هاتف الرئيس

سنة 2018 فوجئ العالم كله بإن أغنى رجل فى العالم.. الملياردير جيف بيزوس مؤسس شركة أمازون بيطلق مراته بعد ما اتنازل لها عن 38 مليار دولار من ثروته..
تقولى تمام.. إن أبغض الحلال عند الله الطلاق.. بس التجسس ماله ومال موضوع الطلاق ده يا أبوحيمد.. أقولك..
الطلاق حصل ليه أصلا؟.. لأن جيف بيزوس اتسربت له صور مع عشيقته.. فمراته عرفت انه يعرف واحده تانيه.. فطلبت الطلاق.. لكن هنا سؤال مهم.. هو مين اللى سرب الصور؟.. أقولك الله ينور عليك.. هو ده السؤال الصح؟..
جيف بيزوس اتهم الأمير محمد بن سلمان ولى عهد السعودية.. انه هو اللى اخترق تليفونه وسرب له الصور.. طيب والأمير محمد بن سلمان هيستفيد ايه يا عم بيزوس.. قالك لأنه كان مضايق من المقالات اللى بيكتبها الصحفى السعودى جمال خاشقجى الله يرحمه.. وجمال خاشقجى كان بيكتب مقاله فى صحيفة الواشنطن بوست.. والواشنطن بوست مين اللى بيمتلكها؟.. جيف بيزوس.. فالأمير محمد بن سلمان اخترق تليفون جيف بيزوس وسرق الصور والرسايل اللى عليه وسربها للصحافة الأمريكية.. ده السيناريو اللى ادعاه جيف بيزوس..
حضرتك تقولى وهو سهل كده تليفون أغنى رجل فى العالم يتم اختراقه؟.. أمال تليفونى أنا هيحصله ايه؟..
أقولك الله ينور عليك.. اختراق التليفون ده بقى هو أصل الموضوع.. وتعالا نبدأ من هنا..
لكن قبل ما نبدأ وعلشان نبقى منصفين.. فى رواية تانية للى حصل.. رواية نشرتها بلومبيرج.. قالت ايه بقى؟.. قالت ان الأمير محمد بن سلمان ملوش أى علاقه بالموضوع.. واللى حصل ان عشيقة جيف بيزوس هى اللى سربت الصور والرسايل بنفسها بمساعدة أخوها.. والسيناريو ده بيعتمد على دليل.. ايه الدليل؟.. ان أخوها عرض عليها وعلى جيف بيزوس انه يحاول يقنع الصحيفة اللى بتنشر الصور والرسايل انهم يوقفوا نشرها.. لكن طبعا بمقابل مادى.. كان عاوز ياخد منهم فلوس يعنى..
طيب هل فى أدلة تانية بتأكد السيناريو ده.. أيوة فى.. المدعى العام الفيدرالى فى ولاية منهاتن الأمريكية قدم أدلة بتثبت ان عشيقة جيف بيزوس هى اللى سربت الصور.. الأدلة دى كان من بينها رسالة نصية بعتتها العشيقة لأخوها يوم 10 مايو 2018.. الرسالة دى كانت واحدة من الرسايل اللى بيبعتهالها جيف بيزوس.. طيب هل فى أدلة تانية؟.. أيوة فى.. صحيفة الديلى ميل نشرت تقرير بيأكد ان أخو عشيقة جيف بيزوس.. قبض من الصحيفة اللى نشرت التسريبات 200 ألف دولار.. بناء على عقد وقعوه مع بعض.. وهنا سؤال.. هو ليه الصحيفة هتدفع 200 ألف دولار لحد إلا إذا كان مقابل حاجه تانية خدتها منه؟..
حضرتك تقولى يعنى كده تليفون جيف بيزوس متمش اختراقه زى ما اتقال.. أقولك الأدلة كلها بتأكد ده.. خصوصا ان السعودية طلبت رسميا من جيف بيزوس اللى اتهمها بالتجسس على تليفونه.. انه يقدم أى دليل يثبت اتهامه.. لكن مقدمش أى حاجه.. وده بيثبت انه استغل أزمة الصحفى جمال خاشقجى علشان يحاول يورط السعودية فى موضوع فضيحته وتسريباته.. وتبان انها انتقام سياسي..
لكن بعيدا عن كل ده.. اللى يهمنا دلوقتى هو ان اللى حكيناه بيثبت ان تليفونه متمش اختراقه ولا حاجه وإن مسألة الاختراق نسبية.. بالبلدى كده لسه فى ناس كبيرة على الاختراق..
حضرتك تقولى لكن أنا قريت من فترة ان فى برنامج تجسس اسمه بيغاسوس.. قدر انه يتجسس على تليفونات رؤساء العالم.. ومن بينهم رئيس وزراء مصر الدكتور مصطفى مدبولى..
أقولك تمام.. تعالا نشرح..
المصادر
tinyurl.com/3b...
tinyurl.com/2h...
tinyurl.com/4u...
tinyurl.com/4d...
tinyurl.com/rj...
tinyurl.com/p7...
tinyurl.com/ye...
tinyurl.com/3m...
tinyurl.com/yc...
tinyurl.com/y5...
tinyurl.com/ys...
tinyurl.com/2p...
tinyurl.com/bx...
tinyurl.com/2j...
tinyurl.com/y7...
tinyurl.com/s2...
tinyurl.com/pw...
tinyurl.com/av...
#السيسي #محمد_بن_سلمان #المواطن_سعيد

