
@@Mix3rbiaat دي شهاده حق هتحاسب عليها حضرتك انسان محترم وبتراعي ربنا بدون تحيز وبعيدا عن اي مكاسب
المره الجيه مقارنه مبين ثلاثه اول فءه مانيوال فيات تيبو و ديزاير و البروتون
باذن الله
حرام عليك 😂 كنت حاجز ديزاير و حيرتيني و بفكر في الساجا، مع العلم ان استخدامي معظمه داخل المدينة السفر مرة او مرتين في السنة، ايه رأيك من حيث قطع الغيار و التوكيل الافضل
طب حضرتك احترت اكتر ولا استفدت من المقارنة 😂
انا والله مفصص كل حاجه وبالنقط
وحضرتك اخترت اللي يناسبك فعلا وزي ماانا ذكرت في المقارنة
قطع الغيار حاليا متوفرة للديزاير اكتر من الساجا الجديدة والتوكيلين يعتبروا متساويين بيحاولوا يحسنوا من نفسهم
استفدت جدا والله ربنا يكرمك و بالتوفيق ❤️❤️❤️ و شكرا لتعبك
@@khaledmoustafa4790 العفو ،،شكرًا جزيلا لذوق حضرتك وربنا يوفقنا جميعا باذن الله 🌺
انا حيران نفس حيرة حضرتك
بس انا لسه مجبتش
حضرتك جبت انهي فيهم؟؟ واخبارها ايه
المشكله ان معايا الوحش
صني n16
محتاار جدا
لوتكرمت ايه اللون الأفضل فى السياره الدزاير
اذواق طبعا والاكثر طلب الفضي المدخن والفضي والكحلي
لو سمحت ممكن اعرف انهي افضل ل بنت مبتدئه وتكون عائلية وهل تكون مانيوال ولا اتوماتيك وارجو الرد واسفه ع الازعاج🙏
الاتنين ابعادهم كويسة مش ضخمة مع التعود هتبقي سهلة في السواقة ويفضل الاتوماتيك اكيد اسهل بكتير لحد لسه بيدأ
@@Mix3rbiaat تسلم شكرا جدا لحضرتك❤️
@@sarasaso7703 العفو علي ايه،، لو في اي استفسار في اي وقت بدخل ارد تحت امرك
@@Mix3rbiaat بتشكر جدا حضرتك والله كلك ذوق وما شاء الله خبرتك وكلام ثقك ربنا يوفقك❤️🙏
@@sarasaso7703 الله يكرم حضرتك ده من ذوقك🌷 وربنا يوفقنا جميعا باذن الله
السلام عليكم
لو سمحت ديزاير ولا لوجان ولا جرانتا من حيث قطع الغيار وعدم الاحتكاك في المطبات.
وهل ١٥ سم ارتفاع عن الأرض كويس ولا هتحك
الديزاير عن تجربة👌🏻 ، وشفت له تعليق بيرد على واحد وبيحكي فيه أن قطع الغيار للديزاير حاليًا متوفرة اكتر
انا بركب اوبر كتير وعن تجربة .. التلاتة مش كويسين خالص وعربيات ضعيفة ونشفة جدا والقاعدة غير مريحة تماما دا غير المطبات اللى هتحس بيها اوى.. بروتون عربياتها كويسة جدا واثبتت كفائتها فى اخر كام سنة خاصة الشكل الجديد وضمانها كويس
@@ayam4613 بروتون شغال بها أوبرا كويس
طيب رأي حضرتك ايه في البالينو ؟
عربيه كويسة نفس منظومة الاداء اللي كانت في السياز قبل الفيس ليفت اعتمادية مفهاش مشاكل والعربية فيها تجهيزات كتير ومساحات كويسة واسعار صيانات رخيصة مفيش حاجه تعيبها غير ان سعرها عالي شوية ومش لوحدها كل العربيات تقريبا سعرها عالي
لو هشترى عربيه قسط ايه افضل نوع عايزة عربيه اعتمديه للشغل تحت ٢٠٠ الف
بي واي دي
نيسان صني وبي واي دي
طيب واالا سزوكى ديزاير ايه اخبارها
@@basmanabeeh1902 اعتمادية وعربية ممتازة بس عايزين نفرق بين عربية شخصية وعربية للشغل بمعني لو العربية للشغل وبس وده الغرض الرئيسي منها يبقي ده مشروع بدور فيه علي اقل عربية ممكن تكلفني مصاريف صيانة وقطع غيار علشان بستهلك العربية بشكل اكتر وبالتالي اوفر فلوس علشان اقدر اكسب وهنا هنلاقي الصني والبي واي دي قطع غيارهم في كل حته واسعارهم رخيصة وموجود منهم انواع مختلفة بدرجات متفاوتة في السعر ومساحات الجلوس فيهم والتخزين كبيرة فده مناسب للشغل حتي لو كانوا مش أحسن عربيات في فئتهم السعرية ،،اما لو العربية مش الاساس بتاعها الشغل وقتها نحدد اختيارات تانية
ممتاز
