VLOG🇭🇰港式打工換宿｜荔枝窩兩日一日📍緣路山旮旯取景地蛤塘士多俾狗圍、傳統客家屋House Tour唱K🎵超可愛貓桑拿實錄🤍細路果實攻擊｜香港旅遊

IG｜@yyyingtinggg
更新：7:58 應該係泥沙攻擊 唔是沙炮😂😂😂
初認識荔枝窩，應該係2021年左右嘅事。
當時因工作要去荔枝窩採訪藝術家同拍片，最令我印象深刻嘅係英姐嘅客家炆豬肉，真係好好食🤪一直都覺得呢個地方好特別，唔想用「隱世」去形容佢，但又的確係一個同市區分別非常大嘅地方，令我好想再返嚟認真地遊歷一下。
突然有日俾我喺FB見到荔枝窩「打工換宿」嘅消息，心諗：今鋪非去不可！但同時又諗：自己去，定搵多個人一齊去好呢？當時我係抱住「愛就要即時」嘅態度，X，報咗先啦！點知又真係俾我咁輕易報到喎🤣唔知係咪天意呢，原定要去個個星期竟然打風喎，咁我就唯有改期喇。一同春哥（老闆）講過要改期，佢就話：「叫多個人啦」😂咁，竟然春哥你講到，咁，好啦😂😂😂
好喇！真係出發去荔枝窩喇！天氣合乎心水地好，所以人都非常地多。一入去明記就開始簡單樓面，工作，都係問下忍唔忍嘢呢啲。喺明記，我洗咗一年份量嘅碗😂btw 我好鍾意洗碗的！但春哥提醒，隻隻碗都係寶，爛咗就冇，所以一定要小心啲洗🤫
工作過後我哋就周圍fing下，喺路邊見到有塊寫住「手工麵包」嘅牌，話行六分鐘可以去到。咁，我一定要去啦！行到門口，正打算浩浩蕩蕩入去食包之際，突然殺出六七隻村狗，佢哋開始低吼，搞不掂，小驚，所以秒走。
世事就係咁奇妙，俾我哋喺走佬途中遇到大眼哥。有佢帶住，啲狗狗開始親近我哋。嘩，真係差啲嚇到個心離一離。入去到見到好靚嘅璧畫、好多包、好多貓狗，仲有發哥發嫂大眼哥Heidi，全部人都超級Nice！
天黑了，又落返春哥度食飯。勢估唔到！食飯竟然唔係睇電視！係睇卡啦OK！春哥話呢部機係好耐以前返深圳買落嚟，所以入面啲歌起碼十年以上，勁多舊歌！勁多而家唱K唱唔到嘅歌！勁正🥰 原本我都怕我啲魔音會唔會騷擾到附近居民，但春哥話「無問題」！OK！咁我放心唱！
荔枝窩其實不論日頭夜晚都好寧靜，無光污染之下天空特別清澈，月亮都特別皎潔，超多星星！朝早其實都唔使較鬧鐘，陽光可以自動叫醒我哋。唯一一點就係居家屋好應聲，隔離屋講咩我都聽到😂所以小心啲唔好講人壞話喇～
總結，荔枝窩打工換宿係今年一個非常難忘嘅經歷。除咗景好、空氣好，人同貓貓狗狗們都非常好，好有人情味🥰 但願呢份美好可以繼續保留落去，發展商正苦永遠唔好打呢度主意plzzzzz
#荔枝窩 #客家 #打工換宿 #蛤塘 #梅子林 #緣路山旮旯 #發記士多 #春哥 #岑珈其 #毛孩 #workingholiday #行山路線 #行山路線推介 #通心樹 #風水林 #烏蛟騰 #香港本地遊 #本地遊

[@ireneng5386]

多謝你的分享，一直都想去，就係拖延症

[@YINGTINGGG]

荔枝窩真係好清幽好舒服㗎！今個秋天係好機會啊～

[@Rienn-vs9kb]

多謝你發掘香港呢啲地方☺️
估唔到香港都有打工換宿
好有趣好有意義 期待share更多！

[@YINGTINGGG]

多謝你🥰