[@Ahmed_Said]

لو الحلقة عجبتك لايك أو شير وانت معدى 🌷❤️

[@moshirakhalifa183]

تم عمل الشير طبعاً على الواتساب كالعادة 👍

[@ولاكلمة-س4ل]

تم يفخامة مصر

[@abdallahahmed8510]

الحلقة جميلة تسلم يا محترم جهد كبير . لو تسمح ممكن حلقة عن ملحمة حائط الصواريخ المصري وتاريخه ودوره في حرب أكتوبر.

[@امليوسف-ظ5ف]

لايك علي طول

[@bishoyyounan]

ادق محلل في الخبر و المحتوي و استرسال المعلومة. شكرا استاذ احمد علي المجهود الكبير و احترامك لعقل المشاهد

[@romanysobhi999]

ياريت حلقات اكتر ❤️بصراحة حضرتك وزى الكتاب مابيقول والدحيح افضل محتوى مصرى بيتقدم 👍🏻انا بحبكم جدااا

[@Ahmed_Said]

تشرفت بمتابعتك 🌷❤️

[@atotatoty409]

استفدنا جدا وفى انتظار الحلقات القادمة ومن فضل حضرتك بلاش
تأخير نستمتع بكل محتوى حلقاتكم
تحياتى لشخصكم ورئيس التحرير
وكامل فريق الاعداد

[@Ahmed_Said]

حلقاتنا كل اتنين واربعاء تشرفنا بمتابعتك ودعمك

[@ahmadramzy8655]

فيديوهاتك مختصرة و مفيدة و to the point و مافيهاش رغى كتير و مش بتزهق و اختيارك للمواضيع متميز جدا و طريقك سردك شيقة و منظمة و مخارج الفاظك واضحة. أحييك بشدة انت و فريق عملك ، انت نموذج للنجاح . تحياتى

[@الإمامالبخارى-ب5ث]

نصيحة على الماشى 🤲
لو أنت على السوشيال ميديا كتير
ف اكتب صل على النبي أو أى ذكر لعل الله يرحمنا

[@najeebbusais7201]

اسلوبك مشوق واكيد استفدت منها ...جزاكم الله خير

[@kaliduones7419]

بغض النظر عن الحلقه واكيد هي حلقه متميزه كالعاده انت انسان مميز وزوق شكرا لحضرتك

[@hotdog2508]

يا جامد بحبك يا دكتور سعيد ⁦❤️⁩⁦🇪🇬⁩

[@sayeda244]

مجهود جبار يابو حميد الله يوفقك 🌹

[@Ahmed_Said]

تقديرك جميل ❤️ شكرا لذوقك 🌷

[@eagleeye8064]

موفق دايما استاذ احمد ، ودايما موضوعاتك مختلفه ومميزه 💗

[@Ahmed_Said]

تشرفت بمتابعتك ودعمك وتقديرك 🌷❤️

[@mansourhousam710]

ياباشا انت بجد كل حلقاتك مفيده وكمان بتخترق مواضيع خطيره شابوه بجد على الأداء المتميز

[@hamogaber7318]

مافيش حلقة مش بتعجب حد انتا راجل أسطورة بتعرف توصل المعلومه صح

[@Ahmed_Said]

تسلم جدا لذوقك ودعمك وتقديرك

[@قناةمصراويكنداوي]

شكرا علي التحليل و المعلومات يا استاذ محمد.
ارجو المتابعة و الدعم، أخوكم مهاجر مصري 🇪🇬 و باتكلم عن الهجرة و الحياة في كندا 🇨🇦، شكرًا لكم.