احسنت يا. احمد وعربيتك نوعها ايه؟
الله يكرم حضرتك 🌺
@@Mix3rbiaat انا حاسس ان عربيتك موديل حديث وعايز اجيب زيك حاجع شبابيه وتمشي الحال
@@محمدحسني-غ9غ عايز حضرتك تجيب زيرو ولا مستعمل وفي حدود كام
بروتون ولا جرانتا ولا بي واي دي.. عربيه للبيت
البروتون افضلهم بس اقلهم انتشار
بس للبيت مناسبة حافظ عليها واهتم بصيانتها وهتعيش معاك عمر
مستنيهاااا
تحت امرك ،،طب رأي حضرتك ايه
معلش سؤال و شكرا
بالينو ولا ابيزا الفئة الاولي؟
حضرتك ايه احتياجاتك
اعتمادية واسعار صيانات وقطع غيار ارخص بكتير وتجهيزات اكتر ومساحات اكبر من الداخل ونظام اضاءة امامية افضل "بالينو"
ثبات علي السرعات العالية وجودة الخامات المستخدمة وتقفيل احسن وقوة محرك واعتمادي برضه وعوامل امان افضل" سيات ابيزا الفئة الاولي"
..الشكل هيرجع لذوقك الشخصي وراحتك النفسية واعادة البيع تعتبر الابيزا افضل حاليا بحكم انتشارها ودي نقطة مستقبلية ممكن تتغير مع الوقت الله اعلم.
احتياجاتك الشخصية حضرتك اكتر واحد عارفها سواء عايز مساحات ولا بتحب الجري ولا علي قد المشواير او بتحب الدلع والاوبشن وغيره كده يعني
لو بتبيع بسرعة ومش بتقعد العربية كتير هات الابيزا انما لو عايز عربية تقعد معاك وقت طويل هات البالينو لان موضوع مصاريف التشغيل بيفرق اكتر وبتزيد مع استخدام العربية الطويل
انا متفق جدا مع رد مستر أحمد بس اختلافي في ان البالينو مش أحسن قيمة مقابل سعر للأسف.
@@mohabmuhammad وانا متفق مع حضرتك انها مش افضل قيمة مقابل سعر وذكرت ده بالنص في فيديو مراجعة البالينو في الملخص النهائي وقولت ان تسعيرها عالي شويه وللاسف واقع الجمارك للاسيوي هو اللي بيدخله في شريحة سعرية اعلي من قيمته
@@Mix3rbiaat
حاجة تحزن فعلا لأن المنافسة في صالح المستهلك. بس تفصيل حضرتك للعربيتين فاجئني عشان الأغلب بيقول ابيزا على طول، فالتفصيص ده عدل الكفة شوية وخلاها موضوعية.
@@mohabmuhammad طبعا المفروض فعلا يكون في حل لان في حالة تساوي الجمارك وضع السيارات في السوق هيختلف تماما ووقتها كمان الاوروبي هينزل سعره بجد لان لسه فيه هامش ربح عالي مش قليل،،
اما بالنسبة للمقارنة فانا مقتنع ان مفيش افضل في المطلق وده انا لمسه في ارض الواقع في ناس كتير مش بتحب اقتناء الالماني مثلا وبيحب اقتناء الياباني لانه بيقدمله اللي هوا عايزه مثلا زي ان العربية ناعمه وتكييف قوي جدا والاعتماديه العالية وغيرها وهتلاقي العكس صحيح ناس مش بتحب الياباني وبيحب اقتناء سيارة موجهه اكتر لاعطاء السائق روح قيادة عالية بالاداء والخامات وغيرها والاتنين بيمثلوا اغلبنا ولولا اختلاف الاذواق والاحتياجات لبارت السلع
ممكن اسال حضرتك هيا بروتون تصنيع ايه و تقفيل ايه
ماليزي
@@Mix3rbiaat شكرا جدا على سرعه ردك
ماليزى ... وعلى فكرة الماليزيين متقنين جدا لعملهم على عكس الديزاير هندى والهنود لو مش واقف على ايده ومتابعه ممكن يبوظ الشغل
هل العربيات دى تنفع فى الغاز
لازم سؤال شركة الغاز المتخصصة في تحويل السيارات
هل العربية مناسبة لاوبر..البروتون
لا علشان صياناتها وقطع غيارها تعتبر غالية وسط فئتها
@@Mix3rbiaat طب الديزير مناسبة لأوبر؟
تسلم ايدك
شكرًا جزيلا 🌷
فيديو محترم ربنا يبارك لك
بس حضرتك متكلمتش عن توافر قطع الغيار واسعارها
الله يخليك ،، اسعار قطع الغيار بتبقي صعبة شوية يالشركة بتطلب رقم الشاسية علشان تديلك الاسعار او حادثة علشان تعملك مقايسة وتديلك الاسعار فاعذرني
@@Mix3rbiaat جزاكم الله خيرا ومتشكر جدا علي رد حضرتك.
لكن لو العربيه استعمال شخصي موضوع توافر قطع الغيار من عدمه هيبقي نقطه محوريه ولا مش هتفرق معاي .
وانا ميال شو يه للبروتون ساجا حضرتك تشجعني علي كده لو هي استعمال شخصي
@@aymannabawy555 البروتون عربية محترمة جدا وارشحها للاستخدام الشخصي ،،عيبها قصور التوكيل في تسويقها والاهتمام بها وقطع الغيار متوافرة في التوكيل وهتلخد وقت بحكم انها جديدة انها تتوافر في اماكن خارج التوكيل
@@Mix3rbiaat ألف ألف مليون شكر لحضرتك علي ذوقك الرفيع
بصراحه حضرتك من اكتر الناس اللي بترد باهتمام علي متابعيهم . أشكرك شكرا جزيلا.
@@aymannabawy555 العفو وبالتوفيق بإذن الله
ياريت صوت اعلي
تحت امرك ،،بس استأذن حضرتك تجرب الفيديو من جهاز تاني وهتلاقي مفيش مشكلة في الصوت باذن الله
طيب النيسان واللوجان برا المنافسة ؟
ليه مين قال كده ؟
@@Mix3rbiaat انهى الافضل فى الفئة السعرية دى
@@momenelsayed4238 علي حسب متطلبات اللي بيشتري فيهم اللي بيتميز بالمساحات واللي استهلاك وفقوده مميز وغيره وغيره
البرتون
٤٠ لتر في ١٠٠ على 7 لتر لكل ١٠٠ كيلو المحصلة ٥٧١ كيلو متوقعة
الدزاير
٣٧ لتر في ١٠٠ على 5.5 لتر لكل ١٠٠ كيلو المحصلة ٦٧٢ كيلو افتراضية
والفرق في الصرفية ١٠١ كيلو لصالح الدزاير مع فارق ال ٣ لتر فقط بحجم خزان الوقود للبروتون
طبعا الافضل الدزاير بس كقوة عزم البرتون
وشكرا لمجهودك اخي
العفو وشكرا جزيلا لمشاركتك
@@Mix3rbiaat
عفوا
بروتون فين في اسكندريه لو عايز اجيبها
اعتقد ملهاش فرع للتوكيل في اسكندرية بس في مركز خدمة معتمد اسمه المصرية الاوروبية
لو عايز تشوفها عن حضرتك ممكن تشوف المعارض الكبيرة زي الطارق اكيد هتلاقيها
و الله انت راجل محترم و مشكور ليك مجهودك على دقتك و المقارنة سهلة و بسيطة
الصراحة الديزير لها نقاط كتير ايجابية
# مصاريف الصيانة ٢٠ الف ففط و دي نقطة هامة جداً جداً جداً جداً
اما ارتفاع صيانة الساجا و قطع غيارها و كمان استهلاك البنزين يعتبر غير اقتصادي كل ده قتل اي ميزة في الساجا الصراحة ( المساحات افضل و الثبات افضل ) حتى و ان كانت ارخص ب ١١ الف هيتصرفو على مصاريف التشغيل
# العربية ياباني دا في حد ذاته له ثمن الثقة في الاعتمادية و قلة الأعطال
# اعتقد انتشار الديزير اقوى و من ثم انتشار اقوى لقطع الغيار
#شكل المقدمة بالاكصدام في رأي افضل
#تجهيزات الداخلية من تكيف خلفي و التابلوه شايفه عصري جدا
# تجهيزات الامان و موضوع الثبات الالكتروني و صعود المرتفعات دا جميل جداً
#دخول العربية بدون مفتاح و ستارت ستوب للمحرك رفاهية ممتازة الصراحة
# استهلاك البنزين طبعاً عامل مهم جداً
# الفتيس فيه نظام مانوال
# الشاشة بتدعم ابل كاربلال و الانروديد
لا يعيبها فقط سوى مساحة إلشنطة