[@azizaziz-eo4je]

جزاك الله خيرا**** تحيـــــــــــــا مصــــــــــــــــــــــر

[@Ahmed_Said]

واياك تشرفت بمتابعتك ودعمك..تحيا مصر

[@MrTariqelbanna]

ربنا يحفظ مصر وتحيا مصر

[@ontheair1798]

أسأل الله أن ترزق صاحب اليد التي تضغط على اشتراك فرحه يسجد لها باكياً و رزق لا ينتهي ابدا ً.،

[@mohamedsaad7698]

الدعوة بظهر الغيب وليست على النت الا اذا كان لك غرض ومصلحه فهى ليست لله يا خفيف بطلوا استخدام الدين للمصالح

[@googlenet6165]

اللهم امين يارب العالمين

[@hazemfouda]

*حلقة متميزة وهادئة وهادفة*

[@قناةمصراويكنداوي]

حقيقي ، من افضل الاعلاميين الي انا متابعهم.
زورونا في قناة مصراوي كنداوي، باتكلم عن الهجرة و الحياة في كندا 🇨🇦 و المميزات و العيوب، شكرا مقدمًا.

[@alahmedasem]

دائماً محتواك مفيد

[@therealParisHilton]

انت عارف الثغرة دي تبقى ايه؟
ايه؟
اقول لك ولا تزعلش؟
لأ ها ازعل
من حوار بين احمد مكي وبيومي فؤاد في مسلسل الكبير قوي الجزء الخامس
😂🤣🤣

[@khalidalshaikh3404]

حلقه عظيمه اشكرك صراحه عليها

[@Ahmed_Said]

تسلم لذوقك ودعمك تشرفت بمتابعتك 🌷❤️

[@hassanelganam8313]

انته كوكب عظما ربنا يحفظك انا بتبع من زمان 🖤🤘🏻

[@Ahmed_Said]

ليا الشرف ياحسن تسلم لذوقك ودعمك ❤️🌷

[@hassanelganam8313]

انا متشكر ليك اقسم بالله بجد انته من احسن الناس الي بتقضم الحس الوطني والحيقية ف نفس الوقت ربنا معك💙🙏🏼

[@ahmedabdelhadi6993]

انت راجل محترم استمر انا بعشق حلقاتك

[@minamaged3995]

دائم متألق ....تحياتي

[@خالدعرابي-ن2و]

الله يسعد قلبك
ويوفقك ❤⚘

[@mariosrizk]

حلقة ممتازة ومفيدة جدا شكرا يا استاذ احمد

[@momoboda1108]

الله ينور عليك انت احسن واحد بيشرح الصراحه انا بستناك علشان تنزل حلقه ❤️عايزين نعمل حلقه علي رافت الهجان ❤️🙏

[@nahedahmed1699]

زي العاده حلقه مميزه ورائعه ربنا يوفقك 🌹🌹

[@dr.heshamfarouk5162]

اقتحام الخصوصية وأسرار الناس جريمة أخلاقية لا حدود لها..تجسس وانحطاط بلا حدود...

[@Ahmed_Said]

👌بالتأكيد..تشرفت بمتابعة حضرتك 🌷❤️

[@karimduddz3697]

بحبك والله انت ممتع ورائع

[@rafaatyamani4514]

كلام جميل ربنا يستر

[@Ahmed_Said]

يارب 🤲..تشرفت بمتابعتك 🌷❤️

[@ahmedbanda2010]

الصراحة بنستفيد جدا والله. ❤️❤️

[@Ahmed_Said]

الحمدلله يارب افضل عند حسن ظنكم 🌷❤️

[@Motadawil]

الفكرة مش انه مش ممكن صناعة موبايلات غير قابلة للاختراق. ده سهل اوي تكنولوجيا. لكن لا توجد دولة ستقبل ان تباع فيها موبايلات غير قابلة للاختراق من طرف الاجهزة الامنية

[@khaledhendy1559]

بجب جدا الشعارات تبع فديهاتك

[@Brazilian99954]