انا اللي بشكر حضرتك جدا علي السرد الجميل ده 🌷
@@Mix3rbiaat
منكم نتعلم أخي 🌹🌹🌹
كان فاضل اسعار قطع الغيار ومدى توافرها
لو كانت الاسعار متوفرة معايا والله ماكنت اتأخرت 🌷
مقارنه راءعه
الحمد لله بذلت فيها مجهود 😅مبسوط انها عجبتك 🥰
ديزاير مانيوال ولا ساجا مانيوال
اتفرج على المقارنة الاساسيات واحده بين المانوال والاتوماتيك
ديزاير وكفي :)
بس انت نسيت نقطة مهمة جدا .ماتكلمتش عن قطع الغيار توافرها واسعارها للعربيتين
اعذريني والله بس لو اسعارهم في التوكيل كانت متوفرة كنت اكيد هذكرهم،،بس مش متوفر اسعار قطع الغيار في الوقت الحالي علشان كده مذكرتهاش لان لازم كل حاجه تتقال تبقي مظبوطه
القطع الأساسية اللي بتتغير مع الصيانة زي السيور والزيت والفلاتر بتبقي محسوبة ضمن اسعار الصيانات الدورية اللي طبيعي بنمشي عليها بانتظام
افضل الديزاير 😳
بروتون ساجا تجميع اين؟
ساجا ماليزي
الساجا بقت ب٣٦٠ 😭😭💔
للاسف الاسعار اتغيرت
الفيديو من سنه
بتقارن ساجا مع عربيه محدش عارف ينافسها في
مصر إزاي
المقارنة من سنة حضرتك والناس اللي طلبتها
ربنا يوفق بصرف النظر إنت حد محترم ونا أخوك الصغير طبعا
@@saydyosef8306 ربنا يخليك 🌷وربنا يوفقنا جميعا باذن الله
الاعلان طويل اوي
اعلان ايه اللي حضرتك تقصده ؟
لان اليوتيوب هو المتحكم في وضع الاعلانات مش انا خالص والمفروض ان في علامة skip علي اليمين لتخطي الإعلان مباشرة
اليوتيوب مطوله جدا
@Mohamed Adel لا ده والله مش بايدي خالص
بس اكيد زي ماقولت لحضرتك في علامة اسمها تخطي الاعلان بتظهر بعد ٦ ثوان من تشغيله اول ماحضرتك تدوس عليها يقفل الاعلان فورا....
وأستأذن حضرتك لو استفدت من الفيديو تدوس علامة لايك للفيديو علشان غيرك يستفاد باذن الله
هو الديزاير الزجاج فاميه ولا لاء وهل يوجد مثبت سرعه
لا مفيش زجاج فاميه ولا مثبت سرعة
@@Mix3rbiaat حضرتك مكتوب فى هتلاقى انهم موجدين ؟ ده معناه ايه معلش ارجو الافاده
@@mohamedahmed-uz3jx مواصفات مش دقيقة علي الموقع فقط
انا مصور كل العربيات الديزاير المانيوال والفئة الاولي والتانية أوتوماتيك حضرتك تقدر تشوف الفيديوهات وتتفرج علي كل مواصفاتهم بالتفصيل ولينك الفيديوهات موجود في صندوق الوصف اسفل الفيديو
الفرق بقي 40الف بينهم للاسف
اه للاسف
@@Mix3rbiaat طب الواحد يجيب انهي فيهم
@@aliaeliwa4916 اللي موجود فيهم حاليا بسعر افضل في المعارض ساجا ..
لو سمحت انا ليا 7 سنين بسوق اوتوماتيك واتعلمت عليه بس حاليا هبيع عربيتى الاتوماتيك وهجيب مانوال ياترى هعرف اسوق مانوال بعد الاوتوماتيك ولا صعب ؟؟
وياترى سعر السوزوكى او البرتون المانوال فى رينج كام ؟
ممكن تجرب الاول ،،سعر الديزاير مانوال ١٧٥ والساجا المانوال ١٦٧ الف