Amazing Said well done man! 🌺

[@alaaalqadi5809]

حلقة ثريه للعقول.. احسنت

[@TO_000]

ما شاء الله عنك مبدع

[@Ahmed_Said]

تشرفت بمتابعتك ودعمك

[@aszxdfzx6352]

اكيد حلقه رائعه كالعاده ❤❤❤

[@MOHAMEDABDELHAMID-py1wb]

المواطن سعيد مثال للمصري المثقف

[@dr-khedrmahmoud2181]

حلقة رائعة جدا....وجهد مشكور للجميع
تحياتى للجميع

[@egyptianmapper437]

يا ابو حميد الهاكرز دلوقتي باو اخطر من النووي و بيخلي دول تطيح با هيبة دول وبنيات تحتية من غير ما تضرب طلقة واحدة

[@samaansamy2215]

مع اني أنا ف ثانوي بس بحب أحضر فيديوهاتك 😂🖤🤍

[@falsafishtayn]

وبالتوفيق النستمر ومن نحاح لنجاح اكبر بإذن الله

[@Qorshy515]

الصراحه من أجمل القنوات الي بتابعها 🌹🌹♥️♥️♥️كل الدعم

[@ammanellah]

طيب حضرتك لو نفس الموبايل بيفتح بوشي وبوش بنت(I'd faca)ده يعتبر ثغرة في نظام الحماية؟

[@عبدالمجيدالسسماوي]

احبك والله

[@alialthawadi4571]

حلقة رائعه 👏👏👏👏

[@khalidklod2469]

مشكلة لما يكون شخص غير تقني يتكلم عن الاختراق و بيجاسوس ههههههههههه
وكانك تتكلم عن حمرة الشفايف و المكياج

[@moshirakhalifa183]

هايل ... ماشاءالله 🙏

[@مريمابوالفضل-ط2ت]

بالتوفيق 🌹❤

[@Ahmed_Said]

تشرفت بمتابعتك

[@HakimHakim-ur7oy]

لما بشوف اي حلقه لحضرتك وكأني ركبت آلة الزمن وانتقلت للمكان والزمان اللي بتدور فيه الأحداث الموجودة في الحلقة . بالتوفيق ديما.. تحياتي

[@muhammadaabdelhamed1550]

بستني الحلقه من الوقت للتاني والله ♥️ ربنا يزيدك من نجاح لنجاح ♥️

[@Ahmed_Said]

تسلم جدا لذوقك ودعمك تشرفت بمتابعتك ❤️🌷

[@محمدبغدادى-ق2ل]

بس الرئيس السيسى استخدم موبيل صغير فى سفرية لة فى فرنسا كان تليفون صغير كدة ماسكة فى ايدية لما كان قاعد جنب رئيس فرنسا

[@abdoghanem498]

ممكن cdm

[@seandeneuve-cinematicandme3806]

مانهاتن مش ولاية يا استاذ احمد دي محافظة في ولاية نيويورك.

[@mohammedramadan5869]

والله والله والله انت راجل محترم

[@احمدعاشور-ف3د]

عظمه 👌❤️ وبالتوفيق في اللي جاي

[@FM-ik7fc]

تصحيح
منهاتن مدينة في ولاية نيويورك وليس ولايه

[@saalisawi5631]

الدقيقه 9 :53. المستشارة الالمانية انجيلا ميركل

[@khaledoshy4686]

عايزين حلقة رأفت الهجان اللي وعدتنا بيها يا استاذ احمد

[@Ahmed_Said]

باذن الله تشرفت بمتابعتك 🌷❤️

[@egyptianindc8590]

محترم جدا

[@Ahmed_Said]

تسلم يا محترم تشرفت بمتابعتك 🌷❤️

[@Farid-ElMassry]

اللي بيستخدموا اي فون عشان المان دي ناس هبلة

[@islamshabana2168]

كويس ان الرئيس السيسي معهوش موبايل 😂🇪🇬

[@maronagy3203]

حلقة ممتازة وحقيقي والله بنستفاد ربنا يوفقك يا استاذ احمد

[@Ahmed_Said]

حبيبي تسلم جدا لذوقك ودعمك وتقديرك 🌷❤️

[@foadafoad1050]

@@Ahmed_Said انت اسمك احمد ولا سعيد !!؟

[@lobnaelsalawy4677]

@@Ahmed_Said ماشاء الله ربنا يكتر من أمثالك
وعندك طريقه خاصه بيك فالسرد جميله

[@mohamedgadallah2804]

يا ابني انت عمال تقول سيناريوهات مقنعة جداً وناس مهمة اوي اللي قالتها بلهجة استنكار
وفي الاخر انت مقولتش حاجة ليها اي قيمة، طب قول اي معلومة، طب قول الهدف من الحلقة دي ايه؟
بتقولي لو تليفون اغنى رجل في العالم مخترق اومال تليفوني انا ايه؟؟!!
تليفونك انت مش مخترق ده مفشوخ، كلمة مخترق دي بفلوس، لكن مفشوخ دي من ابو بلاش
عرفت الفرق ولا نشرح لمستوى عقلية اقل؟

[@ReemoIsHere]

وانت هيسرقو منك ايه يا حمادة 😂

[@MohamedAdel-pe4zd]

من احسن مقدمي المحتوي علي السوشيال
عايزين نشوف حلقات عن حرب الخليج
حلقة عن قوة الجيش العراقي في عصر صدام حسين حلقة عن حروب الجيل الرابع

[@nohaali1361]

شكرًا جدًا لحضرتك ولكل القائمين على الحلقة .. ممكن حلقة عن التعليم علي المستوى العالمي.

[@xmido111]

في ناس معاهم فلوس تحكم شعوب و في الحقيقة الناس دي هما الي بيتحكمو في العالم مش حكام البلاد الناس دي بتتحكم في اقتصاد دول او اقتصاد العالم هما دول حكام العالم

[@احمدالكيلاني-ظ4ض]

تحياتي من نجاح إلى نجاح 💚🖤

[@أحمدعليأحمدعامر]

مدن في حمايه امنيه وحمايه برنامج التجسس هذه ممنوع يركب برامج التجسس بالتلفونات

[@elhamelsisi230]

اهم حاجة ان السيسى لا يستخدم اى موبايل، وشكرا على الحلقة المفيدة جدا جدا جدا،

[@MuhammadAhmad-wi1wc]

يا ريت تلاقيك حاجه تانيه تت...

[@hood1297]

أحب الكلام الى الله تعالى أربع كلمات سبحان الله والحمدالله ولا اله الا الله والله أكبر ( وَالذَّاكِرِينَ الله كَثِيرًا وَالذَّاكِرَاتِ أَعَدَّ الله لهم مغفرة وأجرا عَظِيمًا)ولابعلم عظم الأجرا الا الله فغتنم حياتك قبل فنائك والحمدالله تملئ الميزان واثقلهم سبحان الله وبحمده سبحان الله العظيم

[@almeanawy]

موضوع الحلقة كلُه بيدور عن الاختراق عن طريق السوفت وير!
- مين قالك أن الإشارات اللاسلكية نفسها محمية من الالتقاط والتسجيل، والتحليل المتشفر منها بعد كدة على رواقه!

[@walidzyan775]

يا سعيد

[@Ahmed_Said]

اؤمرني❤️

[@نيللىرستم-ض5ح]

يامؤدب.هههههه

[@السلطان-ط3ذ]

احب اوصلك حاجه انت واخد الكلام من عبدالله الشريف

[@mahmoudsalimmahmoud2516]

كل التحية والتقدير لحضرتك

[@mohamad-bg9vm]

برنس اقسم بالله

[@Ahmed_Said]

تشرفت بمتابعتك ودعمك ❤️🌷

[@a_b_nalkeswah7438]

حاكينا عن سوريا واستخباراتها

[@falsafishtayn]

وبالمناسبه الاختراق مش صعب جدا للدرجه الي انتا متخيلها
بس المشكله انو عالم خفي بالنسبه للمخترق اما الهاكرات بيكونو قادرين للوصول لبعض بشكل سهل
والي بيمنع الوصول في الاغلبيه دول مؤسسات شركات جماعات واظنك فاهمني

[@mohamedmahereltemamy5340]

بص ياغالي ممكن تبقي مواطن ضعيف لدولة مش هتحميك وبيتم التجسس عليك وانته عارف ومش قادر ترد تقوم تخلي نفسك مصيدة للكل طعم يعني ... وتعمل لكل واحد طعم علشان يتجسس عليك الميزة ان في برامج تجسس هيه نفسها الصغرة الي اجهزة المخابرات تقدر تتجسس علي بعضها فتقوم تخلي موبيلك مسرح لجميع البرامج وكله يتجسس علي كله وكله يتربي فمثلا عاوزين يتجسسوا علي موبيل رئيس وزراء مصر تحطلهم رقم رئاسة الوزراء الي هوه منشور عادي للشكاوي فيلقطوه كطعم ولكن هوه اساسا مش موبيل رئيس الوزراء ....فهمت ياغالي

[@kgb1034]

10:01 حتى سيدي ولي العهد الامير محمد بن سلمان يستخدم جوال مشفر وفريد من نوعه بدون كاميرات وبدون GPS

[@سعيدسيد-ل4ت]

هو جيف مسكين قوي كده!!!! 😂😂😂

[@sultanmohamed5122]

3:57 شركة يهودية. إسرائيل هو يعقوب عليه السلام نبي الله. وجميع الانبياء مسلمين.

[@ahmadhumaid6587]

استاذي العزيز، الحلقة مفيدة لكن شكلها كانت في الثلاجة عندك، متأخره شوي يعني، انت فينك يا جدع؟

[@قناةللقاريء]

تحياتي لك..
❤قناة كرتون السياسية.ملخص للأحداث بشكل سهل وبسيط❤

[@البيوميدياب]

تليفون السيسى لايمكن اختراقه لسبب مبيشلوش ومبيدخلش معاه المكتب وأقولك الكبيره معندوش تليفون ليتم اختراقه ده معلم ورجل مخابرات حربيه

[@mohameddreda]

ينفع نبقي من بعد الفجر لحد دلوقتي نجيب الحلقات اللي فايته ونبوظ نومنا والدراسة داخله اهي بس مش مهم كله لاجل المواطن سعيد 😂♥️♥️

[@gadofcomedy2244]

ما شاء الله انت بقيت بطبل خارج الحدود 😂😂

[@Sheblovich]

ال zero day مش معناها ثغره يوم الصفر ولكن معناها ثغره تم اكتشافها اول مره

[@ebrahem_soliman]

دانا فسخت الفيس بوك علي مدار سنين كتير بس لو عملت كده هيدوني فلوس وكده ولا بعد واحد بيدوه والباقي بيعرفو منه الثغر ويطنشوه

[@محمدكباش-خ6ي]

انا مش عارف انت ازاى مش موجود فى أكبر قناة تلفزيونية انت اكتر حد فى الدنيا بفهم منه

[@historyman787]

هطلب من حضرتك تاني ممكن حلقة عن احداث الامن المركزي ❤️

[@شاكر000]

بيسموه الهكر الابيض ده متخصص في حماية البايانات انما الهكر الاسوده ده اللي بيسرق البايانات وبعدين الهكر الابيض مش بيتسمي هكر ده بيتسمي iT

[@1mviews79]

ممكن اسم ميوزك الباك جراوند ؟

[@mahmoudmostafamadyan9683]

بس فلاديمير بوتين كان بيستخدم أيفون 5S مشفر

[@KICHO293]

بوتين مش بيشيل موبيلات لانه بيساطه الهكر هجوم بس مفيش شى اسمه هكر دفاعى

[@KSA-fj8gr]

انا معايا نوكيا تفتكر يا استاذ انا مهدد 😂😂

[@Ahmed_Said]

❤️😅

[@sosohanod8386]

بالله عليك ما تغيب علينا أستاذ سعيد🌹❤🇾🇪

[@Ahmed_Said]

حلقاتنا كل اتنين واربعاء تشرفت بمتابعتك

[@geekbik]

يا فندم مافيش حاجه اسمها اختراق من اتصال
باقي الكلام بتاعك نصه صح من حيث zero day vulnerability وده بيتم عن طريق scan الاجهزه والversion بتاع التطبيق مثلا...
فاياريت تصحح المعلومات بتاعت الاختراق بالاتصال دي علشان بقي في شويه ناس بتفتي في الموضوع ده وبيطلعوا كمان للاسف في التليفزيون والناس الغلابه بتصدقهم فياريت علشان ناس كتير بتحترمك متقعش في الهجايص دي...
وشكرا يا فندم

[@osamaramadan6669]

هو ازاي الرئيس السيسي مش عنده تليفون وهو عنده فيسبوك وبيستخدمه؟

[@hraslan]

اكيد مش هو الي بيكتب بنفسه زي معظم الشخصيات العامة